بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۋاڭ ياڭ ورتالىق ۋاكىلدەر ۇيىرمەسىن باستاپ ۇشاقپەن لحاساعا جەتىپ، شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاۋ قيمىلىنا قاتىناستى

شيزاڭنىڭ بەيبىت جولمەن ازات بولعانىنىڭ 70 جىلدىعى تابىس كورمەسىن ەكسكۋرسيالاپ، بايماچىلين، پابالا گىلەلاڭجيە قاتارلىلارعا امانداسا باردى

2021.08.19 16:36     كەلۋ قاينارى : حالىق تورابى

  «حالىق گازەتى»، 8 - ايدىڭ 18 - كۇنى، لحاسا (تىلشىلەر شۇي جۇن، يۋان چۋان). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ۇيىرمە باستىعى بولعان ورتالىق ۋاكىلدەر ۇيىرمەسى 8 - ايدىڭ 18 - كۇنى تۇستە ۇشاقپەن لحاساعا جەتىپ، شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاۋ قيمىلىنا قاتىناستى. ورتالىق ۋاكىلدەر ۇيىرمەسى اۋەجايدا شيزاڭداعى ءار ۇلت بۇقاراسىنىڭ قىزۋ قارسى الۋىنا يە بولدى.

  8 - ايداعى چيڭحاي - شيزاڭ ءۇستىرتى جاسىل جەلەك جامىلىپ، گىساڭ گۇلى قۇلپىرا اشىلعان. لحاساداعى گۇڭگا اۋەجايىندا بارابان داۋىسى جاڭعىرىعىپ، قىزۋ مەرەيگە شومدى.

  ساعات 12 دەن 50 مينۋت وتكەندە ۋاكىلدەر ۇيىرمەسىنىڭ ارناۋلى ۇشاعى گۇڭگا اۋەجايىنا باياۋ قوندى، ۇشاق الاڭقىسىندا كۇتىپ تۇرعان شيزاڭداعى ءار ۇلت، ءار سالا ۋاكىلدەرى دۋ قول شاپالاق سوعىپ، الاقايلادى. ۋاڭ ياڭ ۇشاق ەسىگىنەن شىعىپ، قارسى العان بۇقاراعا قول بۇلعاپ قۇرمەت ءبىلدىردى.

  ج ك پ ورتالىق كوميتەتى ۋاكىلدەر ۇيىرمەسى باستىعىنىڭ ورىنباسارى مىندەتىن ارقالاعان ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى بايماچىلين، مەملەكەتتىك ساياسي كەڭەس ءتوراعاسىنىڭ ورىنباسارى جاڭ چيڭلي، ورتالىق اسكەري ىستەر كوميتەتىنىڭ مۇشەسى، اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسى مياۋ حۋا ۇشاق باسپالداعىنان قاتارلاسىپ ءتۇستى. ورتالىق ۋاكىلدەر ۇيىرمەسىنىڭ مۇشەلەرى ءبىر ۋاقىتتا جەتتى.

  شيزاڭ اۆتونوميالى رايوندىق پارتكومنىڭ شۋجيى ۋ يىڭجيە، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى لوساڭجياڭسۇن، اۆتونوميالى رايوندىق حالىق ۇكىمەتىنىڭ ءتوراعاسى چيزالا قاتارلىلار اۋەجايدا ساپ تۇزەپ قارسى الدى. ءار ۇلت، ءار سالا ۋاكىلدەرىنەن 500 دەي ادام مەرەكەلىك كيىم كيىپ، الۋان ءتۇستى گۇل شوقتارىن بۇلعاپ، ويناقى ۇلتتىق ءبي بيلەپ، بەيجيڭنەن كەلگەن سيلى قوناقتارعا حادا، جالاڭاش ارپا شارابى جانە استىقتان مول ءونىم الۋدىڭ سيموۆلى سانالاتىن چەمانى ۇسىندى.

  بايىرعى قالا لحاسادا مەرەكەلىك تۇسكە ەنىپ، شاتتىققا شومدى. اۋەجايدان ورتالىق ۋاكىلدەر ۇيىرمەسى تۇسكەن قوناقجايعا دەيىن، جول بويىنداعى نەگىزگى كوشەلەردىڭ ەكى جاعىنا ءتۇستى تۋ، كەرمە تۋ ءىلىنىپ، ۇراندار جاپسىرىلىپ، قۇتتىقتاۋ جانە شاتتىق سەزىمىن ءبىلدىردى.

  8 – ايدىڭ 18 - كۇنى تۇستەن كەيىن ۋاڭ ياڭ ۋاكىلدەر ۇيىرمەسىنىڭ بارلىق مۇشەسىن باستاپ شيزاڭ مۇراجايىنا كەلىپ، «پارتيانىڭ نۇر - شۇعىلاسى شەكارا ءوڭىردى نۇرلاندىردى، قۇلپىرعان ۇستىرتتە دامۋدىڭ تىڭ داستانى جازىلدى − شيزاڭنىڭ بەيبىت جولمەن ازات بولعانىنىڭ 70 جىلدىعى تابىس كورمەسىنىڭ» اشىلۋ سالتىنا قاتىناستى ءارى كورمەنى ەكسكۋرسيالادى.

  ۋاڭ ياڭ تابىس كورمەسىنىڭ اشىلعانىن جاريالادى. اشىلۋ سالتىنان كەيىن ورتالىق ۋاكىلدەر ۇيىرمەسىنىڭ بارلىق مۇشەسى تابىس كورمەسىن قىزىعا تاماشالادى.

  شيزاڭنىڭ بەيبىت جولمەن ازات بولعانىنىڭ 70 جىلدىعى تابىس كورمەسى ۇلى بارىس پەن شۇعىلالى تابىستاردان قۇرالعان. كورمە شيزاڭنىڭ بەيبىت جولمەن ازات بولۋ، دەموكراتيالىق رەفورما جاساۋ، اۆتونوميالى رايوننىڭ قۇرىلۋى، سوتسياليستىك قۇرىلىس، رەفورما جاساپ، ەسىك اشۋ، جاڭا داۋىرگە قادام تاستاۋ سىندى تاريحي بارىستى جان - جاقتى ەسكە الىپ، جۇڭگو كوممۋنيستىك پارتياسىنىڭ پارمەندى باسشىلىعىندا شيزاڭنىڭ ەكونوميكالىق، قوعامدىق دامۋىندا قول جەتكەن ۇلى تابىستاردى تولىق ايگىلەدى.

  ۋاڭ ياڭ قاتارلىلار كورمە زالىنا كىرىپ، كورمە تاقتاسىن زەر سالا كورىپ، تۇسىندىرمەنى مۇقيات تىڭدادى. «17 تارماقتى كەلىسىمگە» قول قويۋ سالتىنىڭ تاريحي سۋرەتى، ۇلتتىق وڭىرلىك اۆتونوميا ءتۇزىمىن اتقارۋدىڭ كورمە تاقتالارى، شيزاڭعا باعىتتامالى كومەكتەسۋ قارجىسىنىڭ دياگراممالارى، «شيزاڭ اۆتونوميالى رايونىنىڭ ۇلتتار ىنتىماعى، العاباسارلىعىنداعى ۇلگىلى رايون قۇرۋ ەرەجەسى» سۋرەتى... كورمە تاقتالارى، سۋرەتتەر، دياگراممالار 70 جىلدان بەرى شيزاڭنىڭ پارتيانىڭ باسشىلىعىندا قول جەتكىزگەن باياندى دامۋىن جاندى بەينەلەدى. ۋاڭ ياڭ ءالسىن - ءالى كىدىرىپ، قاتىستى جاعدايلاردى ەگجەي - تەگجەيلى سۇراپ، شيزاڭنىڭ تاياۋ جىلداردان بەرگى ءتۇرلى ىستەردە قول جەتكىزگەن تابىستارىن تولىق تۇراقتاندىردى.

  ج ك پ ورتالىق كوميتەتىنىڭ جانە باس شۋجي شي جينپيڭنىڭ تاپسىرۋىمەن 8 - ايدىڭ 18 - كۇنى كەشتە ۋاڭ ياڭ لحاسا قوناق ۇيىندە شيزاڭدا ىستەگەن باسشى كادرلار، ساقا جولداستار بايماچىلين، پابالا گىلەلاڭجيە جانە لەچو، باساڭدارمەن، سونداي - اق افي اۋاڭجينمي جولداستىڭ ءۇي ىشىندەگىلەردىڭ ۋاكىلىمەن امانداسىپ، ولاردان شىنايى حال سۇرادى.

  ۋاڭ ياڭ ولاردىڭ دەنساۋلىعى مەن تۇرمىس جاعدايىن قاداعالاي ۇعىسىپ، ولاردىڭ ءار ۇلت بۇقاراسى اراسىنداعى وسكەلەڭ بەدەلىن جانە جاڭا شيزاڭنىڭ قۇرىلىسىنا قوسقان ماڭىزدى ۇلەسىن تولىق تۇراقتاندىردى.

  لەچو، باساڭ قاتارلى جولداستار ءسوز سويلەپ، ج ك پ ورتالىق كوميتەتىنىڭ قامقورلىعىنا العىس ايتىپ، پارتياعا تاباندىلىقپەن ىلەسىپ، قارلى ءۇستىرتتىڭ باياندى تىنىشتىعى مەن ساپالى دامۋىنا ۇزدىكسىز كوپتەپ ۇلەس قوساتىندارىن ءبىلدىردى.

  ورتالىق ۋاكىلدەر ۇيىرمەسىندەگى 22 ادام 8 - ايدىڭ 18 - كۇنى تۇستەن بۇرىن ارناۋلى ۇشاقپەن بەيجيڭنەن لحاساعا بارىپ، شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاۋ قيمىلىنا قاتىناستى. ۋاكىلدەر ۇيىرمەسىنىڭ مۇشەلەرى ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى جاۋاپتىلار قاتارلىلاردى قامتىدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

6 – ايدىڭ 1 – كۇنى تيانجين قالالىق قوعام حاۋىپسىزدىگى قاتىناستى باسقارۋ مەكەمەسى اۆتوموبيلدەردى باسقارۋ بولىمشەسىندە، قالا تۇرعىنى ءوتىنىش تاپسىرۋ ارقىلى بىتىرگەن ەلەكتروندى شوفەرلىك كۋالىگىن كورسەتۋدە (شينحۋا اگەنتتىگى)

اقپار جاريالاۋ ءماجىلىسىنىڭ ناق مايدانى (قوعام حاۋىپسىزدىگى مينيسترلىگى بەرگەن سۋرەت)