بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كىسىلىك ۇقىق ىستەرىنىڭ جاڭا ءورىسىن اشتى

«حالىق گازەتىنىڭ» شولۋشىسى

2021.08.13 16:22     كەلۋ قاينارى : حالىق تورابى

  حالىقتىڭ باقىتتى تۇرمىسى − ەڭ ۇلكەن كىسىلىك ۇقىق. جۇڭگونىڭ دامۋ جەتىستىكتەرىن ءبىر تۇيىنگە، اتاپ ايتقاندا، ميلليارد جۇڭگو حالقىنىڭ تۇرمىسىنىڭ كۇن سايىن جاقسارۋىنا جيناقتاۋعا بولادى.

  مەملەكەتتىك كەڭەستىڭ اقپارات كەڭسەسى 8 - ايدىڭ 12 - كۇنى «جاپپاي دوڭگەلەك داۋلەتتى قوعام قۇرۋ: جۇڭگونىڭ كىسىلىك ۇقىق ىستەرى دامۋىنىڭ شۇعىلالى داستانى» اتتى اق تىستى كىتاپتى جاريالاپ، ەگجەي – تەگجەيلى ساندى مالىمەت جانە قىرۋار فاكت ارقىلى جاپپاي دوڭگەلەك داۋلەتتى قوعام قۇرۋدىڭ كىسىلىك ۇقىق ىستەرىنىڭ جاڭا ءورىسىن اشقانىن ىشكەرىلەي پايىمداپ، جاپپاي دوڭگەلەك داۋلەتتى قوعام قۇرۋدىڭ ۇلى ۇردىسىندە جاراتىلعان كىسىلىك ۇقىققا قۇرمەت ەتۋدىڭ جانە ونى قامتاماسىزداندىرۋدىڭ تابىستى ادىستەرى مەن تاجىريبەلەرىن جۇيەلى قورىتىندىلاپ، جۇڭگو كوممۋنيستىك پارتياسىنىڭ كىسىلىك ۇقىقتى اناعۇرلىم جوعارى دەڭگەيدە قامتاماسىز ەتۋ، ادامنىڭ جان – جاقتى دامۋىن جەبەۋ، كىسىلىك ۇقىق ىستەرىنىڭ دامۋىن، العا باسۋىن ىلگەرىلەتۋ سىندى بەرىك بەكىمى مەن بەرىك سەنىمىن تولىق ايگىلەدى.

  «جاپا شەككەن حالىقتىڭ دوڭگەلەك داۋلەتكە جەتەتىن كەزى دە كەلدى». جاپپاي دوڭگەلەك داۋلەتتى قوعام قۇرۋ − جۇڭگو كوممۋنيستىك پارتياسى مەن جۇڭگو ۇكىمەتىنىڭ حالىقتى باقىتقا كەنەلتۋ، جالپى حالىقتىڭ كىسىلىك ۇقىعىن قامتاماسىز ەتۋ دەڭگەيىن جوعارىلاتۋ، مەملەكەتتىڭ وسىزاماندانۋىن جۇزەگە اسىرۋ ءۇشىن اتقارعان كەلەلى مەملەكەتتىك دامۋ ستراتەگياسى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ پارتيا مەن حالىق اتىنان: «بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن ىسكە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي تاسقىنداعان جىگەرمەن قادام تاستاپ كەلەمىز» دەپ سالتاناتپەن جاريالادى. جاپپاي دوڭگەلەك داۋلەتتى قوعام قۇرۋ نىساناسىنىڭ جۇزەگە اسۋىنا ىلەسە جۇڭگو حالقىنىڭ يگىلىكتەنەتىن ۇقىعى اناعۇرلىم كەڭ، اناعۇرلىم تولىق بولدى. پارتيانىڭ 18 – قۇرىلتايىنان بەرى ەلىمىزدە قازىرگى ولشەم بويىنشا اۋىل - قىستاقتاعى 98 ميلليون 990 مىڭ كەدەي حالىق سانى تۇگەلدەي كەدەيلىكتەن ارىلدى؛ ورتاشا مەجەلى عۇمىر 1981 - جىلعى 67.8 جاستان 2019 - جىلى 77.3 جاسقا جەتتى؛ ادام باسىنا تۋرا كەلەتىن ىشكى ءوندىرىستىڭ جالپى ءونىم قۇنى 1978 - جىلعى 385 يۋاننان 2020 - جىلى 72 مىڭ يۋانعا جەتتى؛ 2020 - جىلى توعىزجىلدىق مىندەتتى وقۋ - اعارتۋدىڭ بەكەمدەلۋ شاماسى %95.2 كە جەتىپ، نەگىزگى ەمدەلۋدى قامسىزداندىرۋعا قاتىناسقان جالپى ادام سانى ءبىر ميلليارد 360 ميلليوننان استى؛ 2021 - جىلى 6 - ايعا دەيىن قالا - قالاشىق جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋىنا قاتىناسقان ادام سانى 467 ميلليون 90 مىڭ، قالا، اۋىل تۇرعىندارىنىڭ نەگىزگى زەينەتكەرلىك قامسىزداندىرۋىنا قاتىناسقان ادام سانى 547 ميلليون 350 مىڭ بولدى... جاپپاي دوڭگەلەك داۋلەتتى قوعام قۇرۋ ۇلى ءىسى كىسىلىك ۇقىق نەگىزىن بەكەمدەدى، كىسىلىك ۇقىقتىڭ مازمۇنىن بايىتتى، كىسىلىك ۇقىق كوز اياسىن كەڭەيتتى، بۇل كىسىلىك ۇقىقتىڭ جاپپاي دامىعانىن جانە جالپى حالىقتىڭ ورتاق يگىلىكتەنگەنىن، جۇڭگو جۇڭگونىڭ كىسىلىك ۇقىق ىستەرىنىڭ تىڭ داستانىن جازىپ، ادامزاتتىڭ كىسىلىك ۇقىققا قۇرمەت ەتۋ جانە ونى قامتاماسىز ەتۋ كەرەمەتىن جاراتقانىن اڭعارتتى، بۇل − دۇنيە ءجۇزى كىسىلىك ۇقىق ىستەرىنىڭ دامۋ تاريحىنداعى ماڭىزدى بەلەس.

  كىسىلىك ۇقىق − شەبەرلىكپەن جونگە سالۋدىڭ نەگىزى. جاپپاي دوڭگەلەك داۋلەتتى قوعام قۇرۋدىڭ ۇلى امالياتى كىسىلىك ۇقىققا قۇرمەت ەتۋدىڭ جانە ونى قامتاماسىزداندىرۋدىڭ قۇندى تاجىريبەلەرىن توپتادى. مىنە، بۇل جۇڭگو كوممۋنيستىك پارتياسىنىڭ باسشىلىعىندا، جۇڭگوشا سوتسياليستىك تۇزىمدە، كىسىلىك ۇقىقتىڭ جالپىلىق سيپاتىن جۇڭگونىڭ مەملەكەت جاعدايىمەن ۇشتاستىرۋدا، حالىقتى وزەك ەتكەن كىسىلىك ۇقىق ۇستانىمىندا، ءومىر ءسۇرۋ ۇقىعى، دامۋ ۇقىعى − ماڭداي الدى نەگىزگى كىسىلىك ۇقىق دەگەندە، دامۋ ارقىلى كىسىلىك ۇقىقتى جەبەۋدە، حالىقتىڭ باقىتتى تۇرمىسى − ەڭ ۇلكەن كىسىلىك ۇقىق دەگەندە، كىسىلىك ۇقىقتى زاڭمەن جونگە سالۋ ارقىلى قامتاماسىز ەتۋدە، كىسىلىك ۇقىق ىستەرىنىڭ جاپپاي دامۋىن جەبەۋدە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە تاباندى بولۋ بولىپ تابىلادى. جۇڭگودا كىسىلىك ۇقىققا قۇرمەت ەتۋدى، كىسىلىك ۇقىقتى قامتاماسىزداندىرۋدى، كىسىلىك ۇقىقتى دامىتۋدى جۇزەگە اسىرۋدا دايىن ۇلگىلەر بولماسا، ونى كوشىرىپ قولدانۋعا بولادى، مۇندا، ءسوز جوق، ءوز ەلىمىزدىڭ ءىس جۇزىندىگىن شىعار ءتۇيىن ەتىپ، ءوز جولىمىزبەن ءجۇرۋىمىز كەرەك. جۇڭگو كوممۋنيستىك پارتياسى كىسىلىك ۇقىقتىڭ جالپىلىق پرينسيبىن ءوز ەلىمىزدىڭ ءىس جۇزىندىگىمەن ۇشتاستىرۋدا تاباندى بولىپ، مەملەكەت جاعدايىنا ۇيلەسەتىن كىسىلىك ۇقىقتى دامىتۋ جولىمەن ءساتتى ءجۇرىپ، كىسىلىك ۇقىق وركەنيەتىنىڭ الۋان تۇرلىلىگىن بايىتىپ جانە دامىتىپ، ادامزاتتىڭ ىرىس - قۇتىن ارتتىرۋعا جۇڭگونىڭ اقىل - پاراساتىن ارناپ، جۇڭگو جوباسىن ازىرلەدى.

  كىسىلىك ۇقىقتى قامتاماسىز ەتۋدە ەڭ جاقسى دەگەن ولشەم بولمايدى، اناعۇرلىم جاقسى بولۋ كەرەك دەگەن ولشەم عانا بار. جاپپاي دوڭگەلەك داۋلەتتى قوعام قۇرۋ جۇڭگونىڭ كىسىلىك ۇقىعى دامۋىنىڭ، العا باسۋىنىڭ جاڭا باستاماسىن جاراتتى. قازىر ەكىنشى 100 جىلدىق كۇرەس نىساناسىنا جورىق جاساۋ دابىلى قاعىلدى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جۇڭگو كوممۋنيستىك پارتياسى جاڭا دامۋ كەزەڭىن يگەرىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتىپ، جالپى حالىقتى اناعۇرلىم باقىتتى، الاڭسىز تۇرمىستان جانە اناعۇرلىم جوعارى دەڭگەيدەگى كىسىلىك ۇقىقتان يگىلىكتەنۋ جولىندا ۇزدىكسىز كۇرەس جۇرگىزۋگە باستايدى. جاڭا جۇڭگونىڭ قۇرىلعانىنا 100 جىل تولعان شاقتا جۇڭگو باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرادى. سول كەزگە جەتكەندە جۇڭگو حالقىنىڭ ءتۇرلى ۇقىقتارى، ءسوز جوق، اناعۇرلىم جوعارى دەڭگەيدە قامتاماسىز ەتىلەدى، جۇڭگو حالقى ار - نامىستان، ەركىندىكتەن جانە باقىتتان اناعۇرلىم يگىلىكتەنەدى. سول كەزگە جەتكەندە دۇنيە ءجۇزى جۇڭگونىڭ تۇرتكى بولۋىمەن اناعۇرلىم گۇلدەنىپ داميدى، جۇڭگو، ءسوز جوق، دۇنيە ءجۇزىنىڭ كىسىلىك ۇقىق ىستەرىنىڭ دامۋىن ىلگەرىلەتۋگە اناعۇرلىم زور ۇلەس قوسادى.

  ءداۋىر دامۋدا، كىسىلىك ۇقىق العا باسۋدا. جاڭا تاريحي باستامادا ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، حالىقتى وزەك ەتكەن دامۋ يدەياسىندا تاباندى بولىپ، جۇڭگوشا سوتسياليستىك كىسىلىك ۇقىقتى دامىتۋ جولىمەن جۇرۋدە تاباندى بولىپ، كىسىلىك ۇقىق ىستەرىنىڭ جاپپاي دامۋىن جەبەپ، حالىق بۇقاراسىنىڭ تابىس، باقىت، حاۋىپسىزدىك سەزىمىن ونان ارى كۇشەيتىپ، كىسىلىك ۇقىق ىستەرىنىڭ تىڭ ءورىسىن ۇزدىكسىز اشىپ، كىسىلىك ۇقىق ىستەرى دامۋىنىڭ تىڭ داستانىن جازايىق.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار