بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ رەسەيدىڭ زۇڭتۇڭى پۋتينمەن تەلەفوندا سويلەستى

2021.08.26 15:56     كەلۋ قاينارى : حالىق تورابى

  شينحۋا اگەنتتىگى، 8 - ايدىڭ 25 - كۇنى، بەيجيڭ. مەملەكەت ءتوراعاسى شي جينپيڭ 8 - ايدىڭ 25 - كۇنى رەسەيدىڭ زۇڭتۇڭى پۋتينمەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: بيىل جىل باسىنان بەرى جۇڭگو مەن رەسەي «جۇڭگو - رەسەي تاتۋ كورشى دوستىق سەلبەستىك شارتىنا» قول قويىلعانىنىڭ 20 جىلدىعىن قۇتتىقتاۋدى جاڭا باستاما ەتىپ، ەكى ەلدىڭ ستراتەگيالىق سەلبەستىگى مەن جان - جاقتى ناقتى سەلبەستىگىندە ءبىرقىدىرۋ تىڭ تابىسقا قول جەتكىزىلۋىن ىلگەرىلەتىپ، ەكى ەلدىڭ وزىندىك دامۋىن جەبەۋگە ماڭىزدى تىرەك ازىرلەدى، سونداي - اق حالىقارالىق قوعامدى ىنتىماقتاستىرىپ، قيىنشىلىقتى بىرگە جەڭۋدە تىرەكتىك رول اتقاردى. ەكى جاق سەلبەستىك تاسىلىندە جاڭالىق اشىپ، سەلبەستىك سالاسىن كەڭەيتىپ، اناعۇرلىم كوپ سەلبەستىك جەتىستىگىنە قول جەتكىزۋى كەرەك. قازىر جاڭا تيپتى ايدارشا ۆيرۋس وكپە قابىنۋىنىڭ ىندەت جاعدايى اۋمالى - توكپەلى، حالىقارالىق ىندەتكە قارسى اتتانۋ مىندەتى توتەنشە جاپالى، جۇڭگو رەسەيمەن ۆاكسينا زەرتتەۋ - اشۋ ءوندىرىس سەلبەستىگىن تەرەڭدەتىپ، دۇنيە جۇزىلىك ۆاكسينامەن قامداۋ تىزبەگىنىڭ حاۋىپسىزدىگىن، ورنىقتىلىعىن قامتاماسىز ەتىپ، ەكى ەل حالىقتارىنىڭ باس اماندىعى مەن دەنساۋلىعىن قورعاپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋعا جۇڭگو مەن رەسەيدىڭ كۇش - قۋاتىن ارناۋدى قالايدى.

  شي جينپيڭ بىلاي دەپ دارىپتەدى: اياق كيىمنىڭ ءدال كەلگەن - كەلمەگەنىن كيگەن ادام عانا بىلەدى. قايسى ءتۇزىم جۇڭگو مەن رەسەيدە جۇزەگە اسادى، مۇندا جۇڭگو مەن رەسەي حالقى ەڭ زور ءسوز سويلەۋ ۇقىعىنا يە. جۇڭگو مەن رەسەي جاڭا داۋىردەگى جالپى بەتتىك ستراتەگيالىق سەلبەستىك سەرىگى رەتىندە كيلىگۋگە قارسى سەلبەستىكتى تەرەڭدەتىپ، ءوز ەلدەرىنىڭ بولاشاعى مەن تاعدىرىن ءوز قولىندا بەرىك ۇستاۋى كەرەك. جۇڭگو رەسەيدىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، رەسەيدىڭ مەملەكەتتىڭ يەلىك ۇقىعىن، حاۋىپسىزدىگىن قورعاۋ ءۇشىن قولدانعان شارالارىن باتىل قولدايدى. ەكى جاق بيىل شاڭحاي سەلبەستىك ۇيىمى قۇرىلعانىنىڭ 20 جىلدىعىن وراي ەتىپ، مۇشە ەلدەرمەن بىرگە ىنتىماقتى، سەلبەستىكتى كۇشەيتىپ، ءوزارا قولداۋدى كۇشەيتىپ، وڭىردەگى مەملەكەتتەردىڭ حاۋىپسىزدىگى مەن دامۋ مۇددەسىن قورعاۋى كەرەك.

  ەكى جاق اۋعانستاننىڭ جاعدايى جونىندە ىشكەرىلەي پىكىر الماستىردى.

  شي جينپيڭ مىنانى دارىپتەدى: جۇڭگو اۋعانستاننىڭ يەلىك ۇقىعىنا، تاۋەلسىزدىگىنە، تەرريتوريا تۇتاستىعىنا قۇرمەت ەتىپ، اۋعانستاننىڭ ىشكى ىسىنە كيلىكپەۋ ساياساتىن اتقارىپ، اۋعانستان ماسەلەسىن ساياسي جولمەن شەشۋدە ەجەلدەن باستان - اياق رول اتقارىپ كەلەدى. جۇڭگو رەسەيدى قامتىعان حالىقارالىق قوعامداعى ءارقايسى جاقپەن تىلدەسۋدى، سايكەسۋدى كۇشەيتىپ، اۋعانستانداعى ءارقايسى توپتى اشىق، سيىسىمدى ساياسي جۇلگەنى ورناتىپ، بايسالدى دا ورنىقتى ىشكى - سىرتقى ساياساتتاردى اتقارىپ، ءتۇرلى لاڭكەستىك ۇيىمدارمەن تۇبەگەيلى ات كەكىلىن كەسىسىپ، دۇنيە جۇزىندەگى ءارقايسى ەلمەن، اسىرەسە، توڭىرەكتەگى ەلدەرمەن تاتۋ - ءتاتتى وتۋگە شابىتتاندىرادى.

  پۋتين مىنالاردى ءبىلدىردى: رەسەي رەسەي - جۇڭگو قاتىناسىنىڭ دامۋىنا ريزا. بيىل − «رەسەي - جۇڭگو تاتۋ كورشى دوستىق سەلبەستىك شارتىنا» قول قويىلعانىنىڭ 20 جىلدىعى، رەسەي - جۇڭگو قاتىناسى جونىنەن ەرەكشە ءمان الادى. 76 جىلدىڭ الدىندا رەسەي مەن جۇڭگو دۇنيە جۇزىلىك فاشيزمگە قارسى سوعىستىڭ جەڭىسىنە قول جەتكىزۋ جولىندا وراسان زور ۇلتتىق قۇرباندىق بەرىپ، شەشۋشى ۇلەس قوسقان. قازىرگى جاعدايدا ەكى جاق ستراتەگيالىق سەلبەستىكتى نىعايتىپ، ءوزارا باتىل قولداۋ كورسەتىپ، دۇنيە جۇزىلىك ەكىنشى سوعىستىڭ جەڭىس جەتىستىكتەرىن، تاريحي شىندىقتى قورعاۋى كەرەك. رەسەي ءبىر جۇڭگو ساياساتىن باتىل اتقارادى، جۇڭگونىڭ تايۋانعا، شياڭگاڭعا، شينجياڭعا جانە نانحاي تەڭىزىنە ساياتىن ماسەلەلەردە ءوزىنىڭ وزەكتى مۇددەسىن قورعاۋداعى ورىندى تۇرعىسىن باتىل قولدايدى، ءارقانداي سىرتقى كۇشتىڭ جۇڭگونىڭ ىشكى ىسىنە كيلىگۋىنە باتىل قارسى تۇرادى، جاڭا تيپتى ايدارشا ۆيرۋستىڭ قاينارىن ىزدەۋدى ساياسيلاندىرۋعا قارسى تۇرادى، جۇڭگومەن ءار سالاداعى ناقتى سەلبەستىكتى ۇزدىكسىز تەرەڭدەتىپ، ىندەتكە قارسى اتتانۋ سەلبەستىگىن كۇشەيتۋدى ءۇمىت ەتەدى.

  پۋتين مىنالاردى ءبىلدىردى: قازىرگى اۋعانستان جاعدايىنىڭ وزگەرىسى سىرتقى كۇشتەردىڭ ءوزىنىڭ ساياسي ۇلگىسىن زورلىقپەن اتقارۋ ساياساتىنىڭ ىسكە اسپايتىنىن، تەك قاتىستى ەلدەرگە بۇلىنشىلىك جانە اپات اكەلەتىنىن بىلدىرەدى. رەسەي مەن جۇڭگونىڭ اۋعانستان ماسەلەسىندە ۇقساس تۇرعىسى مەن ورتاق مۇددەسى بار، رەسەي جۇڭگومەن تىعىز بايلانىس جاساپ، سايكەسىپ، اۋعانستانعا ساياتىن ماسەلەلەردىڭ كوپ جاقتى مەحانيزمىنە بەلسەنە ات سالىسىپ، اۋعانستان جاعدايىنىڭ ورنىقتى ءوتۋىن ىلگەرىلەتىپ، لاڭكەستىككە سوققى بەرىپ، ەسىرتكى اتكەزشىلىگىن ءۇزىپ، اۋعانستاننىڭ حاۋىپسىزدىك جاعىنداعى قاتەرىنىڭ سىرتقا جايىلۋىنان ساقتانىپ، سىرتقى كۇشتەردىڭ كيلىگۋىنە، بۇلدىرۋىنە قارسى تۇرىپ، ءوڭىردىڭ حاۋىپسىزدىگى مەن ورنىقتىلىعىن قورعاۋدى قالايدى.

  ەكى جاق ءبىر اۋىزدان: جۇڭگو مەن رەسەيدىڭ قازىرگى حالىقارالىق جانە وڭىرلىك جاعدايى كۇردەلى، جۇڭگو مەن رەسەيدىڭ ەكى جاقتى جانە كوپ جاقتى كەلەلى ماسەلەلەر جونىندە دەر كەزىندە پىكىرلەسۋى توتەنشە ماڭىزدى جانە قاجەتتى، − دەپ قاراپ، ءتۇرلى تاسىلدەر ارقىلى تىعىز بارىس - كەلىستى ۇزدىكسىز جالعاستىرۋعا ماقۇل بولدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار