بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مامەتجان توحنياز:

مويىماس ادال جىگەرگە تيانشان كۋا

انار بۇلت / شينجياڭ گازەتىنىڭ ءتىلشىسى سۇي يۇن - يان

2021.08.20 15:04     كەلۋ قاينارى : شينجياڭ گازەتى

  2015 - جىلى 10 - ايدىڭ 13 - كۇنى مامەتجان توحنيازدىڭ ءومىرى ءدال وسى كۇنى توقتادى، تاۋ - وزەن قاسىرەتكە باتىپ، جەر - الەم تولقىدى.

  6 جىلدان بەرى ىزگى ىستەردەن بايانداما جاساۋ جينالىستارىندا ونىڭ جان تەبىرەنتەرلىك ىزگى ىستەرى تەرەڭ سۇيىسپەنشىلىكپەن باياندالدى، شارۋالار سۋرەتىنەن قۇرالعان تىزبەكتى سۋرەتتەر ونىڭ ادالدىعىن، جاۋاپكەرشىلىك ارقالاۋىن ەسكە السا، ال جاۋىنگەر سەرىكتەرى قاستەرلى قۇرمەتپەن ونىڭ اۋەلگى ماقساتىن، بورىشىن جالعاستىرىپ كەلەدى.

  مامەتجان توحنياز كوزى تىرىسىندە اقسۋ ايماقتىق قوعام حاۋىپسىزدىگى مەكەمەسىنىڭ ورىنباسار باستىعى بولعان، وتاننىڭ شينجياڭىنىڭ ورنىقتىلىعىن، تىنىشتىعىن قورعاۋ سەنىمى ونىڭ بۇكىل ومىرىمەن ساباقتاسقان.

  33 جىل ساقشىلىق قىزمەتپەن اينالىسىپ، دەلو اشۋدىڭ جاپالى جولىندا ول دەلو اشىلعانعا دەيىن تاباندىلىقپەن قيىندىقتاردان قامال الدى؛ زورلىقتى كۇش لاڭكەستەرىن قۋعىنداۋداي جان تۇرشىگەرلىك ساتتەردە ول ءوز باسىنىڭ قامىمەن ساناسپاي، اتويلاپ الدا ءجۇرىپ، سوڭىنا دەيىن وكشەلەي سوققى بەردى؛ حالىق بۇقاراسىن قورعاۋدىڭ سىن ساعاتتارىندا ول ءوزىنىڭ دەنەسىمەن بۇقاراعا قالقا بولدى.

  2015 - جىلى 9 - ايدىڭ 18 - كۇنى تاڭ سارىدە باي اۋدانىندا ءبىر اۋىر زورلىقتى كۇش لاڭكەستىك دەلوسى تۋىلدى. ءبىر توپ زورلىقتى كۇش لاڭكەستەرى دەلو تۋدىرعاننان كەيىن قارۋلارىن الىپ تيانشان تاۋىنىڭ قويناۋىنا قاشىپ بارىپ، تاۋلى ءوڭىردىڭ وزگەشە جەر جاعدايىنان پايدالانىپ، تۇتقىنداۋدان قۇتىلعان سوڭ، تاعى دا زورلىقتى كۇش لاڭكەستىك قىلمىسىن جاساۋعا ۇرىنادى. 1300 شارشى كيلومەتردەن استام تاۋلى وڭىردە كولەمى ەڭ كەڭ، قيىندىعى ەڭ زور، مىندەتى ەڭ جاپالى، قاتىناسقان ادام ەڭ كوپ، جالعاسقان ۋاقىتى ەڭ ۇزاق ”تيانشان كولەمدى ءتىنتىپ تۇتقىنداۋ ارەكەتى“ وسىلايشا ورىستەتىلدى.

  قارلى تاۋ، بيىك ءۇستىرت، تەرەڭ شاتقال، وزەندەر، قۇبا شولدەر... قۇلاما تاۋ، تەرەڭ ساي، جىنىس ورمان، قاتەرلى جول، جەر - كوكتى اياز قۇرسانعان، سيرەك اۋا، قۇلاما تىك تاۋ شىڭدارى، تاۋ سىلەمىنىڭ بارلىق جەرىنەن بوي تاسالاۋعا كەلەتىن ۇلكەندى - كىشىلى ۇڭگىرلەر، جارىقتار، اعاشتار، بۇتا - بۇرگەندەر كەزدەسەدى، ءتىنتۋ، تۇتقىنداۋ ارەكەتى ەرەكشە ماشاقاتپەن ءجۇرىلدى.

  ءدال وسىنداي قاتال شارت - جاعدايدا مامەتجان توحنياز اۋەلگىدەي ءبىرىنشى شەپتە اتويلاپ، جاۋىنگەر سەرىكتەرىن باستاپ، ءار كۇنى تار كوش جولىمەن ءجۇرىپ، تۇزدە تاماقتانىپ، تۇزگە قونىپ، مالشىلاردان احۋال ۇعىسىپ، دەرەك ىزدەدى.

  جاپالى دا تاپتەشتەي قىزمەت ىستەۋ ارقىلى قىسقا عانا ۋاقىتتا زورلىقتى كۇش لاڭكەس توپتار مەن ولاردىڭ وتباسىنىڭ بايلانىسىن بىرتىندەپ ايقىندادى.

  ”ونىڭ تۋ سىرتىنىڭ بەينەسى مەنىڭ اپپاراتىمنىڭ كوزىندە ماڭگى قالدى“ 6 جىلدان بەرى اقسۋ ايماقتىق قوعام حاۋىپسىزدىگى مەكەمەسىنىڭ حالىق ساقشىسى ياڭ ۋي ءاردايىم سول جىلى تۇسىرىلگەن بەينە ەكراندى كورىپ، ۇزاق ويعا باتادى.

  سول جولعى ءتىنتىپ تۇتقىنداۋ شايقاسىندا ياڭ ۋي تاۋ جاعدايىن كامەراعا ءتۇسىرىپ جاتقاندا جاۋىن - شاشىنمەن ونە بويى سۋعا مالشىنعان مامەتجان توحنياز اپپارات كوزىنە بىرتە - بىرتە كورىنەدى، موينىنا اق ورامالىن اسىپ، قولىنا تاياق ۇستاپ، ارقاسىنا جۇگىن كوتەرىپ العان. ول شاپشاڭ قيمىلداپ، ۇسكىرىك جەلگە قاراماستان ۇدەرە العا تارتتى. ونىڭ سول تۋ سىرتىنىڭ بەينەسى مامەتجان توحنيازدىڭ اپپارات كوزىندە قالعان ومىرىندەگى ەڭ سوڭعى سۋرەتى ەدى.

  2015 - جىلى 10 - ايدىڭ 13 - كۇنى احۋال ۇعىسۋ ارقىلى يەلەگەن دەرەككە ساي، مامەتجان توحنياز حالىق ساقشىلارى مەن مالشىلاردى باستاپ، تاۋدى تىنتەدى. جەر جاعدايى كۇردەلى بولعاندىقتان، 4 مالشى ءتىنتۋ بارىسىندا زورلىقتى كۇش لاڭكەستەردىڭ قولىنا تۇسەدى. بارىمتالانعان مالشىلاردى قۇتقارۋ ءۇشىن ول زورلىقتى كۇش لاڭكەستەرى جاسىرىنعان ۇڭگىرگە جالعىز كىرەدى، سوڭىندا كوپ دۇشپانعا شاماسى جەتپەي ەرلىكپەن قۇربان بولادى.

  ايقاسۋ بارىسىندا مامەتجان توحنياز زورلىقتى كۇش لاڭكەستەرىنىڭ قىلمىستى ارەكەتىن قاتاڭ جازعىرىپ، ولاردى وزدەرىن مالىمدەۋگە بارىنشا ءناسيحاتتايدى، سوڭىندا ادامدىق قاسيەتتەن جۇرداي زورلىقتى كۇش لاڭكەستەر جاعىنان راقىمسىزدىقپەن ولتىرىلەدى. ءومىرىنىڭ سوڭعى ساتتەرىندە دە ول تەك مالشىلاردى قورعاۋدى عانا ويلايدى. ول اقيقات جولىندا باسىن ءباي تىگىپ، زورلىقتى كۇش لاڭكەستەرگە: ”ىزدەگەندەرىڭ ساقشى ەمەس پە، مەن سول ساقشىمىن! بۇقارا جازىقسىز، ولتىرسەڭدەر مەنى ولتىرىڭدەر، ولاردى قويا بەرىڭدەر!“ دەيدى.

  مالشى ماحمۇت مامەتجان توحنياز جاعىنان قۇتقارىلعاننان كەيىن ىرىقتىلىقپەن ساقشىلارعا جول باستاۋشى بولۋدى تالاپ ەتەدى. ول: ”مۇنداي ەر جۇرەك ادامدى بۇرىن - سوڭدى كورمەگەن ەكەنمىن، ونىڭ قانىن تەككە اعىزبايمىز!“دەيدى.

  مامەتجان توحنيازدىڭ قۇربان بولعاندىعىنان حابار تاپقاننان كەيىن، باي اۋدانىندا ءار كۇنى نەشە ون مىڭداعان بۇقارا ەڭبەكاقىمەن ەسەپتەسپەي، قيىندىقتان قورىقپاي، ءتىنتىپ تۇتقىنداۋعا جانە قورشاپ تۇتقىنداۋعا وزدىكتەرىنەن قاتىناسىپ، زورلىقتى كۇش لاڭكەستەرىنىڭ شىعار جولىن قۇرساۋلايدى.

  ساقشى جاق مامەتجان توحنيازدىڭ ءتىرى كەزىندە قالدىرعان دەرەگىنە ساي، ساقشى كۇشتەرىن دەر كەزىندە رەتتەپ، ورنالاستىرىپ، قورشاپ تۇتقىنداۋ ءتۇيىنىن تۇراقتاندىرادى. 56 كۇن ءۇرتىس قاجىماي - تالماي شايقاس جاساۋ ارقىلى ساقشىلار مەن حالىق ءبىر نيەتپەن سەلبەسىپ، زورلىقتى كۇش لاڭكەس توپتى تۇبەگەيلى تالقاندايدى.

  مامەتجان توحنياز ومىرىمەن ەڭ سوڭعى جەڭىسكە ايقىن بەتالىس كورسەتتى.

  سەمسەر قىنعا قايتا سالىنعاندا سونىمەن بىرگە جەڭىس ايعايى كوتەرىلدى، بۇل ءارى ونى قابىرعالارى سوگىلە جوقتاۋى ەدى. ادال دا ىستىق قانى مامەتجان توحنياز قۇلاي سۇيگەن بايتاق دالاعا توگىلدى، سونىمەن بىرگە ونىڭ اتى دا الىپ تيانشانعا ويىلىپ جازىلدى.

  مامەتجان توحنياز قۇربان بولعاننان كەيىن ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قوعام حاۋىپسىزدىگى مينيسترلىگى وعان ”مەملەكەتتىك قوعام حاۋىپسىزدىگى جۇيەسىندەگى 1 - دارەجەلى قاھارمان ۇلگى“ داڭق اتاعىن تولىقتاپ بەردى، اۆتونوميالى رايوندىق پارتكوم وعان ”اۆتونوميالى رايوندىق تاڭداۋلى كوممۋنيستىك پارتيا مۇشەسى“ داڭق اتاعىن تولىقتاپ بەردى، اۆتونوميالى رايوندىق حالىق ۇكىمەتى ونى توڭكەرىستىك قۇربان دەپ تولىقتاپ تانىدى.

  دۇنيەدەن وتكەنىمەن، رۋحى ماڭگى ساقتالادى. مامەتجان توحنيازدىڭ ەسىمىن وتان ۇمىتپايدى، حالىق ۇمىتپايدى!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

6 – ايدىڭ 1 – كۇنى تيانجين قالالىق قوعام حاۋىپسىزدىگى قاتىناستى باسقارۋ مەكەمەسى اۆتوموبيلدەردى باسقارۋ بولىمشەسىندە، قالا تۇرعىنى ءوتىنىش تاپسىرۋ ارقىلى بىتىرگەن ەلەكتروندى شوفەرلىك كۋالىگىن كورسەتۋدە (شينحۋا اگەنتتىگى)