ياڭ جيەچى بريكس ەلدەرىنىڭ حاۋىپسىزدىك ىستەرى جونىندەگى جوعارى دارەجەلى ۋاكىلدەرىنىڭ 11 - بەينە - ەكران ماجىلىسىنە قاتىناستى
2021.08.25 15:25 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 24 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى 8 - ايدىڭ 24 - كۇنى بەيجيڭدە بريكس ەلدەرىنىڭ حاۋىپسىزدىك ىستەرى جونىندەگى جوعارى دارەجەلى ۋاكىلدەرىنىڭ 11 - بەينە - ەكران ماجىلىسىنە قاتىناسىپ، مىنانى دارىپتەدى: بريكس ەلدەرى 5 ەل باسشىلارىنىڭ ورتاق جەتەكشىلىگى بويىنشا، اشىق، سيىسىمدى بولۋ، سەلبەسىپ، تەڭ يگىلىككە كەنەلۋ سىندى بريكس رۋحىن ۇستانىپ، ستراتەگيالىق تىلدەسۋدى كۇشەيتىپ، ساياسي سەنىمدىلىكتى ارتتىرىپ، حاۋىپسىزدىك ىستەرىن سايكەستىرۋدى تەرەڭدەتىپ، اشىلۋ الدىندا تۇرعان بريكس ەلدەرى باسشىلارىنىڭ 13 - كەزدەسۋىنىڭ ءتۇرلى دايىندىق قىزمەتىن ويداعىداي ىستەۋى كەرەك.
ياڭ جيەچى مىنالاردى ءبىلدىردى: بريكس ەلدەرى بىرىككەن كۇش ۇيىستىرىپ، حاۋىپسىزدىك سىنى مەن قاتەرىنە بىرگە توتەپ بەرۋى كەرەك. ىندەتكە قارسى ىنتىماقتاسا وتىرىپ، عىلىمعا قۇرمەت ەتىپ، ىندەتتەن جانە ۆيرۋستىڭ قاينارىن ىزدەۋدەن پايدالانىپ، اتقا داق سالۋعا، ساياسيلاندىرۋعا قارسى تۇرۋ؛ بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، قالىڭ وركەندەپ كەلە جاتقان ەلدەردىڭ حالىقارالىق ىستەرگە ءادىل قاتىناسۋىنا شىنايى كەپىلدىك ەتۋ؛ وڭىرلىك قايشىلىقتار مەن قولامتالى ماسەلەلەردى پىكىرلەسۋ، كەڭەسۋ جانە ساياسي جولمەن شەشۋدە تاباندى بولىپ، وڭىردەگى ەلدەردىڭ كوڭىل ءبولىپ وتىرعان ۇيلەسىمدى ماسەلەلەرىنە قۇرمەت ەتۋ؛ جان - جاقتى شارا قولدانىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، ورتاق، جالپىلىق، سەلبەسكەن، باياندى دۇنيە جۇزىلىك حاۋىپسىزدىك كوزقاراسىن امالياتتا ايگىلەپ، ادامزاتتىڭ تاعدىرلاس ورتاق تۇلعاسى تانىمىن بەرىك ورناتىپ، دۇنيە جۇزىلىك سەلبەستىكتى كۇشەيتىپ، بەي ءداستۇرلى حاۋىپسىزدىك سىندارىنا توتەپ بەرۋدى ىلگەرىلەتىپ، مەملەكەت حاۋىپسىزدىگى ۇعىمىنان بەتالدى پايدالانىپ، باسقا ەلدەرگە كەمسىتۋ سيپاتتى سىڭار جاقتى ماجبۇرلەۋ شاراسىن قولدانۋعا قارسى تۇرۋ كەرەك.
ياڭ جيەچى بىلاي دەپ اتاپ كورسەتتى: بريكس ەلدەرى ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە تولىق كوڭىل ءبولىپ، مەملەكەت اتتاعان قىلمىستارعا قول ۇستاسا سوققى بەرىپ، اقپاراتتان ورتاق يگىلىكتەنۋ، شۇعىل جاعدايعا توتەپ بەرۋ، توسىن ۋاقيعالاردى ءبىر جاقتى ەتۋ، حاۋىپسىزدىكتى ساقتاۋ، ەسىرتكىگە تيىم سالۋ، ينتەرنەت قىلمىسىنا سوققى بەرۋ، لاڭكەستىككە قارسى تۇرۋ جانە ينتەرنەت ينفورماتسياسى حاۋىپسىزدىگى سياقتى سالالاردا سەلبەستىكتى كۇشەيتۋى كەرەك. قاتىناۋ ەركىندىگى دەگەن اتپەن باسقا ەلدىڭ يەلىك ۇقىق ۇقىق - مۇددەسىنە قول سۇعۋدان اباي بولۋ كەرەك. جۇڭگو بريكس ەلدەرىنىڭ كەڭ كولەمدى جۇقپالى اۋرۋ حاۋىپ - قاتەرىنەن ساقتانۋدىڭ العاشقى ساقتىق مەحانيزمىن ورناتىپ، شۇعىل جاعدايعا توتەپ بەرۋ زاتتىق ماتەريالدارىن دايىنداۋ جانە قامتاماسىز ەتۋ قۋاتىن كۇشەيتىپ، سيفرلى سالاماتتىق، ءدارى - دارمەك جانە ۆاكسينا زەرتتەۋ - اشۋ، ءداستۇرلى ءدارى - دارمەك سياقتى سالالاردا سەلبەستىكتى كۇشەيتۋىن قولدايدى. جۇڭگو بريكس ەلدەرىنىڭ لاڭكەستىككە قارسى تۇرۋ ارەكەت جوسپارىن جاساسۋىن قارسى الادى، لاڭكەستىككە قارسى تۇرۋ جانە ۇشقارىلىقتى الاستاۋ جولىن بەلسەنە قاراستىرىپ، ينتەرنەت لاڭكەستىگىنە سوققى بەرۋ، لاڭكەستىك قارجى قۇراۋىن توسۋ سياقتىلار جونىندە سەلبەستىكتى تەرەڭدەتىپ، بەيبىت، حاۋىپسىز، اشىق، سەلبەسكەن، ءتارتىپتى ينتەرنەت كەڭىستىگىن قۇرۋدى ىلگەرىلەتىپ، ساندى مالىمەت حاۋىپسىزدىگى ماسەلەسىن ساياسيلاندىرۋعا، ينتەرنەت سوعىسى مەن ينتەرنەت اسكەري دايىندىق باسەكەسىنە قارسى تۇرۋ كەرەك.
ياڭ جيەچى مىنانى دارىپتەدى: ساياسي جولمەن شەشۋ − اۋعانستان ماسەلەسىنىڭ بىردەن - ءبىر شىعار جولى. حالىقارالىق قوعام اۋعانستان حالقىنىڭ تىلەگى مەن تالعامىنا قۇرمەت ەتىپ، اۋعانستاندى ءوز مەملەكەت جاعدايىنا ۇيلەسەتىن، كەڭ كولەمدى، قامتىمدى ساياسي قۇرىلىم قۇرۋعا شابىتتاندىرۋى كەرەك. ءارقانداي فورماداعى لاڭكەستىككە سوققى بەرۋدە، ءسوز جوق، تاباندى بولۋ كەرەك، اۋعانستاننىڭ تاعى دا لاڭكەس ۇشقارى كۇشتەردىڭ شوعىرلانعان جەرىنە اينالۋىنا استە بولمايدى.
ءماجىلىس حالىقارالىق جانە وڭىرلىك قولامتالى ماسەلەلەر، زاڭ اتقارۋ قۇرىلىمدارىنىڭ سەلبەستىگى، دەنساۋلىق ساقتاۋ حاۋىپسىزدىگى، لاڭكەستىككە قارسى تۇرۋ جانە ينتەرنەت حاۋىپسىزدىگى سياقتى تاقىرىپتار جونىندە ىشكەرىلەي پىكىر اۋىستىردى، «بريكس ەلدەرىنىڭ لاڭكەستىككە قارسى تۇرۋ ارەكەت جوسپارىن» بەكىتتى. ءارقايسى جاق پىكىرلەسۋدى، سايكەسۋدى جانە ىنتىماقتاسۋدى، سەلبەسۋدى كۇشەيتىپ، بريكس ەلدەرى باسشىلارىنىڭ كەزدەسۋىندە قوماقتى تابىسقا قول جەتكىزۋگە كەپىلدىك ەتۋگە ءبىر اۋىزدان قوسىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
