شي جينپيڭ حىبەي چىڭدىدا قىزمەت تەكسەرگەندە بىلاي دەپ باسا دارىپتەدى
جاڭا دامۋ ۇستانىمىن دايەكتىلەندىرىپ، سايحانبا رۋحىن اسقاقتاتىپ، تۇتاس جىلدىق ەكونوميكالىق، قوعامدىق دامۋدىڭ باستى نىسانالارى مەن مىندەتتەرىن قۇلشىنا ورىنداۋ كەرەك
2021.08.27 16:10 كەلۋ قاينارى : شينجياڭ گازەتى
شينحۋا اگەنتتىگىنىڭ 8 - ايدىڭ 25 - كۇنى چىڭدىدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا حىبەي ولكەسىنىڭ چىڭدى قالاسىندا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن جالپى بەتتىك تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، سايحانبا رۋحىن اسقاقتاتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاۋدى شىن مانىندە ويداعىداي يگەرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، جوعارى ساپالى دامۋدى ىلگەرىلەتىپ، تۇتاس جىلدىق ەكونوميكالىق، قوعامدىق دامۋدىڭ باستى نىسانالارى مەن مىندەتتەرىن قۇلشىنا ورىنداپ، ”14 - بەسجىلدىقتا“ جاقسى باستاما باستاۋدى جۇزەگە اسىرۋ كەرەك.
8 - ايدىڭ 23 - كۇنىنەن 24 - كۇنىنە دەيىن شي جينپيڭ حىبەي ولكەلىك پارتكومنىڭ شۋجيى ۋاڭ دۇڭفىڭنىڭ، ولكە باستىعى شۇي چيننىڭ سەرىك بولۋىندا مەملەكەت مەنشىگىندەگى ورمان الاڭى، مادەني ەسكەرتكىشتەردى قورعاۋ ورىندارى، اۋىل - قىستاق، الەۋمەتتىك اۋماق سياقتىلاردى ىشكەرىلەي ارالاپ تەكسەرۋ - زەرتتەۋ جۇرگىزدى.
8 - ايدىڭ 23 - كۇنى تۇستەن كەيىن شي جينپيڭ الدىمەن حىبەي ولكەسىنىڭ قيىر سولتۇستىگىندەگى سايحانبا ماشينالى ورمان الاڭىندا قىزمەت تەكسەردى. 8 - ايداعى سايحانبادا قالىڭ ورمان جاپ - جاسىل بولىپ ۇزىننان - ۇزاققا سوزىلىپ جاتىر. ورمان الاڭى 1962 - جىلدان باستاپ قۇرىلعان. 60 جىلعا جۋىق ۋاقىتتان بەرى سايحانبا ورمان الاڭىنىڭ قۇرىلىسشىلارى پارتيانىڭ ۇندەۋىنە قۇلاق اسىپ، ”سارى قۇم كۇن كوزىن جاپقان، ۇشقان قۇسقا قونار اعاش بولماعان“ ءشول دالا، قۇمدى الاپتا قاجىرلىلىقپەن كۇرەسىپ، ءوزىن ارناۋعا پەيىل بولىپ، جاپان ءتۇزدى قالىڭ ورمانعا اينالدىرۋداي دۇنيە كەرەمەتىن جاراتتى. شي جينپيڭ تەڭىز دەڭگەيىنەن 1900 مەتر بيىك يۋەلياڭشان تاۋىنا بارىپ، ورمان الاڭىنىڭ جاراتىلىستىق كەلبەتىنە الىستان كوز جىبەرىپ، حىبەي ولكەسىنىڭ تاۋ، سۋ، ورمان، اتىز، كول، جايلىم، قۇمدى جۇيەلى جونگە سالۋدى ءبىر تۇتاس جوسپارلاپ ىلگەرىلەتۋ جانە سايحانبا ماشينالى ورمان الاڭىنىڭ جاعدايى جونىندەگى تانىستىرۋدى تىڭداپ، ورمان الاڭىنىڭ ادامدىق قورعانىس، تەحنيكالىق قورعانىس، زاتتىق قورعانىس ءوزارا ۇشتاستىرىلعان ءبىر تۇلعالى بايلىق باسقارۋ - قورعاۋ جۇيەسىن قالىپتاستىرىپ، ورمان بايلىعىنىڭ حاۋىپسىزدىگىن قورعاۋدا قول جەتكىزگەن ناتيجەلەرىن تۇراقتاندىردى. شي جينپيڭ بىلاي دەپ باسا دارىپتەدى: ەلىمىزدىڭ ەكپە ورمان اۋدانى دۇنيە جۇزىندە ءبىرىنشى ورىندا، بۇل توتەنشە ۇلى ناتيجە. سايحانبا ميلليون مۋلىق ەكپە قالىڭ ورماندى ءساتتى تۇلعالاپ، دۇنيە ءجۇزى ەكولوگيالىق وركەنيەت قۇرىلىسى تاريحىنداعى تيپتى جاراتتى، ورمان الاڭىنىڭ قۇرىلىسشىلارى بىرلەسكەن مەملەكەتتەر ۇيىمى قورشاعان ورتانى جوسپارلاۋ مەكەمەسىنىڭ ەڭ جوعارى داڭقى − جەر شارىنىڭ قورعاۋشىسى سيلىعىن يەلەدى، ماشينالى ورمان الاڭى كەدەيلىكتەن ارىلتۋدان قامال الۋداعى مەملەكەتتىك ونەگە اتاعىنا يە بولدى. سىزدەردىڭ داڭقتى قاستەرلەپ، ۇزدىكسىز كۇرەس جۇرگىزىپ، مەملەكەت مەنشىگىندەگى ورمان الاڭى رەفورماسىن تەرەڭدەتۋ، جاسىل دامۋدى ىلگەرىلەتۋ، كومىر قىشقىل گازىن ءسىمىرۋ قابىلەتىن كۇشەيتۋ سياقتى جاقتاردا جۇرەكتىلىكپەن ىزدەنىس جاساپ، بەيجيڭ - تيانجين ەكولوگيالىق قالتقىسىن شىن مانىندە بەرىك ورناتۋلارىڭىزدى ءۇمىت ەتەمىن. يۋەلياڭشان تاۋىندا ورتتەن ساقتانۋ قاراۋىلى مەن بايلىقتى باسقارۋ - قورعاۋدى ءبىر تۇلعالاندىرعان قاراۋىل مۇنارالارى سالىنعان. شي جينپيڭ قاراۋىل مۇناراسىن 13 جىل كۇزەتكەن ورمان قورعاۋشىلار ليۋ جۇن، ۋاڭ جۋان ەرلى - زايىپتىلارمەن ىقىلاسپەن امانداستى ءارى قاراۋىل مۇناراسىنا شىعىپ، ولاردىڭ كۇندەلىكتى قىزمەت جانە اس - سۋ، تۇرمىس جاعدايىن ەگجەي - تەگجەيلى ۇعىسىپ، ولاردىڭ ءۇن - ءتۇنسىز بەرىك كۇزەتىپ، قالتقىسىز وزدەرىن ارناپ، سايحانبانىڭ ەكولوگيالىق حاۋىپسىزدىگىن قورعاعاندىعىن القادى.
شاڭ حاي ەسكەرتكىش ورمانى سايحانبا ماشينالى ورمان الاڭىنىڭ بۇرىنعى ماتيكىڭ ورمان وتىرعىزۋ بىرلەسپە شايقاس اۋماعىندا، ول ميلليون مۋلىق قالىڭ ورماننىڭ باستالعان جەرى. شي جينپيڭ وسى اراعا بارىپ، شارباق جولمەن جاياۋلاي ءجۇرىپ ورمان اعاشتارىنىڭ ءوسۋ جاعدايىن كورىپ، حايۋاناتتار مەن وسىمدىكتەردى قورعاۋ سياقتى جاعدايلاردى ۇعىستى. شي جينپيڭ ورمان الاڭىنىڭ قىزمەتىن تۇراقتاندىردى ءارى بىلاي دەپ قايتالاپ تاپسىردى: ورتتەن ساقتانۋ جاۋاپكەرشىلىگى تايشان تاۋىنان دا سالماقتى، ورتتەن ساقتانۋ مەن ساياحاتتىڭ قاتىناسىن ويداعىداي ءبىر جاقتى ەتىپ، حاۋىپسىزدىكتى ءبىرىنشى ورىنعا قويۋعا تاباندى بولىپ، شىن مانىندە جارتى عاسىردان استام ۋاقىت ۇزدىكسىز جۇرگىزىلگەن كۇرەستىڭ ماڭىزدى جەتىستىگىن ويداعىداي باپتاۋ، ويداعىداي باسقارۋ، ويداعىداي قامتاماسىز ەتۋ كەرەك. ورمان شارۋاشىلىعى جاعىنداعى عىلمي زەرتتەۋدى كۇشەيتىپ، ورمان شارۋاشىلىعىنىڭ جوعارى ساپالى دامۋىن ىلگەرىلەتۋ كەرەك. ەسكەرتكىش ورمانىنان اتتانار الدىندا، شي جينپيڭ ورمان الاڭىنىڭ 3 ۇرپاق جۇمىسشى - قىزمەتكەرلەرىمەن ىقىلاسپەن اڭگىمەلەسىپ، ولاردىڭ قىزمەت، تۇرمىس جاعدايىن ۇعىسىپ، ورمان الاڭىنىڭ وراسان زور وزگەرىستەرىن بىرگە اڭگىمەلەپ، ورمان الاڭىنىڭ كەلەشەك دامۋىن بىرگە جوسپارلادى. شي جينپيڭ بىلاي دەپ باسا دارىپتەدى: سايحانبا ورمان الاڭىنىڭ قۇرىلۋ تاريحى − جىر ەتەرلىك قاجىرلىلىقپەن كۇرەس جۇرگىزۋ تاريحى. سىزدەر ءىس جۇزىندىك ارەكەتتەرىڭىز ارقىلى بورىشتى ەستە بەرىك ساقتايتىن، قاجىرلىلىقپەن شارۋاشىلىق قۇراتىن، جاسىل داميتىن سايحانبا رۋحىن سومدادىڭىزدار، بۇل بۇكىل ەلدىڭ ەكولوگيالىق وركەنيەت قۇرىلىسى جونىنەن ماڭىزدى ۇلگىلىك مانگە يە. ەكولوگيالىق وركەنيەت قۇرىلىسىن يگەرۋدە، زاتتىق ماتەريالعا سۇيەنۋمەن بىرگە، رۋحقا دا سۇيەنۋ كەرەك. سايحانبا رۋحىن ويداعىداي جالعاستىرىپ، ەكولوگيالىق وركەنيەت ۇستانىمىن جەتە ءتۇسىنىپ جانە تياناقتاندىرىپ، كۇش ۇستىنە كۇش قوسىپ، ەكىنشى رەت شارۋاشىلىق قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىندا تاعى دا ەڭبەك ءسىڭىرىپ، ۇلەس قوسۋ كەرەك.
8 - ايدىڭ 24 - كۇنى تۇستەن بۇرىن شي جينپيڭ چىڭدى ساياجايىندا قىزمەت تەكسەردى. چىڭدى ساياجايى 1703 - جىلدان باستاپ سالىنعان، 1 - توپتاعى مەملەكەتتىك ءتۇيىندى مادەني ەسكەرتكىش قورعاۋ ورنى، دۇنيە جۇزىلىك مۇرالار تىزىمدىگىنە كىرگەن. شي جينپيڭ ساياجايدىڭ نەگىزگى قۇرىلىستارى مەن ساياحاتقا قىزمەت وتەۋ قۇرىلعىلارىن كوزدەن كەشىرىپ، ساياجايدىڭ تاريحى مەن مادەني ەسكەرتكىشتى قورعاۋ قىزمەتىن ەگجەي - تەگجەيلى ۇعىستى. شي جينپيڭ بىلاي دەپ اتاپ كورسەتتى: ەلىمىز دۇنيە جۇزىندەگى مادەنيەت جانە جاراتىلىستىق مۇرالار جاعىنداعى ءىرى ەل. چىڭدى ساياجايىنىڭ مادەنيەت مايەگى مول، ۇلتتاردىڭ ارالاسۋ، ىشتەسۋ، توعىسۋى، ءدىندى قوعامعا ۇيلەستىرۋ، ءداستۇرلى مادەنيەتتى قورعاۋ جانە جالعاستىرۋ، ادام مەن تابيعاتتىڭ جاراسىمدى بىرگە ءومىر ءسۇرۋى سياقتى جاقتاردان ماڭىزدى تاريحي قۇنعا جانە داۋىرلىك مانگە يە. جۇڭحۋانىڭ تاڭداۋلى ءداستۇرلى مادەنيەتىن ويداعىداي قورعاپ، ويداعىداي جالعاستىرىپ، ويداعىداي پايدالانىپ، ونىڭ باي مازمۇنىن جاڭعىرتىپ، ونى مادەنيەت سەنىمىن اناعۇرلىم جاقسى بەكەمدەۋگە، ۇلت رۋحىن ۇيىستىرۋعا ءتيىمدى ەتۋ كەرەك. ساياحاتشىلار جابال باس شۋجيمەن سالەمدەستى، شي جينپيڭ كوپشىلىككە قول بۇلعاپ قۇرمەت ءبىلدىردى.
ساياجايدان اتتانىپ، شي جينپيڭ پۋنيڭ بۇتحاناسىنا كەلىپ قىزمەت تەكسەردى، تەكسەرۋ - زەرتتەۋ جۇرگىزدى. پۋنيڭ بۇتحاناسى 1755 - جىلدان باستاپ سالىنعان، تيپتىك حانزۋ - زاڭزۋ ۇلگىسى توعىسقان بۇتحانا. شي جينپيڭ تاريحقا قاتىستى قۇلپىتاس ويمالارىن، سونداي - اق تيانۋاڭ سارايى، داشيۇڭباۋ سارايى سياقتى قۇرىلىستاردى مۇقيات كورىپ، ءدىن قىزمەتى سياقتىلاردىڭ جاعدايى جونىندەگى مالىمەتتى تىڭدادى. شي جينپيڭ بىلاي دەپ باسا دارىپتەدى: پارتيانىڭ ءدىن قىزمەتى جونىندەگى نەگىزگى باعىتىنا تاباندى بولىپ، ەلىمىزدىڭ ءدىندى جۇڭگوشالاندىرۋ بەتالىسىنان جازباي، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، دەربەس، ءوزىن - ءوزى باسقارۋ، ءوز جۇمىسىن ءوزى جۇرگىزۋ پرينسيبىنە تاباندى بولىپ، پارتيانىڭ ءدىني سەنىم ەركىندىگى ساياساتىن جان - جاقتى دايەكتىلەندىرىپ، وتاندى سۇيەتىن، ءدىندى قادىرلەيتىن تاڭداۋلى ءداستۇردى اسقاقتاتىپ، تاماشا ءدىني ورتا جاراتىپ، ءدىني ىستەردى زاڭ بويىنشا، قاعيدا بويىنشا باسقارىپ، ءدىننىڭ قوعامعا اناعۇرلىم جاقسى ۇيلەسۋىن، قوعامعا قىزمەت ەتۋىن، قوعامدىق جاۋاپكەرشىلىگىن اتقارۋىن جەبەۋ كەرەك.
وسىدان سوڭ، شي جينپيڭ چىڭدى مۇراجايىنا كەلدى، «ۇلى قورعاننىڭ ءىشى - سىرتىنا كوز جىبەرگەندە − چيڭ پاتشالىعىنىڭ گۇلدەنگەن كەزىندەگى ۇلتتار ىنتىماعىنىڭ ناقتى ەستەلىگى» كورمەسىن ەكسكۋرسيالادى. شي جينپيڭ كورمە زالىنا كىرگەننەن كەيىن ءالسىن - ءالسىن كىدىرىپ كورىپ، چيڭ داۋىرىندەگى ۇلتتار قاتىناسىنىڭ دامۋى جانە كوپ ءتۇرلى شارا قاتار قولدانىپ ۇلتتار ىنتىماعىن، شەكارانىڭ ورنىقتىلىعىن، مەملەكەتتىڭ تۇتاستىعىن قورعاۋ سياقتى جاعدايلاردى ەگجەي - تەگجەيلى ۇعىستى. شي جينپيڭ بىلاي دەپ اتاپ كورسەتتى: ەلىمىز ءبىر تۇتاس كوپ ۇلتتى مەملەكەت، سالقار تاريح كوشىندە كوپ نەگىزدى، ءبىر تۇلعالانعان جۇڭحۋا ۇلتىن قالىپتاستىردى. بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جاساۋىنىڭ ارقاسىندا، ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ كەڭ - بايتاق دالاسىندا از ۇلتتار مەن ۇلتتىق رايونداردى قامتىعان دوڭگەلەك داۋلەتتى قوعامدى جاپپاي ورناتتىق. اماليات مىنانى تولىق دالەلدەدى: تەك جۇڭگو كوممۋنيستىك پارتياسى عانا جۇڭحۋا ۇلتىنىڭ ۇلى ىنتىماعىن جۇزەگە اسىرا الادى، تەك جۇڭگوشا سوتسياليزم عانا ءار ۇلتتى توعىستىرىپ، ءار ۇلتتى دامىتىپ، ءار ۇلتتى گۇلدەندىرەدى. جۇڭگو كوممۋنيستىك پارتياسىنىڭ باسشىلىعىنا تاباندى بولىپ، ۇلت ماسەلەسىن شەشۋدىڭ جۇڭگوشا ەرەكشەلىككە يە دۇرىس جولىمەن جۇرۋگە تاباندى بولىپ، پارتيانىڭ ۇلت نازارياسى مەن ۇلت ساياساتىن جاپپاي دايەكتىلەندىرىپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن ۇزدىكسىز بەكەمدەۋ جانە دامىتۋ كەرەك. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ارقاۋ ەتە وتىرىپ، تاريحتى زەرتتەۋ، تاريحتى ۇيرەنۋ قىزمەتىن ويداعىداي ىستەپ، تاريحتى زەرتتەۋ بايلىق قاينارى مەن كۇش - قۋاتىن بىرىكتىرىپ، زەرتتەۋ ورەسى مەن جاڭالىق اشۋ قابىلەتىن جوعارىلاتىپ، تاريحي تاجىريبەلەردى اناعۇرلىم ويداعىداي قورىتىندىلاپ، تاريح زاڭدىلىعىن ايگىلەپ، تاريح اۋقىمىن يگەرۋ كەرەك.
سول كۇنى تۇستەن كەيىن شي جينپيڭ اۆتوكولىككە وتىرىپ، لۋانحى وزەنىنىڭ سولتۇستىك جاعاسىنداعى شۋاڭلۋان رايونى پيانچياۋزى قالاشىعى داگۇيكوۋ قىستاعىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. شي جينپيڭ جەرگىلىكتى ورىننىڭ اۋىل - قىستاقتى گۇلدەندىرۋ جاعدايىنا ايرىقشا كوڭىل اۋدارىپ، قىستاقتىڭ شانگۋ بازارىن، ەمحاناسىن ارالاپ، ەرەكشە اۋىل شارۋاشىلىق ونىمدەرى بازارىنىڭ ساتىلۋ جولى، ماركا جاراتۋ، سونداي - اق قىستاق تۇرعىندارىنىڭ ەمدەلۋ - دەنساۋلىق ساقتاۋ شارت - جاعدايى، ۇدايىلانعان ىندەتتەن ساقتانۋ - تىزگىندەۋدى جاقسى ىستەۋ سياقتى جاعدايلاردى ۇعىستى. ول بىلاي دەپ اتاپ كورسەتتى: كاسىپ سالاسىن كوركەيتۋ اۋىل - قىستاقتى كوركەيتۋدەگى ماڭىزدىنىڭ - ماڭىزدىسى، دالمە - ءدال كۇش سالۋعا تاباندى بولىپ، ەرەكشە بايلىق قاينارىن تياناق ەتىپ، بازار قاجەتىنە نازار اۋدارىپ، باسىم كاسىپ سالاسىن دامىتىپ، 1 -، 2 -، 3 - كاسىپ سالاسىنىڭ توعىسپالى دامۋىن جەبەپ، اۋىل - قىستاققا، شارۋالارعا اناعۇرلىم ويداعىداي تيىمدىلىك جاساۋ كەرەك. اۋىل - قىستاقتىڭ نەگىزدىك قۇرىلعىلارى جانە الەۋمەتتىك قىزمەت وتەۋ جۇيەسى قۇرىلىسىن كۇشەيتىپ، الەۋمەتتىك دەنساۋلىق ساقتاۋعا قىزمەت وتەۋدەگى ولقىلىقتاردى جەدەل تولىقتىرىپ، نەگىزگى ساتىنىڭ الەۋمەتتىك دەنساۋلىق ساقتاۋ قۇرىلعىلارىن كەمەلدەندىرىپ، اۋىل - قىستاقتىڭ رۋحاني وركەنيەت قۇرىلىسىن كۇشەيتىپ، سالاماتتىق بىلىمدەرىن جالپىلاستىرۋدى ورىستەتىپ، وركەنيەتتى، سالاماتتى، جاسىل، ورتانى قورعايتىن تۇرمىس ءتاسىلىن دارىپتەۋ كەرەك.
شي جينپيڭ قىستاق تۇرعىنى حو جيننىڭ وتباسىنا امانداسا باردى. ۇلكەن - كىشى ءبىر ءۇيلى جان وسى جىلداردان بەرى تۇرمىستارىنىڭ الاڭسىز بولعاندىعىن، ءۇيلى - باراندى بولعاندىقتارىن، بۇگىنگى تاماشا تۇرمىستارىنا ايرىقشا سۇيىنەتىندىكتەرىن ايتتى. شي جينپيڭ مىنانى باسا دارىپتەدى: ۇلتتى گۇلدەندىرۋ ءۇشىن، اۋىل - قىستاق، ءسوز جوق، گۇلدەنۋى كەرەك. كەلەشەكتە ەلىمىزدىڭ قالا - قالاشىقتاندىرۋى وتە جوعارى دەڭگەيگە جەتكەن كۇندە دە، نەشە ءجۇز ميلليون ادام قىستاقتا جۇمىستانىپ، تىرشىلىك كەشىرەدى. ءبىز سوتسياليستىك وسىزاماندانعان مەملەكەتتى جاپپاي قۇرۋدا، دۋماندى قالا قۇرىپ قانا قويماي، گۇلدەنگەن اۋىل - قىستاقتى دا قۇرىپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءبىرىن - ءبىرى تولىقتايتىن، سايكەستى داميتىن، بىرگە گۇلدەنەتىن جاڭاشا ونەركاسىپ - اۋىل شارۋاشىلىعى، قالا، اۋىل قاتىناسىن قالىپتاستىرۋدى جەبەۋىمىز كەرەك. بۇل تەك جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ارقاسىندا عانا جۇزەگە اسادى. ءبىز اۋىل - قىستاقتى گۇلدەندىرۋ قۇرىلىسى ارەكەتىن اتقارۋ ارقىلى اۋىل - قىستاقتىڭ قونىس ورتاسىن رەتتەۋ - وڭاۋدى ىشكەرىلەي ورىستەتىپ، جەرگىلىكتى جاعدايعا قاراي ءىس ىستەپ، شىندىقتى ءىس جۇزىنەن ىزدەپ، جۇمىستى ءبىر - بىرلەپ ىستەپ، جىلدان - جىلعا جالعاستىرىپ ىستەپ، سوتسياليستىك جاڭاشا اۋىل - قىستاقتى اناعۇرلىم كوركەم، قونىستانۋعا جايلى ەتىپ قۇرىپ شىعۋىمىز كەرەك.
قىستاقتان اتتاناردا، قىستاق تۇرعىندارى ىستىق ىقىلاسپەن:”باس شۋجي سالەمەتسىز!“ دەپ الاقايلادى. شي جينپيڭ اۋىلداستاردىڭ تۇرمىستارىنىڭ بارعان سايىن شالقىپ، باقىتتى بولا بەرۋىنە تىلەۋلەستىك ءبىلدىردى.
كەشكە قاراي شي جينپيڭ چىڭدى قالاسى جوعارى، جاڭا تەحنيكا رايونىنىڭ بيڭحى الەۋمەتتىك اۋماعىنداعى قارتتاردى ۇيدە كۇتىمدەۋگە قىزمەت وتەۋ ورتالىعىنا كەلدى. تاياۋ جىلداردان بەرى وسى الەۋمەتتىك اۋماق ۇكىمەت قىزمەت وتەۋدى ساتىپ الۋ، كاسىپورىن شارۋاشىلىق جۇرگىزۋ، قوعام ات سالىسۋ سىندى ادىستەرمەن الەۋمەتتىك اۋماقتى قارتتاردى ۇيدە كۇتىمدەۋگە قىزمەت وتەۋمەن قامداپ، قارتتاردىڭ سالاماتتىعى، ەمدەلۋى، تۇرمىسىنان حابار الۋ سىندى ماسەلەلەردى شەشۋ جولىن قاراستىردى. شي جينپيڭ ينفورماتسيالانعان تەكشە، قارتتارعا ۇيلەستىرە وزگەرتۋ سىندى نىسانداردى كورىپ، قىزمەت وتەۋ كولەمى، قۇتقارۋ - كومەكتەسۋ ءتاسىلى سياقتى ىستەردى ەگجەي - تەگجەيلى ۇعىستى. شي جينپيڭ بىلاي دەپ اتاپ كورسەتتى: قارتتاردىڭ كوپ جاقتى قاجەتىن قاناعاتتاندىرىپ، قارتتاردىڭ ءومىرىنىڭ سوڭعى كەزدەرىن باقىتتى، تاماشا وتكىزۋىنە مۇمكىندىك جاساۋ ءار دارەجەلى پارتكوم مەن ۇكىمەتتىڭ ماڭىزدى جاۋاپكەرشىلىگى. زەينەتكەرلىك ىستەرى مەن زەينەتكەرلىك كاسىپ سالاسىنىڭ سايكەستى دامۋىن ىلگەرىلەتىپ، جالپىعا ءتيىمدى زەينەتكەرلىك قىزمەت وتەۋىن دامىتىپ، الەۋمەتتىك اۋماقتاعى قارتتاردى ۇيدە كۇتىمدەۋگە قىزمەت وتەۋ جەلىسىن كەمەلدەندىرىپ، ۇيدەگى الەۋمەتتىك قۇرىلىمدار ءوزارا سايكەسكەن، مەديتسينالىق كۇتىمدەۋ مەن سالاماتتىق كۇتىمدەۋ ءوزارا ۇشتاسقان زەينەتكەرلىك قىزمەت وتەۋ جۇيەسىن قالىپتاستىرۋ كەرەك. قارتتىق رولىن ساۋلەلەندىرۋ مەن قارتايعاندا كۇتىمدەلە الۋدى ۇشتاستىرىپ، ساياسات - شارالاردى زەرتتەپ، كەمەلدەندىرىپ، قارتتاردى ۇزدىكسىز بەلسەندىلىك كورسەتۋگە شابىتتاندىرىپ، جاسى ەگدەلەمەگەن قارتتاردىڭ رولىن تولىق ساۋلەلەندىرىپ، ەرىكتىلەردىڭ الەۋمەتتىك اۋماقتى جونگە سالۋ بارىسىندا اناعۇرلىم كوپ ىسكەرلىك كورسەتۋىن ىلگەرىلەتۋ كەرەك. الەۋمەتتىك اۋماقتىڭ بىرلەسىپ ساقتانىپ، بىرلەسىپ تىزگىندەيتىن، بۇقارالىق ساقتانىپ، بۇقارالىق تىزگىندەيتىن ءبىرىنشى قورعانىس شەبى رولىن ساۋلەلەندىرىپ، ىندەتتەن ساقتانۋ - تىزگىندەۋ سىندى ارقاۋدى باستان - اياق مىقتاپ شيراتىپ، ”سىرتتا كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ قىزمەتتەرىن جاپپاي ويداعىداي ىستەپ، بەيعامدىققا سالىنۋ يدەياسىن، شايقاستان قاجۋ كوڭىل كۇيىن، باق سىناۋ ويىن، بوساڭسۋ پيعىلىن باتىل جويىپ، ىندەتتەن ساقتانۋ - تىزگىندەۋدى تيتتەي دە بوساڭسىماي مىقتى يگەرۋ كەرەك.
الەۋمەتتىك اۋماقتىڭ الاڭىندا، شي جينپيڭ الەۋمەتتىك اۋماقتاعى بۇقارامەن ىقىلاسپەن اڭگىمەلەستى، ول بىلاي دەپ اتاپ كورسەتتى: پارتيانىڭ باسشىلىعىندا، ەلىمىزدەگى 56 ۇلت، ءبىر ميلليارد 400 ميلليوننان استام ادام تاتۋ - ءتاتتى بىرگە ءومىر كەشۋدە. جۇڭگو كوممۋنيستەرى جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ اۋەلگى ماقسات - بورىشىن ەستە بەرىك ساقتاپ، ءبىر ميلليارد 400 ميلليوننان استام جۇڭگولىق جۇدىرىقتاي جۇمىلىپ، جاڭا داۋىردەگى جۇڭگوشا سوتسياليزم جولىندا قاجىماي - تالماي جۇرگەندە عانا، ءبىز جۇڭحۋا ۇلتىنىڭ ۇلى گۇلدەنۋىن، ءسوز جوق، جۇزەگە اسىرا الامىز. الاڭدا شاپالاق ءۇنى ۇزاققا دەيىن تولاستامادى.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنىڭ جاۋاپتى جولداستارى تەكسەرۋدە بىرگە بولدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
