شينجياڭ الاتاۋ قالاسىندا بازارداعى زاتپەن قامداۋ جەتكىلىكتى بولدى

2021.08.17 14:14   كەلۋ قاينارى : حالىق تورابى

　　بۇراتالا موڭعۇل اۆتونوميالى وبلىستىق ۇكىمەتتىڭ ورىنباسار باس حاتشىسى، كەڭسە مەڭگەرۋشىسى جاڭ مىڭفان

　　تيانشان تورابى، شينجياڭ گازەتى تىلشىلەرى سۋ لۋپيڭ، لي ميڭشيڭداردىڭ فوتوسۋرەتتى حابارى. 8 – ايدىڭ 16 – كۇنى كەشتە، شينجياڭ بۇراتالا موڭعۇل اۆتونوميالى وبلىستىق حالىق ۇكىمەتى اقپارات كەڭسەسى اقپار جاريالاۋ ءماجىلىسىن اشىپ، بۇراتالا وبلىسى الاتاۋ ساعاسى وتكەلىندەگى جاڭا تيپتى ايدارشا ۆيرۋس وكپە قابىنۋ ىندەتى جاعدايى مەن ىندەتتەن ساقتانۋ – تىزگىندەۋ قىزمەتىنىڭ جاعدايى جونىندە حابارلاندىرۋ جاريالادى.

　　ىندەت تۋىلعان سوڭ، بۇراتالا وبلىسى زات ساتىپ الۋ مولشەرىن ارتتىرىپ، دەرەۋ جاسىل ءدالىز اشىپ، ءتۇرلى زاتتارمەن قامداۋعا كەپىلدىك ەتىپ، بۇكىل وبلىس بويىنشا، وتە – موتە، الاتاۋ قالاسىندا زاتپەن قامداۋعا كەپىلدىك ەتۋ قىزمەتىن ويداعىداي ىستەۋگە كۇش سالدى. الاتاۋ قالاسى ارناۋلى قىزمەتكەر جىبەرىپ، جۇرتشىلىقتى ءوندىرىس مەن تۇرمىسقا قاجەتتى زاتتارمەن قامداۋعا جانە زاتتاردى ءدال جەتكىزىپ بەرۋگە جاۋاپتى ەتتى، سونىمەن بىرگە، وندىرىستىك كاسىپورىندار مەن قۇرىلىس ورىندارىنا تۇرمىسقا قاجەتتى زاتتاردى ءدال جەتكىزىپ بەردى؛ الەۋمەتتىك اۋماقتارداعى كادرلار مەن جۇرتشىلىقتى ۇيىمداستىرىپ، ەرىكتى قىزمەت وتەۋ اترەتىنەن 35 اترەتتى قۇردى، بۇل اترەتتەر شاعىن اۋماقتاعى تۇرعىنداردىڭ تۇرمىسقا قاجەتتى بۇيىمداردى ساتىپ الۋىنا، ونى جەتكىزىپ بەرۋگە جاۋاپتى بولىپ، جۇرتشىلىقتىڭ كۇندەلىكتى تۇرمىستىق قاجەتىن قامتاماسىزداندىرىپ، ادامداردىڭ ءجۇرىس – تۇرىسىن بارىنشا ازايتتى. قازىر الاتاۋ قالاسىندا استىق، ازىقتىق ماي، كوكونىس، ەت، جۇمىرتقا، ءسۇت قاتارلىلارمەن قامداۋ جەتكىلىكتى، باعاسى ورنىقتى، سۋ، ەلەكتر، ماي، گاز قاتارلىلارمەن قامداۋ جاعدايى قالىپتى.

　　كەلەسى قادامدا، بۇراتالا وبلىسىنداعى ءارقايسى اۋدان، قالالار كوكونىس، ەت، جۇمىرتقا، ءسۇت، كۇندەلىكتى تۇتىنۋ تاۋارلارى قاتارلى نەگىزدىك تۇرمىستىق بۇيىمدارمەن قامداۋدى جانە باقىلاۋ – باسقارۋدى اناعۇرلىم كۇشەيتىپ، زات قاينارىنىڭ جەتكىلىكتى بولۋىنا، باعاسىنىڭ ورنىقتى بولۋىنا كەپىلدىك ەتەدى.

　　كەلۋ قاينارى: حالىق تورابى