لەي فىڭ رۋحىن ۇرپاقتان – ۇرپاققا جالعاستىرايىق
− جۇڭگو كوممۋنيستەرىنىڭ رۋحاني شەجىرەسى تۋرالى (9)
«حالىق گازەتىنىڭ» شولۋشىسى
2021.08.16 16:57 كەلۋ قاينارى : حالىق تورابى
«لەي فىڭ − ءداۋىردىڭ ۇلگىسى، لەي فىڭ رۋحى − ماڭگىلىك رۋح». باس شۋجي شي جينپيڭ: «ءبىز لەي فىڭ رۋحىنان ۇيرەنۋمەن بىرگە، لەي فىڭنىڭ جۇمىس ءادىسىن دە ۇيرەنىپ، وسكەلەڭ مۇرات - سەنىم مەن ءمورالدىق قاسيەت تالپىنىسىن ناقتى ارەكەتكە اينالدىرىپ، قاراپايىم قىزمەت پەن تۇرمىستا ايگىلەپ، ءتيىستى ۇلەسىمىزدى قوسىپ، لەي فىڭ رۋحىن ۇرپاقتان - ۇرپاققا جالعاستىرۋىمىز كەرەك» دەپ اتاپ كورسەتكەن بولاتىن.
لەي فىڭ − ءوزىنىڭ كەلتە عۇمىرىن پارتياعا، حالىققا ارناعان جاقسى جاۋىنگەر، كوزى تىرىسىندە بۇرىنعى قۇرىلىسشى اسكەرلەر ينجەنەرياسى بەلگىلى پولكى اۆتوموبيل ليانىنىڭ باستىعى بولاتىن، 1962 - جىلى 8 - ايدا تاسىمال مىندەتىن اتقارعان كەزدە باقىتقا قارسى قازا بولعان. لەي فىڭ كەلتە عۇمىرىندا ايبىندى ءومىر داستانىن جازىپ، ادامدى تامساندىراتىن ءمورالدىق ەسكەرتكىش ورناتتى، ول − بۇكىل ەل حالقى ۇيرەنەتىن شۇعىلالى ۇلگى. ول «بار نيەتىمەن پارتياعا، سوتسياليزمگە، كوممۋنيزمگە بەت الىپ»، پارتيانى، وتاندى، سوتسياليزمدى قىزۋ سۇيەتىن وسكەلەڭ مۇرات پەن بەرىك سەنىمدى ايگىلەدى؛ ول «حالىققا جارامدى ادام بولۋعا» بەل بايلاپ، حالىققا قىزمەت وتەۋ، باسقالارعا كومەكتەسۋدى قۋانىش ساناۋ سىندى ۇلەس قوسۋ رۋحىن ايگىلەدى؛ ول «بۇراندا شەگە» بولۋعا پەيىل بولىپ، قاراپايىم قىزمەت ورنىندا كەرەمەت ىستەر ىستەپ، ءبىر كاسىپتى ءسۇيۋ، ءبىر كاسىپتى جەتىك ءبىلۋ سىندى كاسىپتى قاستەرلەۋ رۋحىن ايگىلەدى؛ ول ۇيرەنۋ، زەرتتەۋ ارقىلى ءوزىن ۇزدىكسىز بايىتىپ جانە جوعارىلاتىپ، قايراتتانا العا ۇمتىلۋ، تالىقپاي تالپىنۋ سىندى جاڭالىق اشۋ رۋحىن ايگىلەدى؛ ول «ءبىر فىن اقشانى الباتى جۇمساماي، ءبىر سۇيەم كەزدەمەنى ارتىق ساتىپ الماي، ءبىر ءتۇيىر استىقتى ىسىراپ ەتپەي، تارتا ءىشىپ، ۇنەمشىلدىكپەن ىستەتىپ، از - ازدان قور توپتاپ، مەملەكەت قۇرىلىسىنا كومەكتەسىپ»، قاجىرلىلىقپەن كۇرەس جۇرگىزۋ، ۇقىپتى، ۇنەمشىل بولۋ سىندى يگىلىك جاراتۋ رۋحىن ايگىلەدى... لەي فىڭنىڭ بويىنداعى سەنىم ەنەرگياسى، ۇلى سۇيىسپەنشىلىك پەيىلى، جانقيارلىق رۋحى، العا ۇمتىلۋ جىگەرى ءبىزدىڭ ۇلتتىق رۋحىمىزدىڭ ەڭ تاماشا بەينەسى سانالادى.
رۋحتىڭ كۇشى شەكسىز، ۇلگىنىڭ كۇشى دە شەكسىز. نەشە ون جىلدان بەرى لەي فىڭنىڭ ىزگى ىستەرى وتانىمىزدىڭ بايتاق دالاسىندا اۋىزدان - اۋىزعا تارالىپ، لەي فىڭنان ۇيرەنۋ قيمىلى بۇكىل ەلدىڭ جەر - جەرىندە دابىرالى جۇرگىزىلىپ، لەي فىڭ رۋحى قالىڭ كادرلار مەن بۇقارا اراسىندا كەڭىنەن تارالدى. لەي فىڭ رۋحىنىڭ شابىتتاندىرۋىندا، جۇڭگولىقتار ۇرپاقتار بويى قايراتتانا العا ۇمتىلىپ، جانقيارلىقپەن ۇلەس قوسىپ، لەي فىڭنان ۇيرەنەتىن ءبىر توپ وزات تيپتەر، ءمورال ۇلگىلەرى، جۇڭگونى اسەرلەندىرگەن قايراتكەرلەر جارىققا شىعىپ، كەڭ ءارى تەرەڭ قوعامدىق ىقپال تۋدىردى. «جاپا - ماشاقاتتان، ولىمنەن قورىقپايتىن» ۋاڭ جيەدەن، 6 بالانى قۇتقارۋ جولىندا ەرلىكپەن قۇربان بولعان «لەي فىڭ سياقتى جاقسى جاۋىنگەر» ليۋ يىڭجۇنگە دەيىن؛ ون نەشە جىل بويى تاپجىلماي لەي فىڭنان ۇيرەنۋ ەرىكتى قىزمەت وتەۋىن ورىستەتكەن جاڭ ليميڭنەن لەي فىڭ رۋحىنا تاباندىلىقپەن مۇراگەرلىك ەتىپ، «زامانىمىزدىڭ لەي فىڭى» دەپ اتالعان گو ميڭ – ي - گە دەيىن؛ وتانىمىزدىڭ بايتاق الابىنا جۇرەك قانىن ارناپ، ماڭداي تەرىن توگىپ، سان مىڭداعان وتباسىنى ارالاپ شىققان كەدەيلەردى سۇيەمەلدەۋ كادرلارىنان جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋدىڭ ءبىرىنشى شەبىندەگى سان مىڭداعان ەرىكتىلەرگە دەيىن... سانسىز ادام لەي فىڭنان ۇيرەنىپ، جاڭا سالت ورناتىپ، قوعامعا قىزمەت وتەۋ، باسقالارعا كومەكتەسۋدى قۋانىش ساناۋ، قىزمەت ورنىن ءسۇيىپ، كاسىپتى قاستەرلەۋ بارىسىندا جاقۇتتاي جارقىراپ، مۇرات - سەنىمدى، مەيىر - شاپاعاتتى، ىزگى نيەتتى، جاۋاپكەرلىكتى ايگىلەدى. اماليات لەي فىڭ رۋحىنىڭ جۇڭحۋا ۇلتىنىڭ ءداستۇرلى تاماشا ءمورالىن ايگىلەپ، قوعامنىڭ العا باسۋىنىڭ ءداۋىر اعىمىنا سايكەسىپ، پارتيامىزدىڭ وزىق قاسيەتىن ايگىلەگەنىن تولىق دالەلدەدى؛ لەي فىڭ رۋحى − ماڭگى ءوڭى تۇسپەيتىن تۋ، جۇڭحۋا ۇلتىنىڭ باعالى رۋحاني بايلىعى، سوتسياليستىك وزەكتى قۇن كوزقاراسىنىڭ جاندى بەينەسى.
باس شۋجي شي جينپيڭ بىلاي دەپ اتاپ كورسەتكەن بولاتىن: «لەي فىڭ رۋحىن بارلىق ادام ۇيرەنە الادى؛ مەيىر - شاپاعات باعىشتاۋدى بارلىق جەردە ىستەۋگە بولادى. ۇساق جاقسى ىستەر جينالىپ، ۇلكەن جاقسىلىققا اينالادى، بۇدان وتكەن ىزگىلىكتى ءىس جوق. بىرەۋ كومەككە مۇقتاج بولعاندا، كوپشىلىك قول ۇستاسىپ، كۇش شىعارسا، قوعام ءتىپتى دە كوركەم بولا تۇسەدى». بۇگىنگى تاڭدا ەكىنشى 100 جىلدىق كۇرەس نىساناسىنا جورىق جاساۋ دابىلى قاعىلدى، ءبىز تاپتىرماس ورايعا دا، قاتاڭ سىنعا دا ءدوپ كەلىپ وتىرمىز. جاڭا داۋىردە كۇرەس جاساپ، جاڭا جورىقتا العا باسۋدا لەي فىڭ رۋحىن بارىنشا ساۋلەلەندىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا قۇدىرەتتى رۋحاني قوزعاۋشى كۇش جانە مول ءمورالدىق ءنار ازىرلەۋىمىز كەرەك. جاڭا داۋىردە لەي فىڭ رۋحىن بارىنشا ساۋلەلەندىرۋ ءۇشىن، وسكەلەڭ مۇراتتا تاباندى بولۋ، حالىققا سۇيىسپەنشىلىك ورناتۋ، ۇلەس قوسۋ رۋحىن امالياتتا ايگىلەۋ، ۇلتتىڭ گۇلدەنۋىنە ات سالىسۋ يدەيالىق ءمانىن تەرەڭ يگەرىپ، وسكەلەڭ مۇرات - سەنىم مەن ءمورالدىق قاسيەت تالپىنىسىن كۇندەلىكتى قىزمەت پەن تۇرمىسقا ءسىڭىرىپ، ءوز قىزمەت ورنىندا ماڭگى تاتتانبايتىن بۇراندا شەگە جاساپ، قوعامدىق جاۋاپكەرلىكتى ىرىقتىلىقپەن ارقالاپ، باسقالارعا قىزۋ ىنتامەن قامقورلىق جاساپ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ، مۇگەدەكتەرگە كومەكتەسۋ سىندى ناقتى، يگى ىستەردى كوبىرەك ىستەپ، ءىس جۇزىندىك ارەكەتىمىز ارقىلى جاڭا داۋىردەگى لەي فىڭ حيكاياسىن جازىپ، جۇڭگو ارمانىن جۇزەگە اسىرۋ ءۇشىن ءبىر كىسىلىك ۇلەس قوسۋىمىز كەرەك. جاڭا داۋىردە لەي فىڭنان ۇيرەنىپ، ەرىكتى قىزمەت وتەۋدە جاڭا ءداۋىردى، جاڭا تالاپتى تياناق ەتىپ، پارتيا مەن مەملەكەت قىزمەتىنىڭ جالپى جاعدايىنا سانالى تۇردە قىزمەت ەتىپ، پارتيانىڭ جاڭالىق اشۋ نازارياسىنىڭ تەرەڭ تامىر تارتۋىن ىلگەرىلەتۋدەگى تاراتۋشىلار، امالياتتا ايگىلەۋشىلەر بولىپ، حالىق بۇقاراسىنىڭ الۋان ءتۇرلى قاجەتىن قاناعاتتاندىرۋ بارىسىندا مەيىر - شاپاعات جەتكىزىپ، مەيىر باعىشتاپ، سوتسياليستىك وزەكتى قۇن كوزقاراسىن امالياتتا ايگىلەۋ بارىسىندا جاڭا سالت ورناتىپ، جاڭا ادام تاربيەلەپ، قوعامدىق جونگە سالۋدىڭ وسىزاماندانۋىن ىلگەرىلەتۋ بارىسىندا دۇرىس سالتتى اسقاقتاتىپ، جاراسىمدىلىقتى جەبەپ، مەملەكەتتىڭ دامۋى مەن قوعامدىق وركەنيەتتىڭ العا باسۋىن ىلگەرىلەتۋ بارىسىندا قۇنىمىزدى ايگىلەپ، ۇلەس قوسۋىمىز كەرەك.
باس شۋجي شي جينپيڭ: «لەي فىڭ رۋحىن ۇيرەنۋدى وتانىمىزدىڭ بايتاق دالاسىندا سالتقا اينالدىرۋىمىز كەرەك» دەپ دارىپتەگەن بولاتىن. ونداعان جىلدان بەرى لەي فىڭ رۋحى اسقاق ماياك ىسپەتتى كوز قامىقتىراتىن نۇر - شۇعىلاسىن ۇزدىكسىز شاشىپ، ادامداردىڭ جان دۇنيەسىن ۇرپاقتار بويى نۇرلاندىردى. بۇگىنگى تاڭدا جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ەرلىكپەن العا باسۋ ءۇشىن، ءبىز لەي فىڭ رۋحىن وتانىمىزدىڭ بايتاق دالاسىندا تاراتىپ، قالتقىسىز ۇلەس قوسۋ، ىنتىماقتاسۋ، ءوزارا كومەكتەسۋ ۇستانىمىن ساۋلەلەندىرىپ، قوعامعا، حالىققا سانالى تۇردە قىزمەت ەتىپ، تۇتاس قوعامدا بارلىق ادام لەي فىڭنان ۇيرەنەتىن، بارلىق ادام لەي فىڭ سياقتى بولاتىن جاندى جاعدايدى قالىپتاستىرىپ، لەي فىڭ رۋحىنىڭ جاڭا داۋىردە جاڭا شۇعىلا شاشۋىنا مۇمكىندىك جاساۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
