لي كىچياڭ مەملەكەتتىك كەڭەستىڭ شىعىس سولتۇستىك رايون سياقتى بايىرعى ونەركاسىپ بازالارىن گۇلدەندىرۋ باسشىلىق گرۋپپاسىنىڭ ءماجىلىسىن باسقارىپ اشقاندا مىنانى دارىپتەدى
رەفورما جاساپ، ەسىك اشۋدى جەدەل ىلگەرىلەتىپ، حالىق تۇرمىسىن قامتاماسىز ەتۋگە جانە جاقسارتۋعا كۇش سالىپ، شىعىس سولتۇستىكتىڭ جاپپاي گۇلدەنۋىن ىلگەرىلەتۋدە ۇزدىكسىز تىڭ قادام تاستاۋ كەرەك
حان جىڭ ماجىلىسكە قاتىناستى
2021.08.25 15:20 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 24 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، مەملەكەتتىك كەڭەستىڭ شىعىس سولتۇستىك رايون سياقتى بايىرعى ونەركاسىپ بازالارىن گۇلدەندىرۋ باسشىلىق گرۋپپاسىنىڭ باستىعى لي كىچياڭ 8 - ايدىڭ 23 - كۇنى باسشىلىق گرۋپپاسىنىڭ ءماجىلىسىن باسقارىپ اشىپ، «14 – بەسجىلدىق» مەزگىلىندەگى شىعىس سولتۇستىكتى جاپپاي گۇلدەندىرۋ قىزمەتىن اقىلداسىپ ورنالاستىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، مەملەكەتتىك كەڭەستىڭ شىعىس سولتۇستىك رايون سياقتى بايىرعى ونەركاسىپ بازالارىن گۇلدەندىرۋ باسشىلىق گرۋپپاسى باستىعىنىڭ ورىنباسارى حان جىڭ ماجىلىسكە قاتىناستى.
ءماجىلىس شىعىس سولتۇستىكتى جاپپاي گۇلدەندىرۋدىڭ «14 – بەسجىلدىق» اتقارۋ جوباسىن، لياۋنيڭنىڭ تەڭىز جاعالاۋى ەكونوميكالىق بەلدەۋىنىڭ ساپالى دامۋ جوباسىن جانە شىعىس سولتۇستىكتى گۇلدەندىرۋ بويىنشا ارناۋلى اۋدارىپ تولەۋ قارجىسىن باسقارۋ ءادىسىن تالقىلاپ ماقۇلدادى. لي كىچياڭ بىلاي دەدى: شىعىس سولتۇستىك مەملەكەت دامۋىنىڭ جالپى جاعدايىندا ماڭىزدى ستراتەگيالىق ورىنعا يە. تاياۋ جىلداردان بەرى شي جينپيڭ جولداس ۇيىتقى بولعان پارتيا ورتالىق كوميتەتىنىڭ پارمەندى باسشىلىعىندا شىعىس سولتۇستىك رايون قايراتتانا قۇلشىنىپ، قاتىستى جاقتار زور كۇشپەن قولداپ، شىعىس سولتۇستىكتىڭ ەكونوميكالىق، قوعامدىق دامۋىندا بەلسەندى ىلگەرىلەۋشىلىككە قول جەتكىزدى. قازىر شىعىس سولتۇستىكتىڭ گۇلدەنۋى ءالى دە تار جول، تايعاق كەشۋدەن ءوتۋدىڭ شەشۋشى كەزەڭىندە تۇر، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن ورناتۋ، ساپالى دامۋدى ىلگەرىلەتۋ تالابىنا ساي، شىعىس سولتۇستىك رايوننىڭ بەلسەندىلىگىن، جاسامپازدىعىن ونان ارى ساۋلەلەندىرىپ، قامال الىپ، قيىنشىلىقتاردى جەڭىپ، ورتالىق قازىنانىڭ قولداۋىن ۇزدىكسىز ارتتىرىپ، فينانستىق قىزمەت وتەۋدى كۇشەيتىپ، وڭىرلەر ارا باعىتتامالى سەلبەستىكتى ويداعىداي ىستەپ، قۇدىرەتتى بىرىككەن كۇش قالىپتاستىرىپ، جاڭا ساتىدا شىعىس سولتۇستىكتىڭ گۇلدەنۋىن ىلگەرىلەتۋدە اناعۇرلىم زور ىلگەرىلەۋشىلىككە قول جەتكىزۋ كەرەك.
لي كىچياڭ بىلاي دەپ اتاپ كورسەتتى: شىعىس سولتۇستىكتى جاپپاي گۇلدەندىرۋدى ىلگەرىلەتۋدە، ءسوز جوق، رەفورمانى تەرەڭدەتۋگە اناعۇرلىم زور كۇش سالۋ كەرەك. ءتۇيىندى سالالارداعى رەفورمانى ۇزدىكسىز ىلگەرىلەتىپ، ءونىمدى بازار مەن تىندىرىمدى ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتۋ كەرەك. تيجارات - ساۋدا ورتاسىن ساپالىلاندىرۋدى ارقاۋ ەتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسىن تەرەڭدەتىپ، بازار تۇلعالارىنىڭ ومىرشەڭدىك كۇشىن اناعۇرلىم ارتتىرىپ، سالىقتى ازايتىپ، اقىنى تومەندەتۋ سياقتى ساياساتتاردى تياناقتاندىرىپ، دامۋعا ءورىس اشىپ، بازار تۇلعالارىن جەتىلدىرۋ، زورايتۋ كەرەك. مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، مەملەكەت مەنشىگىندەگى كاسىپورىندار بازارىنىڭ باسەكەلىك قۋاتىن جوعارىلاتۋ كەرەك. ءادىل باسەكەنى قورعاپ، حالىقتىق شارۋاشىلىقتىڭ باياندى، اقاۋسىز دامۋىن جەبەۋ كەرەك. اناعۇرلىم كوپ كاسىپورىندار مەن دارىندىلاردى شىعىس سولتۇستىكتە دامۋعا باۋراۋ كەرەك.
لي كىچياڭ بىلاي دەدى: شىعىس سولتۇستىكتىڭ تەڭىز جاعالاۋى، شەكارا جاعالاۋى بولۋ سياقتى وڭىرلىك ابزالدىعىن تولىق ساۋلەلەندىرىپ، سىرتقا ەسىك اشۋ ءىسىن تىڭعىلىقتى ىستەۋ كەرەك. تەڭىز جاعالاۋى ەكونوميكالىق بەلدەۋىن دامىتىپ، شەكارا بويىنداعى ەكونوميكا - ساۋدا سەلبەستىگىن كەڭەيتىپ، پورت شوعىرىنىڭ ىقپال جاساۋ، جەتەكتەۋ رولىن كۇشەيتىپ، شىعىس سولتۇستىك ازيانىڭ ەكونوميكالىق اينالىمىنا بەلسەنە ات سالىسۋ كەرەك. RCEP عا قول قويىلعاننان كەيىنگى جاڭا ورايدى مىقتى يگەرىپ، ەسىك اشۋ اياق الىسىن تەزدەتىپ، حالىقارالىق ەكونوميكا - ساۋدا سەلبەستىگىندە باسەكەلىك قۋاتتى ارتتىرۋ كەرەك.
لي كىچياڭ بىلاي دەپ اتاپ كورسەتتى: شىعىس سولتۇستىك رايوننىڭ كاسىپ قۇرىلىمىن ساپالىلاندىرۋدى، دارەجەسىن جوعارىلاتۋدى جەدەلدەتۋ كەرەك. اۋىل شارۋاشىلىعىن قولداۋدى كۇشەيتىپ، مەملەكەتتىڭ استىق بازاسى قۇرىلىسىن جاڭاشا قالا - قالاشىقتاندىرۋمەن ۇشتاستىرىپ، وسىزامانعى اۋىل شارۋاشىلىعىن زور كۇشپەن دامىتۋ كەرەك. كاسىپورىنداردى زەرتتەۋ - اشۋ قاراجاتىن قوسىپ ەسەپتەپ تارتىپ قالۋ سياقتى مەملەكەت ساياساتتارىنان ويداعىداي پايدالانىپ، جاڭالىق اشۋ ۇسىنىلىمىن ارتتىرۋعا جەتەكتەپ، بازارلاندىرۋ ادىسىنەن پايدالانىپ، جابدىق جاساۋ سياقتى كاسىپتەردىڭ تيبىن وزگەرتىپ، دارەجەسىن جوعارىلاتۋدى جەدەلدەتىپ، جاڭادان گۇلدەنگەن كاسىپتەردى جەتىلدىرىپ، زورايتىپ، ءىرى، ورتا، شاعىن كاسىپورىنداردىڭ ءوزارا سايكەستى، توعىسپالى دامۋ كاسىپ جاعدايىن قالىپتاستىرۋ كەرەك. جاڭالىق اشۋ، جاسامپازدىق جاراتۋ جانە عىلىم - تەحنيكا جەتىستىكتەرىن جەرگىلىكتى ورىندا كادەگە جاراتۋدى جەبەۋ كەرەك.
لي كىچياڭ بىلاي دەدى: شىعىس سولتۇستىكتى گۇلدەندىرۋ، سايىپ كەلگەندە، حالىق تۇرمىسىن اناعۇرلىم ويداعىداي قامتاماسىزداندىرۋ جانە جاقسارتۋ بولىپ تابىلادى. جۇمىستاندىرۋدى كۇش سالا جەبەپ، ورتا، شاعىن، ۇساق كاسىپورىنداردىڭ جۇمىس ورنىن ورنىقتىرۋىنا قولداۋ كورسەتۋدى كۇشەيتىپ، كوپ بولىپ يگىلىك جاراتۋ، جالپى قاۋىم جاڭالىق اشۋ ارقىلى جۇمىسقا ورنالاسۋ ءورىسىن كەڭەيتۋدى ىلگەرىلەتىپ، يكەمدى جۇمىستاندىرۋدى بەلسەنە دامىتىپ، يكەمدى جۇمىستانۋشىلاردىڭ نەگىزگى ۇقىق - مۇددەسىن قامتاماسىز ەتۋ كەرەك. زەينەتاقىنىڭ ۋاعىندا، تولىعىمەن تاراتىلۋىنا كەپىلدىك ەتىپ، وقۋ - اعارتۋ، ەمدەۋ، زەينەتكەرلىك، اماناتتاپ تاربيەلەۋ سياقتى الەۋمەتتىك قىزمەت وتەۋدى كۇشەيتىپ، ورتالىق قازىنادان ارناۋلى اۋدارىپ تولەۋدە وسى جاقتارعا بەيىمدەلۋ كەرەك. كونە شاعىن اۋماقتاردى جاڭالاۋدى ىلگەرىلەتىپ، اپاتتان ساقتانۋ، شۇعىل جاعدايعا توتەپ بەرۋ قۋاتى قۇرىلىسىن كۇشەيتىپ، تۇتىنۋدى كەڭەيتۋگە جانە ءونىمدى قارجى قوسۋعا جەتەكشىلىك ەتۋ كەرەك. بيىل شىعىس سولتۇستىك جۇڭگو تاسقىن مەزگىلىنە ەرتە ءوتتى، قازىر ءىشىنارا وزەندەردە سۋ دەڭگەيى ساقتىق سىزىعىنان نەمەسە قالىپتى سۋ دەڭگەيىنەن اسىپ كەتتى، الدىن الا بەرىلگەن مالىمەتكە قاراعاندا، تاياۋ مەزگىلدە ءالى دە قالىڭ جاڭبىر جاۋادى ەكەن، اپاتتان ساقتانۋ، اپات زيانىن ازايتۋ قىزمەتىن ۇزدىكسىز ويداعىداي ىستەۋ كەرەك. سونىمەن بىرگە، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ۇزدىكسىز ويداعىداي يگەرىپ، قىسقى جىلۋمەن قامداۋدىڭ دايىندىق قىزمەتىن ويداعىداي ىستەۋ كەرەك.
سۇن چۇنلان، حۋ چۇنحۋا، ۋاڭ يۇڭ، شياۋ جيە ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
