شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاۋ جينالىسى سالتاناتپەن وتكىزىلدى
ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى تەلەگرامما جولداپ قۇتتىقتادى
ۋاڭ ياڭ جينالىسقا قاتىناستى ءارى ءسوز سويلەدى
2021.08.20 16:18 كەلۋ قاينارى : حالىق تورابى
8 - ايدىڭ 19 - كۇنى شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاۋ جينالىسى لحاسادا سالتاناتپەن وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى ۋاڭ ياڭ شيزاڭ اۆتونوميالى رايونىنا، شيزاڭ اسكەري رايونىنا، قارۋلى ساقشى شيزاڭ باس اترەتىنە، شيزاڭ اۆتونوميالى رايونىنىڭ ساياسي - زاڭ جۇيەسىنە، جۇڭگو بۇددا ءدىنى قوعامىنىڭ شيزاڭ بولىمشەسىنە جەكە - جەكە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ «كورىكتى، باقىتتى شيزاڭ قۇرىپ، ۇلى گۇلدەنۋ ارمانىن جۇزەگە اسىرايىق» دەپ ارناۋ ءسوز جازعان قۇتتىقتاۋ تاقتاسى مەن قۇتتىقتاۋ قامقاسىن ۇسىندى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
«حالىق گازەتى»، 8 - ايدىڭ 19 - كۇنى، لحاسا (تىلشىلەر شىن لين، شۇي جۇن، لي چاڭيۇي، ۋاڭ حاۋ). 70 جىلدا وراسان زور وزگەرىس جارىققا شىعىپ، سامۇرىق قيانعا قانات قاقتى. 8 - ايدىڭ 19 - كۇنى تۇستەن بۇرىن شيزاڭداعى ءار ۇلت، ءار سالا كادر - بۇقاراسىنان 20 مىڭنان استام ادام بۋدالا سارايى الاڭىنا جينالىپ، شيزاڭنىڭ بەيبىت جولمەن ازات بولعانىنىڭ 70 جىلدىعىن قىزۋ قۇتتىقتادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ تاقتاسىنا «كورىكتى، باقىتتى شيزاڭ قۇرىپ، ۇلى گۇلدەنۋ ارمانىن جۇزەگە اسىرايىق» دەپ ارناۋ ءسوز جازدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى، ورتالىق ۋاكىلدەر ۇيىرمەسىنىڭ باستىعى ۋاڭ ياڭ قۇتتىقتاۋ جينالىسىنا قاتىناستى ءارى ءسوز سويلەدى.
بايىرعى قالا لحاسادا ءتۇستى تۋلار جەلبىرەپ، گۇل - بايشەشەك قۇلپىرىپ، بارلىق جەردەن شاتتىق پەن قۋانىش لەبى ەستى. ايبىندى بۋدالا سارايىندا زاڭزۋ ۇلگىسىندەگى جينالىس ءتوراعالار مىنبەسى ورنالاستىرىلدى. ءتوراعالار مىنبەسىنىڭ جوعارعى جاعىنداعى ايبىندى مەملەكەت گەربى مەن «شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاۋ جينالىسى» دەگەن جازۋ جازىلعان كەرمە تۋ كوزگە وتتاي باسىلادى، ارتقى كورىنىستىڭ قابىرعاسىنا مەرەي توي بەلگىسى مەن «1951»، «2021» دەگەن جازۋ ىلىنگەن، ەكى جاعىنا بەستەن نارت قىزىل تۋ قويىلعان. ءتوراعالار مىنبەسىنىڭ قارسىسىنداعى بۋدالا سارايى الاڭىندا مەرەكەلىك كيىم كيگەن ءار ۇلت بۇقاراسى شار تاراپتان ەرتەمەن جينالىپ، قولدارىنداعى مەملەكەت تۋىن، گۇل شوعىن بۇلعاپ، شاتتىق تەڭىزىن قالىپتاستىردى.
تۇستەن بۇرىن ساعات 10 دا شيزاڭ اۆتونوميالى رايوندىق پارتكوم شۋجيىنىڭ ورىنباسارى، اۆتونوميالى رايوندىق حالىق ۇكىمەتىنىڭ ءتوراعاسى چيزالا جينالىستىڭ باستالعانىن جاريالادى. بۇكىل الاڭداعىلار ورىندارىنان تۇرىپ، مەملەكەت ءانىن ورىندادى، بەس جۇلدىزدى نارت قىزىل تۋ بۋدالا سارايى الاڭىندا باياۋ كوتەرىلدى.
ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى، ورتالىق ۋاكىلدەر ۇيىرمەسى باستىعىنىڭ ورىنباسارى يوۋ چۋان ج ك پ ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ورتالىق اسكەري ىستەر كوميتەتىنىڭ شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاۋ جونىندەگى تەلەگرامماسىن وقىدى (تولىق مازمۇنى بولەك جاريالاندى).
ۋاڭ ياڭ شيزاڭ اۆتونوميالى رايونىنا، شيزاڭ اسكەري رايونىنا، قارۋلى ساقشى شيزاڭ باس اترەتىنە، شيزاڭ اۆتونوميالى رايونىنىڭ ساياسي - زاڭ جۇيەسىنە، جۇڭگو بۇددا ءدىنى قوعامىنىڭ شيزاڭ بولىمشەسىنە جەكە - جەكە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ «كورىكتى، باقىتتى شيزاڭ قۇرىپ، ۇلى گۇلدەنۋ ارمانىن جۇزەگە اسىرايىق» دەپ ارناۋ ءسوز جازعان قۇتتىقتاۋ تاقتاسى مەن قۇتتىقتاۋ قامقاسىن ۇسىندى.
دۋ قول شاپالاق ءۇنى ىشىندە ۋاڭ ياڭ ىستىق ىقىلاستى ءسوز سويلەدى. ول بىلاي دەدى: بۇكىل ەل بويىنشا جۇڭگو كوممۋنيستىك پارتياسىنىڭ عاسىرلىق مەرەي تويىن قۇتتىقتاۋ ساتىندە ءبىز شيزاڭنىڭ بەيبىت جولمەن ازات بولعانىنىڭ 70 جىلدىعىن قارسى الدىق. وتكەن ايدا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيزاڭعا كەلىپ قىزمەت تەكسەرىپ، شيزاڭنىڭ بەيبىت جولمەن ازات بولعان 70 جىلدان بەرگى دامۋ جەتىستىكتەرىن تولىق تۇراقتاندىرىپ، ءار ۇلت كادر - بۇقاراسىنا شىنايى قامقورلىق جاساپ، ىزگى تىلەك ءبىلدىردى. بۇگىن ورتالىق ۋاكىلدەر ۇيىرمەسى پارتيا ورتالىق كوميتەتى مەن باس شۋجي شي جينپيڭنىڭ ماڭىزدى تاپسىرماسىن، بۇكىل ەل حالقىنىڭ تەرەڭ دوستىعىن ارقالاپ شيزاڭداعى ءار ۇلت حالقىمەن بىرگە شيزاڭنىڭ بەيبىت جولمەن ازات بولعانىنىڭ 70 جىلدىعىن سالتاناتپەن قۇتتىقتاپ وتىر. ۋاڭ ياڭ ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى اتىنان شيزاڭ اۆتونوميالى رايونىن قىزۋ قۇتتىقتادى؛ شيزاڭداعى ءار ۇلت كادر - بۇقاراسىنان شىنايى حال سۇرادى؛ ۇزاق ۋاقىتتان بەرى شيزاڭنىڭ دامۋىنا، العا باسۋىنا كوڭىل ءبولىپ جانە قولداۋ كورسەتىپ كەلگەن ءار سالا قايراتكەرلەرىنە شىن جۇرەكتەن العىس ايتتى.
ۋاڭ ياڭ بىلاي دەدى: 1951 - جىلى شيزاڭنىڭ بەيبىت جولمەن ازات بولۋى − جۇڭگو حالقىنىڭ ازاتتىق ىستەرى مەن وتاندى بىرلىككە كەلتىرۋ ىسىندەگى كەلەلى جەڭىس، شيزاڭ جونىنەن ءداۋىر بولگىش مانگە يە تاريحي بۇرىلىس. وسىدان باستاپ شيزاڭ قاراڭعىلىقتان جارىققا، مەشەۋلىكتەن العا باسۋعا، كەدەيلىكتەن اۋقاتتانۋعا، دارا بيلىكتەن دەموكراتياعا، توماعا - تۇيىقتىقتان ەسىك اشۋعا بەت الۋدىڭ داڭعىل جولىنا ءتۇستى، گۇلدەنىپ - كوركەيگەن سوتسياليستىك جاڭا شيزاڭ دۇنيە ءجۇزىنىڭ جوتاسىندا ەڭسە كوتەردى.
ۋاڭ ياڭ بىلاي دەدى: پارتيانىڭ 18 - قۇرىلتايىنان بەرى شيزاڭ دامۋى ەڭ جاقسى، وزگەرىسى ەڭ زور، بۇقارا ەڭ كوپ يگىلىككە كەنەلگەن جاڭا داۋىرگە قادام تاستادى. ەكونوميكاسىنىڭ جىلدىق ورتاشا ارتۋ قارقىنى بۇكىل ەل بويىنشا الدىڭعى ۇشتىكتىڭ ىشىندە، اۋىل - قىستاق تۇرعىندارىنىڭ كىسى باسىنا تۋرا كەلەتىن يگەرىلمەلى كىرىسىنىڭ ارتۋ قارقىنى ءۇرتىس كوپ جىل مەملەكەت بويىنشا 1 – ورىندا تۇردى، قالا - قالاشىقتانۋ شاماسى 13 پايىز جوعارىلادى. قاجىماي - تالماي قۇلشىنۋ ارقىلى 628 مىڭ كەدەي حالىق سانى تۇگەلدەي كەدەيلىكتەن ارىلىپ، 266 مىڭ ادام تاۋ قويناۋىنداعى قاقاعان ايازدى جەردەن اڭعارلارداعى قالا - قالاشىقتارعا كوشىپ بارىپ، تىنىش ءومىر، شات - شادىمان تىرشىلىك كەشىردى، شيزاڭ بۇكىل ەلمەن بىرگە دەر كەزىندە جاپپاي دوڭگەلەك داۋلەتتى قوعام قۇرىپ شىقتى.
ۋاڭ ياڭ بىلاي دەپ اتاپ كورسەتتى: بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى، شيزاڭنىڭ ەكونوميكالىق، قوعامدىق دامۋى دا جاڭا تاريحي باستامادا تۇر. ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، باس شۋجي شي جينپيڭنىڭ ورتالىقتىڭ شيزاڭ قىزمەتى جونىندەگى 7 - اڭگىمە ماجىلىسىندە سويلەگەن ماڭىزدى ءسوزىنىڭ رۋحىن جانە شيزاڭدا قىزمەت تەكسەرگەن كەزدەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، قارلى ءۇستىرتتىڭ باياندى تىنىشتىعى مەن ساپالى دامۋىنىڭ تىڭ داستانىن قۇلشىنا جازۋىمىز كەرەك.
ۋاڭ ياڭ مىنالاردى دارىپتەدى: پارتيانىڭ باسشىلىعىندا باستان - اياق تاباندى بولىپ، جۇڭگوشا سوتسياليزم جولىمەن بۇلجىماي ءجۇرۋ؛ شيزاڭنىڭ جاراسىمدى، ورنىقتى تاماشا جاعدايىن بەكەمدەپ جانە دامىتىپ، مەملەكەتتىڭ حاۋىپسىزدىگى مەن شەكارا ءوڭىردىڭ ورنىقتىلىعىنا كەپىلدىك ەتۋ؛ جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتار ىنتىماعى، العاباسارلىعى ىستەرىن ىلگەرىلەتۋ؛ حالىقتى وزەك ەتكەن دامۋ يدەياسىندا تاباندى بولىپ، ەكونوميكا مەن قوعامنىڭ ساپالى دامۋىن ىلگەرىلەتۋ؛ تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا − باعالى بايلىق دەيتىن ۇستانىمدى بەرىك ورناتىپ، ەكولوگيالىق وركەنيەتتىڭ بيىك بەلەسىن قالىپتاستىرۋ كەرەك.
ۋاڭ ياڭ سوڭىندا بىلاي دەدى: ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا قۇرۋ ۇلى رۋحىن ساۋلەلەندىرىپ، «بايىرعى شيزاڭ رۋحىنا»، «ەكى جول رۋحىنا» مۇراگەرلىك ەتىپ، ىنتىماقتى، باي، وركەنيەتتى، جاراسىمدى، كورىكتى سوتسياليستىك وسىزاماندانعان جاڭا شيزاڭ قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەيىك (تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
شي جينپيڭ شيزاڭ اۆتونوميالى رايوندىق پارتكومنىڭ شۋجيى ۋ يىڭجيە جينالىستا ءسوز سويلەدى. ول بىلاي دەدى: پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا شيزاڭدى جونگە سالۋ، شيزاڭدى ورنىقتىرۋ، شيزاڭدى گۇلدەندىرۋ ىستەرىندە جان - جاقتى ىلگەرىلەۋشىلىككە، تاريحي تابىستارعا قول جەتتى. جاڭا داۋىردە ءبىز ورتالىقتىڭ شيزاڭ قىزمەتى جونىندەگى 7 - اڭگىمە ءماجىلىسىنىڭ رۋحىن، باس شۋجي شي جينپيڭنىڭ شيزاڭ قىزمەتى جونىندەگى ماڭىزدى پايىمداۋلارى مەن جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جاپپاي دايەكتىلەندىرىپ، كورىكتى، باقىتتى شيزاڭ قۇرۋ، ۇلى گۇلدەنۋ ارمانىن بىرگە جۇزەگە اسىرۋ جولىندا قۇلشىنا كۇرەس جۇرگىزەيىك.
شيزاڭ اسكەري رايونىنىڭ سىليڭيۋانى ۋاڭ كاي، بۇقارا ۋاكىلى دانزىڭ، شيزاڭعا كومەككە كەلگەن كادرلاردىڭ ۋاكىلى لياڭ نانيۇي قاتارلىلار دا جينالىستا ءسوز سويلەدى.
«وتاندى جىرلايمىز» دەگەن ءان اسقاق اۋەلەپ، بەيبىتشىلىك كوگارشىنى بيىككە سامعاپ، الۋان ءتۇستى اۋا شارى اسپانعا قويا بەرىلدى، الاڭنان دۋ قول شاپالاق ءۇنى مەن شاتتىق ءۇنى كوتەرىلدى، قۇتتىقتاۋ جينالىسى تابىسپەن اياقتادى.
ورتالىق ۋاكىلدەر ۇيىرمەسى باستىعىنىڭ ورىنباسارلارى بايماچىلين، جاڭ چيڭلي، مياۋ حۋا جانە ورتالىق ۋاكىلدەر ۇيىرمەسىنىڭ بارلىق مۇشەسى، مەملەكەتتىك ساياسي كەڭەستىڭ ورىنباسار ءتوراعاسى پابالا گىلەلاڭجيە، سونداي - اق شيزاڭ اۆتونوميالى رايونىنىڭ پارتيا، ۇكىمەت، ارميا ورىندارىنداعى جاۋاپتىلار قاتارلىلار جينالىسقا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
