ورتالىق ۇگىت ءبولىمى «جۇڭگو كوممۋنيستىك پارتياسىنىڭ تاريحي بورىشى مەن ارەكەت قۇنى» دەگەن ماتەريالدى جاريالادى ءارى اقپار جاريالاۋ ءماجىلىسىن اشتى
دۇنيە جۇزىنە جۇڭگو كوممۋنيستىك پارتياسىن اناعۇرلىم جاقسى ۇعىندىرايىق
2021.08.27 16:15 كەلۋ قاينارى : حالىق تورابى
ج ك پ ورتالىق كوميتەتىنىڭ ۇگىت ءبولىمى 8 - ايدىڭ 26 - كۇنى «جۇڭگو كوممۋنيستىك پارتياسىنىڭ تاريحي بورىشى مەن ارەكەت قۇنى» دەگەن ماتەريالدى جاريالادى ءارى اقپار جاريالاۋ ءماجىلىسىن اشتى. ورتالىق ۇگىت ءبولىمى باستىعىنىڭ كۇندەلىكتى قىزمەتكە جاۋاپتى ورىنباسارى ۋاڭ شياۋحۇي، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ۇگىت ءبولىمىنىڭ باستىعى ۋاڭ جيانشين، ورتالىق ۇيىمداستىرۋ ءبولىمىنىڭ ءبولىم ىستەرى مۇشەسى چي جيابين، ورتالىق بىرلىكساپ ءبولىمى باستىعىنىڭ ورىنباسارى شۇي يوۋشىڭ، ورتالىق قازىنا كەڭسەسى مەڭگەرۋشىسىنىڭ كۇندەلىكتى قىزمەتكە جاۋاپتى ورىنباسارى حان ۋىنشيۋ، ورتالىق سىرتقى ىستەر كەڭسەسى مەڭگەرۋشىسىنىڭ ورىنباسارى ليۋ جيانچاۋ، ورتالىق پارتيا تاريحى جانە قۇجات زەرتتەۋ ورنى باستىعىنىڭ ورىنباسارى چاي فاڭگو اقپار جاريالاۋ ماجىلىسىنە قاتىناسىپ، ماتەريال مازمۇنىن تانىستىردى، ءتۇسىندىردى ءارى تىلشىلەردىڭ سۇراۋىنا جاۋاپ بەردى. ورتالىق ۇگىت ءبولىمى باستىعىنىڭ ورىنباسارى، مەملەكەتتىك كەڭەس اقپارات كەڭسەسىنىڭ مەڭگەرۋشىسى شۇي لين اقپار جاريالاۋ ءماجىلىسىن باسقاردى.
ۋاڭ شياۋحۇي ماتەريالدى جاريالاعان كەزدە بىلاي دەپ تانىستىردى: ماتەريالدا باس شۋجي شي جينپيڭنىڭ «1 – شىلدەدەگى» ماڭىزدى ءسوزىنىڭ رۋحى جەتەكشى ەتىلىپ، جۇڭگو كوممۋنيستىك پارتياسىنىڭ 100 جىلدىق كۇرەس بارىسى جان - جاقتى تانىستىرىلىپ، پارتيانىڭ ەل باسقارۋ يدەياسى، امالياتى جانە تابىستارى ىشكەرىلەي پايىمدالدى.
جۇڭگو كوممۋنيستىك پارتياسىنىڭ قۇدىرەتتى باسشىلىق قۋاتى مەن بيلىك جۇرگىزۋ قۋاتى بار
ماتەريالدا پارتيانىڭ قۇدىرەتتى باسشىلىق قۋاتى مەن بيلىك جۇرگىزۋ قۋاتىنىڭ قاينارىنا تەرەڭ تالداۋ جاسالىپ، جۇڭگو كوممۋنيستىك پارتياسىنىڭ جۇڭگو سياقتى ءىرى ەلدە ميلليارد حالىقتى ىنتىماقتاستىرىپ، ۇيىستىرىپ، قيىنشىلىق پەن داعدارىستى ارت - ارتىنان جەڭىپ، جەڭىستەن جەڭىسكە جەتۋىنىڭ تەتىگى پارتيانىڭ قۇدىرەتتى باسشىلىق قۋاتى مەن بيلىك جۇرگىزۋ قۋاتىنا يە بولۋىندا ەكەنى ءتۇسىندىرىلدى.
«جۇڭگو كوممۋنيستىك پارتياسى اتقارعان باسشىلىق ءتۇزىلىسى مەن قىزمەت مەحانيزمى جۇڭگونىڭ مەملەكەت جاعدايىنا، جۇڭگونىڭ تاريحي مادەنيەت داستۇرىنە ۇيلەسەدى، حالىقتىڭ قولداۋىنا يە بولىپ، اماليات بارىسىندا جوعارى ونىمدىلىك پەن شەكسىز ابزالدىقتى ايگىلەدى». ۋاڭ شياۋحۇي مىنانى ءبىلدىردى: پارتيانىڭ جاپپاي باسشىلىق ەتۋ ءتۇزىمىن اقاۋسىزداندىرۋ، مەملەكەتتى جونگە سالۋ جۇيەسىن كەمەلدەندىرۋ ارقىلى پارتيانىڭ بيلىكتى عىلمي، دەموكراتيالى، زاڭ بويىنشا جۇرگىزۋ دەڭگەيى جوعارىلاتىلىپ، تۇزىمدەندىرۋ، جۇيەلىلەندىرۋ تاسىلىمەن پارتيانىڭ باسشىلىعى مەملەكەتتى جونگە سالۋدىڭ ءارقايسى جاعىندا، ءارقايسى سالاسىندا جانە ءارقايسى بۋىنىندا تياناقتاندىرىلدى.
شۇي يۋوشىڭ اقپار جاريالاۋ ماجىلىسىندە مىنانى ءبىلدىردى: جۇڭگو كوممۋنيستىك پارتياسى باسشىلىق ەتكەن بىرلىكساپتىڭ ماقساتى − ەڭ ۇلكەن ورتاق بولگىشتى قاراستىرىپ، ەڭ ۇلكەن سەنترلەس شەڭبەردى سىزىپ، ەل ءىشى - سىرتىنداعى بارلىق جۇڭحۋا ۇلاندارىنىڭ ۇلى ىنتىماعىن، ۇلى بىرلەسۋىن كۇشەيتىپ، ءبىر نيەت، ءبىر تىلەكتە بولىپ، ءبىر جاعادان باس، ءبىر جەڭنەن قول شىعاراتىن جاندى جاعداي قالىپتاستىرىپ، مەملەكەتتىڭ قۇدىرەتتەنۋىن، ۇلتتىڭ گۇلدەنۋىن جانە حالىقتىڭ باقىتىن جۇزەگە اسىرۋعا بىرگە كۇش سالۋ.
جۇڭگو كوممۋنيستىك پارتياسى باستان - اياق تۇلعاسىنىڭ اقاۋسىزدىعى مەن ومىرشەڭدىك كۇشىن ساقتادى
ماتەريالدا ۇنامدى - ۇنامسىز جاقتارداعى تاجىريبەلەر ىشكەرىلەي قورىتىندىلانىپ، بىلاي دەپ اتاپ كورسەتىلدى: پارتيانىڭ ءجۇز جىلدى باستان كەشىرىپ، ۇزاق ۋاقىت گۇلدەنۋىنىڭ، قۇلدىراماۋىنىڭ سەبەبى پارتيامىزدىڭ حالىققا ۇزدىكسىز باسشىلىق ەتىپ ۇلى قوعامدىق توڭكەرىس جۇرگىزە الۋىندا، سونداي - اق وزىندىك ۇلى توڭكەرىس جۇرگىزىپ، ومىرشەڭدىك قۋاتىن باستان - اياق ساقتاي الۋىندا.
«وزىنە توڭكەرىس جاساۋعا باتىل بولىپ، ءوزىن - ءوزى كىرشىكسىزدەندىرۋدى، ءوزىن - ءوزى كەمەلدەندىرۋدى، ءوزىن - ءوزى جاڭالاۋدى، ءوزىن - ءوزى جوعارىلاتۋدى جۇزەگە اسىرۋ − جۇڭگو كوممۋنيستىك پارتياسىنىڭ ۇزاق ۋاقىتتان بەرى قالىپتاستىرعان تاڭداۋلى ءداستۇرى، سونداي - اق جۇڭگو كوممۋنيستىك پارتياسىنىڭ كورنەكتى بەلگىسى». چاي فاڭگو بىلاي دەدى: جۇڭگو كوممۋنيستىك پارتياسى اۋرۋدى ەشقاشان جاسىرمايدى، اعاتتىقتار مەن ساتسىزدىكتەردەن استە تايساقتامايدى، ونى بۇركەمەلەيدى، قايتا ماسەلەگە بەتپە - بەت كەلىپ، سەبەبىنە تالداۋ جاساپ، ونان ۇزدىكسىز العا ىلگەرىلەيتىن اقىل - پاراسات پەن كۇش - قۋات قابىلدايدى.
جۇڭگو كوممۋنيستىك پارتياسى پارتيانىڭ العاباسارلىعىنا ىقپال جاسايتىن، پارتيانىڭ كىرشىكسىزدىگىن السىرەتەتىن ءتۇرلى قۇبىلىستارمەن باتىل كۇرەسىپ، ۋلى وسپەنى باتىل الاستاپ، تۇلعاسىنىڭ اقاۋسىزدىعىن ساقتايدى.
ۋاڭ جيانشين مىنانى ءبىلدىردى: پارتيامىزدىڭ پارتيانى جاپپاي قاتاڭ جونگە سالۋى، ستيلدى دۇرىستاپ، ءتارتىپتى قاتايتىپ، جەمقورلىققا قارسى تۇرۋى استە بوس ءسوز ەمەس، باستان - اياق بۇلجىماي، باستان - اياق دايەكتى بولادى، بۇل پارتيامىزدىڭ وبرازىن قايتا سومدادى، پارتيانىڭ بەت - بەينەسى شىت جاڭا تۇسكە ەندى، پارتيانىڭ ىنتىماعى مەن بىرلىگى اناعۇرلىم بەكەمدەلدى، پارتيامىز توڭكەرىستىك شىڭدالۋ بارىسىندا اناعۇرلىم بەكەمدەلىپ، پارتيا مەن مەملەكەت ىستەرىنىڭ دامۋىنا قۇدىرەتتى ساياسي جەتەكشىلىك جانە پارمەندى ساياسي كەپىل ازىرلەدى.
پارتيا مۇشەلەرى قوسىنىن تاربيەلەۋ، باسقارۋ جاعىندا جۇڭگو كوممۋنيستىك پارتياسى كۇندەلىكتى تاربيەنى، باسقارۋدى كۇشەيتۋمەن بىرگە، ءبىر مەزگىل ءدوپ كەلگەن جاعداي مەن مىندەتتەردى ارقاۋ ەتىپ، پارتيا مۇشەلەرى قوسىنىندا ورىن تەپكەن كورنەكتى ماسەلەلەرگە باعىتتاي وتىرىپ، پارتيا ىشىندە شوعىرلى تاربيە جۇرگىزدى. چي جيابين بىلاي دەدى: «پارتيانىڭ 18 - قۇرىلتايىنان بەرى ءبىز 5 رەت شوعىرلى ۇيرەنۋ - تاربيە جۇرگىزدىك. پارتيا ىشىندەگى ساياسي تۇرمىستى قاتايتۋ پارتيا مۇشەلەرى قوسىنىنىڭ يدەياسىنداعى كەيبىر دۇرىس بولماعان يدەيالىق تانىمدى الاستاۋدا ماڭىزدى رول اتقاردى ءارى پارتيا مۇشەلەرى قوسىنىنىڭ ساپالى دامۋىنا كەپىلدىك ەتتى».
جۇڭگو كوممۋنيستىك پارتياسى حالىقتىڭ بىرگە اۋقاتتانۋىن جەبەپ، دۇنيە ءجۇزىنىڭ بەيبىت دامۋىنا ۇمتىلىس جاسادى
ماتەريالدا قىرۋار تاريحي فاكتىلەر مەن ەگجەي - تەگجەيلى ساندى مالىمەتتەر ارقىلى پارتيامىزدىڭ دۇنيەگە كەلگەن كۇننەن باستاپ جۇڭگو حالقىنىڭ باقىتىن كوزدەۋدى، جۇڭحۋا ۇلتىنىڭ گۇلدەنۋىن كوزدەۋدى ءوزىنىڭ اۋەلگى ماقساتى مەن بورىشى ەتكەنى تانىستىرىلدى.
جۇڭگو كوممۋنيستىك پارتياسىنىڭ توڭكەرىس جاساۋى، قۇرىلىس جۇرگىزۋى، دامۋدى كوزدەۋى حالىقتى باقىتتى تۇرمىسقا كەنەلتۋ ءۇشىن ەدى. بۇگىنگى جۇڭگودا حالىق نەشە مىڭ جىلدان بەرى ارمانداعان تاماشا تۇرمىسقا كەنەلىپ، بىرگە اۋقاتتانۋ نىساناسىنا قاراي ۇزدىكسىز قادام تاستادى.
نەگە سۇيەنۋ ارقىلى بىرگە اۋقاتتانۋدى جۇزەگە اسىرۋعا بولادى؟ اقپار جاريالاۋ ماجىلىسىندە حان ۋىنشيۋ بىلاي دەدى: بىرگە اۋقاتتانۋ ءۇشىن بىرگە كۇرەس جۇرگىزۋ كەرەك، بۇل − ءتۇبىرلى جول. بىرگە اۋقاتتانۋدى جۇزەگە اسىرۋ − اۋقىمدىق دامۋ بارىسى، ول وپ - وڭاي ورىندالا سالمايدى، قاتار ىلگەرىلەۋ دە مۇمكىن ەمەس. قاجىرلىلىقپەن ەڭبەكتەنىپ اۋقاتتانۋعا دەم بەرۋمەن، جاڭالىق اشا اۋقاتتانۋمەن بىرگە، دامۋ بارىسىندا حالىق تۇرمىسىن قامتاماسىز ەتۋدە جانە جاقسارتۋدا تاباندى بولىپ، نەگىزگى الەۋمەتتىك قىزمەت وتەۋدىڭ بىركەلكىلىگىن تىڭعىلىقتى ىلگەرىلەتىپ، العاشقى ءبولىس، قايتالاي ءبولىس، 3 - رەت بولىسكە سالۋ سىندى سايكەستى نەگىزدىك تۇزىمدىك ورنالاستىرۋ جاساۋ كەرەك.
جۇڭگو كوممۋنيستىك پارتياسى − جۇڭگو حالقىنىڭ باقىتىن كوزدەيتىن پارتيا ءارى ادامزاتتىڭ العا باسۋ ىستەرى ءۇشىن كۇرەسەتىن پارتيا. ليۋ جيانچاۋ بىلاي دەپ اتاپ كورسەتتى: جۇڭگو ناعىز كوپ جاقتىلىقتى تاباندىلىقپەن امالياتتا ايگىلەپ، دۇنيە ءجۇزىنىڭ بەيبىتشىلىگىن قورعاۋ ءۇشىن جاۋاپكەرلىك ارقالاپ، دۇنيە ءجۇزىنىڭ دامۋىن جەبەۋ ءۇشىن بار كۇشىن سارقا جۇمساپ، حالىقارالىق ءتارتىپتى قورعاۋ ءۇشىن ءوزى ونەگە بولىپ، دۇنيە ءجۇزىنىڭ سىن - سايىسىنا توتەپ بەرۋ ءۇشىن ۇلەس قوسىپ، دۇنيە جۇزىندەگى ءار ەلمەن بىرگە قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.
(«حالىق گازەتىنىڭ» ءتىلشىسى ۋ چۋچي مەن شينحۋا اگەنتتىگىنىڭ تىلشىلەرىنىڭ جيناق حابارى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
