«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
پارتيانىڭ تاريحي تاجىريبەلەرىن قورىتىندىلاپ، پارتيانىڭ ساياسي قۇرىلىسىن كۇشەيتەيىك
2021.08.16 16:55 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 15 - كۇنى، بەيجيڭ. 8 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 16 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانىڭ تاريحي تاجىريبەلەرىن قورىتىندىلاپ، پارتيانىڭ ساياسي قۇرىلىسىن كۇشەيتەيىك» اتتى ماڭىزدى ماقالاسى جاريالانادى.
ماقالادا بىلاي دەپ دارىپتەلدى: پارتيانىڭ ساياسي قۇرىلىسى − ماڭگىلىك تاقىرىپ. پارتيانىڭ 19 - قۇرىلتايى تۋدى ايقىن ۇستاي وتىرىپ پارتيانىڭ ساياسي قۇرىلىسىن ماڭداي الدى ورىنعا قويدى ءارى پارتيانىڭ ساياسي قۇرىلىسىن ءبىر تۇتاس باسشىلىققا الۋدى دارىپتەدى. پارتيانى ساياسي جاقتان قۇرۋ − پارتيامىزدىڭ ۇزدىكسىز دامىپ زورايۋىنىڭ، جەڭىستەن جەڭىسكە جەتۋىنىڭ ماڭىزدى كەپىلى. تاريحي تاجىريبەلەر پارتيامىزدىڭ ماركسيزمدىك پارتيا رەتىندە، ءسوز جوق، تۋدى ايقىن ۇستاي وتىرىپ ساياسيدى دارىپتەپ، پارتيا ىشىندەگى ساياسي تۇرمىستى قاتاڭ، مۇقيات ورىستەتۋى قاجەت ەكەنىن دالەلدەدى. ساياسيدى دارىپتەۋ − پارتيامىزدىڭ كالتسيدى تولىقتاپ، سۇيەكتى قۋاتتاندىرىپ، دەنەنى الدەندىرۋىنىڭ ءتۇبىرلى كەپىلى، پارتيامىزدىڭ وزىندىك توڭكەرىس جاساۋ باتىلدىعىن جەتىلدىرىپ، ءوزىن كىرشىكسىزدەندىرۋ قۋاتىن كۇشەيتىپ، ۋىتتى ايداپ، باكتەريانى ولتىرەتىن ساياسي يممۋنيتەتتىك قۋاتتى جوعارىلاتۋىنىڭ ءتۇبىرلى جولى.
ماقالادا بىلاي دەپ اتاپ كورسەتىلدى: پارتيانىڭ ساياسي قۇرىلىسىنداعى ماڭداي الدى مىندەت − بۇكىل پارتيانىڭ ورتالىققا بويسۇنۋىنا كەپىلدىك ەتۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىندا تاباندى بولۋ كەرەك، تيتتەي دە ءدۇدامالدىق جانە سولقىلداقتىق ىستەۋگە استە بولمايدى، ۇنەمىلىك يگەرۋ، بوساڭسىتپاۋ كەرەك. بۇكىل پارتيانى پارتيا تاريحىنان ۇنامدى - ۇنامسىز جاقتارداعى تاريحي تاجىريبەلەردى قابىلداۋعا تاربيەلەپ جانە جەتەكتەپ، پارتيا ورتالىق كوميتەتىنە قاراپ بۇلجىماستان ساپ تۇزەپ، «ءتورت تانىمدى» شىنايى كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، بۇكىل پارتيانىڭ جوعارىدان تومەنگە دەيىن جۇدىرىقتاي جۇمىلىپ، ءبىر نيەت، ءبىر تىلەكتە بولىپ، تىزە قوسا ورتاق كۇش سالۋىنا كەپىلدىك ەتۋ كەرەك.
ماقالادا بىلاي دەپ اتاپ كورسەتىلدى: ساياسي قۋاتتى جوعارىلاتۋعا باسا ءمان بەرىپ، ساياسي مۇراتتى بەرىك ورناتىپ، ساياسي بەتالىستى دۇرىس يگەرىپ، ساياسي تۇرعىدا بەرىك تۇرىپ، ساياسي تارتىپكە قاتاڭ بويسۇنىپ، ساياسي شىنىعۋدى كۇشەيتىپ، ساياسي تاجىريبە توپتاپ، ساياسيدى دارىپتەۋدى پارتيالىلىق شىنىعۋدىڭ تۇتاس بارىسىنا سانالى تۇردە ءسىڭىرۋ كەرەك. ساياسي قۋاتتى جوعارىلاتۋدا، ەڭ اۋەلى، دۇرىس ساياسي بەتالىستى يگەرىپ، جۇڭگو كوممۋنيستىك پارتياسىنىڭ باسشىلىعىندا جانە ەلىمىزدىڭ سوتسياليستىك تۇزىمىندە تاباندى بولۋ كەرەك. بۇل ماسەلەدە ەشقانداي اداسۋشىلىق پەن سولقىلداقتىق ىستەۋگە استە بولمايدى! وسى رەتكى جاڭا تيپتى ايدارشا ۆيرۋس وكپە قابىنۋىنا قارسى اتتانۋ كۇرەسىنىڭ امالياتى جۇڭگو كوممۋنيستىك پارتياسىنىڭ بوران – شاشىندى مەزگىلدە جۇڭگو حالقىنىڭ ەڭ سەنىمدى تىرەگى بولاتىنىن، ەلىمىزدىڭ سوتسياليستىك ءتۇزىمىنىڭ حاۋىپ - قاتەر مەن سىن - سايىسقعا توتەپ بەرۋدىڭ ەڭ پارمەندى تۇزىمدىك كەپىلى ەكەنىن تاعى ءبىر رەت دالەلدەدى. ساياسي جاقتاعى ىرىقتىلىق − ەڭ ءتيىمدى ىرىقتىلىق، ساياسي جاقتاعى ىرىقسىزدىق − ەڭ حاۋىپتى ىرىقسىزدىق. ساياسي تانىمدى كۇشەيتىپ، ماسەلەگە ساياسي تۇرعىدان قاراۋعا شەبەر بولىپ، ساياسي جالپى جاعدايدى يگەرۋگە شەبەر بولىپ، ساياسيدى دارىپتەۋ تالابىن سىرتقى تالاپتان ىشكى ىرىقتىلىققا اينالدىرىپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتۋ كەرەك.
ماقالادا بىلاي دەپ اتاپ كورسەتىلدى: ساياسيدى دارىپتەۋ ناقتىلىق سيپاتقا يە، «ەكىنى قورعاۋ» پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ ارەكەتىندە ايگىلەنۋى، قىزمەت جاۋاپكەرلىگىن ادا ەتۋ، ءوز قىزمەتىن جاقسى ىستەۋدىڭ ناقتى ونىمدىلىگىندە ايگىلەنۋى، پارتيا مۇشەلەرىنىڭ، كادرلاردىڭ كۇندەلىكتى ءسوز - ارەكەتىندە ايگىلەنۋى كەرەك. قىزىل گەننەن قۇدىرەتتى سەنىم كۇشىن قابىلداپ، سانالى تۇردە كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنا كامىل سەنۋشى جانە ونى ادالدىقپەن امالياتتا ايگىلەۋشى بولىپ، ناعىز قاجىماس، ءومىر بويى وكىنبەيتىن ماركسيزمدىك جاۋىنگەر بولۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
