بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لۇڭ في:

بورىشىن ادالدىقپەن، ىستىق قانىمەن امالياتتا ايگىلەدى

 انار بۇلت / شينجياڭ گازەتىنىڭ ءتىلشىسى گو ليڭ

2021.08.25 17:00     كەلۋ قاينارى : شينجياڭ گازەتى

  شينجياڭ ساقشىلار تاريح سارايىندا قۇربان لۇڭ فيدىڭ سۋرەتىنىڭ استىنداعى كورمە شكابىنا ول قۇربان بولعان كۇنى كيگەن وق وتپەيتىن مايكى قويىلعان، كەۋدەسىندەگى وق تەسىگى جان تۇرشىكتىرەدى.

  لۇڭ في بۇرىنعى ىلە ايماقتىق قوعام حاۋىپسىزدىگى مەكەمەسى زورلىقتى كۇشتەن ساقتانۋ تارماق اترەتى 1 - جۇڭدۇي 1 - بولىمشە اترەتىنىڭ باستىعى، 1998 - جىلى 4 - ايدىڭ 20 - كۇنى زورلىقتى كۇش لاڭكەستەردى ءتىنتۋ جانە تۇتقىنداۋ شايقاس مىندەتىن اتقارۋ بارىسىندا 29 جاسىندا قۇربان بولدى.

  لۇڭ في قۇربان بولعان سوڭ، بۇكىل ەلدىڭ قوعام حاۋىپسىزدىگى جۇيەسىندەگى 1 - دارەجەلى قاھارمان ۇلگى اتاعى تولىقتاپ بەرىلدى ءارى توڭكەرىستىك قۇربان دەپ تانىلدى.

  ”ول مەنەن ءۇش - اق مەتر كەلەتىن جەردە قۇلاپ ءتۇستى“

  ۋاڭ شينلي لۇڭ فيدىڭ جاۋىنگەر سەرىگى، ولار 1998 - جىلى 4 - ايدىڭ 20 - كۇنگى شايقاس مىندەتىن بىرگە اتقاردى. ول لۇڭ في قۇلاپ تۇسكەن سول ءساتتى ماڭگى ۇمىتا المايتىنىن ايتتى.

  ”قۇربان بولاردان ءبىر كۇن بۇرىنعى كەشتە، كەزەكشىلىكتە تۇرعان كەزدە قاتتى ۇيقىسى كەلگەندىكتەن، ول ءبىر يۋانعا ماحوركا ساتىپ الدى، سول ءبىر قالتا تەمەكىنى شەگىپ تاۋىسا المادى...“، - دەدى ۋاڭ شينلي. 4 - ايدىڭ 19 - كۇنى ساعات 23تەن 30 مينۋت وتكەندە، اياق استىنان ءتىنتۋ جانە تۇتقىنداۋ بۇيرىعىن تاپسىرىپ الادى، بولىمشە اترەت 3 گرۋپپاعا بولىنەدى، ءبىر گرۋپپا بيىككە شىعىپ، لۇڭ في ەكەۋى ءبىر گرۋپپانى باستاپ شابۋىلعا شىعادى.

  ولار باسپالاپ زورلىقتى كۇش لاڭكەستەر جاسىرىنعان جەرگە جاقىندايدى، ەڭ الدا جۇرگەن لۇڭ فيعا جاسىرىن جەردەن اتىلعان وق موينىنان تيەدى.

  ”ول مەنەن ءۇش - اق مەتر كەلەتىن جەردە قۇلاپ ءتۇستى، قول پروجەكتردىڭ جارىعىن تۇسىرسەم، ونىڭ قانى جەرگە اعىپ جاتىپتى“. ۋاڭ شينلي بىلاي دەدى: لۇڭ في العا اتىلىپ كىرگەن كەزدە، ”ىشكى جاقتا مىلتىق بار ەكەن“ دەپ ايعاي سالدى، بۇل ونىڭ ەڭ سوڭعى ءبىر اۋىز ءسوزى بولدى.

  جاۋىنگەر سەرىكتەرى دەرەۋ شايقاسقا وتەدى. ۋاڭ شينليدىڭ بەلىنەن وق ءتيىپ، قۇلاپ تۇسەدى...

  ”مەن شيپاحاناعا جەتكىزىلىپ، قۇتقارىلىپ ەسىمدى جيعان كەزدە، لۇڭ في دا مەن سەكىلدى قۇتقارىلىپ قالعان بولۋ كەرەك دەپ ويلادىم، الايدا ونىڭ قۇربان بولعان حابارىن ەستيمىز دەپ كىم ويلاعان“، - دەدى ۋاڭ شينلي.

  قۇر قول ورمەلەگەندە وعان ەشكىم جەتپەيتىن

  1969 - جىلى 10 - ايدا لۇڭ في سىچۋان ولكەسى يا - ان قالاسى حانيۋان اۋدانىندا شارۋا وتباسىندا دۇنيەگە كەلگەن، كىشكەنتاي كەزىنەن باستاپ اكەسىنەن قىزىل ارميانىڭ دادۋحىدان كۇشپەن ءوتىپ، لۋديڭچياۋ كوپىرىن تارتىپ العان حيكايالارىن تىڭداعان ونىڭ جۇرەگىندە ارمياعا قاتىناسىپ، وتان ءۇمىتىن اقتاۋ ۇشقىنى تۇتانادى. 1989 - جىلى لۇڭ في ارمياعا قاتىناسىپ، شەكارا وڭىردە ءوزىنىڭ جاستىق كوكتەمىن وتكىزەدى. اسكەري مىندەت وتەگەن كەزدە لۇڭ في جاپا - ماشاقاتقا شىداپ، قاجىرلىلىقپەن جاتتىعادى، بەينەسى كورنەكتى بولعاندىقتان، ىلگەرىندى - كەيىندى ”تاڭداۋلى كوممۋنيستىك پارتيا مۇشەسى“، ”ۇزدىك بانجاڭ“، ”جاتتىعۋ ۇلگىسى“ بولىپ باعالانىپ، 9 رەت ماراپاتتالادى، 2 رەت جەكە 3 - دارەجەلى ەڭبەك سىڭىرەدى.

  1991 - جىلى ءاسىلى ءوز اتا مەكەنى سىچۋانعا الماسىپ قىزمەت ىستەۋىنە بولاتىن لۇڭ في شينجياڭدا قالۋدى تاڭداپ، حالىق ساقشىسى بولىپ، شەكارا ءوڭىردىڭ تىنىشتىعىن كۇزەتەدى. قوعام حاۋىپسىزدىگى قىزمەتىنە قاتىناسقان سوڭ، ول تالاي رەت ءولىم مەن ءومىردىڭ، قان مەن وتتىڭ سىناعىنا ءدوپ كەلسە دە، ەشقاشان تايسالمايدى.

  1991 - جىلى لۇڭ فيدىڭ داڭقپەن 3 - دارەجەلى ەڭبەك سىڭىرگەنى تۋرالى ارحيۆىندە مىناداي باعا جازىلىپتى: ”5 كيلومەترلىك دالا جۇرىسىندە قايسارلىقپەن باستاماشى بولدى؛ 400 مەترلىك كەدەرگىدەن اتتاۋدا ول اسا قايسارلىق كورسەتتى؛ گرانات لاقتىرۋ، سوعىس ونەرى، جاۋدى تۇتقىنداۋ ونەرى، قاتارعا تۇرۋ جاتتىعۋىندا ول، ءتىپتى، الدا ءجۇرىپ ۇلگى بولدى؛ اسىرەسە، عيماراتقا ورمەلەۋ، قۇزدان ارقانمەن سەكىرۋ، تەرەزەدەن كىرىپ جاۋدى تۇتقىنداۋ ارەكەتىندە باتىلدىقپەن جاڭالىق اشىپ، جۇرەكتىلىكپەن ۇلگى كورسەتتى“.

  ”ول ەشقانداي قۇرال - جابدىقسىز - اق عيماراتتىڭ شەتىمەن قۇر قول ورمەلەپ شىعاتىن، وتە تەز بولاتىن، ءبىز ءبارىمىز وعان جەتە المايتىنبىز“. ۋاڭ شينليدىڭ ايتۋىنشا، لۇڭ في جاتتىعۋعا جانىن سالادى ەكەن، بەلىن زاقىمداپ السا دا، 2 تال جاپسىرما ءدارىنى جاپسىرىپ الىپ جاتتىعۋ الاڭىنا قايتىپ كەلىپتى.

  قىسقا عۇمىرىندا كوپتەگەن ىزگى ىستەر قالدىردى

  ”لۇڭ في قۇربان بولعان سوڭ، ونىڭ وتباسىنداعىلار ىلەگە كەلىپ، جاۋىنگەر سەرىكتەرىنە ونىڭ كىشكەنە كەزىندەگى اڭگىمەلەرىن ايتىپ بەردى“. ۋاڭ شينلي بىلاي دەدى: لۇڭ في كىشكەنە كەزىنەن اقىلدى بالا بولىپتى، اعالى - قارىنداستى 3 بالانىڭ لۇڭ في ەڭ ۇلكەنى ەكەن، ءار كۇنى تاڭەرتەڭ ول الدىمەن ءىنىسى مەن قارىنداسىنا قارايلاسىپ، ونان سوڭ سومكاسىن اسىنىپ مەكتەپكە كەتەدى. مەكتەپكە بارعان سوڭ، پارتالاردى ءسۇرتىپ، كلاستى تازالايدى، باستاۋىشتاعى 6 جىلدا ول كۇن سايىن وسىلاي ىستەپتى.

  ۋاڭ شينلي كەزىندە لۇڭ فيمەن ءبىر جاتاقتا جاتقان، ول بىلاي دەدى: لۇڭ فيدىڭ مىنەزى توتەنشە جايدارى، ىلعي كۇلىمسىرەپ جۇرەتىن، اشتى نارسەنى ۇناتىپ جەيتىن، ءبىر شىنى كۇرىشكە مايعا ارالاستىرىلعان قىزىل بۇرىشتى قوسىپ ءبىراق جەپ الاتىن.

  لۇڭ في قىزمەتتەستەرىنە دايىم جان - جاقتى قامقورلىق جاساپ، قارايلاساتىن. قاقاعان قىستا بۋىن قابىنۋى بار قىزمەتتەسى مىندەت اتقارۋعا شىققاندا، ول ءوز ىشىگىن قىزمەتتەسىنە كيگىزدى؛ جاۋىنگەر سەرىگى كۇڭ چاۋحۇي قاتىناس شىرعالاڭىنان قايتىس بولعان كەزدە، ول ىرىقتىلىقپەن كۇڭ چاۋحۇيدىڭ كارى اكە - شەشەسىنە قارايلاسۋ جاۋاپكەرشىلىگىن ۇستىنە الدى؛ جاۋىنگەر سەرىگىنىڭ اۋىلىنداعى ءۇيى قۇلاپ، شەشەسى اۋىرىپ شيپاحاناعا جاتقان كەزدە، لۇڭ في ءوزىنىڭ بارلىق جيعان - تەرگەنىن جاۋىنگەر سەرىگىنىڭ اكە - شەشەسىنە سالىپ جىبەردى...

  ۇنەمشىل، قاراپايىم بولدى، وزگەلەردىڭ قامىن جەدى، ءوزىن قاتاڭ تەجەي ءبىلدى، ادىلەت جولىندا ەشنارسەدەن تايسالماي، لاڭكەستىككە قارسى تۇرۋدىڭ ءبىرىنشى شەبىندە اتويلاپ الدا ءجۇردى... حالىق ساقشىسى لۇڭ في ءوزىنىڭ قىسقا عۇمىرىندا كوپتەگەن ىزگى ىستەر قالدىردى. ونىڭ شۇعىلالى وبرازى مەن وسكەلەڭ قاسيەتى تالاي ۇرپاق قوعام حاۋىپسىزدىگى كادر - ساقشىلارىن اسەرلەندىردى جانە ولاردى ەرلىكپەن العا ۇمتىلىپ، قىزمەت مىندەتىن ادالدىقپەن اتقارىپ، جاڭا ءداۋىردىڭ بورىش، مىندەتىن ارقالاۋعا جىگەرلەندىردى.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار