بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

نادىربەك اۋازبەك:

قارلى ۇستىرتكە تامىر تارتقان ”شاتىرلى اعاي“

انار بۇلت / شينجياڭ گازەتىنىڭ ءتىلشىسى حان شين - يان

2021.08.25 16:57     كەلۋ قاينارى : شينجياڭ گازەتى

  پامير ۇستىرتىندەگى تاشقورعاننىڭ ەجەلدەن ”تىرشىلىك شەكتەلگەن ءوڭىر“ دەگەن اتى بار. بۇل جەردە ادام سيرەك، كوپتەگەن جەرلەرىنە قىلپ ەتەر قىلتاناق شىقپايدى. ءبىر ءوڭىردىڭ تىنىشتىعىن قورعاۋ ءۇشىن اۋاسى سيرەك قارلى ۇستىرتتە، تاشقورعان تاجىك اۆتونوميالى اۋدانى قوعام حاۋىپسىزدىگى مەكەمەسى بەلدىر ساقشى بولىمشەسىنىڭ جەتەكشىسى نادىربەك اۋازبەك ءىس جۇزىندىك ارەكەتى ارقىلى ”قاجىرلىلىقپەن كۇرەس جۇرگىزۋ، ءوزىن تىنباي الۋەتتەندىرۋ، شەكارا وڭىرگە تامىر تارتۋ، ۇلەس قوسۋعا پەيىل بولۋ“ سىندى توراڭعى رۋحىن امالياتتا ايگىلەدى.

  ”مەن كىشكەنتاي كەزىمنەن باستاپ پامير ۇستىرتىندە تۇرمىس كەشىردىم، ءبىر ءوڭىردىڭ تىنىشتىعىن ويداعىداي قورعاعانىم مەكەنىمدى ويداعىداي قورعاعانىم “، - دەدى نادىربەك.

  كىشكەنتاي كەزىنەن باستاپ پامير ۇستىرىندە ەسەيگەن نادىربەك اتا مەكەنىندەگى حالىقتىڭ ەر جۇرەك، قايسار قاسيەتىن جالعاستىردى. تەحنيكۋم بىتىرگەن سوڭ ول ۇرىمجىدەن اتا مەكەنىنە قايتۋعا بەل بۋادى، اكەسىنىڭ ىقپالىندا تاشقورعان تاجىك اۆتونوميالى اۋدانى قوعام حاۋىپسىزدىگى مەكەمەسىنە ەمتيحان بەرىپ ءوتىپ، ءبىر حالىق ساقشىسى بولادى. 2006 - جىلى ول بەلدىر ساقشى بولىمشەسىنە اۋىسىپ كەلەدى.

  ”ءبىر مەملەكەت تۋى، ءبىر ادام، ءبىر شاتىر، ءبىر قىزمەت سومكاسى، ءبىر قارلى تاۋ، مىنە بۇل مەن رەبوت ساقشى ىستەر كەڭسەسىنە العاش كەلگەن كەزدەگى قىزمەت ورتاسى بولاتىن“، - دەدى نادىربەك كۇلىپ تۇرىپ. 2011 - جىلى 6 - ايدا بەلدىر ساقشى بولىمشەسى رەبوت ساقشى ىستەر كەڭسەسى قۇرىلعان العاشقى كەزدە، جۇمىس اتقاراتىن ورىن جوق بولعاندىقتان، ونىڭ ەگىنشى - مالشىلاردىڭ ۇيىنە تۇرۋىنا تۋرا كەلەدى. ەگىنشى - مالشىلاردى مازالاماۋ ءۇشىن، باسشىلاردىڭ ماقۇلداۋىن العان سوڭ، ول ءوزى قاراپايىم ماقتا كەزدەمەدەن شاتىر تىگىپ الىپ، ۋاقىتتىق كەڭسە رەتىندە پايدالانادى، ءۇرتىس 16 اي بويى شاتىردا تاماقتانىپ، شاتىردا تۇرادى، جەرگىلىكتى بۇقارا جاقىن تارتىپ، ونى ”شاتىرلى اعاي“ دەپ اتاپ كەتەدى.

  رەبوت ساقشى ىستەر كەڭسەسى قاراستى اۋماق قارلى بوراننىڭ وتىندە بولىپ، كليماتى ناشار، تۇرمىس شارت - جاعدايى جاپالى ەدى. كۇندىز نادىربەك كومەكشى قىزمەتكەرلەردى باستاپ قىزمەت ورىستەتەدى؛ كەشتە شارلاۋعا شىققاندا، شولدەسە، جەردەن ءبىر ۋىس قار الىپ جەپ، شارشاعاندا مۇزداي سۋىق تاسقا جانتايىپ از دەمالىپ الادى.

  ”بۇقارانىڭ ءىسى قانشالىقتى كىشى - گىرىم بولعانىمەن، بارلىعى دا مۇددەگە ساياتىن ۇلكەن ءىس“. نادىربەك بىلاي دەدى: ”حالىق ساقشىسى رەتىندە، بۇكىل ىنتا - پەيىلىمىزبەن حالىق ءۇشىن قىزمەت وتەۋىمىز كەرەك“.

  بۇقارالىق قىزمەت ىستەۋ سابىرلىلىقتى جانە مەيىرگە تولى سۇيىسپەنشىلىكتى قاجەت ەتەدى. نادىربەك بىلاي دەدى: ەگىنشى - مالشىلارمەن جۇرەگىڭ قانشا توعىسقان سايىن، قىزمەتىڭ دە سولعۇرلىم ءساتتى بولادى. جىلدان - جىلعا، كۇننەن - كۇنگە ۇلاسقان قىزمەت بارىسىندا ونىڭ جۇرەگى ەگىنشى - مالشىلارمەن تىعىز جاناستى.

  بەلدىر ساقشى بولىمشەسىنە قاراستى اۋماقتىڭ كولەمى 2000 شارشى كيلومەتر، تەك بۇقارا نادىربەكتى جۇمىس بىتىرۋگە ىزدەي كەلسە بولعانى، ول بار ىنتا - پەيىلىمەن، كۇش - قايراتىمەن مۇقيات مامىلە جاسادى. 2 - ۇرپاق ازاماتتىق كۋالىك بىتكەندە، ول كۋالىكتى ۇيلەرگە دەيىن جەتكىزىپ بەردى، بۇقارا كومەك سۇراعاندا، ول بارلىق ءادىس - امالمەن كومەكتەسىپ، شەشىپ بەرەدى.

  ءبىر كۇنى كەشتە رەبوت قىستاعىنىڭ تۇرعىنى ءساليجان ساۋۇت ءۇيىنىڭ 20 قويى جوعالىپ كەتىپ، نادىربەكتەن كومەك سۇرايدى. ساقشىعا مالىمدەۋدى قابىلداعاننان كەيىن، نادىربەك ءارى - ءسارى بولماستان، قارلى بورانعا قارسى اتتانىپ، قويدىڭ ىزىنە ءتۇسىپ ىزدەي جونەلەدى. 3 ساعاتتان كەيىن، ءۇستى - باسىن تەر باسقان ول ءساليجان ءۇيىنىڭ قويىن تاۋىپ ايداپ كەلەدى. ءبىراق ءساليجاننىڭ ءۇيىنىڭ تابالدىرىعىن اتتاي بەرە، ول كەنەت ەسىنەن تانىپ جىعىلادى. ءساليجان مەن كورشىسى دەرەۋ نادىربەكتى اۋىل ەمحاناسىنا جەتكىزەدى. شيپاگەر تەكسەرىپ، نادىربەكتىڭ قىزۋى ورلەپ 40.3 سەلتسي گرادۋسقا شىققانىن ايتادى.

  ”مۇنداي جاقسى ساقشىعا جولىققاندا، وعان قالاي العىس ايتارىمدى بىلە الماي قالدىم“، - دەيدى ءساليجان.

  قاراستى اۋماقتاعى ەگىنشى - مالشىلار قيىنشىلىققا جولىقسا بولدى، الدىمەن نادىربەكتى ەستەرىنە الادى. ەگىنشى - مالشىلار ۇيىندەگى باكىن - شۇكىن ىستەرى جونىندە ونى ىزدەپ كەلىپ، كەسىم ايتتىرۋعا جانە جاراستىرۋعا قۇشتار. نادىربەك داۋ - شاردى ءبىر جاقتى ەتكەن شاقتا، ۇنەمى زاڭدى نەگىز ەتەدى، تۇسىندىرگەندە قاعيدانى، ارەكەتتە جاعدايدى نەگىز ەتىپ، ەكى جاقتى بىردەي يلاندىرا بىلەدى. قاراستى اۋماقتىڭ قوعامدىق جاعدايىنا ول بەس ساۋساعىنداي قانىق. كىمنىڭ وتباسىندا ەرەكشە قامقورلىق جاساۋدى قاجەت ەتەتىن قارتى بار، كىمنىڭ وتباسىندا دەر كەزىندە كومەكتەسۋدى قاجەت ەتەتىن قيىنشىلىق بار، ءتىپتى، كىمنىڭ ءۇيىنىڭ توك جولى كونەرىپ كومەسكى حاۋىپ ءومىر ءسۇرىپ وتىر، كىمنىڭ ءۇيىنىڭ اۋلاسىندا وتىن جيىلىپ قالعان، ونىڭ كوڭىلىندە ءبار - ءبارى سايراپ تۇر.

  ”بەلدىر مەنىڭ ءۇيىم، بەلدىردى ويداعىداي قورعاۋ مەنىڭ جاۋاپكەرشىلىگىم“، - دەيدى نادىربەك. بەلدىر اۋىلىنداعى ەگىنشى - مالشىلار: نادىربەك بار بولسا، الاڭسىز ۇيىقتاي الامىز! - دەدى.

  قىس ءوتىپ، كوكتەم كەلدى، نادىربەك بار ىنتا - پەيىلىمەن قارلى القاپتى، ءۇستىرتتى قورعاۋدا، حالىققا جاناسىمدى، حالىققا مەيىرلى ءبىر جۇرەك قاراستى اۋماقتاعى ەگىنشى - مالشىلاردى ىستىق ىقىلاسقا بولەۋدە.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار