توراڭعى سياقتى شەكارا وڭىرگە تامىر تارتىپ، شەكارا وڭىرگە ۇلەس قوسايىق
گازەتىمىزدىڭ شولۋشىسى
2021.08.12 16:22 كەلۋ قاينارى : شينجياڭ گازەتى
ۇلان - قايىر شينجياڭنىڭ بايتاق دالاسىندا ۇرپاقتان - ۇرپاققا جالعاسقان ءبىر ءتۇرلى رۋح بار، ول ءار ۇلت كادر - بۇقاراسىن جاپالى ورتادا تابيعاتتى باعىندىرۋعا، اتا مەكەندى كوركەيتۋگە قاي - قاشان دا ىنتالاندىرۋدا، بۇل ”قاجىرلىلىقپەن كۇرەس جۇرگىزۋ، ءوزىن تىنباي الۋەتتەندىرۋ، شەكارا وڭىرگە تامىر تارتۋ، ۇلەس قوسۋعا پەيىل بولۋ“ سىندى توراڭعى رۋحى.
3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ بىلاي دەپ باسا دارىپتەدى: ”ۇلت رۋحى مەن ءداۋىر رۋحىن اسقاقتاتىپ، توراڭعى رۋحى مەن بيڭتۋان رۋحىن امالياتتا ايگىلەپ، ءار دارەجەلى كادرلاردى جاڭا داۋىردە شەكارا وڭىرگە تامىر تارتۋعا، شەكارا وڭىرگە ۇلەس قوسۋعا ىنتالاندىرۋ كەرەك“.
توراڭعى شينجياڭداعى ەرەكشەلىگى ەڭ ايقىن اعاش ءتۇرى، ول ءوسىپ - ونەتىن جەردە تۇنىق سۋ، جاسىل تاۋ جوق، تەك قۇلا ءتۇز، قۇمدى ءشول عانا بار. ايتسە دە ويران سالارلىق قۇمدى بوران ونى ويسىراتا المايدى، قۇنارسىز توپىراق ونى يمەندىرە المايدى، قۋراپ قالعان كۇندە دە، توراڭعىنىڭ بۇتاعى مەن ءدىڭى اۋەلگىدەي مىقتىلىعىن ساقتاپ، ”ونسە مىڭ جىل ولمەيتىن، ولسە مىڭ جىل قۇلامايتىن، قۇلاسا مىڭ جىل شىرىمەيتىن“ ”قاھارمان اعاشقا“ اينالدى.
جاڭا جۇڭگو قۇرىلعاننان بەرى كوكىرەگىنە مۇرات - سەنىمدى بەرىك ورناتقان تالايلاعان ۇرپاق كوممۋنيستەر جاپا - ماشاقاتتان، ازاپ - اۋىرتپالىقتان قورىقپاي، ۇلەس قوسۋعا، قۇرباندىق بەرۋگە پەيىل بولىپ، تيانشان الابىندا اۋەلگى ماقساتىن، بورىشىن ادالدىقپەن امالياتتا ايگىلەپ، قىمباتتى ”توراڭعى رۋحىن“ كورسەتە ءبىلدى. جاپالى ورتادا شىڭدالعان، سومدالعان توراڭعى رۋحىندا ءارى جۇڭگو كوممۋنيستەرىنىڭ توڭكەرىستىك رۋحىنىڭ جالپىلىق سيپاتى قامتىلعان ءارى شينجياڭ ەرەكشەلىگى مەن دارالىعى ايگىلەنگەن، ونان دا ماڭىزدىسى، پارتيانىڭ بەرىك سەنىمى، ءتۇبىرلى باس ماقساتى، تاماشا ستيلى شوعىرلى بەينەلەنگەن، ول شەكارا وڭىرگە تامىر تارتۋ، شەكارا وڭىرگە ۇلەس قوسۋ وسكەلەڭ قاسيەتىن ۇيىستىرعان.
بۇرىنعىلاردا رۋح دەنەدەن اجىرامايدى، بەينە شام جانسا جارىق شىعاتىنداي، دەگەن ءسوز بار. شىعىس وڭتۇستىك تەڭىز بويىنداعى دامىعان وڭىرلەرمەن سالىستىرعاندا، شينجياڭنىڭ ەكونوميكاسى سالىستىرمالى مەشەۋ، شارت - جاعدايى اناعۇرلىم جاپالى، تيانشان الابىندا ءىس تىندىرىپ، شارۋاشىلىق قۇرۋ قايسار جىگەردى، كوپشىل قاسيەتتى، شەكارا وڭىرگە تامىر تارتۋ، شەكارا وڭىرگە ۇلەس قوسۋدىڭ ءىس جۇزىندىك ارەكەتى ارقىلى ءومىر قۇنىن جاراتىپ، ءداۋىردىڭ تارتىمدى تاراۋىن جازۋدى اناعۇرلىم قاجەت ەتەدى.
جاڭا جۇڭگو قۇرىلعان 70 نەشە جىلدان بەرى شينجياڭداعى ءار ۇلت حالقىنىڭ شوعىرلى ەستەلىگىنە تالاي - تالاي جارقىن ەسىمدەر ناقىشتالدى: حوتانعا 58 سۋ قويماسىن سالىپ بەرگەن سۋ يگىلىگى مامانى ۋاڭ ۋي، ءومىر بويى ”قاۋىن - قاربىز ىستەرىمەن“ تىنباي اينالىسقان قاربىز، قاۋىن جەتىلدىرۋ مامانى ۋ ميڭجۋ، ”ءولى تەڭىزگە“ تامىر تارتىپ، ادامداردىڭ تىرشىلىك ءورىسىن كەڭەيتۋ، قۇمايتتانۋدى ازايتۋ جۇلگەسىن اشقان قۇمدى تىزگىندەۋ مامانى ليۋ ميڭتيڭ... ولار جاستىق داۋرەندەرىن، اۋەلى، قىمباتتى ومىرلەرىن وتاننىڭ باتىس بولىگىندەگى وسىناۋ توپىراققا ارنادى، ولار توراڭعى رۋحىنىڭ امالياتتا ايگىلەۋشىلەرى جانە جارشىلارى بولىپ تابىلادى.
توراڭعى رۋحى تالاي - تالاي وزات تيپتەردى، قاھارمان ۇلگىلەردى جەتىلدىردى ءارى تالاي - تالاي بورىشتى ورىنداۋ، جان قيارلىقپەن ۇلەس قوسۋداي داڭقتى شوعىردى سومدادى. قۇبا ءتۇز، ءشول دالادا بوي كوتەرگەن تارىم داشۋەسى قۇرىلعان العاشقى تۇستا وقىتۋشىلار مەن وقۋشىلار جەر ۇيدە تۇراتىن، قارا دوسكانى اعاش بۇتاعىنا ءىلىپ قوياتىن، كونسپەكتى تىزەلەرىنە قويىپ جازاتىن. ايتسەدە 60 نەشە جىلعى اۋەلگى ماقساتى وزگەرمەدى، توراڭعى رۋحى تارىم داشۋەسىندەگى ادامداردى شۇعىلالى رۋحاني بايلىقتى ۇزدىكسىز جاراتۋعا ىنتالاندىرۋدا. مۇنان سىرت، چەرچەنگە تامىر تارتقان باۋديڭ شۋەيۋانىنىڭ وقۋ - اعارتۋعا كومەكتەسۋشى ۇجىمىنان تيانشان الابىنداعى نەگىزگى ساتىنىڭ ءبىرىنشى شەبىنە بارعان جۇڭگو مۇناي داشۋەسىنىڭ (بەيجيڭ) قارامايلى مەكتەپ رايونىنان وقۋ تاۋىسقان وقۋشىلارعا دەيىن؛ باتىس بولىككە كەلگەن توپ - توپ ەرىكتىلەردەن تالاي - تالاي شينجياڭدا قالىپ قالعان جاۋىنگەرلەرگە دەيىن... تالايلاعان ادامداردىڭ اناعۇرلىم جاقسى قىزمەتكە، اناعۇرلىم ابزال تۇرمىس ورتاسىنا يە بولۋىنا بولار ەدى، ايتسەدە مۇرات - سەنىمنىڭ ۇندەۋىندە ولار شەكارا وڭىرگە تامىر تارتۋدى، شەكارا وڭىرگە ۇلەس قوسۋدى تاڭدادى. ولاردىڭ اسەرلى ىزگى ىستەرى بىزگە ۋاقىت - كەڭىستىكتەن القىعان، ۋاقىت وتكەن سايىن جاڭارا تۇسكەن توراڭعى رۋحىن شىنايى سەزىندىردى.
توراڭعى رۋحىن قامتىعان جۇڭگو كوممۋنيستەرىنىڭ رۋحاني شەجىرەسى شينجياڭنىڭ بايتاق دالاسىندا نۇر شاشىپ، تىنباي جالعاسقاندىقتان، بۇگىنگى شينجياڭدا جەر - الەمدى ءدۇر سىلكىندىرگەن دامۋ وزگەرىسى بولدى، ءتۇرلى ىستەر ادامدى سۇيىندىرەتىن تاريحي سيپاتتى تابىسقا قول جەتكىزدى.
اماليات مىنانى تولىق دالەلدەدى: توراڭعى رۋحى ءبىزدىڭ بارلىق ماشاقاتتى، قيىندىقتى، قاتەردى، كەدەرگىنى جەڭەتىن، جەڭىستەن - جەڭىسكە بەت الاتىن قۋاتتى كۇش قاينارىمىز. توراڭعى رۋحىنا كوممۋنيستەردىڭ اۋەلگى ماقساتى، بورىشى سىڭىرىلگەن، بۇرىن دا، قازىر دە، بولاشاقتا دا بۇكىل رايونداعى قالىڭ پارتيا مۇشەلەرىنىڭ، كادرلاردىڭ اۋەلگى ماقساتتى نارلەندىرۋ، رۋحتى شىڭداۋ ارقىلى سەنىم كۇشىن قابىلدايتىن، العا باسۋ بەتالىسىن تۇزەيتىن رۋحاني قاينارى بولا بەرەدى. ءبىز توراڭعى رۋحىن ماڭگى ەستە ساقتاپ، ۇرپاقتان - ۇرپاققا جالعاستىرىپ، اناعۇرلىم كوپ ادامداردى شەكارا وڭىرگە تامىر تارتۋعا، شەكارا وڭىرگە ۇلەس قوسۋعا ىنتالاندىرىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىندا اناعۇرلىم كوپ تە جاڭا شۇعىلالى ناتيجە جاراتايىق.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
