بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اشكەرەلەگەندەرگە سيلىق بار، ەڭ جوعارى بولعاندا ءبىر ميلليون يۋان!

2021.08.23 13:12     كەلۋ قاينارى : حالىق تورابى

  تاياۋدا بازار باقىلاۋ - باسقارۋ باس مەكەمەسى، قازىنا مينيسترلىگى «بازار باقىلاۋ - باسقارۋ سالاسىنداعى زاڭعا قايشى ەلەۋلى ارەكەتتەردى اشكەرەلەگەندەردى سيلاۋدىڭ ۋاقىتشا ءادىسىن» (تومەندە قىسقارتىلىپ «اشكەرەلەگەندەردى سيلاۋدىڭ ۋاقىتشا ءادىسى» دەلىنەدى) بىرلەسىپ باسىپ تاراتتى، 2021 – جىلى 12 – ايدىڭ 1 – كۇنى رەسمي اتقارىلادى.

  «اشكەرەلەگەندەردى سيلاۋدىڭ ۋاقىتشا ادىسىندە» ايتىلعان زاڭعا قايشى ەلەۋلى ارەكەتتەر دەگەنىمىز قىلمىس كۇمانى تاعىلعان نەمەسە زاڭ بويىنشا ءوندىرىستى، كاسىپتى توقتاتۋعا بۇيىرۋ، جابۋعا بۇيىرۋ، رۇقسات كۋالىگىن كۇشىنەن قالدىرۋ، ءبىرشاما كوپ اقشالاي ايىپ سالۋ، ءبىرشاما كوپ اقشاسىن تاركىلەۋ سياقتى اكىمشىلىك جازا بەرىلەتىن زاڭعا قايشى ارەكەتتەر ايتىلادى. جەرگىلىكتى زاڭدىق ەرەجەلەردە نەمەسە جەرگىلىكتى ۇكىمەتتەردىڭ ەرەجە - تارتىپتەرىندە زاڭعا قايشى ەلەۋلى ارەكەتتەر جونىندە ناقتى بەلگىلەمەلەر بولسا، سول بەلگىلەمەلەر بويىنشا اتقارۋعا بولادى.

  مىناداي ەلەۋلى زاڭعا قايشى ارەكەتتەردى اشكەرەلەسە، تەكسەرىپ انىقتاعاننان كەيىن سايكەستى سيلىق بەرىلەدى:

  1. ازىق - تۇلىك، ءدارى - دارمەك، ەرەكشە جابدىق، ونەركاسىپ ءونىم ساپاسى حاۋىپسىزدىگىنە قاتىستى زاڭ، زاڭدىق ەرەجەلەردىڭ بەلگىلەمەسىنە قايشىلىق جاساعان ەلەۋلى زاڭعا قايشى ارەكەتتەر؛

  2. وڭىرلىك، جۇيەلىك حاۋىپ - قاتەرگە يە ەلەۋلى زاڭعا قايشى ارەكەتتەر؛

  3. بازاردى باقىلاۋ - باسقارۋ سالاسىندا ءبىرشاما زور قوعامدىق ىقپالعا يە، حالىق بۇقاراسىنىڭ باس اماندىعىنا، مال - مۇلىك اماندىعىنا اۋىر زالال جەتكىزگەن ەلەۋلى زاڭعا قايشى ارەكەتتەر؛

  4 . قىلمىسقا ساياتىن، ءادىليا ورگاندارىنىڭ قىلمىستىق ىستەر جاۋاپكەرشىلىگىن قۋزاستىرۋىنا جولدانعان ەلەۋلى زاڭعا قايشى ارەكەتتەر.

  «اشكەرەلەگەندەردى سيلاۋدىڭ ۋاقىتشا ءادىسىنىڭ» 12 - تارماعىندا بىلاي دەپ ايقىن بەلگىلەندى: اقشالاي ايىپ سالۋ، اقشاسىن تاركىلەۋ دەلولارى جونىندە بازار باقىلاۋ - باسقارۋ تاراۋلارى مىناداي ولشەم بويىنشا سيلىق سوماسىن ەسەپتەيدى، سونداي - اق دەلوعا قاتىستى زاتتىڭ قۇنى، قوعامدىق ىقپال دارەجەسى سياقتى فاكتورلاردى جان - جاقتى ويلاستىرىپ، ەڭ سوڭىندا سيلىق سوماسىن بەلگىلەيدى:

  (1) ءبىرىنشى دارەجەلى اشكەرەلەۋدى سيلاۋعا جاتاتىن بولسا، ايىپ سالعان، تاركىلەگەن سومانىڭ %5ى بويىنشا سيلانادى. وسى بويىنشا ەسەپتەگەندە 5000 يۋانعا تولماسا، 5000 يۋان سيلىق بەرىلەدى؛

  (2) ەكىنشى دارەجەلى اشكەرەلەۋدى سيلاۋعا جاتاتىن بولسا، ايىپ سالعان، تاركىلەگەن سومانىڭ %3ى بويىنشا سيلانادى. وسى بويىنشا ەسەپتەگەندە 3000 يۋانعا تولماسا، 3000 سيلىق بەرىلەدى؛

  (3) ءۇشىنشى دارەجەلى اشكەرەلەۋدى سيلاۋعا جاتاتىن بولسا، ايىپ سالعان، تاركىلەگەن سومانىڭ %1ى بويىنشا سيلانادى. وسى بويىنشا ەسەپتەگەندە 1000 يۋانعا تولماسا، 1000 يۋان سيلىق بەرىلەدى.

  ايىپ سالعان، تاركىلەگەن سوما بولماعان دەلولاردا 1 - دارەجەدەن 3 - دارەجەگە دەيىنگى اشكەرەلەۋدى سيلاۋ سوماسى جەكە - جەكە 5000 يۋاننان، 3000 يۋاننان، 1000 يۋاننان تومەن بولماۋ كەرەك.

  مۇنان سىرت، ءاربىر دەلونىڭ اشكەرەلەۋدى سيلاۋ سوماسىنىڭ جوعارى شەگى ءبىر ميلليون يۋان، «اشكەرەلەگەندەردى سيلاۋدىڭ ۋاقىتشا ءادىسىنىڭ» 12 - تارماعىنداعى بەلگىلەمە بويىنشا سيلاۋ سوماسى وسى جوعارى شەكتەن اسىپ كەتپەۋى كەرەك. ءبىر رەتكى سيلاۋ سوماسى 500 مىڭ يۋاننان جوعارى (500 مىڭ يۋاندى قامتيدى) بولسا اشكەرەلەۋدى سيلاۋ سوماسىن تاراتقان بازار باقىلاۋ - باسقارۋ تاراۋى دارەجەلەس ۇكىمەتتىڭ قازىنا تاراۋىمەن اقىلداسىپ بەلگىلەيدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار