2020 – جىلى ەلىمىزدە ەلەكتروندى شوفەرلىك كۋالىگى جاپپاي جالپىلاستىرىلادى
2021.08.19 12:52 كەلۋ قاينارى : حالىق تورابى
 |
6 – ايدىڭ 1 – كۇنى تيانجين قالالىق قوعام حاۋىپسىزدىگى قاتىناستى باسقارۋ مەكەمەسى اۆتوموبيلدەردى باسقارۋ بولىمشەسىندە، قالا تۇرعىنى ءوتىنىش تاپسىرۋ ارقىلى بىتىرگەن ەلەكتروندى شوفەرلىك كۋالىگىن كورسەتۋدە (شينحۋا اگەنتتىگى)
|
شينحۋا اگەنتتىگىنىڭ تىلشىلەرى رىن چينچين، شيۇڭ فىڭ 8 – ايدىڭ 19 – كۇنى بەيجيڭنەن حابارلايدى. ءتىلشىنىڭ 8 – ايدىڭ 18 – كۇنى قوعام حاۋىپسىزدىگى مينيسترلىگىنىڭ اقپار جاريالاۋ ماجىلىسىنەن ۇعىسۋىنشا، 6 – ايدىڭ 1 – كۇنىنەن باستاپ تيانجين، چىڭدۋ، سۋجوۋ قاتارلى ءۇش جەردە ەلەكتروندى شوفەرلىك كۋالىگى سىناق ەتىلگەننەن بەرى، ءبىر ميلليون 950 مىڭنان استام ادام ەلەكتروندى شوفەرلىك كۋالىگىن الۋعا ءوتىنىش تاپسىرعان. بيىل سوڭعى جارىم جىلدا سىناق تۇيىندەرىنىڭ كولەمى كەڭەيتىلەدى، 2022 – جىلى جاپپاي جالپىلاستىرىلادى.
ەلەكتروندى شوفەرلىك كۋالىگىنىڭ بىركەلكىلىك، دەر كەزىندىك، حاۋىپسىزدىك سىندى 3 ءتۇرلى ەرەكشەلىگى بار، شوفەرلەرگە ءوتىنش تاپسىرۋ، كۋالىك كورسەتۋ، پايدالانۋ جاقتارىندا قولايلى. قوعام حاۋىپسىزدىگى مينيسترلىگىنىڭ مالىمدەمەشىسى لي گوجۇڭنىڭ ايتۋىنشا، شوفەرلەر «قاتىناس باسقارۋ 12123» اتتى APP قولدانباسىنداعى جەكەلىك اككاۋنتىنە كىرۋ ارقىلى الا الادى، ەلەكتروندى شوفەرلىك كۋالىگىنىڭ فورماسى بۇكىل ەل بويىنشا بىردەي، قاعاز جۇزىندەگى شوفەرلىك كۋالىكپەن بىردەي زاڭدى كۇشكە يە.
ۇعىسۋعا قاراعاندا، ەلەكتروندى شوفەرلىك كۋالىگى بۇكىل ەلىمىزدەگى قوعام حاۋىپسىزدىگى قاتىناس باسقارۋ سالاسىنداعى ەلەكتروندى كۋالىكتەر جۇيەسى ارقىلى شىعارىلادى، شوفەرلىك كۋالىكتىڭ جاعدايى ءسات سايىن ايگىلەنىپ وتىرادى، زاڭ اتقارۋ، باسقارۋ، الەۋمەتتىك قىزمەت وتەۋ قاتارلى ءتۇرلى جاقتاردا پايدالانۋعا بولادى، سول كەزدىڭ وزىندە تەكسەرۋگە، دەرەۋ كورسەتۋگە، سول كەزدىڭ وزىندە كۋالاندىرۋعا قولايلى. ەلەكتروندى شوفەرلىك كۋالىككە سيفرلى قول قويۋدا جالعاندىق جاساۋدان ساقتانۋ تەحنيكاسى قولدانىلعان، شىنايى ءارى بىردەن – ءبىر كۋالىك بولۋىنا، حاۋىپسىزدىگىنە سەنىمدى كەپىلدىك ەتىلەدى.
«شوفەرلەر ەلەكتروندى شوفەرلىك كۋالىگى ارقىلى اۆتوكولىكتى باسقارۋ ىستەرى مەن شوفەرلىكتى باسقارۋ ىستەرىن ءبىتىرۋ، قاتىناس زاڭىنا قايشى كەلۋى ىستەرىن ءبىرجاقتى ەتۋ، قاتىناس شىرعالاڭىنا قاتىستى ىستەردى ءبىرجاقتى ەتۋ سىندى قاتىناس باسقارۋعا قاتىستى جۇمىستاردى ورىنداي الادى، بۇل جۇمىستاردى بىتىرگەندە قاعاز جۇزىندەگى شوفەرلىك كۋالىكتى تاپسىرۋدىڭ قاجەتى جوق»، — دەيدى لي گۇڭجۇڭ. قامسىزداندىرۋدان تولەم تولەۋ، اۆتوكولىك مايعا الۋ، قىزمەتكەر قابىلداۋ قاتارلى كەزدەردە، شوفەرلەر ەلەكتروندى شوفەرلىك كۋالىگىن كورسەتسە بولادى، قاتىستى ورىنداردىڭ شوفەرلەردىڭ تولىمدىلىعىن ينتەرنەت ارقىلى كۋالاندىرۋى جۇرتشىلىقتىڭ اۆتوكولىكپەن جولاۋشى جۇرۋىنە اناعۇرلىم قولايلىلىق جاراتادى، كاسىپورىنداردىڭ، كاسىپ سالاسىنىڭ دامۋىنا اناعۇرلىم ويداعىداي قىزمەت وتەۋگە شارت – جاعداي جاراتادى.
لي گوجۇڭ مىنانى ءبىلدىردى: كەلەسى قادامدا، قوعام حاۋىپسىزدىگى مينيسترلىگى الدىڭعى مەرزىمدەگى سىناق تۇيىندەرى نەگىزىندە، ينفورماتسيا جۇيەسىن كەمەلدەندىرىپ، سايكەستى تۇزىمدەردى تولىقتاپ، ەلەكتروندى شوفەرلىك كۋالىگىن جالپىلاستىرۋ تەبىنىن ارتتىرادى، بيىل سوڭعى جارىم جىلدا ءىشىنارا جەرلەردى تاڭداپ، سىناق ءتۇيىنىن تاعى كەڭەيتەدى، 2022 – جىلى جاپپاي جالپىلاستىرىپ، اناعۇرلىم كوپ ادامنىڭ، كاسىپورىننىڭ قولايلىلىققا، تيىمدىلىككە كەنەلۋىنە شارت – جاعداي جاراتادى.
كەلۋ قاينارى: حالىق تورابى
 |
اقپار جاريالاۋ ءماجىلىسىنىڭ ناق مايدانى (قوعام حاۋىپسىزدىگى مينيسترلىگى بەرگەن سۋرەت)
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
