لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
ساياساتتىڭ تياناقتانۋىن مىقتى يگەرىپ، ەكونوميكالىق اينالىمنىڭ جاڭا جاعدايىنا باعىتتاي وتىرىپ پەريودتىق رەتتەۋدى كۇشەيتۋدى تالاپ ەتتى؛ «14 – بەسجىلدىق» كەزىندەگى جۇمىستاندىرۋدى جەبەۋ جوباسىن قاراپ ماقۇلداپ، جۇمىستاندىرۋدى الدىمەن ەسكەرۋ ساياساتىن جاپپاي كۇشەيتىپ، جۇمىستاندىرۋدى كەڭەيتىپ، ساپاسىن جوعارىلاتۋدى ورنالاستىردى
2021.08.17 16:10 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 16 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 8 - ايدىڭ 16 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ساياساتتىڭ تياناقتانۋىن مىقتى يگەرىپ، ەكونوميكالىق اينالىمنىڭ جاڭا جاعدايىنا باعىتتاي وتىرىپ پەريودتىق رەتتەۋدى كۇشەيتۋدى تالاپ ەتتى؛ «14 – بەسجىلدىق» كەزىندەگى جۇمىستاندىرۋدى جەبەۋ جوباسىن قاراپ ماقۇلداپ، جۇمىستاندىرۋدى الدىمەن ەسكەرۋ ساياساتىن جاپپاي كۇشەيتىپ، جۇمىستاندىرۋدى كەڭەيتىپ، ساپاسىن جوعارىلاتۋدى ورنالاستىردى.
ءماجىلىس بىلاي دەپ اتاپ كورسەتتى: 7 - ايدىڭ ورتا، اياق شەندەرىنەن بەرى ەلىمىزدىڭ كوپ جەرىندە اۋا رايى كۇرت وزگەرىپ، اۋىر تاسقىن اپاتى تۋىلدى، كوپتەگەن ولكەدە، كوپتەگەن جەردە جاڭا تيپتى ايدارشا ۆيرۋس وكپە قابىنۋ ىندەتى پايدا بولدى، كوپ قولدى تاۋارلاردىڭ باعاسى جوعارى ورىنمەن تولقىدى، حالىقارالىق ەكونوميكالىق جاعداي كۇردەلى بولىپ وتىر. جەر - جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن مۇقيات دايەكتىلەندىرىپ، تياناقتاندىرىپ، جاڭا سىن - سايىسقا ءونىمدى توتەپ بەرىپ، پەريودتىق رەتتەۋدى كۇشەيتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك. ءبىرىنشى، ىندەتتى تەجەۋ مەن تاسقىننان ساقتانۋ، اپاتتان قۇتقارۋ، قالپىنا كەلتىرۋ، قايتا قۇرۋ قىزمەتىن تىڭعىلىقتى ىستەۋ كەرەك. جەر - جەر جاۋاپكەرلىك پەن شارالاردى قاتاڭ تياناقتاندىرىپ، ىندەتتەن ساقتانۋ - تىزگىندەۋدى تيتتەي دە بوساڭسىماي مىقتى يگەرىپ، ىندەتتەن ساقتانۋ - تىزگىندەۋدىڭ ۇدايىلانعان مەحانيزمىن كەمەلدەندىرۋى، اسىرەسە، شەشۋشى بۋىنداردىڭ وتكەلىن مىقتى يگەرۋى كەرەك. تاسقىن، سەل سياقتى اپاتتاردان ساقتاندىرۋدى جانە قاتەردەن اراشالاۋ، توتەپ بەرۋدى ونان ارى كۇشەيتۋ كەرەك. قولداۋ تەبىنىن ارتتىرىپ، اپاتقا ۇشىراعان رايونداردى قالپىنا كەلتىرۋدى، قايتا قۇرۋدى جەدەلدەتۋ كەرەك. كۇزگى استىقتى تولىقتاپ ەگۋ، وزگەرتىپ ەگۋ، سۋ ويرانداعان اتىزدار مەن قۇرىلعىلاردى قالپىنا كەلتىرۋ، قالالاردىڭ تاسقىننان ساقتانۋ، تاسقىن سۋىن ىعىستىرۋ قۇرىلعىلارىن كەمەلدەندىرۋ سياقتىلاردى مىقتى يگەرۋ كەرەك. ەكىنشى، جۇمىستانۋعا كەپىلدىك ەتۋ قىزمەتىن كورنەكتى تۇردە ويداعىداي ىستەۋ كەرەك. بازارلانعان، قوعامدانعان جۇمىستانۋدى جەبەپ، جوعارى مەكتەپ بىتىرگەن وقۋشىلار، شارۋا جۇمىسكەرلەر سياقتى ءتۇيىندى قاۋىم مەن قيىنشىلىعى بار بۇقارانىڭ جۇمىستانۋىنا كومەكتەسۋدى، سۇيەمەلدەۋدى كۇشەيتىپ، ورنىقتى جۇمىستانۋ ارقىلى بۇقارانىڭ كىرىسى مەن تۇرمىسىن قامتاماسىزداندىرۋ كەرەك. ءۇشىنشى، بازار تۇلعالارىنىڭ قيىنشىلىعىن شەشۋگە كۇش سالۋ كەرەك. سالىقتى، اقىنى ازايتۋدىڭ بەلگىلەنگەن شارالارىن ويداعىداي تياناقتاندىرىپ، الباتى اقى الۋدى تەجەۋ كەرەك. فينانس قۇرىلىمدارىن ولشەمدى تومەندەتۋ قارجىسىنان ويداعىداي پايدالانۋعا جەتەكتەپ، ورتا، شاعىن، ۇساق كاسىپورىندارعا فينانستىق قىزمەت وتەۋدى كۇشەيتۋ كەرەك. ءتورتىنشى، بازاردى قامتاماسىز ەتۋ، باعانى ورنىقتىرۋ قىزمەتىن ويداعىداي ىستەۋ كەرەك. ماڭىزدى شيكىزات باعاسىنىڭ جوعارىلاۋىنا توتەپ بەرۋ جوباسىن كەمەلدەندىرىپ جانە تياناقتاندىرىپ، ەل ىشىندەگى ءوندىرىستى ۇيلەسىمدى ارتتىرىپ، زاپاس قوردى اينالىمعا سالۋدى عىلمي ۇيىمداستىرىپ، ءتۇيىندى تاۋار بازارىنىڭ ىقپالداستىعىن باقىلاۋ - باسقارۋدى كۇشەيتۋ كەرەك. تۇرمىستىق بۇيىمداردى قامتاماسىز ەتۋ مەحانيزمىن ۇزدىكسىز اتقارىپ، بازاردى قامداۋدىڭ جەتكىلىكتى بولۋىنا كەپىلدىك ەتۋ كەرەك. بەسىنشى، اپاتقا ۇشىراعان بۇقارانى ورنالاستىرۋ جانە نەگىزگى تۇرمىستى قامتاماسىزداندىرۋ قىزمەتىن ويداعىداي ىستەۋ، سولتۇستىك رايوندار اپاتقا ۇشىراعان بۇقارانىڭ قىستان حاۋىپسىز، جىلى ءوتۋىن قامتاماسىزداندىرۋ قىزمەتىن كۇنى بۇرىن ويداعىداي ىستەۋ كەرەك. ءماجىلىس مىنالاردى تالاپ ەتتى: جەر - جەر، تاراۋلار ەكونوميكالىق بەتالىستاعى وزگەرىستەردى ءجىتى قاداعالاپ، ساياساتتاردى بىرىكتىرۋدى ساپالىلاندىرۋ كەرەك. تۇتىنۋدىڭ ورنىقتى ارتۋىن جەبەپ، جەرگىلىكتى ۇكىمەتتەردىڭ ارناۋلى قارىزىنان ويداعىداي پايدالانىپ، ۇتىمدى قارجى قوسۋدى كەڭەيتىپ، اناعۇرلىم ءونىمدى اشىق شارالار ارقىلى سىرتقى ساۋداداعى شەتەل قارجىسىن ورنىقتىرىپ، ساياساتتاردى سايكەستىرۋدى جانە ءتۇسىندىرۋدى كۇشەيتىپ، بازار تۇلعالارىنىڭ سەنىمىن كۇشەيتىپ، ەكونوميكانىڭ ورنىقتى اينالىمىن ساقتاۋ كەرەك.
ءماجىلىس مىنالاردى اتاپ كورسەتتى: «14 – بەسجىلدىق» جوبا مەزگىلىندە ەلىمىزدىڭ قالا - قالاشىقتارىندا جۇمىسقا ورنالاستىرۋ قىسىمى ءالى دە ءبىرشاما زور بولادى، جۇمىسقا ورنالاستىرۋدى ەكونوميكالىق، قوعامدىق دامۋ مەن ماكرولىق ساياساتتىڭ ماڭداي الدى ورنىنا ۇزدىكسىز قويىپ، ۇكىمەتتىڭ جاۋاپكەرلىگىن كۇشەيتىپ، بازاردى جەتەكشى ەتۋدە تاباندى بولىپ، اناعۇرلىم تولىق، اناعۇرلىم ساپالى جۇمىستاندىرۋدى ىلگەرىلەتۋ كەرەك. ءبىرىنشى، قازىنا، اقشا سياقتى ساياساتتار ارقىلى جۇمىستانۋدى قولداۋ بەتالىسىن كۇشەيتىپ، جۇمىستاندىرۋ قۋاتى كۇشتى ەڭبەك شوعىرلانعان كاسىپتەردىڭ دامۋىن جەبەپ، قىزمەت وتەۋ كاسىبىنىڭ جەلىدە جانە جەلىدەن تىس توعىسپالى دامۋىن ىلگەرىلەتىپ، يكەمدى جۇمىستانۋدى ءتۇرلى جولدارمەن جەبەۋ كەرەك. ەكىنشى، يگىلىك جاراتۋ ارقىلى جۇمىستانۋدى جەبەۋدى كۇشەيتىپ، جۇمىستانۋدىڭ ەسەلەپ ارتۋ اسەرىن ۇلعايتۋ كەرەك. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، يگىلىك جاراتۋعا تۇساۋ بولاتىن قامالدى تالقانداپ، يگىلىك جاراتۋعا قولداۋ كورسەتۋدى كۇشەيتىپ، كاسىپورىنشىلار رۋحىن قورعاپ، ەڭبەكشىلەردىڭ يگىلىك جاراتۋ بەلسەندىلىگىن قوزعاۋ كەرەك. ءۇشىنشى، جاڭا كاسىپ سالاسى، جاڭا كاسىپ فورماسى، جاڭا ساۋدا ۇلگىسىنىڭ اقاۋسىز دامۋىن ىلگەرىلەتىپ، جاڭا جۇمىس ورنىن كوبەيتۋ كەرەك. ءتورتىنشى، مەحانيزم مەن ساياساتتى كەمەلدەندىرىپ، جوعارى مەكتەپ بىتىرگەن وقۋشىلار، شارۋا جۇمىسكەرلەر، قوسىننان شەگىنگەن اسكەريلەر جانە كەدەيلىكتەن ارىلعان حالىق سانى قاتارلىلارعا قاراتىلعان جۇمىستانۋعا قىزمەت وتەۋدى ويداعىداي ىستەۋ كەرەك. جۇمىستانۋ جاعىنداعى كەمسىتۋشىلىكتى كۇش سالا جويىپ، يكەمدى جۇمىستانۋشىلار مەن جاسى ۇلكەندەر، ايەل ەڭبەكشىلەر قاتارلىلاردىڭ ۇقىق - مۇددەلەرىن قورعاۋدى كۇشەيتۋ كەرەك. بەسىنشى، بازاردىڭ قاجەتىن بەتكە الىپ، كاسىپتىك ونەرگە باۋلۋدى كۇشەيتىپ، ەڭبەكشىلەردىڭ تەحنيكالىق ونەرى مەن ءوندىرىس حاۋىپسىزدىگى ساپاسىن جوعارىلاتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
