بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تۇرعىن ءۇي جانە قالا – اۋىل قۇرىلىسى مينيسترلىگى: قالانى جاڭالاۋ بارىسىندا جاپپاي شاعىپ، جاپپاي قۇرۋدى قاتاڭ تىزگىندەۋ كەرەك

2021.08.12 16:09     كەلۋ قاينارى : حالىق تورابى

  شينحۋا اگەنتتىگى، 8 - ايدىڭ 11 - كۇنى، بەيجيڭ (ءتىلشى ۋاڭ يوۋليڭ). ءتىلشىنىڭ 8 - ايدىڭ 11 - كۇنى تۇرعىن ءۇي جانە قالا - اۋىل قۇرىلىسى مينيسترلىگىنەن ۇعىسۋىنشا، جەر - جەردىڭ قالانى جاڭالاۋ ارەكەتىن بەلسەندىلىكپەن، ورنىقتى اتقارۋىنا جەتەكشىلىك ەتىپ، ءۇي - جەر شارۋاشىلىعىن قالىپتان تىس جۇرگىزۋ، جاپپاي شاعۋ، قاۋىرت قۇرۋ، وڭاي پايدا تابۋعا اسىعۋ سياقتى ماسەلەلەردەن ساقتانۋ ءۇشىن، تۇرعىن ءۇي جانە قالا - اۋىل قۇرىلىسى مينيسترلىگى «قالانى جاڭالاۋ ارەكەتىن اتقارۋ بارىسىندا جاپپاي بۇزىپ، جاپپاي قۇرىلىس سالۋدان ساقتانۋ ماسەلەسى جونىندەگى ۇقتىرۋدى» اقىلداسىپ جازعان ءارى بىرنەشە كۇننىڭ الدىندا قوعامنان اشىق پىكىر العان.

  ۇقتىرۋدا مىنالار اتاپ كورسەتىلدى: قالانى جاڭالاۋ ارەكەتىن اتقارۋدا قالانىڭ دامۋ زاڭدىلىعىنا سايكەسىپ، حالىق بۇقاراسىنىڭ تىلەگىنە قۇرمەت ەتىپ، ىشكى ءمانى شوعىرلى، جاسىل، تومەن كومىرتەكتى دامۋدى جول ەتىپ، قالانى اشۋ، گۇلدەندىرۋ تاسىلىنە بۇرىلىس جاساپ، «ساقتاپ قالۋ، وزگەرتۋ، شاعۋدى» قاتار جۇرگىزۋدە، ساقتاپ قالىپ پايدالانۋدى، جوعارىلاتۋدى نەگىز ەتۋدە تاباندى بولىپ، جاپپاي بۇزىپ، قاۋىرت قۇرىلىس جۇرگىزۋدى قاتاڭ باسقارىپ، جوندەۋ، وزگەرتۋدى كۇشەيتىپ، يقۋاتتى جوعارىلاتۋعا ءمان بەرىپ، قالانىڭ ومىرشەڭدىك قۋاتىن ارتتىرۋ كەرەك.

  جۋىردا جەر - جەر قالانى جاڭالاۋ قيمىلىن بەلسەنە ىلگەرىلەتتى، الايدا ىلگەرىلەتۋ بارىسىندا ءۇي - جەر شارۋاشىلىعىن قالىپتان تىس جۇرگىزۋ، جاپپاي شاعۋ، قاۋىرت قۇرۋ، وڭاي پايدا تابۋعا اسىعۋ نىسايى جارىققا شىقتى، كەيبىر جەرلەر كونە قۇرىلىستاردى بەتالدى شاعىپ، تۇرعىنداردى قونىس اۋدارىپ، كونە اعاشتاردى كەسىپ، ءۇي باعاسىن ءتۇسىن وزگەرتىپ جوعارىلاتىپ، تۇرمىس وزىندىك قۇنىن جوعارىلاتىپ، قالانىڭ جاڭا ماسەلەلەرىن تۋدىردى.

  ۇقتىرۋعا نەگىزدەلگەندە، «تومەنگى شەكتى بەلگىلەۋدە تاباندى بولىپ، قالانى جاڭالاۋدا ءتۇسىن وزگەرتىپ تۇرلەندىرۋدەن ساقتانۋ» جاعىندا مىنالار تالاپ ەتىلگەن: كەڭ كولەمدى شاعۋدى قاتاڭ تەجەۋ كەرەك، پرينسيپتىك جاقتان كونە قالا رايونىن جاڭالاۋ بىرلىگى (رايونى) نەمەسە وبيەكتى ىشىندەگى شاعۋ قۇرىلىس كولەمى قازىرگى جالپى قۇرىلىس كولەمىنىڭ %20 ىنەن اسپاۋى كەرەك؛ كەڭ كولەمدە كوبەيتىپ سالۋ قاتاڭ تىزگىندەلەدى، پرينسيپتىك جاقتان جاڭالاۋ بىرلىگى (اۋماعى) نەمەسە نىسان ىشىندەگى شاعۋ - قۇرۋ سالىستىرماسى 2 دەن اسپاۋى كەرەك؛ كەڭ كولەمدە كوشىرۋ قاتاڭ تىزگىندەلەدى، جاڭالاۋ بىرلىگىندەگى (رايونى) نەمەسە نىسانداعى تۇرعىنداردىڭ سول جەردىڭ وزىندە، جاقىن ماڭدا ورنالاستىرىلۋ شاماسى %50 تەن تومەن بولماۋ كەرەك؛ تۇرعىن ءۇيدى مايعا بەرۋ بازارىنىڭ قامداۋ مەن قاجەتسىنۋىنىڭ ورنىقتى بولۋىنا كەپىلدىك ەتۋ كەرەك، جاڭا قالا تۇرعىندارى، تومەن كىرىستەگى قيىنشىلىعى بار بۇقارا قاتارلى ءتۇيىندى قاۋىمنىڭ مايعا بەرىلەتىن تۇرعىن ءۇي ماسەلەسىن ءبىر تۇتاس جوسپارلاپ شەشۋ كەرەك، تۇرعىن ءۇي ماي اقىسىنىڭ جىلدىق ارتۋ شاماسى %5 تەن اسپاۋى كەرەك.

  «ساقتاپ قالۋعا تيىستىلەرىن تۇگەل ساقتاپ قالۋدا تاباندى بولىپ، قالا ەستەمەسىن بار كۇشپەن ساقتاۋ» جاعىندا مىناۋ تالاپ ەتىلدى: قازىرگى بار قۇرىلىستاردى ساقتاپ قالۋ جانە ودان پايدالانۋ، كونە قالا جاعدايىنىڭ ولشەمىن ساقتاۋ، قالانىڭ ەرەكشەلىككە يە بەت - بەينەسىن جالعاستىرۋ كەرەك.

  «شاماعا قاراي ىستەۋدە تاباندى بولىپ، وزگەرتۋ، دارەجەسىن جوعارىلاتۋدى ورنىقتى ىلگەرىلەتۋ» جاعىندا مىنالار تالاپ ەتىلدى: ءبىر تۇتاس جوسپارلاۋدى كۇشەيتۋ كەرەك، جەرگىلىكتى ورىننىڭ ءىس جۇزىندىك جاعدايى مەن تۇرعىنداردىڭ تىلەگىنە نەمقۇرايدى قاراۋعا بولمايدى، قالانى كوزسىزدىكپەن جاڭالاماۋ كەرەك؛ باياندى جاڭالاۋ ۇلگىسىن قاراستىرۋ كەرەك، ءۇي - جەر شارۋاشىلىعىن قالىپتان تىس جۇرگىزۋگە بولمايدى، كولەمنىڭ كەڭەيۋىنەن تۋىنداعان قىسقا مەرزىمدىك ونىمدىلىك پەن ەكونوميكالىق مۇددەگە سىڭار جاقتىلىقپەن بوي ۇرماۋ كەرەك؛ فۋنكتسيالىق ولقىلىقتاردى تولىقتاۋدى تەزدەتۋ، ءىس جۇزىندىكتەن قول ۇزەتىن، حالىقتى كۇيزەلتەتىن ساياسي ناتيجە ينجەنەرياسى مەن وبراز ينجەنەرياسىن جۇرگىزبەۋ كەرەك؛ قالا حاۋىپسىزدىگىنىڭ توزىمدىلىگىن جوعارىلاتىپ، جەر استى مەن جەر ۇستىنە بىردەي ءمان بەرۋ، شەكتەن تىس كورىنىستىك سيپات الدىرۋعا، جارىقتاندىرۋعا ۇرىنباۋ، قالا حاۋىپسىزدىگى قاتەرىن ارتتىرماۋ كەرەك.

  پىكىر الۋ 2021 – جىلى 8 - ايدىڭ 20 - كۇنىنە دەيىن جالعاسادى. ۇقتىرۋدا مىنالار دارىپتەلدى: جەر - جەر امالياتتىق قورىتىندىنى ۇزدىكسىز كۇشەيتىپ، ءتۇزىم - مەحانيزم ساياساتىن ۇزدىكسىز كەمەلدەندىرىپ، سىناق تۇيىندەرىندە قالانىڭ جاڭالانۋىن ىلگەرىلەتۋ جونىندە ىزدەنىس جاساپ، قالا (اۋدان) قىزمەتىنە باقىلاۋ - جەتەكشىلىك ەتۋدى كۇشەيتىپ، سالىنىپ جاتقان جانە بەكىتىلىپ بولىپ، سالۋدى توسىپ وتىرعان قالالاردى جاڭالاۋ نىساندارىن قايتالاي باعالاۋدى قۋزاپ، قالانى جاڭالاۋ سىناق ءتۇيىنى قىزمەت جوباسىن قايتادان كەمەلدەندىرىپ، قۇلاتىپ قايتا سالۋعا، جاپپاي شاعىپ، جاپپاي قۇرۋعا ساياتىندارىن تۇبەگەيلى رەتتەۋ - تۇزەتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار