چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، حالىق تۇرمىسىمەن تىعىز بايلانىستىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك
2021.08.25 16:53 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 8 - ايدىڭ 23 - كۇنى ۇرىمجىدەن حابارلايدى. 8 - ايدىڭ 23 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، ورنىقتىلىق، دامۋ قىزمەتتەرىن تىڭعىلىقتى، ويداعىداي ىستەپ، حالىق تۇرمىسىمەن تىعىز بايلانىستىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك.
چىن چۋانگو ءۇرىمجى گانچۋانباۋ ەكونوميكالىق - تەحنيكالىق اشۋ رايونى (ونەركاسىپ رايونى) شينتى ەنەرگيا جارنا شەكتى سەرىكتەستىگىنە كەلىپ، سەرىكتەستىكتىڭ كورمە زالى، ءوندىرىس سەحى سياقتىلاردى ارالاپ، باقشا رايونى مەن كاسىپورىننىڭ دامۋ جاعدايى جونىندەگى تانىستىرۋدى تىڭداپ، باستى ونىمدەر كورمەسىن ارالاپ كورىپ، باقشا رايونىنداعى جانە كاسىپورىنداعى جاۋاپتى جولداستارمەن ىقىلاستى تۇردە اڭگىمەلەسىپ، ءوندىرىس، تيجارات، تەحنيكالىق زەرتتەۋ - اشۋ، جۇمىستانۋعا جەتەكتەۋ سياقتى جاعدايلاردى ۇعىستى. چىن چۋانگو بىلاي دەپ اتاپ كورسەتتى: جاڭالىق اشا دامۋدىڭ ىرىقتىلىق ۇقىعىن ءوز قولىمىزدا مىقتاپ يگەرىپ، دەربەس جاڭالىق اشۋ جولىمەن بۇلجىماي ءجۇرىپ، كاسىپ سالاسى تىزبەگىن ۇزدىكسىز ۇزارتىپ، ونىمدەردىڭ باسەكەلىك قۋاتىن كۇشەيتىپ، ساتۋ بازارىن بەلسەنە كەڭەيتىپ، زورايتۋعا، كۇشەيتۋگە، ساپالىلاندىرۋعا قۇلشىنۋ كەرەك.
تيانشان رايونى حۋيۋان كوشەسى باتىس الەۋمەتتىك اۋماعىندا، چىن چۋانگو ءبىر بەكەتتىك قىزمەت وتەۋ زالى، جاستار مەن ورەندەر قيمىل ورتالىعى، قارتتارعا كۇندىز قارايلاسۋ ورتالىعى سياقتى ورىندارعا بارىپ، نەگىزگى ساتى پارتيا ۇيىمدارىنداعى جاۋاپتى جولداستارمەن جانە الەۋمەتتىك اۋماقتاعى ءار ۇلت بۇقاراسىمەن ىقىلاستى تۇردە اڭگىمەلەسىپ، پارتيا تاريحىن ۇيرەنۋ تاربيەسى، نەگىزگى ساتى پارتيا قۇرىلىسى، بۇقاراعا قىزمەت وتەۋ سياقتى جاعدايلاردى ۇعىستى. ول بىلاي دەپ اتاپ كورسەتتى: الەۋمەتتىك اۋماق پارتكوم مەن ۇكىمەتتىڭ بۇقارامەن بايلانىس جاساۋداعى، بۇقاراعا قىزمەت وتەۋدەگى جۇيكە ۇشى، پارتيا قۇرىلىسىن جەتەكشى ەتىپ، ىشكەرىلەي ورىستەتىلىپ جاتقان پارتيا تاريحىن ۇيرەنۋ تاربيەسىمەن تىعىز ۇشتاستىرىپ، الەۋمەتتىك اۋماقتى باسقارۋ جانە قىزمەت وتەۋ ءتۇزىلىسىن اقاۋسىزداندىرىپ، قوعامدىق - الەۋمەتتىك قىزمەت وتەۋ قابىلەتىن كۇشەيتىپ، بۇقارانى مازالاعان ىستەردى، ۋايىمداتقان ىستەردى ءبىر - بىرلەپ ويداعىداي ىستەۋ بارىسىندا بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتۋ كەرەك.
چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ تامىر تارتۋىن قاز - قالپىندا بۇلجىتپاي ىلگەرىلەتىپ، ”14 - بەسجىلدىقتىڭ“ تاماشا باستالۋىن جۇزەگە اسىرۋعا شىنايى كەپىلدىك ەتۋ كەرەك. جوعارى ساپالى دامۋدى كۇش سالا ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ءداستۇرلى كاسىپ سالالارىنىڭ تيبىن وزگەرتىپ، دارەجەسىن جوعارىلاتۋ مەن ستراتەگيالىق جاڭادان گۇلدەنگەن كاسىپ سالالارىنىڭ دامۋىن، زورايۋىن ءبىر تۇتاس جوسپارلاپ، ەرەكشەلىككە، باسىمدىققا يە كاسىپ سالالارىنىڭ زورايۋىن، 1 -، 2 -، 3 - كاسىپتەردىڭ توعىسا دامۋىن جەبەپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، جوعارى ساپالى دامۋدىڭ جاڭا باسىمدىعىن ۇزدىكسىز تۇلعالاۋ كەرەك. جاڭالىق اشۋ ارقىلى دامۋعا دەم بەرۋدى كۇشەيتىپ، سۇرانىستى باعدار ەتۋگە جانە ماسەلەنى باعدار ەتۋگە تاباندى بولىپ، عىلىم - تەحنيكا بايلىعىنىڭ سەپتەلۋىن بىرىكتىرىپ، ساپالىلاندىرىپ، عىلمي زەرتتەۋدە قامال الۋدى جانە ورنالاستىرۋدى جەدەلدەتىپ، جاڭالىق اشۋ دارىندىلارىن تاربيەلەۋدى كۇشەيتىپ، ءوندىرىس، وقىتۋ، زەرتتەۋ ىستەرىنىڭ ىشكەرىلەي توعىسۋىن، عىلىم - تەحنيكا جەتىستىكتەرىنىڭ جەدەل جاڭعىرتىلۋىن جەبەپ، جاڭالىق اشۋدىڭ كومەسكى كۇشىن ۇزدىكسىز اشىپ، عىلىم - تەحنيكادا جاڭالىق اشۋ ارقىلى جوعارى ساپالى دامۋدى ىلگەرىلەتۋ كەرەك. قىزمەت وتەۋدى ساپالىلاندىرىپ، قامتاماسىز ەتۋدى كۇشەيتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، كاسىپورىندارعا تيىمدىلىك جاساۋ ساياساتتارىن جاپپاي تياناقتاندىرىپ، كاسىپورىندارعا قىزمەت وتەۋدىڭ قولايلى بولۋ دەڭگەيىن جوعارىلاتۋ؛ باسشى كادرلاردىڭ كوتەرمەگە الۋ جانە بايلانىس جاساۋ مەحانيزمىن تياناقتاندىرىپ، بەلسەندى، ىرىقتى تۇردە قىزمەت وتەپ، ساياساتتى، قولداۋدى تولىق جەتكىزىپ، كاسىپورىندارعا ىشكەرىلەي بارىپ، كاسىپورىنداردىڭ قاجەتىن ۇعىسىپ، جۇمىس باسىندا ءىس ءبىتىرىپ، دالمە - ءدال قىزمەت وتەپ، ناقتى قيىنشىلىقتارىن شەشۋگە سۇيىسپەنشىلىكپەن، جاۋاپكەرشىلىكپەن كومەكتەسىپ، كوپ ءتۇرلى شارانى قاتار قولدانا وتىرىپ، دامۋ سەنىمىن جانە قوزعاۋشى كۇشىن كۇشەيتۋ كەرەك. حالىق تۇرمىسىنىڭ ىرىس - قۇتىن ۇزدىكسىز ارتتىرىپ، حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋدى الدىمەن ويلاستىرۋدى ۇزدىكسىز كۇشەيتىپ، ءتۇيىندى قاۋىمنىڭ جۇمىستانۋىن كورنەكتى تۇردە ويداعىداي يگەرىپ، حالىققا تيىمدىلىك جاساۋ ينجەنەرياسىن ىشكەرىلەي اتقارىپ، حالىق تۇرمىسىنا كوبىرەك پايدا جەتكىزىپ، حالىق تۇرمىسىنداعى الاڭ - ۋايىمداردى كوبىرەك شەشىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شىن مانىندە ويداعىداي شەشۋ كەرەك. پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتىپ، پارتيا تاريحىن ۇيرەنۋ تاربيەسىنىڭ مازمۇنىن ۇزدىكسىز بايىتىپ، كەڭەيتىپ، ءادىس - امالداردى جاڭالاپ، ساپانى، ونىمدىلىكتى جوعارىلاتىپ، پارتيالى كادرلاردى تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە ونان ارى جەتەكتەپ، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋدى ورىنداۋ كەرەك. ءتۇرلى ءتۇيىندى قىزمەتتەردى ءبىر تۇتاس جوسپارلاپ، ويداعىداي يگەرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن تىڭعىلىقتى تۇردە ويداعىداي ىستەپ، ەكونوميكانىڭ جوعارى ساپالى دامۋىن ىلگەرىلەتۋگە، جاقسى باستاما اشۋعا، جاقسى قادام تاستاۋىنا تاماشا ورتا ازىرلەۋ كەرەك.
اۆتونوميالى رايون باسشىلارىنان شۇي حايرۇڭ، جاۋ چيڭ قاتارلىلار بىرگە تەكسەرۋ - زەرتتەۋ جۇرگىزدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
