جۇڭگو جاق دۇنيە جۇزىلىك دەنساۋلىق ساقتاۋ ۇيىمى حاتشىلار باسقارماسىنىڭ جاڭا تيپتى ايدارشا ۆيرۋستىڭ كەلۋ قاينارىن كەلەسى قادامدا ىزدەۋ ماسەلەسى جونىندە جاريالاعان مالىمدەمەسى تۋرالى جاۋاپ قايتاردى
2021.08.17 14:03 كەلۋ قاينارى : حالىق تورابى
حالىق گازەتىنىڭ ءتىلشىسى شيە ياحۇڭ 8 – ايدىڭ 16 – كۇنى بەيجيڭنەن حابارلايدى. سىرتقى ىستەر مينيسترلىگىنىڭ مالىمدەمەشىسى حۋا چۇنيڭ 8 – ايدىڭ 16 – كۇنى دۇنيە جۇزىلىك دەنساۋلىق ساقتاۋ ۇيىمى حاتشىلار باسقارماسىنىڭ جۋىردا جاڭا تيپتى ايدارشا ۆيرۋسىنىڭ كەلۋ قاينارىن كەلەسى قادامدا ىزدەۋ ماسەلەسى تۋرالى جاريالاعان مالىمدەمەسى جونىندە تىلشىلەردىڭ سۇراۋىنا جاۋاپ بەردى.
سول كۇنى وتكىزىلگەن تىلشىلەردى قابىلداۋ ماجىلىسىندە، ءتىلشى بىلاي دەپ سۇرادى: دۇنيە جۇزىلىك دەنساۋلىق ساقتاۋ ۇيىمى 8 – ايدىڭ 12 – كۇنى مالىمەت جاريالاپ، بىلاي دەگەن: دۇنيە جۇزىلىك دەنساۋلىق ساقتاۋ ۇيىمى، باستىسى، عالىمداردى 1 – كەزەڭدەگى زەرتتەۋ نەگىزىندە، 2021 – جىلى 3 – ايدا جۇڭگو — دۇنيە جۇزىلىك دەنساۋلىق ساقتاۋ ۇيىمى بىرلەسكەن زەرتتەۋ مالىمەتىندەگى ۇسىنىستاردى اتقارۋعا جۇمىلدىرادى. ءارقانداي جاڭا اۋرۋ قوزدىرعىشتىڭ قاينارىن تابۋ جاپالى بارىس، بۇل عىلىمي نەگىزدە ورىندالاتىن بارىس، سەلبەستىك ورىستەتۋدى، كۇش جۇمساۋدى جانە ۋاقىت ءبولۋدى قاجەت ەتەدى. ۆيرۋستىڭ قاينارىن ىزدەۋ ءوزارا ءبىرىن - ءبىرى جازعىراتىن ساياسي قۇرالعا اينالىپ قالماۋى كەرەك. سونىمەن بىرگە، مالىمدەمەدە ۆيرۋستىڭ قاينارىن ىزدەۋدەگى 1 – مەرزىمدىك زەرتتەۋ مالىمەتىندە ءارقانداي جورامالدى جوققا شىعارۋعا جەتكىلىكتى عىلىمي نەگىز جوق ەكەنى، الدا جاڭا تيپتى اۋرۋ قوزدىرعىش جونىندە عىلىمي كەڭەس سۇراۋ گرۋپپاسى قاتارلى مەحانيزمدەر قۇرىلاتىنى ايتىلعان. بۇل جونىندە جۇڭگو جاق قانداي پىكىر بىلدىرەدى؟
حۋا چۇنيڭ مىنانى ءبىلدىردى: جۇڭگو جاق دۇنيە جۇزىلىك دەنساۋلىق ساقتاۋ ۇيىمى حاتشىلار باسقارماسىنىڭ 8 – ايدىڭ 12 – كۇنى ۆيرۋستىڭ قاينارىن كەلەسى كەزەڭدەگى ىزدەۋ ماسەلەسى جونىندە جاريالاعان مالىمدەمەسىنە نازار اۋداردى، مالىمدەمەدە كەلەسى كەزەڭدە ۆيرۋستىڭ قاينارىن ىزدەۋدە 1 – كەزەڭدەگى زەرتتەۋ نەگىزىندە، جۇڭگو — دۇنيە جۇزىلىك دەنساۋلىق ساقتاۋ ۇيىمى بىرلەسكەن زەرتتەۋ مالىمەتىندە ورتاعا قويىلعان ۇسىنىستاردى اتقارۋ ايتىلعان؛ اۋرۋ قوزدىرعىشتىڭ قاينارىن ىزدەۋ عىلىمي نەگىزدە ورىندالۋى كەرەك، ءوزارا جازعىرۋدىڭ نەمەسە ساياسي جاقتاعى شابۋىلدىڭ جانە قورعانىستىڭ قۇرالىنا اينالىپ قالماۋى كەرەك دەپ قاراعان. بۇل پىكىرلەر دۇنيە جۇزىلىك دەنساۋلىق ساقتاۋ ۇيىمىنىڭ قاتىستى قىزمەتتەرىندە تياناقتاندىرىلعانى ءجون.
حۋا چۇنيڭ بىلاي دەدى: الدىڭعى جۇما كۇنى، سىرتقى ىستەر مينيسترلىگى جاڭا تيپتى ايدارشا ۆيرۋس وكپە قابىنۋ ىندەتىنىڭ قاينارىن ىزدەۋ ماسەلەسى جونىندە جۇڭگودا تۇراتىن ەلشىلەرمەن بىرگە قۇلاق قاعىس ەتۋ ءماجىلىسىن اشىپ، جۇڭگو جاقتىڭ ۆيرۋستىڭ قاينارىن ىزدەۋ ماسەلەسىندەگى مايدانى مەن كوزقاراسىن جانە ەڭ جاڭا قىزمەت ءۇردىسىن جالپى بەتتىك تانىستىردى. مەنىڭ مىنانى باسا دارىپتەگىم كەلەدى: دۇنيە جۇزىلىك دەنساۋلىق ساقتاۋ ۇيىمى مۇشە ەلدەردىڭ جەتەكشىلىگىندە بولۋى كەرەك. ۆيرۋستىڭ قاينارىن ىزدەۋ قىزمەتى وتە ماڭىزدى، دۇنيە ءجۇزى بويىنشا ۆيرۋستىڭ قاينارىن كەلەسى قادامداعى ىزدەۋ قىزمەتىنە، ءسوزسىز، مۇشە ەلدەر جەتەكشىلىك ەتۋى كەرەك. حاتشىلار باسقارماسى دۇنيە ءجۇزى بويىنشا ۆيرۋستىڭ قاينارىن ىزدەۋ قىزمەتىنە جوسپار جاساۋى كەرەك، كەلەسى قادامداعى مەحانيزمدەر دە مۇشە ەلدەرمەن تولىق سايكەسۋى، دۇنيە جۇزىلىك دەنساۋلىق ساقتاۋ ءماجىلىسىنىڭ قاتىستى قاۋلىلارىن مۇقيات اتقارۋى، مۇشە ەلدەردىڭ پىكىرىنە قۇرمەت ەتۋى قاجەت، قاتىستى ەلدەرگە ساياتىن ۆيرۋستىڭ قاينارىن ىزدەۋ جوسپارىن قاتىستى ەلدەرمەن كەڭەسىپ بەكىتۋ، وسى نەگىزدە ءونىمدى سەلبەستىك ورىستەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
