بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

يۇننان ۋىنشان مەملەكەت دارەجەلى تابيعي قورىعىنا ساپار: «مەملەكەتتىك قورىق» حايۋاناتتار مەن وسىمدىكتەردىڭ باۋ – باقشاسى

2021.08.16 16:13   كەلۋ قاينارى : حالىق تورابى



  حالىق تورابىنىڭ 8 – ايدىڭ 13 – كۇنى ۋىنشاننان بەرگەن حابارى (شۇي چيان). 8 – ايدىڭ 11 – كۇنى COP15 «الەمنىڭ جەر ۇيىعى . يۇننانداعى ورگانيزمدەردىڭ الۋان تۇرلىلىگى جالپىلىق مەديالاردىڭ تاقىرىپتىق تىلشىلىك ساپارى» ۇيىرمەسى يۇننان ولكەسى ۋىنشان مەملەكەت دارەجەلى تابيعي قورىق رايونىنا قادام تاستاپ، قورىق رايونىنداعى باعالى، تۇقىمى قۇرىپ جوعالۋعا تاياعان جانە سول جەردە عانا بار وسىمدىكتەر شوعىرىنىڭ سىرىنا ءۇڭىلدى.

  ۋىنشان مەملەكەت دارەجەلى تابيعي قورىق رايونى يۇننان ولكەسىنىڭ شىعىس وڭتۇستىك بولىگىندەگى ۋىنشان جۋاڭزۋ – مياۋزۋ اۆتونوميالى وبلىسىنىڭ ۋىنشان قالاسى مەن شيچوۋ اۋدانىندا، قورىق رايونى ۋىنشان قالاسى لاۋجۇنشان اۋماعى مەن شيچوۋ اۋدانى شياۋچياۋگوۋ اۋماعى سىندى ەكى بولىكتەن قۇرالادى.

  يۇننان داشۋەسى ەكولوگيا جانە ورتا شۋەيۋانىنىڭ 2 – دارەجەلى پروفەسسورى، دوكتورانتتار جەتەكشىسى لۋ شۋگاڭ بىلاي دەپ تانىستىردى: ۋىنشان مەملەكەت دارەجەلى تابيعي قورىق رايونى باستىسى شاتىرشا اعاشتى ۋاكىل ەتكەن ماگنوليا تۇقىمداسىنا جاتاتىن وسىمدىكتەر مەن بولى اعاشى، شاشاق بۇتاقتى قىلقاندى قاراعاي قاتارلى سيرەك كەزدەسەتىن، تۇقىمى قۇرۋعا اينالعان جانە سول جەردە عانا بار وسىمدىكتەر توبىن جانە ارا جەگىش مايمىل، ەرگەجەيلى ارا جەگىش مايمىل قاتارلى سيرەك كەزدەسەتىن، تۇقىمى قۇرۋعا اينالعان قورعالاتىن حايۋاناتتاردى قورعايدى، اتى – زاتىنا ساي مەملەكەتتىك ءتۇيىندى قورعالاتىن حايۋاناتتار مەن وسىمدىكتەردىڭ باۋ – باقشاسى.

  ۋىنشان مەملەكەت دارەجەلى تابيعي قورىق رايونىن باسقارۋ مەكەمەسى لاۋجۇنشان بولىمشە مەكەمەسىنىڭ باستىعى باي يۇڭفۋدىڭ تانىستىرۋىنشا، ۋىنشان مەملەكەت دارەجەلى تابيعي قورىق رايونى — ەلىمىزدىڭ باتىس وڭتۇستىك بولىگىندەگى سيرەك كەزدەسەتىن تۇرلەر گەنىنىڭ قامباسى، قورىق رايونىندا مەملەكەتتىك ءتۇيىندى قورعالاتىن وسىمدىكتەر مەن حايۋاناتتاردىڭ ءتۇرى مول، وسىمدىكتەردەن، شاتىرشا اعاشتان سىرت، ۇلكەن جاپىراقتى ماگنوليا، حوش ءيىستى ماگنوليا، ۇزىن جاپىراقتى ماگنوليا، يۇننان پاراكمەرياسى، ۇرمە بۇرشاقتى قاراعاي، شاشاق بۇتاقتى قىلقاندى قاراعاي، يۇننان جەبە گۇلدى قاراعايى، بولى اعاشى قاتارلى مەملەكەتتىك ءتۇيىندى قورعالاتىن وسىمدىكتەردەن 35 ءتۇرلىسى بار، مۇندا مەملەكەتتىك 1 دارەجەلى قورعالاتىن وسىمدىكتەردەن 6 ءتۇرلى، II دارەجەلى قورعالاتىن وسىمدىكتەردەن 29 ءتۇرلى وسىمدىك بار؛ حايۋاناتتار جاعىندا، قورىق رايونىندا ارا جەگىش مايمىل، ەرگەجەيلى ارا جەگىش مايمىل، ورمان جۇپارى قاتارلى 8 ءتۇرلى مەملەكەتتىك I دارەجەلى ءتۇيىندى قورعالاتىن حايۋاناتتار مەن 12 ءتۇرلى مەملەكەتتىك II دارەجەلى قورعالاتىن ءسۇت قورەكتى جانۋالار بار؛ قوس مەكەندى باۋىرىمەن جورعالاۋشى حايۋاناتتاردان تورلى جىلان، قىزىل بۇزاۋباس كەسەرتكى، تۇشتى سۋ تاسباقاسى، ۇلكەن جارماسقى قاتارلى 4 ءتۇرلى مەملەكەتتىك ءتۇيىندى قورعالاتىن حايۋانات بار؛ مەملەكەتتىك II دارەجەلى ءتۇيىندى قورعالاتىن قۇستاردان سامۇرىق باس بۇركىت، اق باۋىر قىرعاۋىل قاتارلى 20 نەشە ءتۇرلى قۇس بار.

  ۋىنشان مەملەكەت دارەجەلى تابيعي قورىق رايونى بايىرعى، سيرەك كەزدەسەتىن حايۋاناتتار مەن وسىمدىكتەردىڭ شوعىرلانعان جەرى، حايۋاناتتار مەن وسىمدىكتەردىڭ تارالۋىنىڭ ەجەلگىلىگى، سيرەك كەزدەسەتىندىگى، الۋان تۇرلىلىگى جانە كەمەلدىلىگى قاتارلى ەرەكشەلىكتەرى بار، بۇكىل ەلىمىزدەگى حايۋاناتتاردىڭ الۋان تۇرلىلىگى مەن سيرەك كەزدەسەتىن حايۋاناتتاردىڭ، وسىمدىكتەردىڭ ءتۇرى ەڭ مول قورىق رايوندارىنىڭ ءبىرى، حايۋاناتتار مەن وسىمدىكتەردىڭ كەلۋ تەگىن، جۇيەلى جەتىلۋىن زەرتتەۋ جونىنەن، جۇيەگە ايىرۋ ءىلىمى جانە فلوريستيكا ءىلىمى جونىنەن العاندا ماڭىزدى رايون.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 
جاۋاپتى رەداكتورى : نۇرعيسا قۇرمانجان ۇلى