بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قالىڭ ورمانعا تامىر تارتىپ، جاسىل ءتۇستى كۇزەتتى

− باس شۋجي شي جينپيڭ امانداسقان سايحانبا ماشينالى ورمان الاڭىنىڭ قىزمەتكەرلەرىنە قايىرا تىلشىلىك جاساعاندا

شينحۋا اگەنتتىگىنىڭ تىلشىلەرى

2021.08.26 13:41     كەلۋ قاينارى : شينجياڭ گازەتى

  8 - ايداعى سايحانبا، اشىق اسپان، اقشا بۇلت. كوز جەتەر جەردىڭ ءبارى ءبىر - بىرىنە تۇتاسىپ جاسىل تەڭىزگە اينالعان. حىبەي ولكەسى سايحانبا ماشينالى ورمان الاڭىنىڭ ءبىر ميلليون 150 مىڭ مۋلىق ورمانىنىڭ تۇكپىرىندە قاسقايىپ تۇرعان 9 قاراۋىل مۇناراسى ورمان الاڭىنىڭ تۇرلىشە ورىندارىنداعى تەڭىز دەڭگەيىنەن بيىك جەرلەرگە ورنالاسقان، ولار ”قالىڭ ورماننىڭ كوزى“ دەپ اتالعان.

  8 - ايدىڭ 23 - كۇنى باس شۋجي شي جينپيڭ سايحانبا ماشينالى ورمان الاڭىنداعى يۋەلياڭشانعا بارىپ، ورمان الاڭىنىڭ جاراتىلىستىق كورىنىسىنە كوز جىبەرىپ، حىبەيدىڭ تاۋ، سۋ، ورمان، اتىز، كول، جايلىم، قۇمدى جۇيەلى جونگە سالۋ مەن ورمان الاڭىن باسقارۋ - كۇزەتۋدى ءبىر تۇتاس جوسپارلاپ ىلگەرىلەتۋ جاعدايى جونىندەگى تانىستىرۋدى تىڭداپ، ورمان قورعاۋشىلارعا امانداستى.

  سايحانبا ورمان الاڭى چيەنسىڭبان بولىمشە الاڭىنداعى تەڭىز دەڭگەيىنەن بيىكتىگى شامامەن 1900 مەتر كەلەتىن يۋەلياڭشاندا 3 قاباتتى اق ءتۇستى قۇرىلىس كوزگە ەرەكشە تۇسەدى، ليۋ جۇن، ۋاڭ جۋان ەرلى - زايىپتىلار وسى قاراۋىل مۇناراسىندا ورتتەن ساقتانۋ قاراۋىلشىسى بولىپ قىزمەت ىستەيدى.

  ”باس شۋجيدى العاش كورگەندە قاتتى ساسقالاقتادىم، ءبىراق باس شۋجي مەنىمەن شۇيىركەلەسىپ كەتتى، ادامعا وتە جاقىن ەكەن، كوڭىلىم ورنىعىپ سالا بەردى“، - دەدى ۋاڭ جۋان.

  ورتتەن ساقتانۋدى تەكسەرۋ پۋنكتىندەگى ورمان قورعاۋشىدان قاراۋىلشىعا دەيىن باس - اياعى 23 جىلدا وسى ەرلى - زايىپتىلار قۇلازۋشىلىق پەن ماشاقاتقا تولى تۇرمىس ورتاسىن جەڭىپ، ورمان الاڭى جەر بەتىندە شارلاۋ، بەينە ەكراندىق باقىلاۋ - تىزگىندەۋ، ءورت دەرەگىن بارلاۋ رادارى سياقتىلارمەن بىرگە، ءبىر ءساتتى دە قالت كەتىرمەي سايحانبانىڭ حاۋىپسىزدىگىن قورعاۋدا.

  قىزمەت ورنى ادامداردان جىراق، شارت - جاعداي جاپالى بولعاندىقتان، سايحانبا ورمان الاڭىنداعى 9 قاراۋىل مۇناراسىن تۇگەلدەي ەرلى - زايىپتى قاراۋىلشىلار كۇزەتىپ كەلەدى، ادامدار ولاردى وبرازدى تۇردە ”ەرلى - زايىپتىلار قاراۋىل مۇناراسى“ دەپ اتايدى.

  ”باس شۋجي ءبىزدىڭ كۇندەلىكتى قىزمەت جانە تۇرمىس جاعدايىمىزعا ەرەكشە كوڭىل ءبولدى“. ليۋ جۇن بىلاي دەدى: ”بۇرىن قاتىناس قولايسىز، سۋ ءىشۋدىڭ ءوزى قيىن، ءورت سوندىرۋ، ورتتەن ساقتانۋ ماشيناسى تاۋعا جەتكىزگەن سۋدى قاراپايىم سۋ قويماسىنا ساقتاپ، ءبىر ماشينا سۋدى بىرەر جىلعا دەيىن ىشەتىنبىز، 10 − 15 كۇندە ءبىر رەت موتوسيكلمەن تاۋدان ءتۇسىپ تۇرمىستىق بۇيىمدار ساتىپ الاتىنبىز. تاۋدى قار باسىپ تاستاعاندا ورمان الاڭىنىڭ قىزمەتكەرلەرى ازىق - تۇلىكتى جوتانىڭ تۇبىنە دەيىن عانا اكەلەتىن، ءبىز ازدان - ازدان ارقالاپ تاسيتىنبىز. ”قازىر سايحانباداعى بارلىق قاراۋىل مۇناراسىنىڭ شارت - جاعدايى كوپ جاقساردى، سۋ ءىشۋ، ەلەكتردەن پايدالانۋ، ينتەرنەتتەن پايدالانۋ تۇگەلدەي قولايلى“.

  ليۋ جۇن ورتتەن ساقتانۋدىڭ تىعىز - تاياڭ مەزگىلدەرىندە وزدەرىنىڭ ءار كۇنى قاراۋىل مۇناراسىنىڭ توڭىرەگىندەگى 20 كيلومەتر اۋماقتاعى ورماندى مەرزىم بويىنشا قاراۋىلداپ، كۇندىز ءار 15 مينۋتتا ورمان الاڭىنىڭ ورتتەن ساقتانۋ قولباسشىلىق شتابىنا ورمان اۋماعىنداعى ءورت جاعدايىن حابارلاندىرىپ، ءتۇيىندى مەزگىلدەردە، تۇندەردە دە ءبىر ساعاتتا ءبىر رەت حابارلاندىراتىندىقتارىن، وسىلايشا كوپ ساندى حابارلاندىرۋدا ”بارلىعى قالىپتى“ دەگەن ءسوزدى جىل سايىن، كۇن سايىن قايتالاسا دا قاراۋىل قىزمەتىندە ەشقاشان بوساڭسىپ كورمەگەندىكتەرىن ايتتى.

  سايحانباداعى ميلليون مۋلىق قالىڭ ورمانعا ءۇش ۇرپاق سايحانبالىقتاردىڭ جۇرەك قانى سىڭگەن، اسىرەسە، ورتتەن ساقتانۋ مەزگىلىندە قاراۋىلشىلار ءار كۇنى ابىرجىعان كوڭىل كۇيدە بولادى. ”كەيدە تۇسىمدە الدە قاي جەردەن ءورت كەتىپ، تەلەفونىمدى جالعاي الماي جانتالاسىپ جاتىپ ويانىپ كەتەمىن“، - دەدى ۋاڭ جۋان.

  سايحانبا ورمان الاڭى پارتكومىنىڭ شۋجيى ان چاڭميڭ بىلاي دەدى: ”باس شۋجي 2017 - جىلى 8 - ايدا سايحانبا ورمان الاڭى قۇرىلىسشىلارىنىڭ اسەرلى ىزگى ىستەرى جونىندە ماڭىزدى نۇسقاۋ بەردى، بيىل جىل باسىندا بىزگە ’مەملەكەتتىك كەدەيلىكتەن ارىلتۋدان قامال الۋ ونەگەسى‘ داڭق اتاعىن بەردى، بۇگىن بۇل اراعا تاعى كەلىپ قىزمەت تەكسەردى، بۇل سايحانباداعى نەشە ۇرپاق ورمانشىلاردىڭ قىزمەتىن تۇراقتاندىرۋ ءارى بۇكىل ەلدەگى ورمانشىلاردى شابىتتاندىرۋ جانە ولاردىڭ قىزمەتىن تۇراقتاندىرۋ بولىپ تابىلادى“.

  59 جىلدا ءۇش ۇرپاق سايحانبالىقتار جاستىق ورالدارىمەن، ماڭداي تەرلەرىمەن، ءتىپتى، ومىرلەرىمەن شەكسىز - شەتسىز جاپان تۇزدە ءبىر ميلليون 150 مۋلىق ورمان وتىرعىزىپ، بەيجيڭ مەن تيانجين ءۇشىن قۇمدى بوگەپ، سۋ ساقتايتىن ”جاسىل ۇلى قورعان“ ورناتىپ، ”ەكولوگيالىق وركەنيەت قۇرىلىسىنداعى ۇلگىگە“ اينالىپ، ”تۇنىق سۋ، جاسىل تاۋ باعالى بايلىق“ ەكەنىن ءتۇسىندىرىپ، بىرلەسكەن مەملەكەتتەر ۇيىمى قورشاعان ورتانى جوسپارلاۋ مەكەمەسىنىڭ ”جەر شارىنىڭ قورعاۋشىسى“ سيلىعىنا يە بولدى.

  ”باس شۋجي ’سايحانبا رۋحى جۇڭگو كوممۋنيستىك پارتياسى رۋحاني شەجىرەسىنىڭ قۇرامداس بولىگى. بۇكىل پارتيا، بۇكىل ەل حالقى وسىنداي رۋحتى اسقاقتاتىپ، جاسىل ەكونوميكا مەن ەكولوگيالىق وركەنيەتتى جاقسى دامىتۋ كەرەك‘ دەدى“. سايحانبا ورمان الاڭىنىڭ شاڭحاي ەسكەرتكىش ورمانىندا باس شۋجيدىڭ ءسوزىن تىڭداعاننان كەيىن، ورمان الاڭىنىڭ باستىعى چىن جىچيڭ مىنالاردى ءبىلدىردى: ”ءبىز، ءسوز جوق، باس شۋجيدىڭ تاپسىرماسىن ەستە بەرىك ساقتاپ، بورىشتى ەستە بەرىك ساقتايتىن، قاجىرلىلىقپەن شارۋاشىلىق قۇراتىن، جاسىل داميتىن سايحانبا رۋحىن زور كۇشپەن اسقاقتاتىپ، ورماندى جاقسى باسقارامىز، جاقسى قورعايمىز، جاقسى جۇمىس جۇرگىزەمىز“.

  چىن جىچيڭ بىلاي دەدى: ”ءبىز جاڭا داۋىردەگى سايحانبانىڭ جاڭا ۇزاق ساپارىن جاقسى ءجۇرىپ، 2 - رەت شارۋاشىلىق قۇرۋدى جالپى بەتتىك ورىستەتىپ، 2030 - جىلعا بارعاندا ورمان الاڭىنىڭ ورماندى جەر اۋماعىن ءبىر ميلليون 200 مىڭ مۋعا جەتكىزىپ، ورمانمەن كومكەرىلۋ مولشەرىن %86كە جوعارىلاتىپ، ورمان ەكولوگيالىق جۇيەسىن اناعۇرلىم ورنىقتى، اقاۋسىز، ساپالى، جوعارى ونىمدىلىكتى ەتىپ، ەكولوگيالىق قىزمەت وتەۋ يقۋاتىن كورنەكتى كۇشەيتەمىز. قاجىرلىلىقپەن، ناقتى ىستەپ، سايحانبانى ادام مەن تابيعاتتىڭ جاراسىمدى بىرگە ءومىر سۇرۋدەگى ەكولوگيالىق وركەنيەتتەن ۇلگى كورسەتۋ بازاسى ەتىپ قۇرىپ شىعىپ، جاسىل دامۋدىڭ جاڭا تاراۋىن تاعى جازامىز“.

  (تىلشىلەر ساۋ گوچاڭ، دۋ يفاڭ، فىڭ ۋيجيان، گاۋ بو)

  (شينحۋا اگەنتتىگىنىڭ 8 - ايدىڭ 24 - كۇنى شىجياجۋاڭنان بەرگەن حابارى)

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار