بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بۇراتالا وبلىسى ەپيدەميولوگيالىق تەكسەرۋ جانە تەگىن انىقتاۋ قىزمەتىن جەدەل ورىستەتتى

2021.08.17 14:39     كەلۋ قاينارى : شينجياڭ گازەتى

  ءوز حابارىمىز. انار بۇلت / شينجياڭ گازەتىنىڭ ءتىلشىسى سۋ لۋپيڭ حابارلايدى. 8 - ايدىڭ 15 - كۇنى بۇراتالا موڭعۇل اۆتونوميالى وبلىستىق حالىق ۇكىمەتى اقپارات كەڭسەسى اقپار جاريالاۋ ءماجىلىسىن اشىپ، بۇراتالا وبلىسى الاتاۋ قالاسى شەكارا وتكەلى وڭىرىندەگى جاڭا تيپتى ايدارشا ۆيرۋس وكپە قابىنۋ ىندەتى جانە ىندەتتەن ساقتانۋ - تىزگىندەۋ قىزمەتى جاعدايىن حابارلاندىردى. 8 - ايدىڭ 15 - كۇنى بۇراتالا وبلىسى الاتاۋ قالاسى شەكارا وتكەلى وڭىرىندەگى 3 كۇندە ءبىر رەت جاسالاتىن داعدىلى حىسۋان تەكسەرۋ بارىسىندا 3 ادامنىڭ حىسۋان تەكسەرۋ ناتيجەسى بولىمدى بولعاندىعى بايقالدى، ماماندار ولارعا جاڭا تيپتى ايدارشا ۆيرۋس وكپە قابىنۋ اۋرۋ بەلگىسى جوق جۇعىمدالۋشى دەپ دياگنوز قويدى، قازىر ولار بۇراتالا وبلىسىنداعى ءتۇيىندى بەلگىلەنگەن شيپاحاناعا جەتكىزىلىپ، تۇگەلدەي اۋاشالانىپ مەديتسينالىق باقىلاۋعا الىندى.

  جاڭا تيپتى ايدارشا ۆيرۋس وكپە قابىنۋ اۋرۋ بەلگىسى جوق 3 جۇعىمدالۋشىنىڭ بارىندە 14 كۇن ىشىندە شەكارادان شىعۋ، شينجياڭنان شىعۋ تاريحى جوق، ورتا، جوعارى دارەجەلى حاۋىپ - قاتەرلى وڭىرلەردە ساياحاتتاۋ، تۇرۋ تاريحى جوق، دياگنوزى تۇراقتانعان ناۋقاستارمەن، كۇماندى ناۋقاستارمەن جانە اۋرۋ بەلگىسى جوق جۇعىمدالۋشىلارمەن جاناسۋ تاريحى جوق.

  الاتاۋ قالاسىنىڭ ىندەتتەن ساقتانۋ - تىزگىندەۋ قولباسشىلىق شتابى توتەنشە جاعدايعا توتەپ بەرۋ دايىندىق جوباسىن جەدەل ىسكە قوسىپ، ىندەتتەن ساقتانۋ - تىزگىندەۋ بويىنشا ءبىر جاقتى ەتۋدىڭ قاتىستى قىزمەتتەرىن جالپى بەتتىك ورىستەتتى. اۆتونوميالى رايوننىڭ جانە بۇراتالا وبلىسىنىڭ ىندەتتەن ساقتانۋ - تىزگىندەۋ قولباسشىلىق شتابى دەرەۋ ماماندار گرۋپپاسىن الاتاۋ قالاسىنا بارىپ ىندەتتەن ساقتانۋ - تىزگىندەۋ قىزمەتىنە جەتەكشىلىك ەتۋگە جىبەرىپ، ىندەتتىڭ ورشىمەۋىنە، تارالماۋىنا شىنايى كەپىلدىك ەتىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىق سالاماتتىعىن باتىل قورعادى.

  اۆتونوميالى رايوننىڭ اۋرۋدىڭ الدىن الۋ جانە ونى تىزگىندەۋ ماماندارىنىڭ جەتەكشىلىگىندە بۇراتالا وبلىسى ءار اۋدان، قالاداعى كاسىپتىك كۇشتەردى الاتاۋ قالاسىنداعى جەرگىلىكتى اۋرۋدىڭ الدىن الۋ جانە ونى تىزگىندەۋ تاراۋلارىمەن جانە نەگىزگى ساتى كادرلارىمەن بىرلەسىپ، 7 ەپيدەميولوگيالىق تەكسەرۋ قوسىنىن قۇرۋعا ۇيىمداستىرىپ، حىسۋان تەكسەرۋ ناتيجەسى بولىمدى بولعاندارعا ەپيدەميولوگيالىق تەكسەرۋ جانە ۆيرۋستىڭ تەگىن انىقتاۋ قىزمەتىن جەدەل ورىستەتتى، قازىر اۋرۋ بەلگىسى جوق 3 جۇعىمدالۋشىنىڭ قيمىل كولەمىن نەگىزىنەن يەلەپ بولدى، قازىر تىعىز جۋىسقان 98 ادام، تىعىز جۋىسقانعا تىعىز جۋىسقان 88 ادام ءبىر - بىرلەپ تەكسەرىلىپ، تۇگەلدەي شوعىرلى اۋاشالانىپ مەديتسينالىق باقىلاۋعا الىندى.

  اۋرۋ بەلگىسى جوق جۇعىمدالۋشى بايقالعاننان كەيىن، اداقتالىپ تەكسەرىلگەن تىعىز جۋىسۋشىلار مەن تىعىز جۋىسقانعا تىعىز جۋىسقاندارعا دەرەۋ حىسۋان تەكسەرۋ جۇرگىزىلىپ، ناتيجەسى تۇگەلدەي بولىمسىز بولدى؛ ۇدايىلاندىرىلعان تەگىن حىسۋان تەكسەرۋ نەگىزىندە، جالپى حالىقتى تەگىن حىسۋان تەكسەرتۋگە شاپشاڭ اتتانىسقا كەلتىردى، سونداي - اق تەكسەرۋ جيىلىگىن ارتتىرىپ، 5: 1 بويىنشا ءبىر تۇتىككە ارالاستىرۋ تاسىلىمەن حىسۋان تەكسەرۋ جۇرگىزىپ، كۇنىنە ءبىر رەت تەكسەرىپ، ەشقانداي ادامدى قاعىس قالدىرمادى، ءتۇيىندى شوعىرلارعا مەڭزەس ءبىر ادامعا بىردەن تۇتىك ىستەتىلدى.

  الاتاۋ قالاسى قالا - قالاشىقتاردى (ءمالى)، الەۋمەتتىك اۋماقتاردى زارارسىزداندىرىپ ميكروب جويۋ قوسىنىنان ءبىرتالايىن قۇرۋعا ۇيىمداستىرىپ، اۋرۋ بەلگىسى جوق جۇعىمدالۋشىلاردىڭ وتباسى ورتاسىنا، تۇرعان شاعىن اۋماعىنا، ءجۇرىپ - تۇرعان ورىندارىنا ءۇزىلدى - كەسىلدى زارارسىزداندىرۋ جۇرگىزدى، تاسىمال كولىكتەرىن، تۇرمىستىق قوقىستاردى، ەمدەۋ كەرەكسىز زاتتارىن ءۇزىلدى - كەسىلدى زارارسىزداندىرىپ ميكروب جويۋدى جاقسى ىستەدى. الەۋمەتتىك قورشاعان ورتانى زارارسىزداندىرىپ ميكروب جويۋدى كۇشەيتىپ، زارارسىزداندىرۋ جيىلىگىن ارتتىرىپ، ەمدەۋ قۇرىلىمدارى، جەر استى سۋ قۇبىرى، قوقىس سالاتىن ىدىستار، قالا، اۋىل جولدارى سياقتى ءتۇيىندى ورىنداردى زارارسىزداندىرۋدى،زارارسىزداندىرىپ ميكروب جويۋدى كۇشەيتتى. شوعىرلى اۋاشالاۋ ورىندارىن زارارسىزداندىرىپ ميكروب جويۋ قىزمەتىن كۇشەيتىپ، اۋا الماستىرىپ، زارارسىزداندىرىپ ميكروب جويۋدى جانە زاتتاردىڭ بەتىن، تازالىق قۇرالدارىن زارارسىزداندىرۋدى كۇشەيتتى؛ ءاربىر اۋاشالاۋ تۇيىندەرىندە ارناۋلى زارارسىزداندىرىپ ميكروب جويۋ ءتۇيىنىن بەلگىلەپ، مۇلدەم حاۋىپسىزدىككە شىنايى كەپىلدىك ەتتى.

  الاتاۋ قالاسى 8 - ايدىڭ 15 - كۇنىنەن باستاپ ءتۇيىندى وڭىرلەرگە جابىق باسقارۋ جۇرگىزدى. سونىمەن بىرگە، شەكارا وتكەلىن تۇتاس بارىستا جابىق باسقارۋدى اناعۇرلىم كۇشەيتىپ، يمپورت زاتتارىنا مەڭزەس حىسۋان تەكسەرۋ، زارارسىزداندىرىپ ميكروب جويۋ شارالارىن قاتاڭ تياناقتاندىردى.

  بۇراتالا وبلىستىق حالىق ۇكىمەتىنىڭ ورىنباسار باس حاتشىسى، كەڭسە مەڭگەرۋشىسى جاڭ مىڭفان بىلاي دەپ تانىستىردى: كەلەسى قادامدا، بۇراتالا وبلىسى ءومىردى بارىنەن جوعارى قويۋعا، حالىقتى بارىنەن جوعارى قويۋعا تاباندى بولىپ، ۋاقىتتى قولدان بەرمەي ەپيدەميولوگيالىق تەكسەرۋ، تەگىن انىقتاۋ، ءتۇيىندى وڭىرلەردەگى ءتۇيىندى ادامداردى عىلمي باسقارۋ - تىزگىندەۋ جانە حىسۋان تەكسەرۋ سياقتى قىزمەتتەردى تياناقتاندىرىپ، زاڭ بويىنشا ساقتانىپ - تىزگىندەۋگە، عىلمي ساقتانىپ - تىزگىندەۋگە، دالمە - ءدال ساقتانىپ - تىزگىندەۋگە تاباندى بولىپ، شەشۋشى بولىكتەردە، ءتۇيىندى ورىنداردا جانە ءتۇيىندى ادامدار شوعىرىنا مەڭزەس دالمە - ءدال ساقتانۋ - تىزگىندەۋدى كۇشەيتىپ، ىندەتتەن ساقتانۋ - تىزگىندەۋ قىزمەتىن كۇش سالا جاقسى ىستەپ، ىندەتتىڭ ورشۋىنەن، تارالۋىنان باتىل ساقتانادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار