نيڭشياعا سىرت جەردەن بارعان، وبا ناۋقاسىنا شالدىققان ناۋقاستىڭ اۋرۋ جاعدايى ورنىقتى باسقىشقا ءوتتى
تىكەلەي جاناسقانداردىڭ بارلىعىنا نۋكلەين قىشقىلىن تەكسەرۋ جۇرگىزىلىپ، ناتيجەسى تۇگەلدەي بولىمسىز بولدى
2021.08.25 16:10 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى اي فۋمەي 8 – ايدىڭ 25 – كۇنى يىنچۋاننان حابارلايدى. ءتىلشىنىڭ 8 – ايدىڭ 25 – كۇنى نيڭشياعا سىرتتان كەلگەن وبا ناۋقاسى ىندەتىنە توتەپ بەرۋگە جەتەكشىلىك ەتۋ بولىمىنەن ۇعىسۋىنشا، وبا اۋرۋىنا شالدىققان دەپ 8 – ايدىڭ 21 – كۇنى دياگنوزى تۇراقتانعان سىرتتان كەلۋشى ناۋقاستىڭ اۋرۋ جاعدايى كورنەكتى جاقسارىپ، اۋرۋى ورنىقتى باسقىشقا ءوتتى، الايدا، ءالى دە قاتەرلى كۇيدە تۇر، ونىمەن تىكەلەي جاناسقان 137 ادامعا وبا اۋرۋىنا قاتىستى نۋكلەين قىشقىلىن تەكسەرۋ جانە انتيدەنەنى تەكسەرۋ ناتيجەسى تۇگەلدەي بولىمسىز بولعان.
ناۋقاس ما XX، ايەل، 55 جاستا، نوپوسى نيڭشيا شىزۇيشان قالاسى پيڭلو اۋدانى باۋفىڭ قالاشىعى جىنگۋان قىستاعىندا، 2020 – جىلى 6 – ايدا كۇيەۋىمەن بىرگە ىشكى موڭعۇلدىڭ ىردوس قالاسى ىتوك قالاشىعىنداعى مالشىنىڭ وتباسىنا بارىپ، مال باعۋمەن شۇعىلدانعان.
نيڭشيا مەديتسينا داشۋەسى باس ەمحاناسىنىڭ ورىنباسار باستىعى جوۋ ۋەيدىڭ تانىستىرۋىنشا، بۇل ناۋقاس ەمدەلۋگە كەلگەندە اۋرۋى وتە سالماقتى ەكەن، قىزۋى قاتتى ورلەگەننەن سىرت، ءىرىڭدى قاننىڭ بەلگىلەرى دە بايقالعان، سوڭىنان بەز وباسىنا بايلانىستى شىرىك قان اۋرۋىنا شالدىققان دەپ دياگنوز قويىلعان. دياگنوزى تۇراقتانعاننان كەيىن، ەمدەۋشىلەر ەمدەۋ جوباسىنا وزگەرىس جاساپ، وبا اۋرۋىنا ويداعىداي ەم بولاتىن سترەپتوميتسيندى قولدانعان سوڭ، ناۋقاستىڭ قىزۋى جانە دەنەسىندەگى قابىنۋ دا تەز ارادا قايتتى، قازىر جالپى جاقتان ايتقاندا، ناۋقاس بەلگىلەرىندە كورنەكتى جاقسارۋ بايقالىپ، اۋرۋ جاعدايى ورنىقتى باسقىشقا ءوتتى، الايدا، ونىڭ ۋلانۋ سيپاتتى ەستەن تانۋ جاعدايى ءالى بۇكىلدەي قالپىنا كەلگەن جوق، ءالى دە قاتەرلى كۇيدە ەكەن.
مەملەكەتتىڭ قاتىستى زاڭ – تۇزىمدەرىندەگى بەلگىلەمەلەر مەن «مەملەكەتتىك وبانى تىزگىندەۋگە قاتىستى شۇعىل جاعدايعا توتەپ بەرۋ جوباسىنا» نەگىزدەلە وتىرىپ، نيڭشيا 2021 – جىلى 8 – ايدىڭ 22 – كۇنى ساعات بىردەن باستاپ، وبا ىندەتىنەن ساقتانۋ – تىزگىندەۋدىڭ 4 – دارەجەلى شۇعىل جاعدايعا توتەپ بەرۋ دابىلىن قاقتى. قازىرگە دەيىن، نيڭشيا مەديتسينالىق داشۋەسىنىڭ باس ەمحاناسى، پيڭلو اۋدانىندا 30 نەشە جەردە قابات ۇيلەر مەن وڭىرلەر تۇيىقتاپ باسقارۋعا الىندى؛ تىكەلەي جاناسقانداردان 137 ادام اداقتالىپ، ولاردىڭ بارلىعى اۋاشالاپ باسقارۋعا الىندى؛ تەكسەرۋگە جانە تۇيىقتاپ باسقارۋعا الىنعان ادام سانى 13742 ادام بولىپ، 7 كۇندىك ساقتانۋ سيپاتىندىق ءدارى – دارمەك قولدانۋ جانە دەنساۋلىعىن باقىلاۋ – كۇتىمدەۋ اتقارىلدى؛ نيڭشيا مەديتسينا داشۋەسى باس ەمحاناسىنىڭ شۇعىل ەمدەۋ عيماراتى، پيڭلوشان اۋداندىق ەمحانا، پيڭلوشان شىنحىتاڭ ەمحاناسى جانە ناۋقاس بارعان باسقا جەرلەر تالاي رەت زارارسىزداندىرىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
