بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

يۇننانداعى حاني ساتىلى اتىزى: ءتورت فاكتوردان قالىپتاسقان ەكولوگيالىق عاجايىپ كورىنىس

2021.08.18 16:57   كەلۋ قاينارى : حالىق تورابى



  يۋانياڭ اۋدانى اجىكى قىستاعىنداعى حاني ساتىلى اتىزىنىڭ كورىنىسى. لو جيانگو فوتوسى

  حالىق تورابىنىڭ 8 – ايدىڭ 17 – كۇنى حۇڭحىدان بەرگەن حابارى. تاۋ شوقىسىنداعى ورمان سۋ قاينارىن قورعاپ، سىلدىراي اققان بۇلاقتاردى قالىپتاستىرىپ، قاپتالداعى قىستاقتاردى تۇرمىستىق سۋمەن قامداۋمەن بىرگە، قىستاقتىڭ تومەنگى جاعىنداعى ساتىلى اتىزداردى سۋارۋعا دا سۋ قاينارىن ازىرلەگەن. اعىن سۋ ەڭىسكە قۇلداي اعىپ، ويپاتتاعى وزەن اڭعارىندا توعىسىپ، اعىندى وزەندى قالىپتاستىرادى، ونان سوڭ بۋلانۋ رولى ارقىلى سۋ قۇرامىن ورمانعا قايتا تاسىمالدايدى. «ورمان – قىستاق – ساتىلى اتىز – سۋ جۇيەسى» سىندى ءتورت فاكتور توعىسىپ وتىرادى دا، وسىلايشا ۇزدىكسىز قايتالانىپ، ماڭگى تولاستاماي جالعاسا بەرەدى، مىنە، بۇل يۇننانداعى حاني ساتىلى اتىزىنىڭ ەكولوگيالىق عاجايىپ كورىنىسى.

  حاني ساتىلى اتىزى — 1300 جىلدان استام ۋاقىت جالعاسقان ەكولوگيالىق ەگىستىك جۇيەسى، ول يۇننانداعى حاني ۇلتى، يزۋ ۇلتى، دايزۋ ۇلتى، جۋاڭزۋ ۇلتى، مياۋزۋ ۇلتى، ياۋزۋ ۇلتى، حانزۋ ۇلتى قاتارلى ۇلتتاردىڭ ۇلى تابيعاتپەن جاراسىمدى توعىسۋى ارقاسىندا تۋىنداعان ەكولوگيالىق وركەنيەت حيكىمەتى، ماماندار ونى ءداستۇرلى ەكولوگيالىق اۋىل شارۋاشىلىعىنىڭ ۇلگىسى دەپ قاراعان. مۇنان سىرت، شەكارا اتتاعان وزەن سۋ جۇيەسىنىڭ قاينار كوزىندەگى توپىراقتى ساقتاۋ، وڭىرلىك كليماتتى، ەكولوگيالىق جۇيەنى تەڭشەۋ قاتارلى جاقتاردا حاني ساتىلى اتىزى وڭىرلىك ەكولوگيالىق رول اتقارادى. يۇننان ولكەسى حۇڭحى وبلىسى يۋانياڭ اۋدانىنداعى شوعىرلى تۇتاسقان، جيىلىگى ءبىرشاما جوعارى 46100 گەكتار كەلەتىن حاني ساتىلى اتىزى دۇنيە جۇزىلىك مادەني مۇرالار تىزىمدىگىنە دە ەنگىزىلگەن بولاتىن (فۋ حاۋ، پۋ جيانمەي، چى ياشي)

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 
جاۋاپتى رەداكتورى : نۇرعيسا قۇرمانجان ۇلى