لي جۇنحۋا:
اۋىلداستاردى تاماشا تۇرمىس كەشىرۋگە باستادى
□ انار بۇلت / شينجياڭ گازەتىنىڭ ءتىلشىسى ليۋ ي
2021.08.27 16:22 كەلۋ قاينارى : شينجياڭ گازەتى
2000 - جىلى قىزمەتكە قاتىناسقان سول ساتتەن باستاپ، لي جۇنحۋا اۋىلداستاردى تاماشا تۇرمىس كەشىرۋگە باستاۋ مۇراتىن جۇرەك تۇكپىرىنە ورناتتى. ۋاقىتتىڭ سىرعىپ وتۋىمەن، اينالاسىنداعى بارلىق نارسەلەر 20 نەشە جىلدا ۇزدىكسىز وزگەردى، جۇمىس ورنىنىڭ رەتتەلۋى، قىزمەت ورنىنىڭ وزگەرۋى، كورگەن - بىلگەنىنىڭ مولايۋى، ءبارى - ءبارى دە لي جۇنحۋانىڭ اۋەلگى ماقساتىن وزگەرتە المادى.
لي جۇنحۋا قاشقاردا تۋىلىپ، اۋىل شارۋاشىلىعى ماماندىعىنان وقۋ تاۋىسقان، بۇرىن جاڭاءشار اۋدانى حانارىق قالاشىعىندا 8 جىل قىزمەت ىستەپ، ىلگەرىندى - كەيىندى اۋىل شارۋاشىلىق تەحنيگى، اۋىل شارۋاشىلىعى تەحنيكا پۋنكتىنىڭ باستىعى، قالاشىق پارتكومىنىڭ ورىنباسار شۋجيى سياقتى مىندەتتەر وتەگەن، 2008 - جىلى شينجياڭ اۋىل شارۋاشىلىق عىلىم اكادەمياسى قۇمىل قاۋىنىن زەرتتەۋ ورتالىعىنا اۋىسىپ كەلىپ، قاربىز، بال قاۋىن ساپالى تۇقىمىن جەتىلدىرۋ قىزمەتىمەن شۇعىلداندى ءارى بىرتە - بىرتە اعا اگرونومعا اينالدى.
نەگىزگى ساتىدان ءوسىپ - جەتىلىپ شىققان لي جۇنحۋا باستان - اياق ءوزىنىڭ قىزمەت جاۋاپكەرشىلىگى مەن بورىشىن ۇمىتپادى. ”مەن شينجياڭدا دۇنيەگە كەلدىم، وسىناۋ مەكەندى ەرەكشە قىزۋ سۇيەمىن، وسىنداعى بۇقارا ءۇشىن ازدا بولسا ناقتى ءىس ىستەپ بەرۋ تالپىنىپ كەلە جاتقان مۇراتىم“، - دەدى لي جۇنحۋا.
2018 - جىلى قاشقاردان كەتكەنىنە 10 جىل تولعاندا، لي جۇنحۋا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسۋعا تىزىمدەلىپ، جاڭاءشار اۋدانى حانارىق قالاشىعى تاكان قىستاعىنا جىبەرىلىپ، ءبىرىنشى شۋجي مىندەتىن اتقاردى، ول وسى سەبەپتى دە بۇرىن ءوزى قىزمەت ىستەگەن جەرگە قايتىپ بارىپ، اۋىلداستارىن كەدەيلىكتەن ارىلىپ، جاڭاشا تۇرمىس باستاۋعا جەتەكتەدى.
”كەدەيلىكتەن ارىلتۋدان قامال الۋ شايقاسىندا جەڭىسكە قول جەتكىزۋدىڭ شابۋىل دابىلى قاعىلعاننان باستاپ، پارتيانىڭ حالىققا تيىمدىلىك جەتكىزۋ ساياساتى اۋىل - قىستاقتارعا شوعىرلى جەتكىزىلىپ، اۋىل - قىستاقتاردىڭ دامۋ ورتاسى كورنەكتى جاقسارىپ، مەنى قاتتى جىگەرلەندىردى“. لي جۇنحۋا بىلاي دەدى: قايتا قايتىپ نەگىزگى ساتىدا قىزمەت ىستەدىم، تانىس جەر، تانىس بۇقارا، ال بورىش بۇرىنعىعا مۇلدە ۇقسامادى، بۇكىل قىستاقتاعى ءار ۇلت بۇقاراسىن كەدەيلىكتەن ارىلىپ، كىرىستى ارتتىرۋعا باستاۋىم كەرەك، جاۋاپكەرشىلىگىم اۋىر، مىندەتتىم ماشاقاتتى بولدى.
ول كەزدەگى تاكان قىستاعى تيپتىك كەدەي قىستاق بولاتىن، ادام باسىنا تۋرا كەلەتىن ەگىستىك جەر اۋدانى نەبارى 2.36 مۋ عانا، كاسىپ سالاسىنا قولداۋ جەتكىلىكسىز بولعاندىقتان، كەدەيلىكتەن ءساتتى ارىلۋ ءۇشىن، ىسكەرلىك پەن باتىلدىق قاجەت ەدى.
مىندەتكە وتىرعان ءبىرىنشى كۇننەن باستاپ، لي جۇنحۋا ەگجەي - تەگجەيلى احۋال ۇعىسۋ جانە تەكسەرىپ - زەرتتەۋدى باستادى، بۇكىل قىستاقتاعى كەدەي وتباسىلاردىڭ قازىرگى احۋالىن، سونداي - اق كەدەيلەسۋ سەبەبىن ۇعىسقاننان كەيىن، بۇكىل قىستاقتاعى پارتيالى كادرلارمەن كەڭەسىپ، تالداۋ جۇرگىزەدى، ءوزىنىڭ كاسىپتىك جاقتاعى باسىمدىعىن تولىق ساۋلەلەندىرىپ، قۇرىلعى اۋىل شارۋاشىلىعىن بۇكىل قىستاقتىڭ كەدەيلىكتەن ارىلتۋدان قامال الۋداعى سەرپىلىس ءتۇيىنى ەتۋدى ۇيعاردى.
”وڭتۇستىك شينجياڭنىڭ جارىق - جىلۋ بايلىعىنان تولىق پايدالانىپ قۇرىلعىلى اۋىل شارۋاشىلىعىن دامىتۋ ارقىلى قاۋىن - قاربىز، جەمىس - جيدەك، كوكونىستەردى قاۋىرت مەزگىلگە سوقپاي بازارعا شىعارۋدى جۇزەگە اسىرىپ، اۋىل شارۋاشىلىعىنىڭ جالپىلىق ءوندىرىس ونىمدىلىگىن جوعارىلاتۋعا بولادى“. لي جۇنحۋا بىلاي دەدى: كەدەيلەردى سۇيەمەلدەۋ نىسانىنىڭ قولداپ - قۋاتتاۋىندا، قۇرىلعىلى اۋىل شارۋاشىلىعىنىڭ نەگىزدىك قۇرىلعىلار قۇرىلىسى قامتاماسىز ەتىلدى، ءبىراق تەحنيكا تاپشى، تاجىريبە جوق بولعاندىقتان، ەگىنشىلەر سىناپ كورۋگە پەيىلسىز بولىپ، جالپىلاستىرۋ كەدەرگىگە ۇشىرادى.
ەگىنشىلەردى كۇدىكتەن ارىلتۋ ءۇشىن، لي جۇنحۋا قىستاق تۇرعىندارىن ءبىر - بىرلەپ باستاپ قۇرىلعىلى اۋىل شارۋاشىلىعى جولىن قاراستىردى. ول ءدارى بۇرىككىشتى ارقالاپ، قايلا كوتەرىپ، قىستاق تۇرعىندارىن ءوزى باستاپ ەگىنجايدى باپتادى، شونەك سالۋ، سۋلياۋ جارعاق جابۋ، تىڭايتقىش بەرۋ، سۋارۋ، دەرت - دەربەز، زياندى جاندىكتەردەن ساقتانۋ سىندى بارلىق بۋىندا ول جالىقپاستان قىستاق تۇرعىندارىنا ۇلگى كورسەتىپ، قىستاق تۇرعىندارى ۇيرەنىپ العانعا دەيىن قايتا - قايتا ءتۇسىندىردى.
ول ءبىر ەستەن كەتكىسىز كەز ەدى، لي جۇنحۋا ءار كۇنى ءتۇن جارىمىندا مايسا جەتىلدىرۋ جىلىجايىنا بارىپ تەمپەراتۋرانى جوعارىلاتادى، تاڭەرتەڭ ەرتە ىستەيتىن ءبىرىنشى جۇمىسى قىستاق تۇرعىندارىنىڭ جىلىجايىنا بارىپ، قاۋىن - قاربىزدىڭ، كوكونىستەردىڭ ءوسۋ جاعدايىن تەكسەرۋ بولىپ، ءالىنىڭ جەتىسىنشە قۇلشىنىپ قۇرىلعىلى اۋىل شارۋاشىلىعى ءوندىرىس تەحنيكاسىن جالپىلاستىرادى.
تالاپتى ەرگە نۇر جاۋار دەگەندەي، قىستاقتىڭ قۇرىلعىلى اۋىل شارۋاشىلىعى لي جۇنحۋا مەن قىستاق تۇرعىندارىنىڭ بىرگە قۇلشىنۋىندا تەز ارادا ءونىم بەردى، ءاربىر جىلىجايدىڭ جىلدىق پايداسى 4000 يۋاننان اسىپ، قىستاق تۇرعىندارىن كۇدىك - كۇماننان بۇكىلدەي ارىلتىپ، قۇرىلعىلى اۋىل شارۋاشىلىعى بۇكىل قىستاقتا جىلدام كەڭىنەن جالپىلاستى.
لي جۇنحۋا تاكان قىستاعىندا ءبىرىنشى شۋجي بولىپ تۇرعان 3 جىل ۋاقىت ىشىندە، بۇكىل قىستاقتىڭ قۇرىلعىلى اۋىل شارۋاشىلىعى جەدەل دامىپ، جىلىجاي سانى 10نان كوبەيىپ 166عا جەتتى، قىستاق تۇرعىندارى قۇرىلعىلى اۋىل شارۋاشىلىعىن دامىتۋدىڭ پايداسىنان يگىلىكتەنىپ، تاكان قىستاعى دا ءساتتى تۇردە كەدەيلىكتەن ارىلىپ كەدەيلىك قالپاعىن الىپ تاستادى.
بيىل لي جۇنحۋا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن اياقتاتىپ، بۇرىنعى قىزمەت ورنىنا قايتىپ كەلسە دە، نەگىزگى ساتىمەن تىعىز قارىم - قاتىناسىن بۇرىنعىداي ساقتاپ كەلەدى. ول ۇنەمى نەگىزگى ساتىعا ىشكەرىلەي بارىپ تۇقىم سورتىن تاڭداپ جەتىلدىرۋ قىزمەتىن ورىستەتىپ، قىستاق تۇرعىندارىنىڭ قۇرىلعىلى اۋىل شارۋاشىلىعىن دامىتۋ بارىسىندا جولىققان تەحنيكالىق قيىنشىلىقتاردى شەشۋىنە كومەكتەسىپ، عىلىم - تەحنيكانى نەگىزگى ساتىدا قالدىرىپ، عىلمي ماقالاسىن بايتاق دالادا جازدى.
”كەدەيلىكتەن ارىلىپ، كەدەيلىك قالپاعىن الىپ تاستاۋ جەتكەن جەرىمىز ەمەس، قايتا جاڭا تۇرمىستىڭ، جاڭا كۇرەستىڭ باستالۋ ءتۇيىنى“، − دەدى لي جۇنحۋا. تۇقىم شارۋاشىلىعى وسى زامانعى اۋىل شارۋاشىلىعىنىڭ ”چيپى“، ەگىنشىلەردىڭ كىرىستەرىن ۇزدىكسىز، ورنىقتى ارتتىرۋدى جۇزەگە اسىرۋىنداعى ماڭىزدى نەگىز. اۋىل شارۋاشىلىق عىلىم - تەحنيكا قىزمەتكەرى رەتىندە، ول كاسىپتىك باسىمدىعىن ۇزدىكسىز ساۋلەلەندىرىپ، ۇجىم مۇشەلەرىمەن بىرگە قۇلشىنىپ، قاربىز، بال قاۋىن سورتىن تاڭداپ جەتىلدىرۋ قىزمەتىن ويداعىداي قۇلشىنا ىستەپ، شينجياڭدا ەگۋگە ۇيلەسەتىن تاڭداۋلى قاربىز، بال قاۋىن سورتىن جەتىلدىرىپ، ەگىنشىلەردىڭ كىرىستى ۇزدىكسىز، ورنىقتى ارتتىرۋىنا كومەكتەسىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى تۇردە ۇشتاستىرۋعا ءوز ۇلەسىن قوسادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
