جۇڭگو شينجياڭ ورتا ازياداعى ەلدەرمەن جاڭا ەنەرگيا جاعىنداعى سەلبەستىكتى تالقىلادى
[ازيا – ەۆروپا 2021 – جىلعى ينتەرنەتتەگى ساۋدا كورمەسىنە نازار]
2021.08.27 14:19 كەلۋ قاينارى : حالىق تورابى
تيانشان تورابى، شينجياڭ گازەتى ءتىلشىسى چىن چياڭۋەي حابارلايدى. 8 – ايدىڭ 25 – كۇنى «بولاشاقتاعى ەنەرگيانىڭ جاسىل جىبەك جولى» اتىنداعى 2021 – جىلعى جۇڭگو شينجياڭ مەن ورتا ازيا ەلدەرى اراسىنداعى جاڭا ەنەرگيا سەلبەستىگى جونىندەگى ينتەرنەتتەگى حالىقارالىق تالقى مىنبەرى شينجياڭ حالىقارالىق كورمە ورتالىعىندا اشىلدى، ەل ءىشى – سىرتىنان كەلگەن 300 گە جۋىق ۇكىمەت ءمانساپتىسى، ماماندار مەن وقىمىستىلار جانە كاسىپورىن ۋاكىلدەرى ينتەرنەت ارقىلى ماجىلىسكە قاتىناسىپ، جاڭا ەنەرگيا سالاسىنداعى قارجىلاندىرۋ سەلبەستىگىن ىلگەرىلەتۋدى بىرگە تالقىلادى.
شينجياڭ — ەلىمىزدەگى ەنەرگيا بايلىعى مول ءوڭىر، بايلىق قاينارىنىڭ ءتۇرى تولىق، قورى مول، ساپاسى جاقسى، ەنەرگيانى اشۋ شارت – جاعدايى ابزال، وڭىرلىك باسىمدىلىعى كورنەكتى، مەملەكەت كوركەيتۋ ۇستىندەگى ءىرى تۇرپاتتى تازا ەنەرگيا بازاسى، مەملەكەتتىڭ ەنەرگيانى دامىتۋ جانە شەتەلگە ەسىكتى اشىق ۇستاۋ اۋقىمىندا ەرەكشە ماڭىزدى رول اتقارادى.
ساۋدا مينيسترلىگى شەتەلگە باعىتتالعان قارجىلاندىرۋ جانە ەكونوميكالىق سەلبەستىك مەڭگەرمەسىنىڭ ورىنباسار باستىعى حان يۇڭ مىنانى ءبىلدىردى: جۇڭگو شينجياڭ مەن ورتا ازيا ەلدەرى جاعراپيالىق جاقتان جاقىن، كليماتى قارايلاس، ءبىرىن – ءبىرى تولىقتايتىن ابزالدىلىقتارعا يە، جاڭا ەنەرگيا سالاسىنداعى سەلبەستىگىنىڭ كومەسكى قۋاتى زور. جۇڭگو شينجياڭ مەن ورتا ازياداعى بەس ەل وزدەرىنىڭ باسىمدىلىقتارى مەن كومەسكى قۋاتتارىن تولىق ساۋلەلەندىرىپ، مۇددەلەرى ساي كەلەتىن تۇيىندەرگە نازاردى شوعىرلاندىرىپ، جاڭا ەنەرگيا سالاسىنداعى قارجىلاندىرۋ سەلبەستىگىن كۇشەيتىپ، جاڭا ەنەرگيانىڭ جاسىل، تومەن كومىرتەكتى باعىتقا قاراي بۇرىلىس جاساۋىن ىلگەرىلەتىپ، «جاسىل جىبەك جولىن» تىزە قوسا كوركەيتۋى كەرەك.
قىرعىزستان ەنەرگيا جانە ونەركاسىپ مينيسترلىگى ەلەكتر قۋاتى جاعىنداعى ساياسات مەكەمەسىنىڭ باستىعى ايبەك ايداراليەۆ مىنانى ءبىلدىردى: قىرعىزستاننىڭ تۋىندامالى ەنەرگيا بايلىعى مول. وسى رەتكى تالقى مىنبەرىنەن پايدالانىپ، ءارقايسى ەلدەر وڭىرلىك ەكونوميكالىق سەلبەستىك جاعىندا وراي قاراستىرۋىنا، تۋىندامالى ەنەرگيا سالاسىنداعى سەلبەستىكتى كۇشەيتۋىنە بولادى.
شينجياڭ تيانيۋان ورتا ازيا ەنەرگيا شەكتى سەرىكتەستىگىنىڭ القالار باستىعى ءارى ورىنباسار باس ديرەكتورى لۋ شياۋپىڭ مىنانى ءبىلدىرى: سەرىكتەستىك وسىنىڭ الدىندا قازاقستاندا زاريادتاۋ باعاناسى جانە جانار گاز گەنەراتورى نىسانىندا سەلبەستىك جاسادى، وسى رەتكى تالقى مىنبەرى ارقىلى ەل ءىشى – سىرتىنا سەرىكتەستىكتىڭ جاڭا ەنەرگيانى اشۋ جانە امبەباپ پايدالانۋ جاعىنداعى باسىمدىلىقتارىن تانىستىردىق، ورتا ازيا ەلدەرىندەگى سەرىكتەستىكتەرمەن اۋەجايدا ەنەرگيادان امبەباپ پايدالانۋ جاعىندا سەلبەستىك ورناتۋدى ءۇمىت ەتەمىز.
قازىر جۇڭگو شينجياڭ ىلگەرىندى – كەيىندى قازاقستان، وزبەكستان، تاجىكستان، قىرعىزستان قاتارلى ەلدەرمەن ەلەكتر قۋاتى جۇيەلى نىساندارىن جالپى جاقتان مىندەتىنە الۋ، قۇرىلعىلاردى زەرتتەۋ، جاساۋ، قۇراستىرۋ جانە قامداۋ، ەلەكتر ستانسياسىن ىسكە قوسۋ جانە قورعاۋ قاتارلى نىسانداردا سەلبەستىك ورىستەتۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
