تابيعي جايىلىمنان زاڭسىز تۇردە 700 مۋدان استام تىڭ جەر اشىپ، ەگىس داقىلدارىن ەككەن
نيڭشيانىڭ ۋجۇڭ قالاسىنداعى 6 ايىپكەر اۋىل شارۋاشىلىعىنا پايدالاناتىن جەردى زاڭسىز يەلەپ الۋ قىلمىسى بويىنشا جازالاندى
2021.08.13 16:12 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ما رۇڭ، ەرىكتى ءتىلشىسى ۋاڭ شياۋپىڭ حابارلايدى. جۋىردا نيڭشيا حۇيزۋ اۆتونوميالى رايونى يىنچۋان تەمىر جول تاسىمالى سوتى ۋجۇڭ قالاسى ليتۇڭ رايونى قورشاعان ورتاعا قاتىستى دەلولاردى ارالامالى تەرگەۋ ورنى ءبىرىنشى رەتكى سوتتا گو AX قاتارلى 6 ادامنىڭ اۋىل شارۋاشىلىعىنا پايدالاناتىن جەردى زاڭسىز تۇردە يەلەپ الۋ دەلوسىنا سوت اشىپ، تەرگەۋ جۇرگىزدى. ايىپكەر گو AX قاتارلى 6 ادام جايىلىمنان زاڭسىز تۇردە تىڭ جەر يگەرىپ، وعان اۋىل شارۋاشىلىعى داقىلدارىن ەككەن، اۋىل شارۋاشىلىعىنا پايدالاناتىن جەردى زاڭسىز يەلەپ الۋ قىلمىسىن قالىپتاستىرعان، گو AX قاتارلى 5 ادام ءبىر جىل ون ايلىق مەرزىمدى قاماق جازاسىنا ۇكىم ەتىلىپ، ءۇش جىل كەشىكتىرىلىپ اتقارىلاتىن بولعان ءارى 5000 يۋان اقشالاي ايىپ سالىنعان؛ ايىپكەر ماۋ XX جەتى ايلىق مەرزىمدى قاماق جازاسىنا ۇكىم ەتىلىپ، ءبىر جىل كەشىكتىرىلىپ اتقارىلاتىن بولعان ءارى 2000 يۋان اقشالاي ايىپ سالىنعان.
سوت مەكەمەسى تەرگەۋ ارقىلى مىنانى انىقتادى: 2015 – جىلدان 2020 – جىلعا دەيىن، ايىپكەر گو AX، گو BX، ما XX، گو CX، لي XX بىرگە اقىلداسىپ، بەسەۋى بىرگە ۋجۇڭ قالاسى ليتۇڭ رايونى بياندانگوۋ قالاشىعى ۋليپو جايىلىمىن كوتەرەگە الىپ، ادام جالداپ، جەر قازۋ ماشيناسى، تيەۋ ماشيناسى قاتارلى ماشينا – اسپاپتاردان پايدالانىپ، تىڭ يگەرگەن ءارى تىڭ يگەرگەن جايىلىمنان تەكسەرۋ قۇدىعىن قازىپ، تامشىلاتىپ سۋارۋ تۇتىگى قاتارلى قۇرىلعىلاردى ورناتقان، بورمي، تارى، قاراقۇمىق قاتارلى اۋىل شارۋاشىلىعى داقىلدارىن ەككەن، ءۇشىنشى جاق ساراپتاۋشى قۇرىلىمداردىڭ ساراپتاۋىنا قاراعاندا، تىڭ اشقان جەر كولەمى 599.06 مۋ بولىپ، بۇل جەر تابيعي جايىلىمعا جاتادى ەكەن؛ تىڭ اشقان جايىلىمعا اۋىل شارۋاشىلىعى داقىلدارىن ەگۋ بۇرىنعى وسىمدىك جامىلعىسىن ءبۇلدىرىپ، توپىراقتىڭ قۇمايتتانۋىن اۋىرلاستىرىپ، جايىلىمنىڭ پايدالانۋ رولىندا وزگەرىس تۋدىرادى.
ايىپكەر ماۋ XX ايىپكەر گو AX قاتارلى بەس اداممەن كەڭەسكەن سوڭ، گو XX قاتارلى 5 ادام كوتەرەگە العان جايىلىمنان تىڭ يگەرگەن ءارى سۋ يگىلىگى قۇرىلعىلارىن سالىپ، سۋ ەلەكترى قۇرىلعىلارىن ورناتىپ، ءۇي سالعان ءارى باعىمشىلىق قۇرىلعىلارىن ورنالاستىرعان، جوڭىشقا قاتارلى اۋىل شارۋاشىلىعى داقىلدارىن ەككەن، ءۇشىنشى جاق ساراپتاۋشى قۇرىلىمنىڭ ساراپتاۋىنا قاراعاندا، تىڭ يگەرگەن جەردىڭ تابيعي جايىلىمنان يەلەگەن كولەمى 126.79 مۋ بولعان. ۇعىسۋعا قاراعاندا، دەلوعا قاتىستى جايىلىمدا بۇلدىرىلگەن وسىمدىك مەملەكەتتىك 2 – دارەجەلى قورعالاتىن وسىمدىك ەكەن، بۇل وسىمدىك قۇبا ءتۇزدى وڭىرلەردەگى باعالى ماڭگى جاسىل جاپىراقتى ەرەكشە ءشول وسىمدىگى بولىپ، جەلدەن ساقتانىپ، قۇمدى ورنىقتىرۋدا ماڭىزدى رول اتقارادى، 1.5 مەتر بيىك ءوسۋ ءۇشىن شامامەن ءجۇز جىل ۋاقىت قاجەت ەكەن.
سوت مەكەمەسى تەرگەۋدەن سوڭ بىلاي دەپ قاراعان، ايىپكەر گو AX قاتارلى 6 ادام جەكەلىك مۇددەسىن كوزدەپ، جەر باسقارۋ زاڭ – تۇزىمىنە قايشى كەلىپ، اۋىل شارۋاشىلىعىنا پايدالاناتىن جەردى زاڭسىز تۇردە بىرگە يەلەپ العان، يەلەپ العان جايىلىمنىڭ پايدالانۋ رولىن وزگەرتىپ، اۋىل شارۋاشىلىعىنا پايدالاناتىن جەردىڭ زور مولشەردە ءبۇلىنۋىن تۋدىرعان، اۋىل شارۋاشىلىعىنا پايدالاناتىن جەردى يەلەپ الۋ قىلمىسى بويىنشا ولاردىڭ قىلمىستىق ىستەر جاۋاپكەرشىلىگىن قۋزاستىرۋ كەرەك. 6 ايىپكەر وزدەرىن مالىمدەپ، قىلمىستارىن ىرىقتىلىقپەن مويىنداعان ءارى جايىلىمدى قالپىنا كەلتىرۋ قاراجاتى رەتىندە 152 مىڭ يۋان تاپسىرعان، قىلمىستارىن تانۋ، وكىنۋ پوزيتسياسى ءبىرشاما جاقسى. كەڭەس سوتى 6 ايىپكەردىڭ قىلمىس جاعدايىنا جانە قاتەلىكتەرىن تانۋ پوزيتسياسىنا قاراي وتىرىپ، زاڭ بويىنشا قىلمىستىق جازاسىن كەشەۋىلدەتىپ اتقارۋ تارماقتارىن ىسكە قوستى.
ۇكىم جاريالانعاننان كەيىن، 6 ايىپكەر سوت ۇستىندە جوعارىلاپ ارىزانبايتىنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
