بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ يراقتىڭ زۇڭتۇڭى بارحاممەن تەلەفوندا سويلەستى

2021.08.19 16:25     كەلۋ قاينارى : حالىق تورابى

  شينحۋا اگەنتتىگى، 8 - ايدىڭ 18 - كۇنى، بەيجيڭ. مەملەكەت ءتوراعاسى شي جينپيڭ 8 - ايدىڭ 18 - كۇنى يراقتىڭ زۇڭتۇڭى بارحاممەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: يراق − جاڭا جۇڭگومەن ەڭ ەرتە ديپلوماتيالىق قاتىناس ورناتقان اراب ەلدەرىنىڭ ءبىرى، سونداي - اق جۇڭگونىڭ باتىس ازيا، سولتۇستىك افريكا وڭىرىندە «ءبىر بەلدەۋ، ءبىر جولدى» بىرگە قۇرۋىنداعى ماڭىزدى سەلبەستىك سەرىگى. يراق حالقىنىڭ شىنايى دوسى رەتىندە جۇڭگو يراقتىڭ ەكونوميكاسىن قايتا قۇرۋعا بەلسەنە ات سالىستى، ءار سالاداعى دوستىق، ناقتى سەلبەستىك ورنىقتى ىلگەرىلەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن يراق ءبىرىن - ءبىرى قولداپ، ءبىر - بىرىنە قول ۇشىن بەردى. جۇڭگو جۇڭگو - يراق قاتىناسىن دامىتۋعا ايرىقشا ءمان بەرەدى، يراقتىڭ ىندەتكە قارسى اتتانۋىنا ۇزدىكسىز قولداۋ كورسەتىپ، ەكى ەلدىڭ ەنەرگيا، ەلەكتر، قاتىناس سياقتى سالالارداعى سەلبەستىگىن كەڭەيتىپ، يراقتىڭ ەكونوميكالىق قايتا قۇرۋىنا جانە قوعامدىق دامۋىنا دەم بەرىپ، جۇڭگو مەن يراقتىڭ ستراتەگيالىق سەرىكتەستىك قاتىناسىنىڭ اناعۇرلىم زور دامۋىن ىلگەرىلەتۋدى قالايدى.

  شي جينپيڭ بىلاي دەپ دارىپتەدى: جۇڭگو يراقتىڭ مەملەكەتتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن باتىل قولدايدى، يراقتىڭ لاڭكەستىككە سوققى بەرۋىن، مەملەكەتتىڭ حاۋىپسىزدىگى مەن ورنىقتىلىعىن قورعاۋىن قولدايدى، يراق حالقىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس تاڭداۋىن قولدايدى، ءارقانداي سىرتقى كۇشتىڭ يراقتىڭ ىشكى ىسىنە كيلىگۋىنە قارسى تۇرادى. يراقتاعى ءارقايسى توپتىڭ ىنتىماقتى كۇشەيتىپ، ەل ىشىندەگى ساياسي بارىستا تىڭ ىلگەرىلەۋشىلىكتەرگە قول جەتكىزۋدى جەبەپ، باياندى تىنىشتىق پەن گۇلدەنىپ - كوركەيۋدى، دامۋدى جۇزەگە اسىرۋىن ءۇمىت ەتەمىن. جۇڭگو يراقتى قامتىعان دوس ەلدەرمەن بىرگە بەيبىتشىلىك پەن دامۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

  بارحام مىنانى ءبىلدىردى: جۇڭگو كوممۋنيستىك پارتياسى قۇرىلعانىنىڭ 100 جىلدىعى − جۇڭگو مەن دۇنيە ءجۇزى جونىنەن بەلەستىك مانگە يە كەلەلى ءىس، جۇڭگونىڭ وسىنى جاڭا باستاما ەتىپ، بولاشاق ساپاردا تىڭ دا اناعۇرلىم زور تابىستارعا قول جەتكىزۋىن تىلەيمىن. يراق پەن جۇڭگونىڭ ۇزاق تاريحقا يە ۇلى وركەنيەتتەرى بار. يراق جۇڭگونىڭ مەملەكەتتىڭ يەلىك ۇقىعىن، حاۋىپسىزدىگىن جانە تەرريتوريا تۇتاستىعىن قورعاۋ ءۇشىن قولدانعان شارالارىن تۇسىنەدى، ءبىر جۇڭگو ساياساتىن باتىل اتقارادى. يراق جۇڭگونىڭ يراقتىڭ ەكونوميكالىق قايتا قۇرۋىنا جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كورسەتكەن كومەگىنە العىس ايتادى، يراق پەن جۇڭگونىڭ دوستىق قاتىناسىن تەرەڭدەتۋدى قالايمىن، جۇڭگومەن ىندەتكە قارسى اتتانۋ سەلبەستىگىن ۇزدىكسىز كۇشەيتىپ، ەكى جاقتى ساۋدا، قارجى قوسۋ سەلبەستىگىن كەڭەيتىپ، مادەنيەت، ساياحات، جاستار، دەنەتاربيە سياقتى سالالارداعى اۋىس - كۇيىس پەن سەلبەستىكتى كەڭەيتۋدى ءۇمىت ەتەمىن. يراق جۇڭگومەن ستراتەگيالىق تىلدەسۋدى جيىلەتىپ، حالىقارالىق، وڭىرلىك جاعدايداعى شۇعىل وزگەرىستەرگە بىرگە توتەپ بەرىپ، لاڭكەستىككە سەلبەسىپ سوققى بەرىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدى قالايدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

6 – ايدىڭ 1 – كۇنى تيانجين قالالىق قوعام حاۋىپسىزدىگى قاتىناستى باسقارۋ مەكەمەسى اۆتوموبيلدەردى باسقارۋ بولىمشەسىندە، قالا تۇرعىنى ءوتىنىش تاپسىرۋ ارقىلى بىتىرگەن ەلەكتروندى شوفەرلىك كۋالىگىن كورسەتۋدە (شينحۋا اگەنتتىگى)

اقپار جاريالاۋ ءماجىلىسىنىڭ ناق مايدانى (قوعام حاۋىپسىزدىگى مينيسترلىگى بەرگەن سۋرەت)