قارلى ءۇستىرتتىڭ باياندى تىنىشتىعى مەن ساپالى دامۋىنىڭ تىڭ داستانىن قۇلشىنا جازايىق (باسماقالا)
− شيزاڭنىڭ بەيبىت جولمەن ازات بولعانىنىڭ 70 جىلدىعىن قىزۋ قۇتتىقتايمىز
2021.08.19 16:39 كەلۋ قاينارى : حالىق تورابى
بايىرعى قالا لحاسانىڭ گۇلدەرى قۇلپىرا اشىلىپ، قارلى ۇستىرتتە جۇرت شاتتىققا شومدى. بۇگىن شيزاڭداعى ءار ۇلت حالقى شاتتىق انىنە سالىپ، شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتادى.
7 – ايدىڭ اياق شەنىندە، شيزاڭنىڭ بەيبىت جولمەن ازات بولعانىنىڭ 70 جىلدىعى قارساڭىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيزاڭعا كەلىپ، شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاپ، شيزاڭداعى ءار ۇلت كادر - بۇقاراسىمەن امانداسىپ، حال سۇراپ، ءار ۇلت كادر - بۇقاراسىنا پارتيا ورتالىق كوميتەتىنىڭ قامقورلىعىن جەتكىزدى. شي جينپيڭ جولداستىڭ ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى رەتىندە شيزاڭعا بارىپ شيزاڭنىڭ بەيبىت جولمەن ازات بولعانىن قۇتتىقتاۋى پارتيا مەن مەملەكەت تاريحىندا تۇڭعىش رەت بولىپ، پارتيا ورتالىق كوميتەتىنىڭ شيزاڭ قىزمەتىن قولدايتىنىن، شيزاڭداعى ءار ۇلت كادر - بۇقاراسىنا دەگەن قامقورلىعىن تولىق بەينەلەدى.
1951 - جىلى «ورتالىق حالىق ۇكىمەتى مەن شيزاڭ جەرگىلىكتى ۇكىمەتىنىڭ شيزاڭدى بەيبىت جولمەن ازات ەتۋ ءادىسى جونىندەگى كەلىسىمىنە» (قىسقاشا «17 تارماقتى كەلىسىم» دەلىنەدى) قول قويىلىپ، شيزاڭنىڭ بەيبىت جولمەن ازات بولعانى جاريالاندى. سودان باستاپ شيزاڭ حالقى يمپەرياليزمنىڭ شاپقىنشىلىعى مەن بۇعاۋىنان ماڭگى قۇتىلىپ، بۇكىل ەلدەگى ءار ۇلت حالقىمەن بىرگە وتاننىڭ ۇلى شاڭىراعىندا ىنتىماقتى، العا باسقان، دامىعان نۇرلى جولعا ءتۇستى. بەيبىت جولمەن ازات بولۋدى باستاما ەتىپ، شيزاڭداعى ءار ۇلت حالقى جۇڭگو كوممۋنيستىك پارتياسىنىڭ پارمەندى باسشىلىعىندا ىنتىماقتاسا العا باسىپ، «17 تارماقتى كەلىسىمدى» دايەكتى اتقارىپ، دەموكراتيالىق رەفورما جۇرگىزىپ، سوتسياليستىك ءتۇزىم ورناتىپ، ۇلتتىق وڭىرلىك اۆتونوميانى جۇزەگە اسىرىپ، رەفورما جاساپ، ەسىك اشۋ جانە وسىزامانداندىرۋ قۇرىلىسىن تىڭعىلىقتى ىلگەرىلەتتى، شيزاڭ قوعامىنىڭ بەت - بەينەسى كۇن سايىن جاڭالانىپ، شيزاڭ حالقىنىڭ تۇرمىسى كۇن سايىن جاقساردى. جاڭا داۋىرگە قادام تاستاعاننان كەيىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ زور كۇشپەن قولداۋىندا، شيزاڭداعى ءار ۇلت كادر - بۇقاراسى ىنتىماقتاسا كۇرەس جاسادى، شيزاڭ جاپپاي دوڭگەلەك داۋلەتتى قوعامعا قادام تاستادى، كەدەيلىكتەن ارىلتۋدان قامال الۋ جاپپاي جەڭىسكە جەتتى، قوعامدىق جالپى جاعداي اناعۇرلىم ورنىقتى بولدى، ەكونوميكا، مادەنيەت اناعۇرلىم گۇلدەندى، ەكولوگيالىق ورتا اناعۇرلىم جاقساردى، حالىق تۇرمىسى اناعۇرلىم باقىتتى بولدى.
قىسقا عانا نەشە ون جىلدا نەشە مىڭ جىلدان استام ۋاقىتتا جارىققا شىعاتىن وزگەرىسپەن بارابار كەرەمەتتەر جاراتىلدى، جۇڭگو كوممۋنيستىك پارتياسى شيزاڭداعى ءار ۇلت حالقىن ىنتىماقتاستىرىپ جانە باستاپ، ماڭگى وشپەيتىن، داۋىردەن داۋىرگە جالعاساتىن، بۇرىن – سوڭدى بولماعان تاريحي ەڭبەك جاراتتى، شيزاڭ قاراڭعىلىقتان جارىققا، مەشەۋلىكتەن العا باسۋعا، كەدەيلىكتەن اۋقاتتانۋعا، دارا بيلىكتەن دەموكراتياعا، توماعا - تۇيىقتىقتان ەسىك اشۋعا بەت الدى، قوعامدىق ءتۇزىم تاريحي سەكىرىستى جۇزەگە اسىردى، ەكونوميكا مەن قوعام جاپپاي دامىدى، حالىق تۇرمىسى بارىنشا جاقساردى، قالا مەن اۋىلدىڭ بەت - بەينەسى بۇگىنگى تاڭدا بۇرىنعىدان باسقاشا بولىپ وتىر. 70 جىلدىق اماليات وتان تۇتاستىعىن، تەرريتوريا تۇتاستىعىن قورعاۋدا تاباندى بولعاندا عانا شيزاڭداعى ءار ۇلت حالقىنىڭ ءتۇبىرلى مۇددەسىن قامتاماسىز ەتۋگە بولاتىنىن؛ جۇڭگو كوممۋنيستىك پارتياسىنىڭ باسشىلىعىندا، جۇڭگوشا سوتسياليستىك تۇزىمدە، ۇلتتىق وڭىرلىك اۆتونوميا تۇزىمىندە تاباندى بولعاندا عانا شيزاڭنىڭ باياندى تىنىشتىعى مەن گۇلدەنىپ دامۋىنا تۇبەگەيلى كەپىلدىك ەتۋگە بولاتىنىن؛ رەفورما جاساپ، ەسىك اشۋدا تاباندى بولعاندا عانا شيزاڭنىڭ ەكونوميكاسى مەن قوعامىنىڭ جاپپاي العا باسۋىن ىلگەرىلەتۋگە بولاتىنىن؛ حالىقتى وزەك ەتكەن دامۋ يدەياسىندا تاباندى بولعاندا عانا شيزاڭداعى ءار ۇلت بۇقاراسىنىڭ تاماشا تۇرمىسقا دەگەن تالپىنىسىن قاناعاتتاندىرۋعا بولاتىنىن؛ جاڭا داۋىردەگى پارتيانىڭ شيزاڭدى جونگە سالۋ جالپى جوباسىندا تاباندى بولعاندا عانا ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋعا بولاتىنىن تولىق دالەلدەدى.
«مەملەكەتتى جونگە سالۋدا، ءسوز جوق، شەكارا ءوڭىردى جونگە سالۋ كەرەك، شەكارا ءوڭىردى جونگە سالۋدا الدىمەن شيزاڭدى ورنىقتىرۋ كەرەك». پارتيا ورتالىق كوميتەتى شيزاڭ قىزمەتىنە ەجەلدەن باسا ءمان بەرىپ كەلەدى، رەفورما جاساپ، ەسىك اشقاننان بەرى ىلگەرىندى - كەيىندى 7 رەت شيزاڭ قىزمەتى اڭگىمە ءماجىلىسىن اشىپ، ءار جولى رەال جاعدايعا قاراي كەلەلى شەشىم، ورنالاستىرۋ جاساپ وتىردى. پارتيانىڭ 18 - قۇرىلتايىنان بەرى شيزاڭ قىزمەتىندە ءدوپ كەلگەن جاعداي مەن مىندەتتەردە تەرەڭ وزگەرىستەر تۋىلدى، شي جينپيڭ جولداستى ۇيىتقى ەتكەن پارتيا ورتالىق كوميتەتى شيزاڭ قىزمەتىنىڭ زاڭدىلىعى جونىندەگى تانىمدى تەرەڭدەتىپ، پارتيانىڭ حالىققا باسشىلىق ەتىپ، شيزاڭدى ورنىقتىرىپ، شيزاڭدى گۇلدەندىرۋدەگى تابىستى تاجىريبەلەرىن قورىتىندىلاپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن قالىپتاستىردى. اماليات پارتيا ورتالىق كوميتەتىنىڭ شيزاڭ قىزمەتى جونىندەگى باعىت - ساياساتتارىنىڭ بۇكىلدەي دۇرىس ەكەنىن، شيزاڭنىڭ باياندى ورنىقتىلىعى مەن تەز دامۋىن جۇزەگە اسىرۋ پارتيا مەن مەملەكەت قىزمەتىنىڭ جالپى جاعدايىنا قوسقان ماڭىزدى ۇلەس بولىپ سانالاتىنىن؛ جاڭا داۋىردەگى پارتيانىڭ شيزاڭدى جونگە سالۋ جالپى جوباسى شيزاڭ قىزمەتىن ويداعىداي ىستەۋدىڭ ءتۇبىرلى تياناعى ەكەنىن، وندا، ءسوز جوق، ۇزاق ۋاقىت تاباندى بولۋ، ونى جاپپاي تياناقتاندىرۋ كەرەك ەكەنىن تولىق دالەلدەدى.
شيزاڭنىڭ بەيبىت جولمەن ازات بولعانىنىڭ 70 جىلدىعى «14 – بەسجىلدىق» جوبانىڭ باستالعان جىلىنا تۇسپا - تۇس كەلىپ وتىر، بۇل − ەلىمىز جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، قولايلى ساتتەن پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاعان ءبىرىنشى جىل. بۇل كۇندە شيزاڭنىڭ دامۋى جاڭا تاريحي باستامادا تۇر. جاڭا جورىقتا ۇدەرە العا تارتۋ ءۇشىن، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ جاعدايىنا قىزمەت وتەپ جانە ونىمەن توعىسىپ، ساپالى دامۋدى ىلگەرىلەتىپ، شەكارا رايون قۇرىلىسىن كۇشەيتىپ، ورنىقتىلىق، دامۋ، ەكولوگيا، شەكارا ءوڭىردى كۇشەيتۋ سىندى 4 ءىرى ءىستى ويداعىداي يگەرىپ، چيڭحاي - شيزاڭ ءۇستىرتىنىڭ ەكولوگياسىن قورعاۋ جانە باياندى دامۋىن ىلگەرىلەتۋ جاعىندا ۇزدىكسىز تىڭ تابىستارعا قول جەتكىزىپ، قارلى ءۇستىرتتىڭ باياندى تىنىشتىعى مەن ساپالى دامۋىنىڭ تىڭ داستانىن قۇلشىنا جازۋ كەرەك. شيزاڭ قىزمەتىنىڭ كەزەڭدىك ەرەكشەلىگىن دۇرىس يگەرىپ، وتاننىڭ تۇتاستىعىن قورعاۋدى، ۇلتتار ىنتىماعىن كۇشەيتۋدى كوزدەۋ ءتۇيىنى جانە كۇش سالۋ ءتۇيىنى ەتۋدە تاباندى بولىپ، باياندى شارالاردى كوبىرەك قاراستىرىپ، نەگىزدى بەكەمدەۋ شارالارىن كوبىرەك اتقارىپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى مويىنداۋىن ۇزدىكسىز كۇشەيتىپ، ۇلتتار ىنتىماعىنىڭ يدەيالىق نەگىزىن بەكەمدەۋ كەرەك. شيزاڭنىڭ ساپالى دامۋىن ىلگەرىلەتۋ بارىسىنداعى بارلىق دامۋدا ۇلتتار ىنتىماعى مەن العاباسارلىعىنا ءمان بەرۋدە تاباندى بولۋ، حالىق تۇرمىسىن جاقسارتۋعا، جۇرت تىلەگىن ۇيىستىرۋعا ءمان بەرۋ، ءار ۇلت بۇقاراسىنىڭ تابىس، باقىت، حاۋىپسىزدىك سەزىمىن جوعارىلاتۋعا ءتيىمدى بولۋ كەرەك.
قازىر ەكىنشى 100 جىلدىق كۇرەس نىساناسىنا جورىق جاساۋ دابىلى قاعىلدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ورتالىقتىڭ شيزاڭ قىزمەتى جونىندەگى 7 - اڭگىمە ءماجىلىسىنىڭ رۋحىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءبىر نيەتپەن سەلبەسىپ، ۇدەرە العا تارتىپ، مەملەكەتتىڭ حاۋىپسىزدىگى مەن باياندى تىنىشتىعىنا، حالىقتىڭ تۇرمىس ورەسىنىڭ ۇزدىكسىز جوعارىلاۋىنا، ەكولوگيالىق ورتانىڭ جاقسى بولۋىنا، شەكارا قورعانىسىنىڭ بەكەمدەلۋى مەن شەكارانىڭ حاۋىپسىزدىگىنە كەپىلدىك ەتىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋعا قۇلشىنساق، شيزاڭنىڭ بولاشاعى، ءسوز جوق، اناعۇرلىم شۇعىلالى بولادى، شيزاڭ حالقىنىڭ تۇرمىسى، ءسوز جوق، اناعۇرلىم باقىتتى، اناعۇرلىم كوركەم بولادى!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
