مۇنايدىڭ جاڭادان ارتقان گەولوگيالىق قورى ءبىر ميلليارد 300 ميلليون تونناعا جۋىق دەپ مەجەلەندى

داچيڭ مۇناي الابىندا سلانەتس مۇنايىن بارلاۋدا كەلەلى ناتيجە جاراتىلدى

2021.08.26 13:07  

　　سۋرەتتە: داچيڭ مۇناي الابى گۋلۇڭ سلانەتس مۇنايىن بارلاۋ الاڭىندا 1205 بۇرعىلاۋ اترەتى جۇمىس ىستەۋدە. شينحۋا اگەنتتىگى

　　حالىق گازەتىنىڭ ءتىلشىسى ليۋ مىڭدان 8 – ايدىڭ 25 – كۇنى داچيڭنان حابارلايدى. 8 – ايدىڭ 25 – كۇنى جۇڭگو مۇناي توبى داچيڭ مۇناي الابى شەكتى جاۋاپكەرشىلىك سەرىكتەستىگى داچيڭ مۇناي الابى گۋلۇڭ سلانەتس مۇنايىن بارلاۋ ورنىندا كەلەلى ستراتەگيالىق جەتىستىككە قول جەتكىزگەنىن، مۇنايدىڭ جاڭادان ارتقان مەجەدەگى گەولوگيالىق قورى ءبىر ميلليارد 268 ميلليون توننا بولاتىنىن، قازىر اشۋ جانە العاشقى جەتەكشى سىناق جۇرگىزىلىپ جاتقانىن جاريالاعان. ۇعىسۋعا قاراعاندا، «14 – بەسجىلدىق» مەزگىلىندە، داچيڭ مۇناي الابىنداعى مۇنايدىڭ بارلانعان گەولوگيالىق قورى جاڭادان ءبىر ميلليارد توننا ارتادى، سلانەتس مۇنايىنىڭ جىلدىق ءونىم مولشەرى ميلليون توننادان جوعارى ورەگە جەتەدى.

　　كەلۋ قاينارى: حالىق تورابى