بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەملەكەتتىك ساياسي كەڭەس ءتۇيىندى ۇسىنىس جوبالاردىڭ ءبىتىرىلۋىن قاداعالاۋ كەڭەس ءماجىلىسىن اشتى

ۋاڭ ياڭ ءماجىلىستى باسقاردى ءارى ءسوز سويلەدى

2021.08.25 15:21     كەلۋ قاينارى : حالىق تورابى

  شينحۋا اگەنتتىگى، 8 - ايدىڭ 24 - كۇنى، بەيجيڭ. مەملەكەتتىك ساياسي كەڭەستىڭ «چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋ مەن كليمات وزگەرىسىنە ۇيلەسۋدى كۇشەيتۋدى» نەگىزگى مازمۇن ەتكەن ءتۇيىندى ۇسىنىس جوبالاردىڭ ءبىتىرىلۋىن قاداعالاۋ كەڭەس ءماجىلىسى 8 - ايدىڭ 24 - كۇنى جۇڭگو اۋا رايى مەكەمەسىندە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى ءارى ءسوز سويلەدى. ول مىنالاردى دارىپتەدى: شي جينپيڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تاريحقا، حالىققا، دۇنيە جۇزىنە جاۋاپتى بولۋ پوزيتسياسىنان جازباي، چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋدىڭ جەتىستىكتەرىن بەكەمدەپ، بۇكىل جەر شارىنىڭ كليمات وزگەرىسى مەن ادامزات قيمىلىنىڭ چيڭحاي - شيزاڭ ۇستىرتىنە جاسايتىن ىقپالىن عىلمي باعالاپ، ءتۇرلى شارالاردى قاتار قولدانىپ، كليمات وزگەرىسىنە ۇيلەسۋ قۋاتىن جوعارىلاتىپ، «جۇڭحۋا سۋ مۇناراسى» مەن «جەر شارىنىڭ 3 – ۇيەگىن» شىن مانىندە ويداعىداي قورعاپ، جۇڭحۋا ۇلتىنىڭ باياندى دامۋىنا باياندى تىرەك ازىرلەۋ كەرەك. ۇسىنىس جوبالاردىڭ ءبىتىرىلۋىن قاداعالاۋ كەڭەس تاسىلىنەن ويداعىداي پايدالانىپ، چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋ مەن كليمات وزگەرىسىنە ۇيلەسۋ قىزمەتىندە بەلسەندى ونىمدىلىككە قول جەتكىزۋدى ىلگەرىلەتۋ كەرەك.

  بيىل مەملەكەتتىك ەكى ءماجىلىس كەزىندە مەملەكەتتىك ساياسي كەڭەستىڭ مۇشەلەرى ليۋ ياميڭ، يۇي رۋسۇڭ «چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋ مەن كليمات وزگەرىسىنە ۇيلەسۋدى كۇشەيتۋ» جونىندە ۇسىنىس جوبا قويىپ، قاتىستى جاقتاردىڭ نازارىن اۋداردى. وسى رەتكى كەڭەس ماجىلىسىندە جۇڭگو اۋا رايى مەكەمەسىنىڭ مەملەكەتتىك كليمات ورتالىعىنداعى، جۇڭگو اۋا رايى عىلىمىن زەرتتەۋ ورنىنداعى، چيليان تاۋى مەملەكەتتىك باقشاسى چيڭحاي ولكەلىك باسقارۋ مەكەمەسىندەگى قاتىستى جولداستار ناقتى ءماجىلىس الاڭىندا جانە بەينە ەكران ارقىلى قاتىستى جاعدايلاردى تانىستىردى. ەكولوگيالىق ورتا مينيسترلىگىندەگى، عىلىم - تەحنيكا مينيسترلىگىندەگى، جۇڭگو اۋا رايى مەكەمەسىندەگى، مەملەكەتتىك ورمان - جايىلىم مەكەمەسىندەگى جاۋاپتى جولداستار ۇسىنىس جوبانىڭ ءبىتىرىلۋ جاعدايىنان جانە قىزمەت جوباسىنان مالىمەت بەردى. ليۋ دۇڭشىڭ، گى چۋانشىڭ، ياۋ تاندۇڭ، ديڭ ي - حۇي، شۇي شياڭدى، جاڭ شياۋيە قاتارلى 7 مۇشە، مامان ماجىلىستە ءسوز سويلەدى ءارى ۇسىنىس جوبانى ورىنداۋشى ورىنمەن جان - جاقتى كەڭەسىپ، پىكىر اۋىستىردى.

  كوپشىلىك بىلاي دەپ قارادى: پارتيانىڭ 18 - قۇرىلتايىنان بەرى چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋعا بۇرىن - سوڭدى بولماعان دارەجەدە ءمان بەرىلدى، قاتىستى رايوندار مەن تاراۋلار قىرۋار ءونىمدى قىزمەت ىستەدى، ءۇستىرتتىڭ ەكولوگيالىق ورتا جاعدايى جالپى جاقتان جاقسارىپ، ورگانيزمدەردىڭ الۋان تۇرلىلىگى ۇزدىكسىز قالپىنا كەلدى، سونىمەن بىرگە، چيڭحاي - شيزاڭ ءۇستىرتىنىڭ جاراتىلىستىق ەكولوگيالىق جۇيەسى اۋەلدەن ءالسىز، سەزىمتال بولىپ، بۇكىل جەر شارى كليماتىنىڭ جىلىنۋى مەن ادامزات قيمىلىنىڭ ءبىرشاما زور ىقپالىنا ۇشىرادى، ءىشىنارا جەرلەردەگى قاردىڭ ءتۇرىلۋى، مۇزدىقتىڭ شەگىنۋى، توڭ توپىراقتىڭ ەرۋى سياقتى ماسەلەلەرگە باسا ءمان بەرۋگە تۋرا كەلدى. چيڭحاي - شيزاڭ ءۇستىرتىنىڭ اتموسفەرا، مۇزدىق، قاسات قار، توڭ توپىراق، كول، ورمان - جايىلىم سياقتى كوپ قاباتتى جان - جاقتى ستەرەولىق باقىلاۋ تورىن قۇرىپ جانە كەمەلدەندىرىپ، باقىلاۋ - ولشەۋ پۋنكتىنىڭ ورنالاسۋىن ساپالىلاندىرىپ، ءۇستىرتتىڭ ەكولوگيالىق كليمات ساندى مالىمەت قويماسىن قۇرىپ، ءۇستىرتتىڭ ورتا وزگەرىسى زاڭدىلىعىن اشۋ كەرەك. ءۇستىرتتىڭ كليمات وزگەرىسى حاۋىپ - قاتەرىنەن ساقتاندىرۋ جۇيەسىن ورناتىپ، تاۋ تاسقىنى، لاي تاسقىنى، قالىڭ قار، مۇز كوشكىنى سياقتى اپاتتاردىڭ حاۋىپ - قاتەرىنەن ساقتانۋدى جانە ونى باسقارۋدى كۇشەيتۋ كەرەك. ۇستىرتتەگى كەلەلى ينجەنەريالاردىڭ كليمات جارامدىلىعىن دالەلدەۋدى ورىستەتىپ، مۇزدىقتاردىڭ جىلجۋىنىڭ، قاسات قاردىڭ ەرۋىنىڭ، توڭ توپىراقتىڭ ەرۋىنىڭ نەگىزدىك قۇرىلعىلارعا جاسايتىن كومەسكى ىقپالىن عىلمي باعالاپ، كليمات حاۋىپسىزدىگى عىلىم - تەحنيكاسىنىڭ تىرەكتىك قامتاماسىزداندىرۋ قۋاتىن جوعارىلاتۋ كەرەك. ءۇستىرتتىڭ كليمات بايلىعىن عىلمي اشۋدى جانە پايدالانۋدى كۇشەيتىپ، كەڭىستىكتەگى بۇلت، سۋ بايلىعى مەن جەل ەنەرگياسى، كۇن ەنەرگياسى بايلىعىن ۇيلەسىمدى اشىپ پايدالانۋ كەرەك. كليماتتىڭ جىلىنۋى، ىلعالدانۋى الا كەلگەن «تەرەزەلىك مەزگىلدى» مىقتى يگەرىپ، بەيىمدەلگىشتىگى، قارسىلىق قۋاتى كۇشتى جەرگىلىكتى اعاش تۇرلەرىن، ءشوپ تۇقىمىن جەتىلدىرىپ، ورمان، جايىلىم جامىلعىسىن قالپىنا كەلتىرۋ مەن قورعاۋدى عىلمي اتقارىپ، كومىرتەگى قوس توتىعىن جيناۋدى زەرتتەۋدەگى ولقىلىقتاردى تولىقتاۋ كەرەك. چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋ مەن كليمات وزگەرىسى تاراۋلارىنىڭ بىرلەسكەن قىزمەت مەحانيزمىن ورناتىپ جانە كەمەلدەندىرىپ، بايلىق كۇشىنىڭ بىتىراڭقى بولۋى، ينفورماتسيادان ورتاق يگىلىكتەنۋ مەحانيزمىنىڭ كەمشىل بولۋى سياقتى ماسەلەلەردى شەشىپ، مەملەكەت جەرى كەڭىستىك جوباسى مەن جەرگىلىكتى ورىنداردىڭ، تاراۋلاردىڭ جوباسىن ويداعىداي ۇشتاستىرۋ كەرەك.

  مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشى لي بين ماجىلىسكە قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

جىلۋ اتاۋشىلار مياۋ يانيان قايتارعان اقشانى تاپسىرىپ الدى