حالىق قۇرىلتايى تۇراقتى كوميتەتىنىڭ 30 - ءماجىلىسى ەكىنشى جالپى جيىنىن وتكىزدى
بيىل جىل باسىنان بەرگى جوسپاردىڭ اتقارىلۋ احۋالى جونىندەگى بايانداما، مەجە ەسەپتىڭ اتقارىلۋ احۋالى جونىندەگى بايانداما قاتارلىلاردى قارادى
لي جانشۋ ماجىلىسكە قاتىناستى
2021.08.19 16:32 كەلۋ قاينارى : حالىق تورابى
«حالىق گازەتى»، 8 - ايدىڭ 18 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 30 - ءماجىلىسى 8 - ايدىڭ 18 - كۇنى تۇستەن كەيىن بەيجيڭدەگى حالىق سارايىندا ەكىنشى جالپى جيىنىن وتكىزدى. كوميتەت باستىعى لي جانشۋ ماجىلىسكە قاتىناستى.
كوميتەت باستىعىنىڭ ورىنباسارى ساۋ جيانميڭ ءماجىلىستى باسقاردى. تۇراقتى كوميتەت قۇرامىنداعىلاردان 152 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
مەملەكەتتىك كەڭەستىڭ تاپسىرۋىمەن مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ بيىل جىل باسىنان بەرگى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايىنان مالىمەت بەردى. ول بىلاي دەدى: بيىل جىل باسىنان بەرى ەلىمىز ەكونوميكاسى ءۇرتىس ورنىقتى قالپىنا كەلىپ، مەجەگە ۇيلەسىپ، ورنىقتىلىق بارىسىندا بەكەمدەلۋ، ورنىقتىلىق بارىسىندا جاقسارۋ جاعدايى جارىققا شىعىپ، تۇتاس جىلداعى ەكونوميكالىق، قوعامدىق دامۋ نىساناسىن جۇزەگە اسىرۋعا بەرىك نەگىز قالادى. سوڭعى جارتى جىلدا ىندەتتەن ساقتانۋ - تىزگىندەۋدى باستان - اياق ابايلاپ ويداعىداي يگەرىپ، ەكونوميكالىق اينالىمنىڭ ۇيلەسىمدى ارالىقتا بولۋىن كۇش سالا ساقتاپ، جاڭالىق اشۋ ارقىلى دەم بەرۋ نەگىزىندە شارۋاشىلىقتىڭ تيبىن وزگەرتىپ، دارەجەسىن جوعارىلاتۋعا جەتەكشىلىك ەتۋدى كۇشەيتىپ، قۇدىرەتتى ىشكى بازاردىڭ كومەسكى كۇشىن كۇش سالا اشىپ، اۋىل شارۋاشىلىعىن، اۋىل - قىستاقتى وسىزامانداندىرۋ مەن اۋىل - قىستاقتى گۇلدەندىرۋدى ورنىقتى ىلگەرىلەتىپ، وڭىرلىك كەلەلى ستراتەگيانى، وڭىرلىك سايكەستى دامۋ ستراتەگياسىن جانە جاڭاشا قالا - قالاشىقتاندىرۋ ستراتەگياسىن ىشكەرىلەي اتقارىپ، رەفورما جاساپ، ەسىك اشۋدى تاباندىلىقپەن ىلگەرىلەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن بەلسەنە جەبەپ، ءتۇيىندى سالالارداعى حاۋىپ - قاتەردەن ساقتانۋ - جويۋعا باسا ءمان بەرىپ، حالىق تۇرمىسىن قامتاماسىزداندىرۋ جانە جاقسارتۋ قىزمەتىن ۇزدىكسىز ويداعىداي ىستەۋ كەرەك.
مەملەكەتتىك كەڭەستىڭ تاپسىرۋىمەن قازىنا مينيسترلىگى مينيسترىنىڭ ورىنباسارى شۇي حۇڭساي بيىل جىل باسىنان بەرگى مەجە ەسەپتىڭ اتقارىلۋ جاعدايىنان مالىمەت بەردى. ول بىلاي دەدى: بيىل جىل باسىنان بەرى جەر - جەر، تاراۋلار ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ جەتىستىكتەرىن ۇزدىكسىز بەكەمدەپ جانە كەڭەيتىپ، ماكرولىق ساياساتتى دالمە - ءدال اتقاردى، ەلىمىزدىڭ جۇمىستانۋ جاعدايى جاقسارىپ، قوعامدىق ىستەر، حالىق تۇرمىسى پارمەندى قامتاماسىزداندىرىلدى. وسى نەگىزدە مەجە ەسەپتىڭ اتقارىلۋ احۋالى ءبىرشاما جاقسى بولدى. 1 - ايدان 7 - ايعا دەيىن بۇكىل ەلدىڭ ادەتتەگى الەۋمەتتىك مەجە ەسەپ كىرىسى 13 تريلليون 771 ميلليارد 600 ميلليون يۋان بولىپ، سايكەس مەزگىلدەگىدەن %20 ارتتى، 2019 – جىلعى ۇقساس مەزگىلدەگىمەن سالىستىرعاندا %9.6 ارتتى. مەملەكەت بويىنشا ادەتتەگى الەۋمەتتىك مەجە ەسەپ شىعىسى 13 تريلليون 792 ميلليارد 800 ميلليون يۋان بولىپ، سايكەس مەزگىلدەگىدەن %3.3 ارتىپ، ءبىرشاما كۇشتى شىعىس تەبىنى جالعاستى. كەلەسى قادامدا مىناداي 6 جاقتاعى قىزمەتتى ءتۇيىندى تۇردە ويداعىداي ىستەۋ كەرەك: بەلسەندى قازىنا ساياساتىندا ساياساتتىڭ ونىمدىلىگىن جوعارىلاتۋ، ۇكىمەت ۇنەمشىلدىكپەن ىستەۋ تالابىن جاپپاي تياناقتاندىرۋ، نەگىزگى ساتىنىڭ «ءۇشتى قامتاماسىز ەتۋ» تومەنگى شەگىن مىقتاپ يگەرۋ، جەرگىلىكتى ۇكىمەتتەردىڭ قارىز حاۋىپ - قاتەرىنەن ساقتانۋ جانە ونى شەشۋ، قازىنا - سالىق ءتۇزىلىسى رەفورماسىن تەرەڭدەتۋ، قازىنا - بۇعالتىرلىق باقىلاۋ تەبىنىن ارتتىرۋ.
ءماجىلىس مادەنيەت جانە ساياحات مينيسترلىگى مينيسترىنىڭ ورىنباسارى، مەملەكەتتىك مادەني مۇرالار مەكەمەسىنىڭ باستىعى لي چۇننىڭ مەملەكەتتىك كەڭەستىڭ تاپسىرۋىمەن جاساعان مادەني مۇرالار قىزمەتى مەن مادەني مۇرالاردى قورعاۋ زاڭىنىڭ اتقارىلۋ احۋالى جونىندەگى بايانداماسىن تىڭدادى. باياندامادا مىنالار اتاپ كورسەتىلدى: جەر - جەر، قاتىستى تاراۋلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى مادەني مۇرالار ىستەرىنىڭ قارىشتاپ دامۋىن ىلگەرىلەتتى؛ مادەني مۇرالاردى قورعاۋ زاڭى جاپپاي تياناقتاندىرىلىپ، مادەني مۇرالار قىزمەتىندە تاريحي تابىستارعا قول جەتتى. كەلەسى قادامدا پارتيانىڭ باسشىلىعىندا تاباندى بولىپ، مادەني مۇرالاردى قورعاۋ جاۋاپكەرلىك سەزىمىن، بورىشتىلىق سەزىمىن كۇشەيتۋ؛ زاڭ بويىنشا باسقارۋدا تاباندى بولىپ، مادەني مۇرالاردى زاڭمەن باسقارۋدى قامتاماسىز ەتۋدى كۇشەيتۋ؛ جۇيەلى قورعاۋدا تاباندى بولىپ، مادەني مۇرالاردى قورعاۋ، پايدالانۋ جۇيەسىن كەمەلدەندىرۋ؛ عىلىم - تەحنيكانى تىرەك ەتۋدە تاباندى بولىپ، ءوندىرىس، وقىتۋ، زەرتتەۋ، پايدالانۋ ىشكەرىلەي توعىسقان مادەني مۇرالار عىلىم - تەحنيكاسىندا جاڭالىق اشۋ جۇيەسىن ورناتۋ؛ رەفورمانى تەرەڭدەتۋدە تاباندى بولىپ، مادەني مۇرالار ىستەرىنىڭ دامۋىنىڭ پارمەندى قوزعاۋشى كۇشىن تاسقىنداتۋ كەرەك. باياندامادا مادەني مۇرالاردى قورعاۋ زاڭىن اتقارۋ بارىسىندا جارىققا شىققان ماسەلەلەرمەن ۇشتاستىرۋ نەگىزىندە زاڭعا وزگەرىس ەنگىزۋ ۇسىنىسى ورتاعا قويىلدى.
ءماجىلىس حى ليفىڭ مەملەكەتتىك كەڭەستىڭ تاپسىرۋىمەن جاساعان شيۇڭ - ان جاڭا رايونى مەن بايياڭدياننىڭ ەكولوگياسىن قورعاۋ قىزمەتىنىڭ جاعدايى جونىندەگى باياندامانى تىڭدادى. باياندامادا مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارى تياناقتاندىرىلدى، قاتىستى رايوندار مەن تاراۋلار شيۇڭ - ان جاڭا رايونى مەن بايياڭدياننىڭ ەكولوگياسىن قورعاۋ جوبا ساياسات جۇيەسىن جوعارى ولشەممەن قۇرىپ، شيۇڭ - ان جاڭا رايونى مەن بايياڭدياننى ەكولوگياسىن قورعاۋ قىزمەتىن جوعارى ساپامەن ىلگەرىلەتىپ، كورنەكتى ونىمدىلىككە قول جەتكىزدى. ورىن تەۋىپ وتىرعان باستى ماسەلەلەردى كوزدە ۇستاي وتىرىپ، كەلەسى قادامدا بايياڭدياننىڭ ورتاسىن جان - جاقتى جونگە سالۋ مەن ەكولوگيانى قالپىنا كەلتىرۋدى ىشكەرىلەي ورىستەتىپ، بايياڭدياننىڭ ەكولوگياسىندا سۋ تولىقتاۋ مەن سۋدى ۇنەمدەپ پايدالانۋدى كۇش سالا اتقارىپ، تاسقىننان ساقتانۋ، تاسقىن سۋىن ىعىستىرۋ ينجەنەريا نىسانى قۇرىلىسىن ۇزدىكسىز ىلگەرىلەتىپ، وڭىرلەردىڭ سەلبەسىپ زاڭ شىعارۋىن جانە بىرلەسىپ زاڭ اتقارۋىن ۇزدىكسىز كۇشەيتىپ، اعارلاردى سەلبەسىپ جونگە سالۋ قىزمەت مەحانيزمىن ورناتىپ جانە كەمەلدەندىرىپ، ءتۇرلى قىزمەت مىندەتتەرىنىڭ تياناقتانۋىن شىن مانىندە ويداعىداي يگەرۋ كەرەك.
بيىل 4 - ايدان 6 - ايعا دەيىن مەملەكەتتىك حالىق قۇرىلتايىنىڭ تۇراقتى كوميتەتى كاسىپورىنداردىڭ كۇيرەۋى زاڭىنىڭ اتقارىلۋىن تەكسەرۋدى ۇيىمداستىردى. ءماجىلىس مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ دۇڭميڭ جاساعان كاسىپورىنداردىڭ كۇيرەۋى زاڭىنىڭ اتقارىلۋ احۋالىن تەكسەرۋ جونىندەگى باياندامانى تىڭدادى. باياندامادا زاڭدى ۇگىتتەۋ، ءتۇزىمدى كەمەلدەندىرۋ، مەحانيزمدى كەمەلدەندىرۋ، امالياتتىق ىزدەنىس جاساۋ، ءادىليالىق قامتاماسىزداندىرۋ سياقتى 5 جاقتان كاسىپورىنداردىڭ كۇيرەۋى زاڭىن اتقارۋدا قول جەتكىزىلگەن بەلسەندى تابىستار تانىستىرىلىپ، ورىن تەۋىپ وتىرعان كورنەكتى قيىنشىلىقتار مەن ماسەلەلەر اتاپ كورسەتىلدى ءارى ونىڭ سەبەبىنە تالداۋ جاسالدى. كەلەسى قادامدا پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، كۇيرەۋ زاڭ، ءتۇزىمىنىڭ ىشكەرىلەي اتقارىلۋىن ىلگەرىلەتىپ، كۇيرەۋ ءتارتىبىن ساپالىلاندىرىپ، كۇيرەۋ بارىسىن قاراۋدىڭ ناقتى ونىمدىلىگىن جوعارىلاتىپ، باسقارۋشىلار ءتۇزىمىن اقاۋسىزداندىرىپ، باسقارۋشلاردىڭ مىندەتتى زاڭ بويىنشا اتقارۋ قابىلەتىن جوعارىلاتىپ، ۇكىمەتتىڭ بىرلەسىپ اتقارۋ مەحانيزمىن ونان ارى كەمەلدەندىرىپ، قازىنا - سالىق ساياساتىن ساپالىلاندىرىپ، سەنىمدىلىكتى قالپىنا كەلتىرۋ مەحانيزمىن كەمەلدەندىرىپ، جۇمىسشى - قىزمەتكەرلەردىڭ زاڭدى ۇقىق - مۇددەسىن قورعاپ، زاڭعا وزگەرىس ەنگىزۋ قىزمەتىن جەدەلدەتىپ، كۇيرەۋ زاڭ جۇيەسىنىڭ ۇزدىكسىز كەمەلدەنۋىن ىلگەرىلەتۋ كەرەك.
بيىل 5 - ايدان 7 - ايعا دەيىن مەملەكەتتىك حالىق قۇرىلتايىنىڭ تۇراقتى كوميتەتى مال شارۋاشىلىق زاڭىنىڭ اتقارىلۋىن تەكسەرۋدى ۇيىمداستىردى. ءماجىلىس مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋ ۋەيحۋا جاساعان مال شارۋاشىلىق زاڭىنىڭ اتقارىلۋ احۋالىن تەكسەرۋ جونىندەگى باياندامانى تىڭدادى. باياندامادا مىنالار اتاپ كورسەتىلدى: مەملەكەتتىك كەڭەس جانە جەرگىلىكتى ءار دارەجەلى ۇكىمەتتەر مال شارۋاشىلىعى زاڭىن جاپپاي دايەكتىلەندىرىپ، تياناقتاندىرىپ، مال شارۋاشىلىعىنىڭ قامداۋ جاعىنداعى قۇرىلىمدىق رەفورماسىن جەدەل ىلگەرىلەتىپ، مال شارۋاشىلىعىنىڭ باياندى، اقاۋسىز دامۋىن ىلگەرىلەتتى. باياندامادا مال شارۋاشىلىق زاڭىنىڭ اتقارىلۋىندا ورىن تەۋىپ وتىرعان باستى ماسەلەلەرگە تالداۋ جاسالىپ، مال، قۇس تۇقىمدارى كاسىبىن گۇلدەندىرۋدى زاڭ بويىنشا قولداپ، حايۋاناتتاردا بولاتىن جۇقپالى اۋرۋلاردان ساقتانۋ - تىزگىندەۋدى كۇشەيتىپ، مال شارۋاشىلىعىنىڭ تۇتاس كاسىپ تىزبەگىنىڭ دامۋىن ىلگەرىلەتىپ، جايىلىم مال شارۋاشىلىعىنىڭ ورنىقتى دامۋىن ىلگەرىلەتىپ، مال شارۋاشىلىعىنىڭ ساپالى دامۋ فاكتورلارىن قامتاماسىز ەتۋدى كۇشەيتىپ، مال شارۋاشىلىعىنىڭ زاڭمەن جونگە سالۋ دەڭگەيىن ۇزدىكسىز جوعارىلاتۋ ۇسىنىس ەتىلدى. جاڭا دامۋ كەزەڭىنىڭ مال شارۋاشىلىعىنا قويعان جاڭا تالابىنا ساي، زاڭدىق بەلگىلەمەلەردى قاتاڭ اتقارۋ جانە زاڭ - ءتۇزىمدى كەمەلدەندىرۋ ارقىلى جاڭا دامۋ ۇستانىمىنىڭ مال شارۋاشىلىق سالاسىندا جاپپاي تياناقتانۋىن قامتاماسىز ەتۋ كەرەك.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ديڭ جۇڭلي، حاۋ ميڭجين، ساي دافىڭ، باس حاتشى ياڭ جىن - ۋ ماجىلىسكە قاتىناستى.
مەملەكەتتىك كەڭەس زۇڭليىنىڭ ورىنباسارى حۋ چۇنحۋا، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداستار، مەملەكەتتىك حالىق قۇرىلتايىنىڭ ارناۋلى كوميتەتتەرىنىڭ مۇشەلەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
