بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قوعام حاۋىپسىزدىگى قوسىندارىندا ءبىرىنشى توپتاعى تاربيەلەۋ، رەتكە سالۋ بارىسىندا 6000 نان استام ادام ىرىقتىلىقپەن ءوزىن مالىمدەدى

2021.08.20 16:02     كەلۋ قاينارى : حالىق تورابى

  حالىق تورابىنىڭ ءتىلشىسى حاۋ پيڭ 8 – ايدىڭ 20 – كۇنى بەيجيڭنەن حابارلايدى. ءتىلشىنىڭ 8 – ايدىڭ 19 – كۇنى قوعام حاۋىپسىزدىگى مينيسترلىگىنەن ۇعىسۋىنشا، بيىل 2 – ايدىڭ سوڭىنان بەرى، بۇكىل ەلىمىز بويىنشا قوعام حاۋىپسىزدىگى قوسىندارىنداعى ءبىرىنشى توپتاعى تاربيەلەۋ، رەتكە سالۋ قيمىلى قالا، اۋدان ەكى دارەجەلى قوعام حاۋىپسىزدىگى ورگاندارى مەن مينيسترلىككە قاراستى تىكە باسقارىلاتىن باسقارما دارەجەلى قۇرىلمالى ورىنداردا الدىمەن ورىستەتىلدى. 5 ايدان بەرى، ءار دارەجەلى قوعام حاۋىپسىزدىگى ورگاندارى 5 ميلليون 310 ادام – رەت سىرلاسۋ، سويلەسۋ ۇيىمداستىرىپ، ءوزىن – ءوزى تەكسەرۋ كەستەسىن تولتىرعان ادام سانى 3 ميلليون 170 مىڭ ادام – رەت بولعان، 6000 نان استام ادام ءتارتىپ تەكسەرۋ، باقىلاۋ تاراۋلارىنا ىرىقتىلىقپەن ءوزىن مالىمدەگەن.

  بۇل جولى قوعام حاۋىپسىزدىگى قوسىندارىنداعى تاربيەلەۋ، رەتكە سالۋدا ساياسي جاقتاعى ادالدىقتى بەكەمدەۋ، باسبۇزارلاردى الاستاۋ، وڭاي شەشىلمەيتىن ەسكىلىكتى ماسەلەلەردى جونگە سالۋ، قاھارماندار مەن ۇلگىلەر رۋحىن ساۋلەلەندىرۋ سىندى «ءتورت ءتۇرلى مىندەت» كورنەكتىلەندىرىلىپ، ۇيرەنۋ مەن تاربيە بەرۋدى، انىقتاپ جونگە سالۋدى تىعىز توڭىرەكتەي وتىرىپ، «ءۇش ءتۇيىندى» قورىتىندىلاپ، دارەجەسىن جوعارىلاتىپ، كورنەكتى ونىمدىلىككە قول جەتكىزىلدى.

  ءار دارەجەلى قوعام حاۋىپسىزدىگى ورگاندارى ءوزىن – ءوزى تەكسەرۋ، ءوزى تۇزەتۋدى ىشكەرىلەي ورىستەتىپ، ۇيىمدىق جاقتان تەكسەرۋدى كۇشەيتىپ، جۇرتشىلىق مالىمدەگەن ءجىپ ۇشتارىنا ساي تەكسەرۋ، قارا – سۇرقيا كۇشتەرگە ساياتىن دەلولاردىڭ ءجىپ ۇشتارى بويىنشا قايتالاي تەكسەرۋ، ءتۇيىندى دەلولاردى ايقاسپالى تەكسەرۋ، زاڭعا، ارىز – شاعىمعا ساياتىن ارىز – ارمان دەلولارىن اداقتاي تەكسەرۋ قاتارلى تاسىلدەر ارقىلى ءتۇرلى ءجىپ ۇشتارىن تەكسەرىپ، تارتىپكە، زاڭعا قايشىلىق جاساعان ءبىر توپ حالىق ساقشىلارى تەكسەرۋگە الىنىپ، يدەيالىق جاقتان، ساياسي جاقتان، ۇيىمدىق جاقتان، ستيل جاعىنان ءبىر رەتكى جالپى بەتتىك اداقتاۋ، رەتكە سالۋ ورىستەتىلدى.

  «التى ءتۇرلى كورنەكتى ماسەلەگە» باعىتتاي وتىرىپ، قوعام حاۋىپسىزدىگى ورگاندارى «6 + N» فورماسىن قولدانىپ، ماجبۇرلەۋ شارالارىن الباتى اتقارۋ، زاڭ اتقارۋدا مۇددەنىڭ سوڭىنا ءتۇسۋ، بەلگىلەمەگە قايشى تۇردە سىرت جەردە زاڭ اتقارۋ، الباتى اقى الۋ جانە الباتى جازالاۋ قاتارلى كورنەكتى ماسەلەلەردى رەتكە سالۋ كولەمىنە ەنگىزىپ، تۋىلعان ىسكە دەلو تۇرعىزباۋ، دەلونى باسىپ قويىپ، تەكسەرمەۋ، دارەجەسىن تومەندەتىپ ءبىرجاقتى ەتۋ قاتارلى 240 مىڭنان استام ماسەلەنى ساراپتاپ تۇراقتاندىردى.

  مۇنان سىرت، ءار دارەجەلى قوعام حاۋىپسىزدىگى ورگاندارى شىن ىقىلاسپەن حالىق رايىن ۇعىسۋ، ساقشى لاگەرىن اشىق ۇستاۋ، اقپار جاريالاۋ قاتارلى فورمالارمەن، قوعامنان 245 مىڭ تۇرلىدەن استام ۇسىنىس – پىكىر قابىلداپ، حالىققا قولايلى، كاسىپورىندارعا ءتيىمدى شارالاردان ىلگەرىندى – كەيىندى 58 مىڭنان استام شارانى ورتاعا قويىپ، حالىق جۇرتشىلىعى مەن قوعامنىڭ ءار سالاسىنداعىلاردىڭ جوعارى باعاسىنا يە بولدى.

  قازىر قوعام حاۋىپسىزدىگى قوسىندارىنداعى ەكىنشى توپتاعى تاربيەلەۋ، رەتكە سالۋ قىزمەتى جالپى بەتتىك باستالدى. قوعام حاۋىپسىزدىگى مينيسترلىگى: قوعام حاۋىپسىزدىگى ورگاندارى اناعۇرلىم جوعارى ولشەممەن، اناعۇرلىم جوعارى تالاپپەن، اناعۇرلىم شىنايى شارالارمەن ەكىنشى توپتاعى تاربيەلەۋ، رەتكە سالۋدى ويداعىداي ورىستەتەتىندىگىن ءبىلدىردى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار