يۇنناننىڭ ديچيڭ وبلىسى: يۇننان سابالاق مايملىنىڭ اۋلەتىنە جاڭا مۇشە قوسىلدى

2021.08.25 16:15  

　　سۋرەتتە: يۇنناننىڭ بايما قارلى تاۋ مەملەكەتتىك تابيعي قورىعىنىڭ شياڭگۋچيڭ وڭىرىندەگى يۇننان سابالاق مايمىل توبى وتباسىنا جاڭا مۇشە قوسىلدى. لاي جياندۇڭ فوتوسى

　　حالىق تورابىنىڭ 8 – ايدىڭ 24 – كۇنى ديچيڭنەن بەرگەن حابارى (زىڭ جىحۇي) 8 – ايدىڭ 20 – كۇنى تاڭ سارىدە، يۇننان بايما قارلى تاۋ مەملەكەتتىك قورىعى شياڭگۋچيڭ وڭىرىندەگى يۇننان سابالاق مايمىل توبىنا جاڭا مۇشە قوسىلدى — سۇيكىمدى سابالاق مايمىل دۇنيەگە كەلىپ، بۇل مايمىل توبىنىڭ مۇشەسى كوبەيىپ، جەتەۋ بولدى.

　　ۇعىسۋعا قاراعاندا، جاڭا دۇنيەگە كەلگەن بۇل سابالاق مايمىل بايما قارلى تاۋ مەملەكەتتىك تابيعي قورىعى شياڭگۋچيڭ وڭىرىندەگى يۇننان سابالاق مايمىلى توبىندا بيىل دۇنيەگە كەلگەن 12 – مايمىل ەكەن. ونىڭ تۋىلۋى ەستەلىككە الىنعاننان بەرگى يۇننان سابالاق مايمىلىنىڭ ەڭ جاي تۋۋ ۋاقىتى رەكوردىن جاڭالاعان (6 – ايدىڭ 20 – كۇنى 8 – ايدىڭ 20 – كۇنىنە وزگەرتىلگەن). قورىق قىزمەتكەرلەرىنىڭ ايتۋىنشا، بۇل مايمىل توبىن ازىق – تۇلىكپەن قامتاماسىزداندىرۋ، ولاردىڭ قورەكتىك جاعدايى قاتارلى فاكتورلارعا بايلانىستى بولۋى مۇمكىن، بۇل ءبىر جاعىنان قورعاۋ قىزمەتىنىڭ عىلىمي تۇردە جۇرگىزىلىپ، ونىمدىلىگى كورنەكتى بولعانىن كورسەتەدى.

　　كەلۋ قاينارى: حالىق تورابى