«اعاش ەگۋدىڭ ءوزى − ءۇمىت» (قارلى القاپتاعى شاتتىققا تولى 70 جىل، شيزاڭنىڭ جاڭا داۋىرگە قادام تاستاۋى)
«حالىق گازەتىنىڭ» تىلشىلەرى شىن لين، شۇي يۇيياۋ
2021.08.23 17:21 كەلۋ قاينارى : حالىق تورابى
«بۇرىن بۇل جەر تاپ - تاقىر بولاتىن، قازىر اعاشتار جاسىل جەلەك جامىلعان» دەدى بيانجيۋ بيىكتە تۇرىپ، الىستاعى يارلۇڭزاڭبو وزەنىنىڭ ەكى جاعالاۋىنداعى جاپ - جاسىل اعاشتاردى نۇسقاپ قۋانىشپەن.
شيزاڭداعى يارلۇڭزاڭبو وزەنىنىڭ ورتا اعارىنداعى اڭعار ءوڭىرى − ۇستىرتتەگى ءۇستىرتتى سۋىق، قۇمدى بوراندى ءوڭىر بولىپ، كەزىندە جەردىڭ قۇمايتتانۋى اۋىر بولعان. شيزاڭ اۆتونوميالى رايونى شاننان قالاسى زاناڭ اۋدانىنىڭ تۋماسى رەتىندە بيانجيۋدىڭ ەسىندە قالعانى، يارلۇڭزاڭبو وزەنىنىڭ ەكى جاعالاۋىنداعى قۇم توبەشىكتەر كەزىندە قۋ تاقىر بولىپ، بوران سوقسا، قۇم – توزاڭ اسپانعا ۇشىپ جاتاتىن.
وتكەن عاسىردىڭ 80 - جىلدارىنان باستاپ، شاننان قالاسى يارلۇڭزاڭبو وزەنىنىڭ جاعالاۋىنان ىقتاسىن ورمان وسىرە باستادى، 40 نەشە جىلدان بەرى جيىنى 45 ميلليون تۇپتەن استام اعاش ەگىلىپ ورمان ءوسىرىلدى. 1984 - جىلى 26 جاستاعى بيانجيۋ ءبىر ماشينا ساتىپ الىپ، تاسىمال جۇمىسىن باستادى، العاشىندا زاناڭ اۋدانىنىڭ ورمانشىلىق تاراۋىنا اعاش قالامشاسىن تاسىدى.
بىرنەشە جىلدان كەيىن كەزىندەگى تاقىر تاۋدىڭ جاسىل جەلەك جامىلعانىن كورگەن بيانجيۋ اعاش ەگۋ ويىنا كەلەدى. ورمان شارۋاشىلىعى قىزمەتكەرلەرىنەن قالامشا ءوسىرۋ تەحنيكاسىن ۇيرەنگەننەن كەيىن، ول اعاش ەگە باستادى. تەحنيكاسى جاقسى بولعاندىقتان، ول ەككەن اعاشتىڭ قاتارعا قوسىلۋ مولشەرى وتە جوعارى بولدى.
2004 – جىلى بيانجيۋ جەرگىلىكتى ۇكىمەتتىڭ قارجىلاي كومەگىندە جەكە كوشەت باقشاسى بازاسىن قۇردى. 2006 - جىلى ول يارلۇڭزاڭبو وزەنىنىڭ سولتۇستىك جاعالاۋىنداعى سانيە قالاشىعى، ازار اۋىلى سياقتى 2 قالاشىق، 3 اۋىلدان 60 مىڭ مۋدان استام جەردى كوتەرمەگە الىپ قۇمدى تىزگىندەۋ قىزمەتىن باستادى، شاعىل تاسپەن قۇمدى باستىرۋ، ءتورت بۇرىشتاپ ءشوپ ەگۋ سياقتى ادىستەردى قولدانىپ، قۇمدى بوراننىڭ الەگىن ءونىمدى تۇردە ازايتتى.
قۇرىلىس ينجەنەرياسى بويىنشا ورمان ءوسىرۋ، باۋ - باقشانى جاسىلداندىرۋ، قۇمايتتانۋدىڭ الدىن الۋ، قۇمايت جەرلەردى جونگە سالۋ... بيانجيۋ جاسىلداندىرۋعا قاتىستى ءتۇرلى نىساندارعا بەلسەنە ات سالىستى. «قازىر اعاش ەگۋدىڭ ونىمدىلىگى جاقسى، جۇمىس ىستەگەندە دە تالاسا - تارماسا ىستەۋگە تۋرا كەلەدى». قازىر ۇزاقتان بەرى جالعاسىپ كەلە جاتقان قالامشا باقشاسى بازاسىنىڭ جىلدىق ءونىم قۇنى 4 - 5 ميلليون يۋانعا جەتتى، وندا 70 نەشە قىزمەتكەر ىستەيدى.
شاننان قالاسى سانرى اۋدانى رۇڭشياڭ اۋىلى چىڭبا قىستاعىندا يەلەگەن جەرى مىڭ مۋدان اساتىن الما باعىندا جەرگىلىكتى قىستاق تۇرعىندارى قاربالاستىققا ءتۇستى. «قىستاقتاعى قالامشا باقشاسى بازاسىندا قالامشا وسىرىلەدى، جەمىس اعاشتارى جەمىس بەرەدى، جەمىس باقشاسى تاعى دا كورىنىس ءتۇيىنى سانالادى». قىستاق تۇرعىنى باساڭداۋا بىلاي دەدى: «اعاش ەگۋدىڭ ءوزى − ءۇمىت».
جەكەلەردەن تىس، كوپتەگەن كاسىپورىن جاسىلداندىرۋعا، ورمان وسىرۋگە ات سالىستى. شيزاڭ اۆتونوميالى رايوندىق ورمان شارۋاشىلىعى جانە جايىلىم مەكەمەسى سياقتى 3 ورىن بىرلەسىپ قارجى شىعارىپ قۇرعان 10 مىڭ مۋلىق ءشوپ تۇقىمىن جەتىلدىرۋ بازاسى 2017 - جىلى 3 - ايدا زاناڭ اۋدانىنا ىرگە تەپتى، بۇعان جالپى 300 ميلليون يۋان قارجى قوسىلدى، وندا عىلمي زەرتتەۋ، وسىمدىكتەردى ورتاعا بەيىمدەۋ، ەكولوگيانى قالپىنا كەلتىرۋ سياقتىلار ءبىر تۇلعالاندىرىلعان.
بازانىڭ جىلىجايىندا رىنچيڭلوبۋ اعاش بۇتاقتارىن مۇقيات بۇتاپ جاتىر. ەگىنشىدەن جۇمىسشىعا اينالعانعا دەيىن رىنچيڭلوبۋ جاپالى ۇيرەنۋ بارىسىن باستان كەشىردى، سولاي بولسا دا، ول ريزاشىلىقپەن: «جۇمىس ىستەگەندە ەڭبەكاقى الامىن، جەردى اينالىمعا سالۋدا تابىس ءبولىسى بار، كىرىسىم، بەينە، جىلىجايدا وسكەن اعاش سياقتى كوبەيۋدە» دەدى.
جوبا بويىنشا، شاننان قالاسى يارلۇڭزاڭبو وزەنىنىڭ سولتۇستىك جاعالاۋىنداعى قۇمدى وڭىردە 10 مىڭ مۋلىق قالامشا باقشاسى بازاسى، مىڭ مۋلىق جەمىس ورمانى سياقتى ءبىر توپ ەكولوگيالىق كاسىپ نىسانىن اتقارىپ، ەكولوگيالىق ەگىمشىلىك، ەكولوگيالىق ساياحات سياقتى كوپ نەگىزدى ەكولوگيالىق كاسىپ جۇيەسىن جانە جياڭبەي 10 مىڭ مۋلىق جەمىس ورمانى ەكونوميكالىق بەلدەۋىن العاشقى ادىمدا قالىپتاستىردى.
بۇل كۇندە يارلۇڭزاڭبو وزەنىنىڭ ورتا اعارىنداعى وزەن اڭعارىنداعى گۇڭگا اۋدانىنان سانرى اۋدانىنا دەيىنگى ارالىقتا ۇزىندىعى 160 كيلومەتر، كەڭدىگى 1.8 كيلومەتر، اۋدانى 450 مىڭ مۋ كەلەتىن قورعانىس ورمان بەلدەۋى قالىپتاستى، وسى «جاسىل ءدالىزدىڭ» ارقاسىندا جەلى بويىنداعى ءار جىلعى شاڭ - توزاڭ كۇن سانى وتكەن عاسىردىڭ 80 - جىلدارىنداعى 60 نەشە كۇننەن قازىرگى دەيىن 10 كۇنگە جەتپەيتىن كۇن سانىنا ءتۇستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
