بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شۇعىل جاعدايعا توتەپ بەرۋدى باسقارۋ مينيسترلىگى مىنانى ەسكەرتتى: جوعارى تەمپەراتۋرادا شەكتى كەڭىستىكتە جۇمىس ىستەۋدە حاۋىپسىزدىك قاتەرىنەن قىراعى بولۋ كەرەك

2021.08.13 17:03     كەلۋ قاينارى : حالىق تورابى

  شينحۋا اگەنتتىگى، 8 - ايدىڭ 11 - كۇنى، بەيجيڭ. شۇعىل جاعدايعا توتەپ بەرۋدى باسقارۋ مينيسترلىگى 8 - ايدىڭ 11 - كۇنى مىنانى ەسكەرتتى: قازىر ءدال جوعارى تەمپەراتۋرالى مەزگىل، شەكتى كەڭىستىكتە جۇمىس ىستەۋ حاۋىپسىزدىك قاتەرى كورنەكتى ارتۋدا. جەر - جەر قاتىستى ونەركاسىپ - ساۋدا كاسىپورىندارىن ىشكەرىلەي تەكسەرۋ جۇرگىزىپ، تۇزدالعان، سۇرلەنگەن كوكونىس، ازىق - تۇلىك مانەرلەۋ، قاعاز جاساۋ، بىلعارى جاساۋ سياقتى ءتۇيىندى كاسىپورىندارعا جەتەكشىلىك ەتۋ، قىزمەت وتەۋ جانە زاڭ اتقارۋ ارەكەتىن ورىستەتۋگە ۇيىمداستىرۋ كەرەك.

  ساناققا قاراعاندا، 2016 - جىلى 1 - ايدىڭ 1 - كۇنىنەن بيىل 7 - ايدىڭ 15 - كۇنىنە دەيىن ونەركاسىپ - ساۋدا سالاسىندا شەكتى كەڭىستىكتە 66 رەت ءبىرشاما ۇلكەن شىرعالاڭ تۋىلىپ، 248 ادام قازا بولعان. بيىل جىل باسىنان بەرى ونەركاسىپ - ساۋدا سالاسىندا 6 رەت شەكتى كەڭىستىكتە ءبىرشاما ۇلكەن شىرعالاڭ تۋىلىپ، 26 ادام قازا بولعان. شۇعىل جاعدايعا توتەپ بەرۋدى باسقارۋ مينيسترلىگىنىڭ قاتىستى جاۋاپتىسى بىلاي دەدى: بۇل شىرعالاڭداردا كەيبىر كاسىپورىنداردىڭ شەكتى كەڭىستىكتە ۋلانىپ ءولۋ حاۋىپ - قاتەرى جونىندەگى تانىمى ايقىن بولماۋ، «الدىمەن اۋا الماستىرۋ، ونان سوڭ تەكسەرۋ، سودان كەيىن جۇمىس ىستەۋ» تالابى تياناقتانباۋ، حاۋىپسىزدىك كۋرسى تياناقتانباۋ، قورعانۋ جابدىقتارى تولىق بولماۋ سياقتى ماسەلەلەرى بايقالدى.

  شۇعىل جاعدايعا توتەپ بەرۋدى باسقارۋ مينيسترلىگىنىڭ قاتىستى جاۋاپتىسى بىلاي دەپ اتاپ كورسەتتى: ۇگىت - تاربيە ارقىلى جەتەكشىلىك ەتۋ جانە زاڭ بويىنشا جازالاۋ ارقىلى كاسىپورىن جاۋاپتىلارىنىڭ، حاۋىپسىزدىكتى باسقارۋشىلاردىڭ جانە جۇمىسشى - قىزمەتكەرلەردىڭ شەكتى كەڭىستىكتە جۇمىس ىستەۋدەگى حاۋىپسىزدىك حاۋىپ - قاتەرىن تولىق تانۋىنا جانە بىلۋىنە مۇمكىندىك جاساپ، كاسىپورىندارداعى جۇمىس ىستەۋشىلەردىڭ حاۋىپسىزدىك تانىمىن جوعارىلاتىپ، كاسىپورىنداردى قاتىستى قورعانۋ جابدىقتارىن تولىقتاپ، جۇمىستى تەكسەرىپ بەكىتۋ ءتۇزىمىن قاتاڭ تياناقتاندىرىپ، ناق مايداندا قامقورلىق جاساۋدى كۇشەيتۋ كەرەك.

  سول كۇنى قاتىستى جاقتاردى شىرعالاڭنان ساباق الۋعا قۋزاۋ ءۇشىن، شۇعىل جاعدايعا توتەپ بەرۋدى باسقارۋ مينيسترلىگى 2020 - جىلدان بەرى تۋىلعان ونەركاسىپ - ساۋدا سالاسىنداعى شەكتى كەڭىستىك ءوندىرىس حاۋىپسىزدىگى شىرعالاڭىنىڭ ءبىر توپ تيپتىك دەلولارىن جاريالادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار