بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ حىناندا قىزمەت تەكسەرگەندە جانە اپاتتان كەيىنگى قالپىنا كەلتىرۋ، قايتا قۇرۋ ارناۋلى ءماجىلىسىن باسقارىپ اشقاندا مىنانى دارىپتەدى

اپاتقا ۇشىراعان بۇقارانىڭ تۇرمىسىن قامتاماسىز ەتىپ، اپاتتان كەيىنگى قالپىنا كەلتىرۋدى، قايتا قۇرۋدى تىڭعىلىقتى ىلگەرىلەتۋ كەرەك

2021.08.20 16:27     كەلۋ قاينارى : حالىق تورابى

  شينحۋا اگەنتتىگى، 8 - ايدىڭ 19 – كۇنى، جىڭجوۋ (ءتىلشى زوۋ ۋەي). 8 - ايدىڭ 18 - كۇنىنەن 19 - كۇنىنە دەيىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ حىنان ولكەلىك پارتكومنىڭ شۋجيى لوۋ ياڭشىڭ مەن ولكە باستىعى ۋاڭ كايدىڭ سەرىك بولۋىندا حىبي، شينشياڭ، جىڭجوۋدا قىزمەت تەكسەرىپ، اپاتقا ۇشىراعان بۇقارادان حال سۇراپ، اپاتتان كەيىنگى قالپىنا كەلتىرۋ، قايتا قۇرۋ ارناۋلى ءماجىلىسىن باسقارىپ اشتى. ول مىنالاردى دارىپتەدى: باس شۋجي شي جينپيڭنىڭ تاسقىننان ساقتانۋ، اپاتتان قۇتقارۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋدى باستان - اياق ماڭداي الدى ورىنعا قويىپ، تاسقىننان ساقتانۋ، اپاتتان قۇتقارۋ شارالارىن ناقتى يگەرىپ، اپاتتان كەيىنگى قالپىنا كەلتىرۋ، قايتا قۇرۋدى جەدەلدەتۋ كەرەك.

  لي كىچياڭ حىبي قالاسى يۋانجۋاڭ قىستاعىنداعى اپاتقا ۇشىراعان تۇرعىننىڭ ۇيىنە كەلىپ، ۇيدەگى استىق پەن زاتتاردى سۋ باسىپ كەتكەنىن كوردى، ول تاماق پەن جاتىن ورىننىڭ قالاي شەشىلگەنىن، قوسىمشا قاراجاتتىڭ بار - جوقتىعىن سۇرادى. بۇقارانىڭ تۇرمىسى ورنالاستىرىلعانىن ەستىگەن ول جەرگىلىكتى ورىنداعى جولداستارعا كاسىپتىك كۇشتەردى ۇيىمداستىرىپ، ورتانى تۇبەگەيلى دەزينفەكسيالاپ، ولگەن مال، قۇستى زالالسىزداندىرىپ ءبىر جاقتى ەتىپ، اۋىر اپاتتان كەيىن ىندەتتىڭ تۋىلۋىنان ساقتانۋدى قاداعالاپ تاپسىردى. ول اۋىلداستارعا بىلاي دەدى: سولتۇستىك حىناندا كوپ جىلدان بەرى سيرەك كەزدەسەتىن اۋىر اپات تۋىلدى، بۇل ارا − تاسقىن ىركۋ رايونى، سىزدەر تاسقىننان ساقتانۋعا ۇلەس قوستىڭىزدار، پارتيا مەن ۇكىمەت سىزدەردىڭ قيىن وتكەلدەن وتۋلەرىڭىزگە كومەكتەسەدى، ورتالىقتان بوساتىلعان زاپاس قاراجات اپاتتان قۇتقارۋعا جانە قالپىنا كەلتىرۋگە، قايتا قۇرۋ ءۇشىنن قولداۋ كورسەتۋگە جۇمسالادى، ءۇي سياقتى مال - مۇلىك زيانىنا دا تولەم بەرىلەدى، كوپشىلىك، اتا مەكەندەرىڭىزدى قايتا قۇرۋعا قۇلشىنىڭىزدار. لي كىچياڭ ءالى دە سۋ ىركىلىپ تۇرعان ەگىس اتىزىنا بارىپ، داقىلداردىڭ اۋىر زيانعا ۇشىراعانىن كوردى، ول بىلاي دەدى: بۇل ارا − استىق وندىرەتىن نەگىزگى رايون، مەملەكەت قولداۋ تەبىنىن ارتتىرىپ، بۇقارانىڭ ءوندىرىستى قالپىنا كەلتىرۋىنە، زياندى ازايتۋىنا كومەكتەسەدى.

  لي كىچياڭ شينشياڭ ۋەيحۇي قالاسىندا ۋيحى وزەنى ورىپ كەتكەن توسپانى قالپىنا كەلتىرۋ اياق الىسىن كوزدەن كەشىردى. ول ورتا، شاعىن سۋ يگىلىگى قۇرىلعىلارىنىڭ كومەسكى قاتەرىن تەكسەرىپ جونگە سالۋدى جەدەلدەتىپ، وزەن ارناسى مەن تاسقىن ىركۋ رايونىن عىلمي جوسپارلاپ جانە كەمەلدەندىرىپ، تاسقىننان ساقتانۋ قۋاتىن جوعارىلاتۋدى دارىپتەدى.

  لي كىچياڭ جىڭجوۋ مەتروسىنىڭ 5 – جەلىسىندەگى وتكەلەكتىڭ اپاتقا ۇشىراۋ ناق مايدانىن كوزدەن كەشىردى. ول مىنالاردى اتاپ كورسەتتى: قالا قۇرىلىسىندا «قويىن ينجەنەرياسىن»، ەڭ اۋەلى حاۋىپسىزدىك ينجەنەرياسىن ويداعىداي جۇرگىزۋدى اناعۇرلىم ماڭىزدى ورىنعا قويۋ كەرەك. قالا قۇرىلعىلارىنىڭ حاۋىپسىزدىك كومەسكى قاتەرىن جونگە سالىپ، قۇرىلىس پەن حاۋىپسىزدىك ولشەمىن جوعارىلاتىپ، باسقارۋ دەڭگەيىن جوعارىلاتۋ كەرەك. ساقتىق دابىلى مەن شۇعىل جاعدايعا توتەپ بەرۋگە ءۇن قوسۋ مەحانيزمىن كۇشەيتىپ، بىتىراتۋ، حاۋىپتەن ساقتانۋ ولشەمىندە جەتكىلىكتى بوستىق قالدىرۋ، ءومىردى بارىنەن جوعارى قويۋ، حاۋىپتەن ساقتانۋدى ماڭىزدى ورىنعا قويۋ، شۇعىل جاعدايدا مەترو، وتكەلەك سياقتىلاردىڭ توقتاتۋعا تيىستىلەرىن توقتاتىپ، جابۋعا تيىستىلەرىن جاۋىپ، بۇقارانىڭ ءومىرى مەن مال - مۇلكىنىڭ حاۋىپسىزدىگىن قورعاۋ كەرەك. لي كىچياڭ بىلاي دەدى: وسى رەتكى نوسەرلى جاڭبىردا اۋىر ءولىم – ءجىتىم تۋىلدى، بۇعان قاتتى اشىنامىز. مەملەكەتتىك كەڭەس حىنان ولكەسىنىڭ جىڭجوۋ قالاسىنداعى «20 - شىلدە» ەرەكشە اۋىر نوسەر اپاتىن تەكسەرۋ گرۋپپاسىن قۇردى، شىندىقتى ءىس جۇزىنەن ىزدەي وتىرىپ جاعدايدى انىقتاۋدى مىقتى يگەرىپ، مىندەتىن وتەمەۋ، جاۋاپكەرسىزدىك ىستەۋ ارەكەتتەرىن زاڭ - ەرەجە بويىنشا جاۋاپقا تارتىپ، بۇقارانىڭ كوڭىل ءبولىپ وتىرعان ماسەلەلەرىنە جاۋاپ قايتارىپ، كەيىنگىلەرگە ەسكەرتۋ بەرۋ كەرەك.

  تۇرعىندار شاعىن رايونىندا لي كىچياڭ اپاتقا ۇشىراعان بۇقاراعا امانداسا بارىپ، جەرگىلىكتى ورىنداعى جاۋاپتى جولداستارعا ۇيلەرىنە سۋ كىرگەن تۇرعىنداردى جاپپاي تەكسەرۋدى ءارى قيىنشىلىقتى شەشۋگە كومەكتەسۋدى تاپسىردى. ول تاعى اۋىل شارۋاشىلىق ونىمدەرى بازارىنا كەلىپ، تۇرمىستىق قاجەتتى بۇيىمدارمەن قامداۋدى، باعانى ورنىقتىرۋدى مىقتى يگەرىپ، جەكەشە ونەركاسىپشىلەر مەن ساۋداگەرلەردى قولداۋ ساياساتىن ۇزدىكسىز ويداعىداي تياناقتاندىرۋدى دارىپتەدى.

  لي كىچياڭ جىڭجوۋ اۋرۋدى تىزگىندەۋ ورتالىعىنا كەلىپ، حىناننىڭ ىندەتتە ساقتانۋ - تىزگىندەۋ مالىمەتىن تىڭداپ، جەرگىلىكتى ورىنداعى جولداستار مەن اۋرۋدى تىزگىندەۋ قىزمەتكەرلەرىنەن جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە اپاتتان كەيىنگى ىندەتتەن ساقتانۋ سىندى ەكى قيان - كەسكى شايقاستى تيتتەي دە بوساڭسىتپاي ويداعىداي جۇرگىزىپ، شىندىقتى ءىس جۇزىنەن ىزدەپ، ينفورماتسيانى اشىق جاريالاۋدى تالاپ ەتتى.

  ارناۋلى ماجىلىستە لي كىچياڭ بىلاي دەدى: اپاتتان كەيىنگى قايتا قۇرۋ مىندەتى جاپالى، شي جينپيڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، وسى قىزمەتتى جەدەل ىلگەرىلەتۋ كەرەك. جەرگىلىكتى ورىندار تۇلعالىق جاۋاپكەرلىكتى ارقالاپ، اپات اۋىر بولعان وڭىرلەردە قايتا قۇرۋ جوباسىن ويداعىداي جاساپ، سۋ ورىپ كەتكەن ەگىس اتىزدارىن قالپىنا كەلتىرۋدى، كۇزگى، قىسقى ەگىس جۇمىسىن، ۇيلەردى قايتا سالۋدى جانە بەكەمدەۋدى مىقتى يگەرىپ، سۋ ورىپ كەتكەن مەكتەپتەردى، شيپاحانالاردى جوندەۋدى، قالپىنا كەلتىرۋدى جەدەلدەتىپ، كاسىپورىنداردىڭ، ساۋداگەرلەردىڭ جۇمىستى، كاسىپتى قالپىنا كەلتىرۋىنە كومەكتەسۋى كەرەك. سونىمەن بىرگە، ينجەنەريالىق شارالار ارقىلى ولقىلىقتاردى تولىقتاپ، نەگىزدى كۇشەيتىپ، قالا ىشىندەگى تاسقىن سياقتى كورنەكتى ماسەلەلەردى جەدەل شەشۋ كەرەك. ورتالىقتىڭ زاپاس قاراجاتى سياقتى قارجى، فينانس ساياساتتارىندا بەيىمدەلىپ پارمەندى قولداۋ كورسەتۋ كەرەك. قازىر تاسقىن مەزگىلى ءالى ءوتىپ بولعان جوق، مالىمەتكە قاراعاندا، حىنان سياقتى ءىشىنارا رايونداردا نوسەر جاۋۋى مۇمكىن، تاسقىننان ساقتانۋ، اپاتتان قۇتقارۋ دايىندىعى مەن شۇعىل جاعدايعا توتەپ بەرۋ قىزمەتىن ۇزدىكسىز ويداعىداي ىستەۋ كەرەك.

  ۋاڭ يۇڭ، شياۋ جيە قيمىلعا قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار