بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كۇلان اشىمبەك:

تاۋ قويناۋىنا تامىر تارتقان توراڭعى تۇقىمى بولامىن

انار بۇلت / شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى حۋ جينلياڭ

2021.08.25 17:06     كەلۋ قاينارى : شينجياڭ گازەتى

  كوكتوعاي قالاشىعىنىڭ ءاربىر ساي - سالاسىندا ونىڭ ءىزى قالعان، بارلىق وتباسى ونى تانيدى؛ ول قايشىلىقتاردى راقايلاستىرۋدىڭ شەبەرى بولۋمەن بىرگە، بۇقارا نازارىنداعى ىقىلاستى ادام. ول كۇلان اشىمبەك.

  كۇلان كوكتوعاي قالاشىعى ءادىليا بولىمشەسىنىڭ باستىعى، كوكتوعاي قالاشىعىندا قىزمەت ىستەگەنىنە تابانى كۇرەكتەي 28 جىل بولدى. ول ءوزىنىڭ شىن ىقىلاسىمەن جانە تاباندىلىعىمەن بۇقاراعا قىزمەت وتەۋدىڭ دانەكەرىن ورناتىپ، ادىلدىك تارازىسىن قورعادى.

  كۇلان كوكتوعاي كەن جۇمىسشىسىنىڭ ۇرپاعى. ”اكەمنىڭ ىقپالىندا كوكتوعاي رۋحى ءاربىر كلەتكاما ءسىڭدى. مەن تاۋ قويناۋىنا تامىر تارتقان توراڭعى تۇقىمى بولۋعا پەيىل بولىپ، وسى جەردەگى بۇقارانى ويداعىداي قورعايمىن“، - دەدى 8 - ايدىڭ 19 - كۇنى كۇلان.

  1991 - جىلى كۇلان نەگىزگى ساتىداعى ءبىر سۋديانىڭ ىقپالىندا شينجياڭ ءادىليا ساقشى وفيتسەرلەر مەكتەبىنە قابىلدانىپ، زاڭ كاسىبىن وقيدى. 1993 - جىلى كۇلان ۇزدىك ناتيجەمەن وقۋ تاۋىسادى. سول كەزدە مەكتەپتەن كەتپەي تۇرىپ، ول كوپتەگەن ورىننىڭ ۇسىنىسىن الادى. تۋىس - تۋعاندارى مەن دوس - جاراندارى ونى ماقتانىش ەتىپ، قۋانىپ جاتقاندا ول قورجىن - قولاڭدارىن بۋىنىپ - ءتۇيىنىپ، كوكتوعاي قالاشىعىنا قايتاتىن ۇزاق جولدى اۆتوبۋزعا وتىرادى.

  سونان باستاپ ول كوكتوعاي قالاشىعى ءادىليا بولىمشەسىندە تابانى كۇرەكتەي 28 جىل قىزمەت ىستەدى.

  كۇلان اكەم كوكتوعاي كەن مەكەمەسىندە ءومىر بويى قىزمەت ىستەپ، بۇل ورىننان ەشقاشان قول ۇزبەدى. جاپالى جىلداردا اكەم جاستىق ورالى مەن ىستىق قانىن كوكتوعاي جەرىنە ارناپ، كوپتەگەن كەن جۇمىسشىلارىمەن بىرگە وتانعا داڭق اپەرۋ تاريحىن جازدى.

  ”ءاربىر كوكتوعايلىق ءوزىن مەملەكەتتىڭ تاعدىرىمەن تىعىز بايلانىستىردى. بۇرىن دا، قازىر دە سولاي، بۇدان بىلاي دا ءتىپتى دە وسىلاي بولۋعا ءتيىستى“. اكەسىنىڭ تاپسىرماسىن كۇلان ەسىنە انىق ساقتاعان، ول كۇندەلىگىنە ”اكەم سياقتى اعا بۋىندار عۇمىر بويى سونشاما جاپالى ورتادا قالتقىسىز ۇلەس قوسىپ، وتانعا داڭق اپەردى، قازىر شارت - جاعداي جاقساردى، مەن وسىندا قالىپ، بۇقارا ءۇشىن ءىس تىندىرۋعا ءتىپتى دە ءتيىستىمىن“ دەپ جازادى.

  ەندى عانا مەكتەپ بىتىرگەن كۇلان زاڭ ەرەجەلەرگە قانىق بولعانىمەن، نەگىزگى ساتى قىزمەتىن تۇسىنبەيتىن. كۇلان مەكەمەدەگى ساقا جولداستاردىڭ جەتەكتەۋىنىڭ ارقاسىندا داۋ - شارلاردى ءبىر - بىردەن ەستەلىككە الىپ، مەكەمە - ورىندارىن ءبىر - بىردەن ارالاپ، زاڭ جالپىلاستىرعاندىعىن ايتتى. بارا - بارا ونىڭ تۇسىنىگى ارتىپ، بىلەتىندەرى مولايدى. كۇلان سەنىمىنەن باستان - اياق مىزعىماي، ءبىر قادام باسسا ءبىر ءىزىن قالدىرىپ، ۇيرەنە ءجۇرىپ قىزمەت ىستەپ، بىرتە - بىرتە بولىمشەنىڭ تىرەكتى كادرىنا اينالدى.

  نەگىزگى ساتى ءادىليا قىزمەتى سان قيلى، حالىقتىق جاراستىرۋ، زاڭ جالپىلاستىرۋ جۇمىسىن ويداعىداي باسقارۋمەن بىرگە، بۇقارانىڭ ۇيلەسىمدى ارىز - ارمانىن شىن پەيىلىمەن شەشۋ كەرەك. ءبىر كۇنى كۇلان ءبىر جۇپ ەرلى - زايىپتىنىڭ وتباسى كيكىلجىڭىن ەندى عانا جاراستىرىپ بولىپ، كەڭ تىنىستاپ سۋ ىشپەكشى بولىپ تۇرعانىندا اياق استىنان قىزمەتتەسىنەن ءۇيى شاعىلىپ كوشىرىلەتىن وتباسى ءمامسىما قانابۇلدىڭ ۇيىنە دەرەۋ بارۋى كەرەكتىگى جونىندەگى تەلەفوندى الادى.

  ەسىكتى قاعا بەرىسىمەن ءمامسىما كۇلان ەكەنىن بايقايدى دا، وعان سۇستى كوزىمەن قاراپ قويىپ: ”تاعى دا كەلگەنىڭ قايتكەنىڭ، ءالى قاربالاسپىن!“، - دەدى مەزى بولعان بەينە بايقاتىپ.

  ”ءمامسىما اعا، كومەك قاجەت پە؟ بىرنەشە كۇننىڭ الدىندا ءسىز سالماقتى اۋرۋلار بويىنشا قۇتقارۋ - كومەكتەسۋ ءىسىن ايتقان ەدىڭىز، حالىق ىستەرى كەڭسەسى ءسىزدى شارتقا تولادى ەكەن دەدى، ءسىزدى ەرتىپ بارىپ راسمياتىڭىزدى بىتىرەيىن“. كۇلان ايتا ءجۇرىپ، وعان كومەكتەسىپ ءۇي شارۋاسىن ىستەستى. ونان سوڭ ءۇي شاعۋ - كوشىرۋ ءىسى ءسوز بولعاندا ءمامسىمانىڭ رەنىشتى كوڭىل كۇيى بىرتە - بىرتە باسەڭدەدى.

  وسى ارادا ساياحاتشى قابىلداۋدان ءمامسىما جىلىنا 40 − 50 مىڭ يۋان كىرىس كىرگىزەدى ەكەن، ول كوشىرىلگەننەن كەيىن كىرىس قاينارىنىڭ ءۇزىلىپ قالۋىنان الاڭداۋلى ەدى. كۇلان ونىڭ ۋايىمىن بىلگەننەن كەيىن، وعان جاڭا قىستاقتىڭ ساياحات جوباسىن بايىپتىلىقپەن تۇسىندىرەدى، اقىرىندا ءمامسىما كوڭىل سارايى اشىلىپ، قونىس جاڭالاۋعا ماقۇل بولادى. كەيىن ول ماڭىنداعى ءۇيى شاعىلاتىن، كوشىرىلۋدى قالامايتىن 9 وتباسىن باستاپ، قۋانىشتى بەينەدە تاراتى جاڭا قىستاعىنا كوشىپ بارىپ، ول ارادا شارۋالار شاتتىعى ساياجايىن، وتباسىلىق قوناق ءۇيىن اشادى. قازىر ءمامسىما جىلىنا 70 − 80 مىڭ يۋان كىرىس تابۋدا.

  كۇلان ءادىليا بولىمشەسىنىڭ قىزمەتىن نەگىزگى ساتىنىڭ سايكەستىرگىشى دەپ ءبىلدى، ويداعىداي ىستەلسە بۇقارانىڭ تۇرمىسى اناعۇرلىم جاراسىمدى بولادى. ”بۇقارانىڭ ۇقىق - مۇددەسىن ءادىل، تۋراشىل، جاريا تۇردە قامتاماسىز ەتكەندە، نەگىزگى ساتىنىڭ قايشىلىعىن زاڭدى، ورىندى، ۇيلەسىمدى شەشكەندە عانا، بۇقارا ماعان سەنىم ارتا الادى“، - دەدى كۇلان.

  زەر سالا تىڭدايدى، اشىق - جارقىن، كاسىپتىك نەگىزى جاقسى، بۇل كۇلاننىڭ 3 ارتىقشىلىعى ەدى. ونىڭ قاراۋىنشا، بۇقارانىڭ جۇرەك ءۇنىن زەر سالا تىڭداۋ، بۇقارامەن بىتە قايناسۋ، بۇقاراعا ناقتى ۇسىنىستار نەمەسە زاڭدىق كومەك بەرە الۋ ءوزىنىڭ وسى اراعا تامىر تارتۋىنىڭ سەنىم قاينارى ەدى.

  28 جىلدان بەرى كۇلان ىلگەرىندى - كەيىندى ”مەملەكەتتىك ۇلگىلى ءادىليا بولىمشەسى باستىعى“، ”اۆتونوميالى رايوندىق ءادىليا اكىمشىلىك جۇيەسىندەگى تاڭداۋلى ءادىليا كومەكشىسى“، ”اۆتونوميالى رايوندىق قالا، اۋىل ايەلدەرىنىڭ جۇمىس ورنىندا ۇلەس قوسۋداعى وزات جەكە“، مەملەكەتتىك ”حالىق رازى مەملەكەت قىزمەتكەرى“، اۆتونوميالى رايوندىق تاڭداۋلى پارتيا مۇشەسى قاتارلى داڭقتى اتاقتاردى الدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار