بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىق قۇرىلتايى تۇراقتى كوميتەتىنىڭ 30 - ءماجىلىسى بەيجيڭدە اشىلدى

جەكەلەردىڭ ينفورماتسياسىن قورعاۋ زاڭى جوباسى، باقىلاۋ - تەكسەرۋ ءمانساپتىلارى زاڭى جوباسى، حالىق سانى جانە جوسپارلى تۋىت زاڭىنا وزگەرىس ەنگىزۋ جوباسى قاتارلىلاردى قارادى

لي جانشۋ ءماجىلىستى باسقاردى

2021.08.18 16:26     كەلۋ قاينارى : حالىق تورابى

  «حالىق گازەتى»، 8 - ايدىڭ 17 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 30 - ءماجىلىسى 8 - ايدىڭ 17 - كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى جيىنىن وتكىزدى. كوميتەت باستىعى لي جانشۋ ءماجىلىستى باسقاردى.

  تۇراقتى كوميتەت قۇرامىنداعىلاردان 153 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى جياڭ بيشين جاساعان جەكەلەردىڭ ينفورماتسياسىن قورعاۋ زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 – رەت قارالعان نۇسقاسىندا جەكەلەردىڭ ينفورماتسياسىن ءبىر جاقتى ەتۋ ەرەجەسى اناعۇرلىم كەمەلدەندىرىلىپ، قولدانىلمالى باعدارلامادا جەكەلەردىڭ ينفورماتسياسىن قالىپتان تىس جيناۋ، ءىرى ساندى مالىمەت ارقىلى قانىق بولۋ، سونداي – اق جەكەلەردىڭ ينفورماتسياسىن زاڭسىز ساۋدالاۋ، شاشۋ سياقتىلار باعىتتامالى ارناعا ءتۇسىرىلىپ، ازاماتتىق زاڭناماداعى قاتىستى بەلگىلەمەلەرمەن ۇشتاستىرۋ ويداعىداي ىستەلىپ، جەكەلەردىڭ ينفورماتسياسىمەن شەكارا اتتاپ قامداۋ ەرەجەسى، سونداي – اق قورعاۋ ارىز – شاعىمى، اشكەرەلەۋ مەحانيزمى سياقتىلار كەمەلدەندىرىلدى.

  ءماجىلىس جياڭ بيشين جاساعان باقىلاۋ - تەكسەرۋ ءمانساپتىلارى زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا باقىلاۋ - تەكسەرۋ ءمانساپتىلارىنىڭ كاسىپتىك قابىلەتىن جوعارىلاتۋ جونىندەگى بەلگىلەمە قوسىلىپ، بىلاي دەپ ايقىن بەلگىلەندى: باقىلاۋ - تەكسەرۋ ءمانساپتىلارىن قابىلداۋ، تاڭداپ وسىرۋدە زاڭ جانە مەملەكەتتىڭ قاتىستى بەلگىلەمەلەرى بويىنشا ىستەۋ كەرەك، باقىلاۋ - تەكسەرۋ ءمانساپتىلارى مەملەكەت ورگاندارى مەن ونداعى قىزمەتكەرلەردىڭ باقىلاۋ - تەكسەرۋ ءمانساپتىلارىنىڭ ۇقىعىنا قول سۇعۋ ارەكەتى جونىندە شاعىم ايتۋعا ۇقىقتى، ت. ب.

  ءماجىلىس جياڭ بيشين جاساعان زاڭدىق كومەك بەرۋ زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا مىناداي بەلگىلەمە قوسىلدى: مەملەكەت زاڭدىق قىزمەت وتەۋ بايلىعىن زاڭ بويىنشا ءوڭىر اتتاپ اينالىمعا سالۋ ءتۇزىمى مەحانيزمىن ورناتىپ جانە كەمەلدەندىرىپ، شالعاي رايونداردىڭ زاڭدىق كومەك بەرۋىن قولداپ، زاڭدىق كومەك بەرۋ قۇرىلىمدارىنىڭ قىزمەت وتەۋ ءتاسىلى مەن مازمۇنىن كەمەلدەندىرىپ، ىسكە قاتىستى ادامداردىڭ زاڭدى ۇقىق - مۇددەسىن قامتاماسىزداندىرىپ، ادامدىق ۇقىقتى ءادىليالىق جاقتان قامتاماسىزداندىرۋ تەبىنىن ارتتىرادى، ت. ب.

  ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى سۇڭ بين جاساعان شيپاگەرلىك زاڭ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا شيپاگەرلەردىڭ ۇقىق - مۇددەسىن قامتاماسىزداندىرۋ، كاسىپتىك حاۋىپ - قاتەردى ءبولىپ كوتەرۋ مەحانيزمى كەمەلدەندىرىلىپ، جۇڭگوشا - باتىسشا شيپاگەرلىكتى ۇشتاستىرۋ، نەگىزگى ساتى شيپاگەرلەر قوسىنى قۇرىلىسىن كۇشەيتۋ، شيپاگەرلەر الەۋمەتتىك ورىنداردا ەمدەۋ – قۇتقارۋعا قاتىناسقاندا جاۋاپكەرلىگىن كەشىرۋ تارماعى، شيپاگەرلەردىڭ كاسىپتىك ارەكەتىن ارناعا ءتۇسىرۋ سياقتى مازمۇندار قوسىلدى.

  ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى ۋاڭ نيڭ جاساعان اسكەرلىك مىندەت زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 2 - رەت قارالعان نۇسقاسىندا جەكەلەردىڭ ينفورماتسيا حاۋىپسىزدىگىن قورعاۋ مازمۇنى قوسىلىپ، تۇڭعىش رەتكى اسكەرلىك مىندەت وتەۋگە تىزىمدەلۋدىڭ ۋاقىت شەگى تالابى مەن توراپتا تىزىمگە الدىرۋ ءتاسىلى ايقىندالىپ، ايەل اسكەرلەردىڭ ۇقىق - مۇددەسىن قورعاۋ بەلگىلەمەسى سياقتىلار قوسىلدى.

  نەگىزگى زاڭ جانە زاڭدار كوميتەتى جوعارىداعى 5 جوبا ءبىرشاما پىسىپ - جەتىلدى دەپ قاراپ، وسى رەتكى تۇراقتى كوميتەت ءماجىلىسىنىڭ قاراپ ماقۇلداۋىنا ۇسىنۋدى ۇسىنىس ەتتى.

  ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى جوۋ گۋاڭچۋان جاساعان ۇيىمدىق قىلمىسقا قارسى تۇرۋ زاڭى جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا ۇيىمدىق قىلمىسقا قارسى تۇرۋ قىزمەت مەحانيزمى جونىندەگى بەلگىلەمەلەر كوبەيتىلىپ جانە كەمەلدەندىرىلىپ، ازامات جاسىنا تولماعاندارعا ساياتىن ۇيىمدىق قىلمىسقا قارسى تۇرۋ قىزمەت بەلگىلەمەسى كەمەلدەندىرىلىپ، شەكارا سىرتىنداعى قارا قوعام ۇيىمدارىنىڭ قىلمىس وتكىزۋىنە زاڭ قولدانۋ سياقتىلار ايقىندالدى.

  ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى شۇي حۇي جاساعان وتباسى تاربيەسى زاڭى جوباسىنا وزگەرىس ەنگىزۋ جاعدايى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا زاڭنىڭ اتى وتباسى تاربيەسىن جەبەۋ زاڭىنا وزگەرتىلىپ، وتباسى تاربيەسى ىستەرىنە جىلۋ اتاۋعا نەمەسە ەرىكتى قىزمەت وتەۋگە شابىت بەرىلدى جانە قولداۋ كورسەتىلدى، تاربيەلەۋ، باۋلۋ قۇرىلىمدارىنداعى بىلىقپالىققا بايلانىستى وتباسى تاربيەسىنە جەتەكشىلىك ەتۋ، قىزمەت وتەۋ قۇرىلىمدارى مەن وتباسى تاربيەسىنە قىزمەت وتەۋ قۇرىلىمدارىن ارناعا ءتۇسىرۋ سياقتى بەلگىلەمەلەر شىعارىلدى.

  ءماجىلىس ۋاڭ نيڭ جاساعان قۇرلىق شەكاراسى زاڭ جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا شەكارا نەگىزدىك قۇرىلعىلار قۇرىلىسىنىڭ دەڭگەيىن جوعارىلاتۋ ايقىن بەلگىلەندى، قۇرلىقتاعى مەملەكەت شەكاراسىنا بايلانىستى ۇگىت – تاربيە سياقتى بەلگىلەمەلەر قوسىلدى، شەكارا ايىرۋ شارتىن جاساسۋ، شەكارا بارلاۋ شارتىنىڭ ۇقىق شەگى مەن ءتارتىبىن ايقىنداۋ ايقىن بەلگىلەندى، ت. ب.

  ءماجىلىس وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ عىلىم - تەحنيكا العاباسارلىعى زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن قارادى. وزگەرىس ەنگىزىلگەن جوبانىڭ باستى مازمۇنى نەگىزدىك زەرتتەۋدى كۇشەيتۋ، مەملەكەتتىڭ ستراتەگيالىق عىلىم - تەحنيكا قۋاتىن كۇشەيتۋ، شەشۋشى، وزەكتى تەحنيكالاردان قامال الۋدى ىلگەرىلەتۋ، مەملەكەتتىڭ جاڭالىق جاراتۋ جۇيەسىن كەمەلدەندىرۋ جانە ساپالىلاندىرۋ، عىلىم - تەحنيكا قىزمەتكەرلەرىنىڭ جاڭالىق جاراتۋ، جاسامپازدىق جاراتۋ ومىرشەڭدىك كۇشىن تاسقىنداتۋ، وڭىرلىك جاڭالىق جاراتۋ ورنالاستىرۋىن ساپالىلاندىرۋ، عىلىم - تەحنيكانى اشىق ۇستاۋ مەن سەلبەستىكتى كەڭەيتۋ، تاماشا جاڭالىق جاراتۋ ورتاسىن جاراتۋ سياقتىلاردى قامتيدى. وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ مەڭگەرۋشى مۇشەسى لي شۋەيۇڭ تۇسىنىك جاسادى.

  ءماجىلىس ورتانى جانە بايلىقتى قورعاۋ كوميتەتىنىڭ قورشاعان ورتاداعى شۋىلدان، لاستانۋدان ساقتانۋ - جونگە سالۋ زاڭىنا وزگەرىس ەنگىزۋدى قاراۋعا ۇسىنۋ جونىندەگى كەڭەس جوباسىن قارادى. وسى رەتكى وزگەرىس ەنگىزۋدە ساقتانۋ – جونگە سالۋ وبيەكتىلەرى دەگەن مازمۇن قوسىلىپ، قولدانىلۋ كولەمى رەتتەلدى، ۇكىمەتتىڭ جانە ونىڭ قاتىستى تاراۋلارىنىڭ قىزمەت جاۋاپكەرلىگى كەمەلدەندىرىلىپ، بىلاي دەپ بەلگىلەندى: تۋ باستان ساقتانۋ، تىزگىندەۋ مەن شۋىلدى تۇرگە ءبولىپ باسقارۋدى كۇشەيتىپ، قوعامدى بىرگە جونگە سالۋدى كۇشەيتىپ، زاڭدىق جاۋاپكەرلىكتى ايقىنداپ، جازالاۋ تەبىنىن ارتتىرۋ كەرەك. قورشاعان ورتا جانە بايلىقتى قورعاۋ كوميتەتىنىڭ مەڭگەرۋشى مۇشەسى گاۋ حۋچىڭ تۇسىنىك جاسادى.

  ءماجىلىس اۋىل شارۋاشىلىعى جانە اۋىل - قىستاق كوميتەتىنىڭ تۇقىم زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن قارادى. وزگەرىس ەنگىزىلگەن جوبادا وسىمدىكتەردىڭ جاڭا سورتى ءبىلىم مەنشىك ۇقىعىنا بايلانىستى ۇقىقتى قورعاۋ كولەمى مەن قورعاۋ بۋىندارى كەڭەيتىلىپ، ماندىك تۋىندى تۇقىم ءتۇزىمى ورناتىلىپ، ۇقىققا قول سۇعۋ تولەم ءتۇزىمى كەمەلدەندىرىلىپ، ءتۇزىم بەتالىسى ارقىلى ءتول جاڭالىق اشۋ ومىرشەڭدىك كۇشىن تاسقىنداتۋ بەلگىلەندى. اۋىل شارۋاشىلىعى جانە اۋىل - قىستاق كوميتەتى مەڭگەرۋشى مۇشەسىنىڭ ورىنباسارى ليۋ جىنۋەي تۇسىنىك جاسادى.

  تۋىت ساياساتىن ساپالىلاندىرىپ، حالىق سانىنىڭ ۇزاق ۋاقىت بىركەلكى دامۋىن جەبەۋ ءۇشىن، مەملەكەتتىك كەڭەس قاراۋعا ۇسىنعان حالىق سانى جانە جوسپارلى تۋىت زاڭىنا وزگەرىس ەنگىزۋ جوباسى جونىندەگى كەڭەس جوباسى العا قويىلدى. مەملەكەتتىك كەڭەستىڭ تاپسىرۋىمەن مەملەكەتتىك دەنساۋلىق ساقتاۋ، سالاماتتىق كوميتەتى مەڭگەرۋشىسىنىڭ ورىنباسارى يۇي شۋەجۇن تۇسىنىك جاسادى.

  ءماجىلىس مەملەكەتتىك حالىق قۇرىلتايى تۇراقتى كوميتەتى كوميتەت باستىقتارى ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭىنىڭ» 3 - قوسىمشا قۇجاتىندا كورسەتىلگەن مەملەكەتتىك زاڭداردى كوبەيتۋ جونىندەگى قاۋلى جوباسىن قاراۋعا ۇسىنۋ جونىندەگى كەڭەس جوباسىن، مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسى اۋمىن ەرەكشە اكىمشىلىك رايونىنىڭ ءتۇبىرلى زاڭىنىڭ» 3 - قوسىمشا قۇجاتىندا كورسەتىلگەن مەملەكەتتىك زاڭداردى كوبەيتۋ جونىندەگى قاۋلى جوباسىن قاراۋعا ۇسىنۋ جونىندەگى كەڭەس جوباسىن قارادى. كوميتەت باستىقتارى ءماجىلىسىنىڭ تاپسىرۋىمەن تۇراقتى كوميتەت زاڭ - ءتۇزىم قىزمەتى كوميتەتىنىڭ مەڭگەرۋشىسى شىن چۇنياۋ تۇسىنىك جاسادى.

  ەلىمىزدىڭ ارىز - شاعىم ءتۇزىمىن كەمەلدەندىرۋدى ىلگەرىلەتىپ، 4 - دارەجەلى سوت مەكەمەلەرىنىڭ قاراۋ دارەجەسىنىڭ فۋنكتسيالىق ورنىن ايقىنداپ، قاراۋ دارەجەسىن تەجەۋ، باقىلاۋ جۇيەسى قۇرىلىسىن كۇشەيتىپ، ءادىليا بايلىعىن ورنالاستىرۋدى جاپپاي ساپالىلاندىرىپ، زاڭنىڭ دۇرىس، ءبىر تۇتاس قولدانىلۋىن قامتاماسىزداندىرۋ ءۇشىن، ەڭ جوعارى حالىق سوتى مەكەمەسى قاراۋعا ۇسىنعان ەڭ جوعارى حالىق سوتى مەكەمەسىنىڭ سول سوت مەكەمەسى مەن ءىشىنارا رايونداردا 4 - دارەجەلى سوت مەكەمەلەرىنىڭ قاراۋ دارەجەسىنىڭ فۋنكتسيالىق ورنىن تۇراقتاندىرۋ رەفورماسىن تۇيىندە سىناق ەتۋ قىزمەتىن ورىستەتۋىنە ۇقىق بەرۋ جونىندەگى قاۋلى جوباسىن العا قويدى. ەڭ جوعارى حالىق سوتى مەكەمەسىنىڭ باستىعى جوۋ چياڭ تۇسىنىك جاسادى.

  ءماجىلىس تۇراقتى كوميتەت ۋاكىلدەرىنىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ۋ يۇيلياڭ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن تىڭدادى.

  ءماجىلىس تاعى مىندەتكە تاعايىنداۋ، مىندەتىنەن قالدىرۋعا قاتىستى ىستەردى قارادى.

  مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ ماجىلىسكە قاتىناستى.

  مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ياڭ شياۋدۋ، مەملەكەتتىك كەڭەستىڭ مۇشەسى ۋاڭ ي، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك حالىق قۇرىلتايىنىڭ ارناۋلى كوميتەتتەرىنىڭ مۇشەلەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار