شينجياڭ ساياحاتىنىڭ ”ىشكى ءمانى“ بايىپ، ساياحاتشىلاردى باۋرادى
انار بۇلت / شينجياڭ گازەتىنىڭ ءتىلشىسى رىن جياڭ
2021.08.12 16:21 كەلۋ قاينارى : شينجياڭ گازەتى
بيىل الدىڭعى جارتى جىلدا، شينجياڭنىڭ ساياحات كاسىبى تەز قارقىنمەن قالپىنا كەلىپ، ويلاعانداي ”ينتەرنەتتە تانىمال، ءسوزسىز، باراتىن جەرگە“ اينالدى، تاۋ گۇلدەرىن كورۋ، جەكە اۆتوكولىكپەن ساياحاتتاۋ، جۇلدىزدى اسپاندى تاماشالاۋ... ساياحاتشىلارعا سارقىلماس قۋانىشتار سيلاپ جاتتى.
مەملەكەتتىك كومپيۋتەر تورى جانە ينفورماتسيا حاۋىپسىزدىگىن باسقارۋ ورتالىعى شينجياڭ بولىمشە ورتالىعىنىڭ ساياحاتشى اعىنىن باقىلاۋ - تەكسەرۋ ساناعىنىڭ ساندى مالىمەتىندە كورسەتىلۋىنشە: الدىڭعى جارتى جىلدا، شينجياڭنىڭ مەملەكەتتىك 4A، 5A دارەجەلى ساياحات كورىنىس وڭىرلەرى جالپى قابىلداعان ەل ءىشى - سىرتى ساياحاتشى سانى 23 ميلليون 400 مىڭ 900 ادام - رەتكە جەتىپ، بىلتىرعى سايكەس مەزگىلدەگىدەن ％58.2 ارتىپ، 2019 - جىلعى سايكەس مەزگىلدەگىدەن ％31.0 ارتقان. ساياحات دۋماندى، ساياحاتشى كوپ بولىپ، ”شينجياڭ جاقسى جەر“ شىرقالعان سايىن شىعاندادى.
”كوڭىلدىلىك استارىنداعى مازاسىزدىق“
جىل باسىنداعى قار - مۇز ساياحاتىنان، تاۋ گۇلدەرى شەشەك اتقان كوكتەمگى ساياحاتقا، ودان ماساتىداي قۇلپىرعان تاماشا ساتتەگى جازعى ساياحاتقا دەيىن وسى جارتى جىلدا شينجياڭ شۋەليانحۋا حالىقارالىق ساياحات مەكەمەسى شەكتى سەرىكتەستىگىنىڭ ورىنباسار باس ديرەكتورى ۋىن لۇڭ مۇلدە تىنىم تاپقانى جوق. ساياحات مەكەمەسىنىڭ جۇمىستارىمەن ابىگەرلەنۋدەن سىرت، ول تاعى باسقا ولكە، قالاداعى دوستارىنان كەلگەن تەلەفوندى ۇنەمى قابىلداۋمەن قاربالاستاپ كەتتى. ”ءبارىنىڭ شينجياڭعا كەلىپ ساياحاتتاۋ ويى بار، مەنىڭ پىكىرىمدى بىلگىسى كەلەدى“. ۋىن لۇڭ: وسى ءبىر ”كوڭىلدىلىك استارىنداعى مازاسىزدىقتا“ شينجياڭ ساياحاتىنىڭ اتاعىنىڭ اسپانداپ تۇرعانى ارقاۋ بولعان، - دەدى.
4 - ايدىڭ ورتا شەنىندە اۆتونوميالى رايوندىق مادەنيەت جانە ساياحات مەڭگەرمەسى باس بولىپ وتكىزگەن 2021 - جىل ”ومىردە، ءسوزسىز، بارۋعا ءتيىستى شينجياڭداعى ەڭ كوركەم ساياحات نىسانالىق جەر“ ينتەرنەت تيجارات - ساتۋ جالپىلاستىرۋ قيمىلى باستالدى، ءبىر ايدان استام ۋاقىتتان سوڭ، تۇتاس ينتەرنەتتەگى تارالىم مولشەرى 300 ميلليون ادام - رەتكە جەتتى. ”نەتكەن كوركەم، شينجياڭعا، ءسوز جوق، بارامىن!“، ”مايتاۋ - كۇشار تاس جولىمەن جۇرگىم - اق كەلەدى“... توراپتاستار تۇس - تۇستان لەبىز قالدىردى.
الدىڭعى جارتى جىلدا اۆتونوميالى رايوندىق مادەنيەت - ساياحات مەڭگەرمەسى شىعارعان شينجياڭداعى تۇڭعىش ساياحات - مادەنيەت ميكرو الۋان ونەر ماركاسى «انمەن تەربەلە شينجياڭدى ساياحاتتاۋ» بويىنشا 21 سان بەينەجازباعا ءتۇسىرىلىپ قويىلىپ بولدى، ينتەرنەتتە تارالىم مولشەرى 100 ميلليوننان اسىپ كەتتى. ”شينجياڭ جاقسى جەر“ ۋيچات، ميكروبلوگ تۇعىرىندا 2000نان استام تۋىندى، دوۋيىن، كۋايشوۋ سياقتى قىسقا بەينەجازبا تۇعىرلارىندا 120دان استام تۋىندى جاريالانىپ، بۇكىل ينتەرنەتتە قويىلۋ مولشەرى 16 ميلليون 500 مىڭ رەتتەن اسقان.
شينجياڭ تاعى كوپتەگەن ينتەرنەت ەلەۋلى تۇلعالاردى، دارىنداردى باۋرادى. ”100 نەشە مەملەكەتتى ارالادىم، سوندا دا جۇڭگونىڭ شينجياڭىنىڭ كورىنىسى ەڭ كوركەم دەپ بىلەمىن، ءار جولى كەلگەن سايىن تىڭ اسەرگە بولەنەمىن“، - دەدى التاي ايماعىنىڭ ”شوپاننىڭ ايتارى“ ينتەرنەت نەگىزگى تاقىرىپتىق تاراتۋ قيمىلىنىڭ ساياحات دارىنى ”لۇڭشاۋ“ تەبىرەنە.
ورتالىق راديو - تەلەۆيزيا باس ستانسياسىنىڭ حابارىنا نەگىزدەلگەندە، الدىڭعى جارتى جىلدا جۇڭگو ساياحات نىسانالىق جەرلەرى قابىلداعان ساياحاتشى سانى (رەت) سايكەس مەزگىلدەگىدەن ەڭ تەز ارتقان الدىڭعى 30 قالانىڭ ىشىندە شينجياڭداعى قالالار الدىڭعى 30 قالانىڭ ۇشتەن ءبىرىن يەلەگەن. مۇندا ەڭ الدىندا تۇرعان شينجياڭ كوكدالا قالاسى سايكەس مەزگىلدەگىدەن 32 ەسە ارتقان، اقسۋ قالاسى، كۇنيۇي قالاسى دا قاتارعا ىلىنگەن.
”قاتتى كۇش“ تۇلعالادى
شىجىعان جاز كۇندەرى شينجياڭنىڭ جەر - جەرىندە ساياحات - مادەنيەت قۇرىلىس نىساندارى جەدەل ىسكە كىرىستى. قارامايلى قالاسى جينلۇڭحۋ كورىنىس ءوڭىرىن جاڭالاۋ، دارەجەسىن ءوسىرۋ سياقتى ساياحات نىساندارى، سونداي - اق كوپتەگەن كىتاپحانا، مادەنيەت ورتالىعى قۇرىلىسى نىساندارى، ەجەلگى جۇرتتى قورعاۋ، اشۋ قۇرىلىسى نىساندارى تەز قارقىنمەن ىلگەرىلەتىلدى.
بيىل الدىڭعى جارتى جىلدا شينجياڭ ساياحات كاسىبىنە قارجى قوسۋ جوعارى ورلەۋگە كوتەرىلدى. اۆتونوميالى رايوندىق قازىنا جالپى 7 ميلليارد 815 ميلليون يۋان قارجى قوسىپ، ساياحاتقا قاتىستى كاسىپ سالالارىنىڭ دامۋىن قولدادى؛ اۆتونوميالى رايوندىق قاتىناس - تاسىمال مەڭگەرمەسى 6 ميلليارد 715 ميلليون يۋان قارجى قوسىپ، تۇتاس رايونداعى 14 ساياحات قاتىناس نىسان قۇرىلىسىن قولدادى.
نىسان قۇرىلىسى جاعىندا شينجياڭ ءتۇيىندى نىسان قۇرىلىسىن تۇتقا ەتىپ، ساياحاتقا ساياتىن نىساندارعا قارجى قوسۋدى ارتتىردى، تۇتاس جىلدا جالعاستىرىلىپ سالىناتىن، تىڭنان سالىناتىن نىساندار 130 بولىپ، جالپى قوسىلعان قارجى مولشەرمەن 9 ميلليارد 712 ميليون يۋان بولدى؛ ساۋداگەر شاقىرىپ، قارجى ەنگىزۋ جاعىندا، 2021 - جىلعى بۇكىل شينجياڭداعى كەلەلى ساياحات - مادەنيەت كاسىپ سالاسى بويىنشا ساۋداگەر شاقىرۋ نىسانىنان جالپى 300ىن سالالادى، جالپى قوسىلعان قارجى مولشەرى 104 ميلليارد 208 ميلليون يۋانعا جەتىپ، ”شينجياڭعا قارجى قوسۋ“ ينتەرنەتتە ساۋداگەر شاقىرۋ تۇعىرىمەن بىرلەسىپ ءتۇيىندى نىساندار ىركەس - تىركەس جاريالاندى.
نەگىزدىك قۇرىلىستىڭ دەم بەرۋىندە الدىڭعى جارتى جىلدا شينجياڭنىڭ ساياحات ماركا قۇرىلىسىندا جارقىن تۇيىندەر كوپتەپ جارىققا شىقتى. سايرام كولى كورىنىس ءوڭىرى، تاكلاماكان ● 359 - لۇي مادەنيەت - ساياحات رايونى مەملەكەتتىڭ 5A دارەجەلى ساياحات كورىنىس ءوڭىرىن قۇرىپ شىعۋدى ءساتتى ورىندادى، كوكيار ەسكەرتكىش سارايى قاتارلى 4 قىزىل كورىنىس ءوڭىرى مەملەكەتتىك 4A دارەجەلى ساياحات كورىنىس ءوڭىرى بولىپ قۇرىلدى؛ ءبىر توپ قىزىل ساياحات كورىنىس ءوڭىرى مەن جەلىلەر قارا ءۇزىپ العا شىقتى، شۋىرما قۇرباندار قابىرستاندىعى سياقتى 12 كورىنىس ءوڭىرى اۆتونوميالى رايوندىق قىزىل ساياحات كلاسسيكالىق كورىنىس وڭىرىنە اينالدى، 8 قىزىل ساياحات جەلىسى مادەنيەت جانە ساياحات مينيسترلىگىنە ”پارتيا قۇرىلعاندىعىنىڭ 100 جىلدىعى 100 سارا قىزىل ساياحات جەلىسى“ بولۋعا ءوتىنىش ەتىلدى؛ ءوز اۆتوكولىگىمەن ساياحاتتاۋ سارا جەلىسى جاعىندا، التاي - قوم تاس جولى سالىنىپ اۆتوكولىك قاتىنادى، تاشقورعان - ياركەن بايىرعى جولى، چى - شى بايىرعى جولى، S101 تيانشان جاعراپيالىق ناقىشتى ءدالىز قۇرىلىسى ءتارتىپتى ىلگەرىلەتىلۋدە... اناعۇرلىم كوپ سارا ساياحات جەلىلەرى، ونىمدەرى بارعان سايىن كوپتەگەن ساياحاتشىنى باۋراۋدا.
جاڭا بەتالىس جارىققا شىقتى
جازدىڭ تۇنىندەگى شينجياڭ الۋان تۇسكە بولەنگەن، كەشكى بازار تۇرمىس تىنىسىنا ەڭ باي جەر. شيحۋ كەشكى بازارىندا شيحۋ سىراسى ءار ۇستەلگە قويىلاتىن ىشىمدىك؛ حوتان كەشكى بازارىندا قاقتالعان كەپتەر، قاقتالعان قاز جۇمىرتقاسى جەرگىلىكتى ەرەكشە تاعامدار... مەيلى وڭتۇستىك شينجياڭىنىڭ، الدە سولتۇستىك شينجياڭنىڭ كەشكى بازارىندا بولسىن، جەر - جەردەگى تاعامجايلاردان حوش ءيىس بۇرقىراپ تۇرادى، ەرەكشە ءدامدى تاعامداردى كورىپ ۇلگىرۋ مۇڭ، ۇشتەن، بەستەن توپتاسقان جاقسى دوستار توست كوتەرىسىپ قۇماردان شىعا ءىشىپ، داستارقانداعى ءدامدى تاعامداردان ءلاززاتتانادى.
شينجياڭنىڭ جەر - جەرىندە قارىشتاي دامىپ كەلە جاتقان تۇنگى ەكونوميكا شينجياڭ ساياحاتىنا قۋاتتى ومىرشەڭدىك قوسۋدا. بۇكىل شينجياڭنىڭ جەر - جەرىندەگى كەشكى تۇتىنۋ جۇرىلەتىن كوشە اۋماقتارىندا ەرەكشە تاعامداردى كوشەدە ساتۋ، ساياحات ساۋدا ونىمدەرى سالتاناتى، ەرەكشە ءان - ءبي كونسەرتى، شىراق سالتاناتى، تۇنگى جۇلدىزدى اسپاندى سۋرەتكە ءتۇسىرۋ سياقتى قيمىلدار ءجۇرىلىپ جاتادى. جەر - جەر ءتۇيىندى كورىنىس ءوڭىرى، نەگىزگى تاقىرىپتىق باقشا، ەرەكشە كوشە اۋماعى، مادەنيەت - دەنە تاربيە الاڭى سياقتىلاردى تياناق ەتە، جانەدە تۇنگى ساياحات نەگىزگى تاقىرىپتىق قيمىلدارىن ورىستەتىپ، ساياحات بازارىنىڭ دۋمانىن اسىردى، ساياحاتتىق تۇتىنۋ بارعان سايىن ارتا ءتۇستى.
الدىڭعى جارتى جىلدا شينجياڭ تۇتىنۋ اياسىن ۇزدىكسىز كەڭەيتىپ، ساياحاتتىق تۇتىنۋدىڭ، جاڭا كاسىپ كۇيىنىڭ، جاڭا ونىمدەردىڭ ۇزدىكسىز جارىققا شىعۋىن جەبەدى. ءوز اۆتوكولىگىمەن ساياحاتتاۋ قازىرگى ەڭ ماڭىزدى ساياحاتتاۋ ءتاسىلىنىڭ بىرىنە اينالدى. مايتاۋ - كۇشار تاس جولىنا بولعان قىزعىندىلىق ەش باسەيمەدى، قۇلجا - موڭعۇلكۇرە تاس جولى، G219 جەلىسى، S101، سونداي - اق كولىك قاتىناعالى ۇزاق بولماعان G7 بەيجيڭ - شينجياڭ جەلىسى تۇگەلدەي ءوز اۆتوكولىگىمەن ساياحاتتاۋدىڭ جاڭا جەلىسىنە اينالدى، ال ءوز اۆتوكولىگىمەن ساياحاتتاۋمەن سايكەس جيھانگەزدىك، دالادا تۇنەۋ، تۇزدە اس پىسىرۋ سياقتى كاسىپ كۇيلەرى ءوز اۆتوكولىگىمەن ساياحاتتايتىنداردىڭ قاجەتىن قاناعاتتاندىرىپ قالماستان، ونان دا ماڭىزدىسى، شينجياڭدى ءوز اۆتوكولىگىمەن ساياحاتتاۋدىڭ بيىك بەلەسىنە كوتەرىپ، سول ارقىلى ساياحاتتىق تۇتىنۋدى پارمەندى جەبەدى.
قار - مۇز ساياحاتى، اۋىل - قىستاق ساياحاتى، قىزىل ساياحات قاتارلىلار ساياحاتتىق تۇتىنۋدىڭ ارتۋىن جەبەدى. ”شينجياڭنىڭ ساياحات بازارىندا قۋانارلىق قۇرىلىمدىق رەتتەۋ جارىققا شىعىپ، قاراپايىمدانۋ، جوعارى دەڭگەيلەنۋ، تاپسىرىستانۋ، بازاردى سالالاۋ سىندى ەرەكشەلىكتەردى بەينەلەدى، بۇل شينجياڭ ساياحات كاسىبى قامداۋ جاعىنداعى قۇرىلىمدىق رەفورماسىنىڭ جەمىسى، سونداي - اق شينجياڭ ساياحاتىنىڭ جوعارى ساپامەن دامىعاندىعىنىڭ بەينەسى“، - دەپ قارادى اۆتونوميالى رايوندىق مادەنيەت جانە ساياحات مەڭگەرمەسىنىڭ 1 - دارەجەلى تەكسەرىپ - زەرتتەۋشىسى، بايلىق اشۋ باسقارماسىنىڭ باستىعى جاڭ چۇنميڭ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
