شينجياڭ ونەركاسىپ كاسىپورىندارى ەنەرگيا ۇنەمدەۋدى جاقسارتىپ، ”جاسىل قۇرامدى“ جوعارىلاتتى
2021.08.27 16:20 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 8 - ايدىڭ 25 - كۇنى ۇرىمجىدەن حابارلايدى. 8 - ايدىڭ 23 - كۇنى باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگىنىڭ وۋيە پەشىن مەڭگەرۋ بولمەسىندە ءتۇرلى سان - سيفرلار ەكراندا توقتاۋسىز جىلتىلداپ تۇردى.
سەرىكتەستىك پارتكومىنىڭ شۋجيى، القا باستىعى ۋ بين بىلاي دەپ تانىستىردى: تاياۋدا 1 - تامىز بولات - تەمىر شەكتى سەرىكتەستىگىنىڭ مول سۋتەگى - كومىرتەگى اينالىم دومنا پەشىندە كومىرتەكسىزدەندىرۋ ارقىلى ءبىر جاقتى ەتىلگەن 1 - تامىز بولات - تەمىر شەكتى سەرىكتەستىگىنىڭ وۋيە پەشى كومىر گازى ءساتتى تۇتاستى ءارى ％50تىك مول وتتەكتى مەتال قورىتۋ نىساناسىن جۇزەگە اسىردى. بۇل 6 - ايدا الەمدە تۇڭعىش رەت كومىرتەكسىزدەندىرىلگەن كومىر گازىنان اينالمالى پايدالانۋدى جۇزەگە اسىرعاننان كەيىنگى تاعى ءبىر رەتكى تىڭ سەرپىلىس بولىپ، 1 - تامىز بولات - تەمىر شەكتى سەرىكتەستىگىنىڭ دومنا پەشتە كومىر قىشقىل گازىن ازايتىپ شىعارۋ، كومىرتەگى اينالمالى تەحنيكاسىن قاراستىرۋ جاقتارىندا كەلەلى ىلگەرىلەۋشىلىككە قول جەتكىزگەندىگىن كورسەتەدى.
كاسىپورىن جونىنەن العاندا، ۇزدىكسىز تەحنولوگيانى جاڭالاپ، ەنەرگيا ۇنەمدەپ، لاستانۋدى ازايتىپ، ”تەحنيكا قۇرامىن“ جوعارىلاتۋ ارقىلى ”جاسىل قۇرامدى“ ارتتىرعاندا عانا، ورنىقتى قاداممەن باياندى دامي الادى.
تاياۋ جىلداردان بەرى شينجياڭ جاسىل باقشا رايونى قۇرىلىسىن بار كۇشپەن ىلگەرىلەتىپ، ءارقايسى ەنەرگيا جۇمسايتىن ءتۇيىندى كاسىپورىندار جاسىل جاساۋ دەڭگەيىن ۇزدىكسىز جوعارىلاتىپ، ەنەرگيا قۇرىلىمىن ساپالىلاندىرۋ، ەنەرگيانىڭ سارىپ بولۋىن ازايتۋ، ەنەرگيا ۇنەمدەۋ ماقساتىندا وزگەرتۋ جاقتارىندا جاڭا جول اشتى.
شينجياڭ جۇڭحى جارنا شەكتى سەرىكتەستىگىنىڭ ءۇرىمجى گانچۋانپۋ ەكونوميكالىق، تەحنيكالىق اشۋ رايونىنداعى سەحىندا ماشينالاردىڭ گۇرىلدەگەن داۋىسىمەن جۇپ - جۇقا پلاستينكا جابدىق ىشىنەن باياۋ شىعىپ جاتتى، بۇل پلاستينكالار تومەنگى بۋىنداعى ەنەرگيا ۇنەمدەيتىن ءۇي ەلەكتر جابدىقتارىن جاساۋ سالاسىندا كەڭىنەن قولدانىلادى.
”سەرىكتەستىك وندىرگەن اليۋمين ەلەكتروليز ەلەكتر جيعىشتارعا وڭ ەلەكتروتتى پلاستينكا ونىمدەرى ىستەتىلگەندە اۆتوموبيل جىلدامدىعىن جوعارىلاتىپ، ەنەرگيانىڭ سارىپ بولۋىن مەڭگەرۋ ءتاسىلىن قولدانىپ، ساپا مەن تەحنولوگيالىق پارامەتردى قاتاڭ مەڭگەرۋ نەگىزىندە بىرلىك ۋاقىت ىشىندە وڭدەلگەن ءونىمنىڭ سانى ءبىر ەسە ارتىپ، سول ارقىلى ％40تىك ەنەرگيا ۇنەمدەۋ نىساناسىن جۇزەگە اسىرۋعا بولادى“، - دەدى شينجياڭ جۇڭحى جارنا شەكتى سەرىكتەستىگىنىڭ حاۋىپسىزدىككە جانە قورشاعان ورتانى قورعاۋعا جاۋاپتى باس باقىلاۋشىسى لي جۇن. ول تەحنولوگيانىڭ جاڭالانۋىنا ىلەسىپ، پلاستينكالاردىڭ قاسيەتى ۇزدىكسىز ساپالىلانىپ، كوتەرىمدىلىك قۋاتى بارعان سايىن جوعارىلاپ، تومەنگى بۋىنداعى كاسىپورىنداردىڭ ەنەرگيا ۇنەمدەپ ءوندىرىس جۇرگىزۋىنە ءتيىمدى بولعاندىعىن ايتتى.
ۇعىسۋعا قاراعاندا، 2016 - جىلدان باستاپ شينجياڭ جۇڭحىنىڭ قورشاعان ورتانى قورعاۋ جاعىندا عىلىم - تەحنيكانى جاڭالاۋعا قوسقان قارجىسى جالپى 600 ميلليون يۋاننان اسىپ، ءبىر توپ دەربەس ءبىلىم مەنشىك ۇقىعىنا يە ەنەرگيا ۇندەمدەۋ، لاس زاتتاردىڭ شىعارىلۋىن ازايتۋ جاڭا تەحنيكاسىن، جاڭا تەحنولوگياسىن ءساتتى زەرتتەپ اشىپ، 300گە جۋىق پاتەنتكە يە بولعان. كاسىپ سالاسى قۇرىلىمىن رەتتەۋ، ءوندىرىس جەلىسىن جاڭالاۋ، دەربەس ءبىلىم مەنشىك ۇقىعىنان پايدالانىپ ءداستۇرلى تەحنولوگيانى وزگەرتۋ سياقتى شارالار ارقىلى بىرلىك ونىمدەردىڭ ەنەرگيا سارىپ ەتۋى جانە بىرلىك ءونىم قۇنىنىڭ ەنەرگيا سارىپ ەتۋى جىل سايىن تومەندەپ، ونىمدىلىگى ۇزدىكسىز جوعارىلادى.
مەملەكەت دارەجەلى جاسىل زاۆود رەتىندە، شينتى ەنەرگيا جارنا شەكتى سەرىكتەستىگى جىلىنا 200 ميلليون يۋان قارجى قوسىپ، كوپ كريستالدى كرەمني ءوندىرۋ جونىنەن تەحنيكالىق جاڭالادى، جابدىقتى ساپالىلاندىردى، تەحنولوگيانى رەتتەدى، قۇرىلعى بولمەسىنىڭ شاعىن اينالىمىن، كاسىپ سالاسىنىڭ ورتاشا اينالىمىن، باقشا رايونىنىڭ ۇلكەن اينالىمىن جۇرگىزۋ ارقىلى جاراقسىز گازدى، جاراقسىز سۋدى، قوقىر - قوقسىقتى ساتىلى اينالمالى تۇردە قۇنىن ارتتىرىپ پايدالانۋدى جۇزەگە اسىردى. سەرىكتەستىكتىڭ ورىنباسار باس ديرەكتورى ليۋ شيۋبيڭ بىلاي دەپ تانىستىردى: ”قۇرىلعى بولمەسىنىڭ شاعىن اينالىمى“ دەگەنىمىز قۇرىلعى تۋىندىسىنىڭ نەمەسە قوسىمشا تۋىندىسىنىڭ كەلەسى قۇرىلعىنىڭ ءونىمى نەمەسە شيكىزاتى بولاتىندىعىن كورسەتەدى؛ ”كاسىپ سالاسىنىڭ ورتاشا اينالىمى“ دەگەنىمىز كوپ كريستالدى كرەمنيدى نەگىز ەتىپ، تاعى باسقا تسيركوني، ورگانيكالىق كرەمنيدى قوسىمشا ەتىپ، بايلىقتى ءوزارا كەشەندى پايدالانۋ بولىپ تابىلادى؛ باقشا رايونى اراسىندا ءارقايسى كاسىپورىندار بايلىقتان بىرگە پايدالانىپ، ەنەرگيانى بارىنشا ۇنەمدەۋدى جۇزەگە اسىرىپ، لاس زاتتاردىڭ شىعارىلۋىن ازايتىپ، سول ارقىلى ”باقشا رايونىنىڭ ۇلكەن اينالىمىن“ جۇزەگە اسىرادى.
”ءوندىرىس كولەمىن ۇلعايتۋ، ەنەرگيا جۇمسالىمىن ارتتىرماۋ، قۇرىلىس كولەمىن كەڭەيتۋ، ەنەرگيا كولەمىن ارتتىرماۋ، قۋاتتى ارتتىرۋدا ەنەرگيا ۇنەمدەۋگە سۇيەنۋ“ شينجياڭداعى ونەركاسىپ كاسىپورىندارىنىڭ دامۋ بەتالىسى. ”14 - بەسجىلدىق“ كەزىندە رايونىمىز عىلىم - تەحنيكا قۇرامى جوعارى، بايلىقتى سارىپ ەتۋى تومەن، قورشاعان ورتانى بىلعاۋى از جاسىل جاساۋ جۇيە قۇرىلىسىن جەدەلدەتىپ، ونەركاسىپتىڭ جاسىل تۇسكە قاراي تيبىن جاڭالاپ، دارەجەسىن جوعارىلاتۋىن بەلسەنە جەبەپ، ونەركاسىپتىڭ جاسىل، تومەن كومىرتەكتىگە قاراي تيبىن جاڭالاۋى مەن ونەركاسىپتىڭ جاسىل دامۋدى جەدەلدەتۋى ءبىر - ءبىرىن جەبەيتىن، تەرەڭ توعىسقان وسى زامانعى كاسىپ سالاسى ارناسىن قالىپتاستىرادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
