گايتيدىڭ باتىس سولتۇستىگىندە جەر سىلكىنىسىنەن قازا بولعانداردىڭ سانى 724 ادامعا جەتتى

2021.08.16 15:13   كەلۋ قاينارى : حالىق تورابى

　　8 – ايدىڭ 15 – كۇنى گايتيدىڭ لايكاي قالاسىندا قۇتقارۋشى قىزمەتكەرلەر جەر سىلكىنىسىندە قيراعان ءۇيدىڭ ماڭىندا جۇمىس ىستەۋدە. شينحۋا اگەنتتىگىنىڭ ءتىلشىسى

　　شينحۋا اگەنتتىگىنىڭ ءتىلشىسى ۋاڭ جۇڭ – يدىڭ 8 – ايدىڭ 15 – كۇنى مەكسيكا قالاسىنان بەرگەن حابارى. پورتو – پرەنس قالاسىنان الىنعان حابار: گايتيدىڭ حالىقتىق قورعانىس ىستەرى تاراۋلارىنىڭ 8 – ايدىڭ 15 – كۇنى ايتۋىنشا، سول كۇنى تۇسكە دەيىن، گايتيدىڭ باتىس بولىگىندەگى وڭىرلەردە 8 – ايدىڭ 14 – كۇنى تۋىلعان 7.2 بال جەر سىلكىنىسىندە 724 ادام قازا بولعان.

　　گايتيدىڭ حالىقتىق قورعانىس تاراۋىنىڭ جاۋاپتىسى جەرري چاندىلەردىڭ 8 – ايدىڭ 15 – كۇنى تۇستە تىلشىلەردى قابىلداۋ ماجىلىسىندە ايتۋىنشا، جەر سىلكىنىسىندە كەمىندە 724 ادام قازا بولىپ، 2800 ادام جارالانعان. قازا بولعانداردىڭ كوبى اپات ەڭ اۋىر بولعان باتىس وڭتۇستىك بولىكتەگى وڭىردەگىلەر.

　　جەرگىلىكتى ورىنداعى حۋاچياۋلاردىڭ تانىستىرۋىنشا، قازىرگە دەيىن، حۋاچياۋلار مەن حۋارىنداردان جەر سىلكىنىسىندە جارالانعانى نەمەسە قازا بولعانى جونىندە مالىمەت بەرىلمەگەن.

　　ا ق ش گەولوگيالىق تەكسەرۋ مەكەمەسى جەر سىلكىنىسى ينفورماتسياسى تورابىنىڭ حابارلاۋىنشا، جەرگىلىكتى ۋاقىت بويىنشا 8 – ايدىڭ 14 – كۇنى ساعات 7 دەن 29 مينۋت وتكەندە، گايتيدىڭ باتىس بولىگىندەگى نيەپس ولكەسىندە 7.2 بال جەر سىلكىنگەن، سىلكىنىس ورتالىعى گايتيدىڭ استاناسى پورتو – پرەنستەن 150 كيلومەتر قاشىقتىقتا، سىلكىنىس قاينارى 10 كيلومەتر تەرەڭدىكتە. گايتيدىڭ زۇڭليى حەنري اپات تۋىلعان جەرگە جەتىپ، قۇتقارۋ – كومەكتەسۋ ىستەرىنە جەتەكشىلىك ەتكەن ءارى مەملەكەتتىڭ ءبىر ايلىق شۇعىل كۇيگە وتەتىنىن جاريالاعان.

　　كەلۋ قاينارى: حالىق تورابى