تىزبەكتى ۇزارتۋدى، تىزبەكتى كۇشەيتۋدى، تىزبەكتى تولىقتاۋدى جەدەلدەتىپ، كاسىپ سالاسىنىڭ شوعىرلانىپ دامۋىن ىلگەرىلەتتى
انار بۇلت / شينجياڭ گازەتىنىڭ ءتىلشىسى ليۋ شياڭ
2021.08.26 13:46 كەلۋ قاينارى : شينجياڭ گازەتى
كىشكەنەسى ءبىر ساندى مالىمەت سىمىنا، ءبىر تىڭداعىشقا، ۇلكەنى ءبىر كومپيۋتەر، ءبىر كۇن ەنەرگيالى توك شىعارۋ تاقتاسىنا نەمەسە ءسىز كۇندە پايدالانىپ جۇرگەن كەيبىر ەلەكتروندىق ونىمدەرگە دەيىن، شينجياڭنىڭ ”وزىندە جاسالاتىن“ بولدى.
ەلەكتروندىق ونىمدەر وسى زامانعى ادامدار تۇرمىسىنىڭ ماڭىزدى قۇرامداس بولىگىنە اينالدى، ونىڭ قاتىستى كاسىپ سالالارىنىڭ ءتىپتى كەڭ بازار بولاشاعى بار. ”14 - بەسجىلدىق“ مەزگىلىندە رايونىمىز ”ەلەكتروندىق ونىمدەردى“ ءتۇيىندى دامىتىلاتىن 10 ءىرى كاسىپ سالاسىنىڭ ءبىرى ەتىپ تۇراقتاندىردى. كومەسكى كۇشى شەكسىز شينجياڭ ەلەكتروندىق ونىمدەرى كاسىپ سالاسى جاڭا ءبىر كەزەك دامۋدىڭ شۇعىلاسىن قارسى الدى.
نازاردى ”جوعارى دارەجەلى، نازىك، وزىق“ كاسىپ سالاسىنا شوعىرلاندىرىپ، ەلەكتروندىق ماتەريالدار كاسىپ سالاسىنا جاڭالىق اشۋ ارقىلى دەم بەردى
سىرتى جىلتىر قارا، شەتى وتكىر، كوزگە بەينە ۇساتىلعان تاس سىنىعىنداي كورىنەدى. قاراپايىم كۆارتس سىنىقتارى كومىر كەسەكتەرىمەن، اعاش جاپىراقشالارىمەن كەن قىزدىرۋ پەشىنە بىرگە سالىنىپ، ۇزدىكسىز بالقىتىلادى، ”وزگەرگەننەن“ كەيىنگى ونى فوتوۆولت، اۆتوكولىك، ەلەكتر گاز، اۆياتسيا، ەلەكترون سياقتى كوپتەگەن سالالارعا پايدالانۋعا بولادى... بۇل حيكىمەتتى ”كرەمني“.
ءۇرىمجى گانچۋانپۋ ەكونوميكالىق، تەحنيكالىق اشۋ رايونىنا (ونەركاسىپ اۋماعى) ورنالاسقان شينتى ەنەرگيا جارنا شەكتى سەرىكتەستىگى كرەمني سالاسىندا 10 جىلدان استام ۋاقىت ىشكەرىلەي وندىرىسپەن شۇعىلداندى. 2020 - جىلى سەرىكتەستىك وندىرگەن كوپ كريستالدى كرەمني ەلەكترون دارەجەسى ولشەمىنە بۇكىلدەي ۇيلەسىپ، اناعۇرلىم نازىك ەلەكتروندىق ونىمدەر وندىرىسىنە قولدانىلىپ، شينجياڭنىڭ كرەمني نەگىزدى ەلەكتروندىق جاڭا ماتەريالدارى دامۋىنىڭ تىڭ سەرپىلىسىن جۇزەگە اسىردى.
كوپ كريستالدى كرەمني فوتوۆولت دارەجەلى جانە ەلەكترون دارەجەلى بولىپ بولىنەدى، ەكەۋىنىڭ پارقى نەگىزىنەن ساپتىعىندا. ءارقانداي ءبىر ءوندىرىس بۋىنىنا ءبىراز قوسپا ارالاسسا بولعانى ءونىمنىڭ ساپاسى ىقپالعا ۇشىرايدى. وسى سەبەپتى، شينتى ەنەرگيا جارنا شەكتى سەرىكتەستىگى تەحنولوگيا، تەحنيكا، ماتەريال، جابدىق جاساۋ، ينجەنەريا قۇرىلىسى، قۇرىلعىنىڭ جۇمىس جۇرگىزۋى سياقتى ءاربىر جۇمىس بۋىندارىن قاتاڭ تىزگىندەپ، ءاربىر بۋىندارىن كەمەلدەندىرە ءتۇسىپ، ەڭ سوڭىندا كوپ كريستالدى كرەمنيدىڭ ”دارەجە سەكىرىسىن“ جۇزەگە اسىردى.
شينجياڭنىڭ ەلەكتروندىق ماتەريالدار سالاسىندا، ”كرەمنيمەن“ بىرگە قالىسپاي كەلە جاتقانداردان تاعى ”اليۋمين“ بار.
اليۋمين نەگىزدى جاڭا ماتەريالداردى بەتالىس ەتىپ، تالاي جىلدان بەرى، شينجياڭ جۇڭحى جارنا شەكتى سەرىكتەستىگى ”اليۋمين“ ءوندىرىسى جولىنداعى توسقاۋىلداردى تالقانداپ كەلە جاتىر. قازىر شينجياڭ جۇڭحى جارناسى شەكتى سەرىكتەستىگى ”ەنەرگيا − ەرەكشە تازا اليۋمين − ەلەكتروندىق اليۋمين تاسپا − ەلەكترودتىق تاسپا“ سىندى ەلەكتروندىق جاڭا ماتەريالدار اينالىمى ەكونوميكالىق كاسىپ سالاسى تىزبەگىن قالىپتاستىرىپ، الەمدەگى ەڭ ءىرى ەرەكشە تازا اليۋمين، ەلەكتر جيعىشقا پايدالانىلاتىن ەلەكتروندىق اليۋمين تاسپا زەرتتەۋ - اشۋ جانە ءوندىرۋ بازالارىنىڭ بىرىنە اينالدى.
”ونداعان جىل تەحنيكالىق قامال الۋ ارقىلى سەرىكتەستىك اشقان اليۋمين ەلەكتروندىق شەشۋشى ماتەريالدار ەل ءىشى بازارىنىڭ اقتاڭداعىن تولتىردى، ەل ىشىندەگى ەڭ العاشقى جارتىلاي وتكىزگىشتىك نىسانالىق ماتەريالدار سالاسىنا ارالاسقان كاسىپورىنداردىڭ بىرىنە اينالدى“. شينجياڭ جۇڭحى جارنا شەكتى سەرىكتەستىگىنىڭ ورىنباسار باس ديرەكتورى چىن چاڭكى بىلاي دەدى: ”ەرەكشە تازا اليۋمين ونىمدەرىن قولدانۋ جانە تەرەڭ دەڭگەيدە اشۋ جاعىندا دا تەحنيكالىق سەرپىلىستى جۇزەگە اسىردىق، زەرتتەپ جاساعان ەرەكشە تازا اليۋمين نىسانالىق شيكى ماتەريالداردى زەرتتەپ جاساۋ ەلىمىزدىڭ اسا ءىرى كولەمدى توپتاستىرىلعان تىزبەك جاساۋ جابدىقتارىنا جانە سايكەستى تەحنولوگياسىنا شەشۋشى ماتەريالدار ازىرلەدى“.
”13 - بەسجىلدىقتان“ بەرى ەنەرگيا بايلىق باسىمدىعىنا سۇيەنگەن شينجياڭ ”كومىر - ەلەكتر - كرەمني - فوتوۆولت سياقتى ەلەكتروندىق ماتەريالدار“، ”كومىر - ەلەكتر - اليۋمين - ەلەكترودتىق تاسپا سياقتى ەلەكتروندىق ماتەريالدار“ سىندى 2 وزىندىك ەرەكشەلىكتەر بار دامۋ جولىن تاپتى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ ساندى مالىمەتىندە كورسەتىلۋىنشە، 2020 - جىلى شينجياڭ كرەمني نەگىزدى ەلەكتروندىق ماتەريالدارىنىڭ وزەكتى ءونىمى كوپ كريستالدى كرەمنيدىڭ ءونىم مولشەرى 243 مىڭ تونناعا جەتىپ، بۇكىل ەلدىڭ ％61ىن، بۇكىل الەمنىڭ ％46ىن يەلەدى؛ ەلەكتروندىق اليۋمين تاسپا، ەلەكترودتىق تاسپا، كوك جاقۇت، ەرەكشە تازا اليۋمين نىسانالىق ماتەريالدار سياقتى باستى اليۋمين ەلەكتروندىق ماتەريالدارىنىڭ ءونىم قۇنى 6 ميلليارد يۋان حالىق اقشاسىنان استى.
بيىل الدىڭعى 7 ايدا بۇكىل شينجياڭنىڭ كوپ كريستالدى كرەمني ءونىم مولشەرى 163 مىڭ تونناعا جەتىپ، سايكەس مەزگىلدەگىدەن ％26.1 ارتتى، ءونىم قۇنى 17 ميلليارد 300 ميلليون يۋان بولىپ، سايكەس مەزگىلدەگىدەن ％150 ارتتى؛ ەلەكترودتى تاسپانىڭ ءونىم مولشەرى 28 ميلليون 110 مىڭ شارشى مەترگە جەتىپ، ءونىم قۇنى ءبىر ميلليارد 700 ميلليون يۋاننان استى. رايونىمىز بۇكىل الەمدەگى ەڭ ماڭىزدى فوتوۆولتتىق كرەمني نەگىزدى ەلەكتروندىق ماتەريالدار جانە اليۋمين ەلەكتروندىق ماتەريالدار وندىرىلەتىن جەرلەردىڭ بىرىنە اينالدى.
حالىق تۇرمىسىن نەگىزگە الۋعا تاباندى بولىپ، ەلەكتروندىق ونىمدەردى قۇراستىرۋدى زور كۇشپەن دامىتتى
8 - ايدىڭ 20 - كۇنى ساعات 10دا اقىلاي مۇرات ءدال ۋاعىندا ءوزىنىڭ قىزمەت ورنىنا جەتتى. قاراپايىم دايىندىقتان سوڭ، ول تىڭداعىشتى شەبەرلىكپەن قۇراستىرا باستادى.
اقىلاي اقتاۋ اۋدانىنداعى قونىس جاڭالاپ كوشىرۋ ءتۇيىنى − سىلۋجيايۋان شاعىن اۋماعىنىڭ تۇرعىنى. 2019 - جىلى 5 - ايدا تاۋدان كوشىپ تۇسكەن سوڭ، ول نە ىستەسەم ۇيىمدەگىلەردىڭ تۇرمىسىن جاقسارتا تۇسەمىن دەگەنگە باس قاتىرىپ كەلگەن ەدى.
سول جىلى 9 - ايدا ءبىر ەلەكتروندىق عىلىم - تەحنيكا سەرىكتەستىگى سىلۋجيايۋان شاعىن اۋماعىنىڭ ماڭىنا زاۆود سالىپ، اقىلايدى قاتتى قۋاندىردى. تىزىمدەلدى، تاربيەلەندى، جۇمىسقا شىقتى، ەڭ باستاپقى كۇندىك مىندەتى بىرنەشە 100 بولۋدان قازىرگى كۇنىنە 3000 اينالاسىندا قۇراستىرۋعا دەيىن، اقىلاي بۇل جۇمىسىن ونان ارى ەركىن مەڭگەرىپ، جالاقىسى ەسەلەپ ارتتى.
”زاۆودتا قازىر 200دەن استام جۇمىسشى بار، الداعى جەردە ءوندىرىستى ونان ارى كەڭەيتىپ، سىلۋجيايۋان جانە ونىڭ ماڭىنداعى اناعۇرلىم كوپ ادامدى جۇمىستانۋعا جەتەلەيمىز“، - دەدى زاۆود باستىعى شيە سۇڭدى.
تاياۋ جىلداردان بەرى اۆتونوميالى رايون ەلەكتروندىق ءونىم قۇراستىرۋ كاسىبىن جۇمىستاندىرۋعا جەتەكشىلىك ەتۋدەگى، كەدەيلىكتەن ارىلتىپ، كىرىستى ارتتىرۋ مەن اۋىل - قىستاقتاردى گۇلدەندىرۋدى جەبەۋدەگى ءتۇيىندى كاسىپ سالاسى ەتۋدەن جازباي، شىعىس، ورتا بولىكتەگى كاسىپ سالالارىنىڭ ويىسۋىن ۇزدىكسىز قابىلداپ، ەلەكتروندىق ءونىم قۇراستىرۋ كاسىپورىندارىنىڭ كەلىپ ىرگە تەبۋىن بارىنشا باۋرادى. 2018 - جىلدان بەرى اۆتونوميالى رايوننىڭ وڭتۇستىك شينجياڭداعى 4 ايماق، وبلىستا ەڭبەك شوعىرلانعان كاسىپ سالالارىنىڭ دامۋىن قولداۋداي ءتيىمدى ساياسات شىعارۋىنا ساي، سونداي - اق شينجياڭعا كومەكتەسەتىن ولكە - قالالاردىڭ جەتەكشىلىك ەتۋىندە، ورتا، شىعىس بولىكتەگى ەلەكتروندىق ءونىم قۇراستىراتىن كاسىپورىندار شينجياڭعا، اسىرەسە، وڭتۇستىك شينجياڭداعى 4 ايماق، وبلىسقا قاراي جەدەل ويىستى.
بيىل الدىڭعى جارتى جىلعا دەيىن، تۇتاس رايوندا ەلەكتروندىق ءونىم قۇراستىرۋ كاسىپورىندارى 160 نەشەگە جەتتى، مۇنىڭ ىشىندە وڭتۇستىك شينجياڭداعى 4 ايماق، وبلىستا 140 نەشەسى، ءۇرىمجى قالاسى، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى سياقتى جەرلەردە 20سى بار. تۇتاس شينجياڭدا ەلەكتروندىق ءونىم قۇراستىرۋ كاسىبى سالاسىندا 25 مىڭنان استام ادام جۇمىستاندى، جان باسىندىق ايلىق كىرىس 2000 يۋان دا 3000 يۋان بولىپ، 100 مىڭ ادامنىڭ كەدەيلىكتەن ارىلىپ، اۋقاتتانۋىنا تىكەلەي جەتەكشىلىك ەتتى.
”14 - بەسجىلدىق“ مەزگىلىندە رايونىمىز ورتا، شىعىس بولىكتەگى ەلەكروندىق ءونىم قۇراستىرۋ كاسىبى سالاسىنىڭ ويىسۋىن ۇزدىكسىز قابىلداپ، كاسىپ سالاسى شوعىرىن قالىپتاستىرىپ، كاسىپ سالاسى تىزبەگىن ۇزدىكسىز ۇزارتىپ، ءۇرىمجى، قاشقار، قورعاس ەلەكتروندىق كاسىپ سالاسى باقشاسىن ”ءبىر بەلدەۋ، ءبىر جول“ قۇرىلىسىمەن توعىستىرۋدى قولداپ، زەردەلى قول تەلەفون، تاقتا كومپيۋتەر، دەنەگە تاعىپ جۇرۋگە كەلەتىن زەردەلى جابدىق، LED شامدارى سياقتى ەلەكتروندىق ونىمدەردى ەكسپورت ەتۋ، مانەرلەۋ بازاسىن قۇرىپ، جىبەك جولى ەكونوميكالىق بەلدەۋى وزەكتى رايونى ەلەكتروندىق ءونىم قۇراستىرۋ كاسىپ سالاسى شوعىرىن ۇزدىكسىز قالىپتاستىردى.
كاسىپ سالاسى تىزبەگىن كۇشەيتىپ، ەلەكتروندىق كاسىپ سالالارىنىڭ تيبىن وزگەرتىپ، دارەجەسىن جوعارىلاتۋدى جەدەلدەتتى
ورناتۋ، العاشقى ولشەۋ، تەكسەرۋ - جوندەۋ، كەيىنگى ولشەۋ سياقتى قۇراستىرۋ بۋىندارى ارقىلى ”تيانشان جەلىلەس“ كومپيۋتەرلەرى 30 سەكۋندتا ءوندىرىس جەلىسىنەن شىقتى. جۇڭگو چاڭچىڭ (شينجياڭ) ءوز كۇشىنە سۇيەنىپ جاڭالىق اشۋ بازاسى ءار كۇنى 400 اينالاسىندا كومپيۋتەر وندىرەدى.
تۇتاس ءوندىرىس جەلىسى مەحانيكالى قولمەن ۇستاۋ نەمەسە ماگنيتتىك اسەر ءتاسىلى ارقىلى اۆتوماتتى وندىرەدى، جۇمىسشىلار تەك ەگجەي - تەگجەيلىلەندىرىپ دۇرىستاۋعا، تۇجىرىمداۋعا جاۋاپتى.
زەردەلى جاساۋ ءوندىرىس جەلىسىنە سۇيەنىپ، جۇڭگو ەلەكترون توبى جۇڭگو چاڭچىڭ عىلىم - تەحنيكا توبى جارنا شەكتى سەرىكتەستىگى 2025 - جىلدىڭ الدى - ارتىندا جىلىنا ءبىر ميلليون كومپيۋتەر جاساۋ قۋاتىنا يە بولۋدى جوسپارعا الدى.
جۇڭگو چاڭچىڭ (شينجياڭ) ءوز كۇشىنە سۇيەنىپ جاڭالىق اشۋ بازاسى وندىرگەن چاڭچىڭ كومپيۋتەر، سەرۆەر جانە قويىن كومپيۋتەر سياقتى ونىمدەرى شينجياڭنىڭ ەلەكتروندىق ينفورماتسيا جاساۋ كاسىبىندەگى اقتاڭداقتى تولتىرىپ، شينجياڭنىڭ ەلەكتروندىق ونىمدەر كاسىبى سالاسىنىڭ تيبىن وزگەرتىپ، دارەجەسىن جوعارىلاتۋىن اناعۇرلىم ىلگەرىلەتتى.
2019 - جىلدان بەرى اۆتونوميالى رايون ەل ىشىندە وندىرىلگەن كومپيۋتەر، ينتەرنەت جابدىعى كاسىبى سالاسىنىڭ دامۋىنا دەم بەرىپ، قولداۋ كورسەتىپ، ەل ىشىندەگى 2 باستاماشى IT لىق جاساۋشى ورىندى ۇرىمجىگە كەلىپ ىرگە تەبۋگە باۋراپ، 2020 - جىلى دەربەس ءبىلىم مەنشىك ۇقىعىنا يە، حاۋىپسىز، مەڭگەرىلمەلى كومپيۋتەر تەرمينالىن، ينتەرنەت جابدىعىن شينجياڭنىڭ وزىندە ءوندىرۋدى جۇزەگە اسىردى. بيىل الدىڭعى 7 ايدا شينجياڭدا ءوندىرىلىپ ساتىلعان كومپيۋتەر، سەرۆەر جەكە - جەكە 35 مىڭنان جانە 15 مىڭنان استى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ قاتىستى جاۋاپتىسى مىنانى ءبىلدىردى: ”14 - بەسجىلدىق“ مەزگىلىندە رايونىمىز كەلەلى نىسان قۇرىلىستارىنىڭ ىلگەرىلەۋىن جەبەۋدى تۇتقا ەتىپ، ءبىرسىپىرا ەلەكتروندىق ينفورماتسيا، ەلەكتروندىق جاڭا ماتەريال جاساۋ كاسىبى سالاسىن جەتىلدىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىنىڭ كاسىپ سالاسى نەگىزىن بەكەمدەيدى. ينفورماتسيا جاعىندا جاڭالىق اشۋ كاسىبى سالاسى ەكولوگيالىق باقشا رايونىن ۇزدىكسىز قۇرىپ، تەرمينالدىڭ سىرتقى جابدىقتارىن سايكەستىرۋ كاسىپورىندارىنان ءبىر توبىن ەنگىزىپ، كاسىپ سالاسى تىزبەگىن كەمەلدەندىرىپ، قۇن تىزبەگىن جوعارىلاتادى. كرەمني نەگىزدى، اليۋمين نەگىزدى ەلەكتروندىق ماتەريالدار كاسىپ سالاسىنىڭ شوعىرلانىپ دامۋىنا جەتەكشىلىك ەتۋدى جانە دەم بەرۋدى كۇشەيتىپ، كاسىپ سالاسى تەحنيكا تىزبەگىن، ءونىم تىزبەگىن، قامداۋ تىزبەگىن ۇزدىكسىز ۇزارتىپ جانە بەكەمدەپ، دۇنيە ءجۇزى دارەجەلى كرەمني نەگىزدى جاڭا ماتەريالدار كاسىپ سالاسى شوعىرىن جانە مەملەكەتتىك ماڭىزدى كرەمني نەگىزدى ەلەكتروندىق كاسىپ سالاسى شوعىرىن قالىپتاستىرادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
