بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ما جۇن - ۋ:

”عۇمىر بويى ىستەيمىن ءبىر عانا ءىستى، وتانىمنىڭ بولامىن قورعانىشى“

انار بۇلت / شينجياڭ گازەتىنىڭ ءتىلشىسى جاڭ تيڭ

2021.08.20 15:03     كەلۋ قاينارى : شينجياڭ گازەتى

  كۇز باسىنداعى 185 - تۋان كۇن نۇرىنا شومىپ تۇر. الىسقا كوز تاستاساڭىز، جۇن - ۋ قاراۋىلىنىڭ سىرتقى داۋالىنا جازىلعان ”عۇمىر بويى ىستەيمىن ءبىر عانا ءىستى، وتانىمنىڭ بولامىن قورعانىشى“ دەگەن ۇلكەن جازۋ ەرەكشە كوزگە باسىلادى.

  8 - ايدىڭ 14 - كۇنى تاڭ سارىدە جايشىلىقتاعىداي ما جۇن - ۋ مەن ايەلى جاڭ جىڭمەي شارلاۋ الدىنداعى دايىندىقتارىن ىستەپ جاتتى. 30 نەشە جىلدان بەرى ەرلى - زايىپتى ەكەۋى ءار كۇنى دەرلىكتەي شەكارانى شارلاۋ، سۋدى قورعاۋ، ورماندى قورعاۋ داعدىلى قىزمەتىن ىستەۋمەن كەلەدى.

  شينجياڭ ءوندىرىس - قۇرىلىس بيڭتۋانى 10 - شىسىنىڭ 185 - تۋانى ”باتىس سولتۇستىك شەكاراداعى 1 - تۋان“ دەگەن داڭقتى اتقا يە. ما جۇن - ۋ ەرلى - زايىپتى ەكەۋى كۇزەتتە تۇراتىن جۇن - ۋ قاراۋىلىن (ساندىق قاراۋىلى) باسقالار ىقىلاستى تۇردە ”ەرلى - زايىپتىلار قاراۋىل ورنى“ دەپ اتايدى.

  ما جۇن - ۋ وسىندا تۋىپ، وسىندا وسكەن ارميا تىڭ يگەرۋشىلەرىنىڭ 2 - ۇرپاعى. 1988 - جىلى ول اكەسىنىڭ قولىنان شەكارا كۇزەتشىسى قىزمەتىن وتكىزىپ العاننان كەيىن، شەكارا وزەن بويىندا قاراۋىل مۇناراسىن كۇزەتىپ، شەكارا شارلاۋدى، كۇزەتۋدى بۇگىنگە دەيىن ىستەپ كەلەدى.

  القابەك وزەنى، وسى ءبىر يرەلەڭدەگەن شەكارا وزەنى تابيعي مەملەكەت شەكارا سىزىعى سانالادى. 1988 - جىلى كوكتەمدە، قار ەرىپ تاسقىن ءجۇرىپ ويرانداپ وزەن بويىنداعى ساندىقتى ورىپ كەتەدى. حالىقارالىق قاعيدا بويىنشا، ەگەر وزەن ارناسىن وزگەرتسە ءبىز جاقتىڭ تەرريتورياسى كورشى ەلگە ءبولىنىپ كەتۋى مۇمكىن. 16 تاۋلىك بويى ەرلىكپەن كۇرەس جاساۋ ارقىلى بيڭتۋاندىقتار ورىلىپ كەتكەن جەردى اقىرى ءساتتى بوگەپ، ەلىمىز مەملەكەت تەرريتورياسىنان سۇيەمدەي جەردى دە جىبەرمەي الىپ قالادى.

  ”تاسقىن سۋى ورىپ كەتكەن جەردى بوگەپ قالۋ − مەملەكەت جەرىن قورعاپ قالعاندىق. سول كەزدە ەشقانداي ءارى - ءسارى بولۋدىڭ قاجەتى جوق، تەك لۇڭكۋدى ساقتاپ قالۋ كەرەك بولدى“. سول جىلى ما جۇن - ۋ 19 جاستا، تاسقىنعا قارسى تۇرۋعا جاڭا عانا قاتىناسىپ، ءۇيىن ساندىق لۇڭكۋىنىڭ جانىنا كوشىرىپ كەلۋىندەگى سەبەپ ءار جىلى كوكتەم سايىن تاسقىن ورىپ كەتەتىن حاۋىپتى وزەن ارناسىن قورعاۋ ءۇشىن ەدى.

  شەكارا كۇزەتۋدە 33 جىل بويى تابانداپ تۇردى.

  ”قاراڭىزشى، كوز الدىمىزدا شەكارا وزەنى، تۋ سىرتىمىزدا وتان، ءبىز بۇل ارانى، ءسوز جوق، باتىل قورعاۋىمىز كەرەك“. شەكارا وزەنى بويىندا تۇرىپ وتكەندى ەسكە العان ما جۇن - ۋدىڭ جۇزىنەن مويىماس قايسارلىق بىلىنەدى، ”تىڭ يگەرىپ، شەكارانى قورعاۋ بيڭتۋاندىقتاردىڭ جاۋاپكەرشىلىگى، مەن ەجەلدەن ءوزىمنىڭ تالعامىما وكىنگەن ەمەسپىن“.

  الدىڭعىلاردىڭ ءىس - ارەكەتىمەن كورسەتكەن ۇلگىسىنىڭ ىقپالىندا، بيڭتۋاننىڭ ەكىنشى ۇرپاعى بولعان ما جۇن - ۋ بيڭتۋاندىقتاردىڭ شەكارا كۇزەتىپ، وتان قورعاۋ جاۋاپكەرشىلىگىن بارىنەن دە ماڭىزدى دەپ قارادى.

  جۇن - ۋ قاراۋىلىنا تاياۋ ماڭداعى تاسقىنعا قارسى تۇرىپ، جەر - سۋدى قورعاۋ ەسكەرتكىش سارايىنا بارساڭىز ”بيڭتۋان رۋحى“ بولىگى جۇرتشىلىقتىڭ وي جەلىسىن سوناۋ ءبىر كەزدەگى اسقاق سەزىم الاۋلاعان مەزگىلگە باستاپ بارعانداي بولادى. كورمە تاقتاسىندا بيڭتۋان جاۋىنگەرلەرىنىڭ قايلا سەرمەپ، قۇبا شولدە تىڭ يگەرىپ، ەگىن ەگىپ، تابيعاتتى باعىندىرعان ماقتانىش سەزىمىن ايگىلەدى.

  ”سول جىلى اكەلەرىمىز وسى اراعا كەلىپ، قۇبا شولدە، قۇمدى ءشول جيەگىندە تىڭ يگەرىپ، ۇلكەن توعان قازدى، سۋ قويماسىن سالدى، تىڭ جەر اشتى، اتىز - ارىق سالدى“، - دەدى ما جۇن - ۋ، بيڭتۋان قۇرىلعان العاشقى كەزدە شار تاراپتان كەلگەن 1 - توپتاعى بيڭتۋاندىقتار وسى قۇبا وڭىرگە العاش كەلگەندەرىندە وسى ارادا بوي كوتەرگەن بىردە - ءبىر قۇرىلىس جوق ەدى.

  ولار تۇرعان جەر دۇنيە جۇزىندەگى ماسا شوعىرلانعان 4 ۇلكەن جەردىڭ ءبىرى ەدى، جاز كەلىسىمەن لاڭ سالعان ماسالار جانۋارلاردى تالاپ ولتىرەتىن؛ قىس ماۋسىمىندا تەمپەراتۋرا نولدەن تومەن 30 سەلتسي گرادۋسقا دەيىن تومەندەپ، ءبىر ءتۇننىڭ ىشىندە جاۋعان قاسات قار تىزەدەن كەلەتىن.

  مىنە وسىنداي ماشاقاتتى شارت - جاعدايدا بيڭتۋاندىقتار لاۋلاعان وتتاي ىستىق ىنتامەن تىڭ يگەرىپ، شەكارا قورعادى، ۇزدىكسىز كۇرەستى، قۇمدى ءشولدى جاسىل ماناتقا اينالدىردى، ءشول دالانى اتىزعا اينالدىردى.

  ما جۇن - ۋ بىلاي دەدى: اعا بۋىندار وسى اراعا ۇلەس قوسقان، كۇرەس جۇرگىزگەن رۋحى باستان - اياق مەنى شابىتتاندىرىپ كەلەدى، بۇل دا مەنىڭ الىگە دەيىن تابانداپ تۇرۋىمداعى سەبەپ. ”مەن ماڭگى وسى ارادا قالامىن، وسىنداي ۇلەس قوسۋ، كۇرەس جۇرگىزۋ رۋحىن جالعاستىرامىن“.

  185 - تۋان 1 - لياننىڭ ءۇي الدىنداعى تاس ەسكەرتكىشكە مىناداي ءبىر ابزاتىس ءسوز ويىلىپ جازىلعان: ”مەملەكەت جەرىنە دەگەن سۇيىسپەنشىلىك جويىلمايدى، بيڭتۋاندىقتار قيىنشىلىقتان تايسالمايدى، شەكارا قورعانىس سىزىعى بۇزىلمايدى، ارميانىڭ تىڭ جەر اشۋ رۋحى كۇيرەمەيدى“. مىنە بۇل بيڭتۋاندىقتاردىڭ وتان جەرىن قورعاعاندىعىنىڭ ەڭ تاماشا بەينەلەنۋى، وسى ارادا وتانعا دەگەن شەكسىز ادالدىق جانە تەرەڭ سۇيىسپەنشىلىك الدەقاشان ءۇنسىز ارەكەتكە اينالعان.

  قازىرگى تاڭدا ما جۇن - ۋدىڭ ىزگى ىستەرى جالپاق جۇرتقا ايان، ونىڭ مىزعىماس تاباندىلىعى مەن سەنىمى قىرۋار جاندى تەبىرەنتتى، كوپتەگەن سىرتتان كەلگەن ساياحاتشىلار ارناۋلى تۇردە جۇن - ۋ قاراۋىلىنا كەلىپ ەرلى - زايىپتى ەكەۋىنە امانداسا كەلەدى.

  جۋىق جىلداردان بەرى 185 - تۋان قىزىل ساياحات بايلىعىن ۇزدىكسىز اشۋدا، باتىس سولتۇستىك شەكاراداعى ءبىرىنشى ليان، جۇن - ۋ قاراۋىلى، تاسقىنعا قارسى تۇرىپ، جەر - سۋدى قورعاۋ ەسكەرتكىش سارايى سياقتى كورىنىس تۇيىندەرىنىڭ تانىمالدىلىعى بارعان سايىن جوعارىلاۋدا.

  اۋىل - قىستاقتى گۇلدەندىرۋدى ارقاۋ ەتكەن 185 - تۋان ”سولتۇستىكتە ساياحات، وڭتۇستىكتە مال شارۋاشىلىعى“ جانە سۋىق وڭىردە قىر كەلبەتىنە يە شاعىن قالاشىق قۇرۋ سىندى دامۋ وي جەلىسىن بەلگىلەپ، ”ءبىر لياندە ءبىر كورىنىس ءوڭىرى“، ”ءبىر لياندە ءبىر ءونىم“ بولۋدى ىلگەرىلەتىپ، سولتۇستىكتەگى لياندەردىڭ ساياحات جەلىسىن ءتۇيىندى قۇردى. قازىر وسى تۋاننىڭ 1 - ليانى، 2 - ليانى، 3 - ليانى بۇكىل مەملەكەت بويىنشا اۋىل - قىستاق ساياحاتىنداعى ءتۇيىندى قىستاق تىزىمىنە ەنگىزىلدى. وسى سەبەپتى، ما جۇن - ۋ دا مىندەتتەمەلى ءتۇسىندىرۋشى دەگەن تاعى ءبىر قىزمەتى كوبەيدى.

  ”مەن بيڭتۋاندىقتاردىڭ وتباسى - وتان سۇيىسپەنشىلىگىن، تىڭ يگەرىپ، شەكارانى قورعاۋ تارتىمدى حيكايالارىن كوپشىلىككە بايانداپ، اناعۇرلىم كوپ ادامدى شەكارا كۇزەتۋ جاۋاپكەرشىلىگىن ءتۇسىنىپ، وتاندى قىزۋ ءسۇيىپ، مەملەكەت جەرىن قورعاۋعا باستايمىن“، - دەدى ما جۇن - ۋ.

  ”عۇمىر بويى ىستەيمىن ءبىر عانا ءىستى، وتانىمنىڭ بولامىن قورعانىشى“. ما جۇن - ۋ بيڭتۋاندىقتاردىڭ ىقشام كورىنىسى، ولار باس شۋجي شي جينپيڭنىڭ تاپسىرماسىن باستان - اياق ەستەرىندە بەرىك ساقتاپ، بيڭتۋان رۋحىن قانىنا سىڭىرۋمەن قويماي كۇندەلىكتى حارەكەتى ەتىپ، الدىڭعى بۋىن قالدىرعان رۋحاني بايلىقتى جالعاستىرۋدى جانە ساۋلەلەندىرۋدى ماڭىزدى بورىش ساناپ، بيڭتۋان رۋحىن قازىرگى زامانعا تياناق ەتىپ، بولاشاققا بەت الۋ جوباسىنا ەنگىزدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

6 – ايدىڭ 1 – كۇنى تيانجين قالالىق قوعام حاۋىپسىزدىگى قاتىناستى باسقارۋ مەكەمەسى اۆتوموبيلدەردى باسقارۋ بولىمشەسىندە، قالا تۇرعىنى ءوتىنىش تاپسىرۋ ارقىلى بىتىرگەن ەلەكتروندى شوفەرلىك كۋالىگىن كورسەتۋدە (شينحۋا اگەنتتىگى)