يوۋ لياڭيىڭ:
ءبىر نيەتپەن تىزە قوسىپ، بايۋعا بىرگە تالپىندى
انار بۇلت / شينجياڭ گازەتىنىڭ ءتىلشىسى ميھىرگۇل عۇپۇر
2021.08.27 16:26 كەلۋ قاينارى : شينجياڭ گازەتى
8 - ايداعى ارال قالاسى، جاسىل جەلەك جامىلىپ، الۋان جەمىستىڭ ءيىسى اڭقيدى. ينتەرنەتتە تىكە تاراتۋ ارقىلى شينجياڭنىڭ ەرەكشە اۋىل شارۋاشىلىق ونىمدەرىن تانىستىردى، ساۋدا سارايلارى مەن ەرەن بازارلاردا ساتۋدى ۇشتاستىردى... بىرنەشە كۇننەن بەرى مەملەكەتتىك حالىق قۇرىلتايىنىڭ ۋاكىلى، شينجياڭ ءوندىرىس - قۇرىلىس بيڭتۋانى 1 - شى 13 - تۋان 11 - ليانىنىڭ قىزمەتشىسى يوۋ لياڭيىڭ قاتتى قاربالاس بولدى.
”بيىل ءبىز ’شۋبيانچيڭ ەگىس الاڭى‘ ۋيچات الەۋمەتتىك ءنومىرىن اشىپ، ’تىڭ يگەرگەن شولدەگى ءبىر ءتۇپ اعاش‘ نەگىزگى تاقىرىبىنداعى شىلان اعاشىن باپتاۋ قيمىلىن ۇيىمداستىرىپ، بۇكىل ەلدىڭ جەر - جەرىندەگى دوستارعا شىلان اعاشىمىزدى كەڭىنەن تانىستىردىق“، - دەدى يوۋ لياڭيىڭ كۇلە سويلەپ.
وڭتۇستىك شينجياڭدا 30 جىل كۇرەس جاساعان يوۋ لياڭيىڭ ارالعا تەرەڭ تامىر تارتتى. ول ءار ۇلت اعا - ءىنى، اپەكە - سىڭلىلەرمەن ءبىر ءۇيلى جانداي ەتەنە بولىپ، ءبىر ماقساتپەن سەلبەسىپ دامۋعا ۇمتىلدى، ول ۇلتتار ىنتىماعىنىڭ ۇلگىسى، بايۋدىڭ باستاماشىسى، سونداي - اق شينجياڭداعى ەرەكشە ورمان جەمىس جالپىلاستىرۋشىسى.
”قاي جەرگە بارسام، ۇلتتار ىنتىماعى حيكاياسىن سول جەردە ايتامىن“
1991 - جىلى 21 جاستاعى يوۋ لياڭيىڭ چۇڭچيڭنەن شينجياڭعا تۋىسىنا ارقا سۇيەي كەلىپ، سودان باستاپ شەكارا وڭىرگە تامىر تارتتى.
ەندى عانا شينجياڭعا كەلگەندە ادامدار مەن جەرگە ۇيلەسە الماي توتەنشە جاپالى تۇرمىس كەشىردى. ول جەرگىلىكتى بۇقاراعا ىلەسىپ ماقتا ەگۋدى، شىلان ەگۋدى ۇيرەندى، ەڭبەكشىل دە ىسكەر بولعاندىقتان، كوپ وتپەي بايۋ باستاماشىسىنا اينالدى.
2005 - جىلى گۇما اۋدانىنىڭ ديقانى مامەتتۇرىپ مۇساق ەرلى - زايىپتىلار يوۋ لياڭيىڭنىڭ جەرىنە كەلىپ ماقتا تەرىپ، ونىمەن تانىستى. وسىدان باستاپ يوۋ لياڭيىڭ 10 جىلدى ءبىر كۇندەي وتكىزىپ، وسى قيىنشىلىعى بار وتباسىنا كومەكتەستى. ول مامەتتۇرىپقا ماقتا ەگۋدى، جەمىس اعاشىن ەگۋدى ۇيرەتتى، ىلگەرىندى - كەيىندى 200 مىڭ يۋاننان استام اقشا قارىز بەرىپ، ولاردىڭ ءوندىرىستى دامىتۋىنا كومەكتەستى، اقىرىندا ءبىر ءۇيلى جان بايۋ جولىنا ءتۇستى.
يوۋ لياڭيىڭ مەن مامەتتۇرىپ اپەكەلى - باۋىر بولدى، ەكى وتباسىنداعىلاردىڭ تالاي جىل ءوزارا كومەكتەسكەن، بەرەكە - بىرلىكپەن دوستاسقان حيكاياسى بار الاپقا تارالدى.
مامەتتۇرىپقا كومەكتەسۋدەن بۇگىنگى اناعۇرلىم كوپ ءار ۇلت باۋىرلاستارعا كومەكتەسۋگە دەيىن، يوۋ لياڭيىڭ باستان - اياق ۇلتتار ىنتىماعى ءىسىن كوكەيىنەن شىعارمادى. وسى 2 جىلدا ول اۋىل - قىستاقتارعا ىشكەرىلەي كىرىپ، 500 رەتتەن استام ۇلتتار ىنتىماعى ۇگىت لەكسياسىن جاساپ، بارلىق جەرگە ۇلتتار ىنتىماعىنىڭ تۇقىمىن سەپتى.
”قاي جەرگە بارسام، ۇلتتار ىنتىماعى حيكاياسىن سول جەردە ايتامىن. ءار ۇلت حالقى اناردىڭ دانىندەي تىعىز ۇيىسقاندا عانا، اناعۇرلىم كوركەم بولاشاققا جەتە الامىز“، - دەدى يوۋ لياڭيىڭ.
”كوپشىلىكتىڭ بايۋ جولى، ءسوزسىز، بارعان سايىن كەڭەيە تۇسەدى“
ەڭ العاشىندا باسقالارعا كومەكتەسىپ جەر باسقارۋدان ءوزى جەردى كوتەرەگە الىپ تيجارات جۇرگىزۋگە دەيىن يوۋ لياڭيىڭ ەڭبەكشىلدىگى مەن پاراساتىنىڭ ارقاسىندا تاماشا تۇرمىس وتكىزدى.
اناعۇرلىم كوپ اۋىلداستارىن بايۋعا جەتەكتەۋ ءۇشىن، 2016 - جىلى يوۋ لياڭيىڭ جۇرەكتىلىكپەن ءوزى ماركا شىعارىپ، بازارعا بەت الدى، شىلاندى دامىتۋدىڭ جاڭا جولىن قاراستىرىپ، ءوزى تۇرعان بيڭتۋان 1 - شى 13 - تۋانىنداعى 16 جۇمىسشى - قىزمەتكەرمەن بىرلەسىپ، ارال قالاسى بيانجياڭحۇڭ جەمىس - جيدەك كاسىپتىك سەلبەستىك كووپەراتيۆىن قۇرىپ، ”يوۋلياڭيىڭ“ ساۋدا ماركاسىن تىركەۋگە الدىرىپ، ”قايىرىمدى جان، اق كوڭىل، تاماشا جەمىس“ سىندى سوزدەر ارقىلى ماركانىڭ مادەنيەتتىك مانىنە تۇسىنىك بەردى، ”يوۋزاۋ“ وسىلايشا دۇنيەگە كەلدى.
تالاپتى ەرگە نۇر جاۋار دەگەندەي، ساراپتالعان ساپاسىنىڭ ارقاسىندا، ”يوۋزاۋ“ ماركاسى ەلگە تانىلىپ، ساتىلۋ مولشەرى كۇرت جوعارىلادى. كاسىپتىك سەلبەستىك كووپەراتيۆىنىڭ مۇشەسى ەڭ باستاپقى 16 ادامنان قازىرگى 1700 ادامعا كوبەيدى.
”ءبىزدىڭ شىلاننىڭ ساپاسى جاقسى، ەل ماقتاۋىنا بولەنگەن، بۇكىل ەل بازارىنىڭ مويىنداۋىنا يە بولدى، كوپشىلىكتىڭ بايۋ جولى، ءسوزسىز، بارعان سايىن كەڭەيە تۇسەدى“، - دەدى يوۋ لياڭيىڭ تولىق سەنىممەن.
2020 - جىلى 4 - ايدا يوۋ لياڭيىڭنىڭ باستاماشىلدىعىمەن ارال قالاسى ۋاننۇڭ جەمىس - جيدەك ەگىمشىلىگى شارۋالار كاسىپتىك سەلبەستىك كووپەراتيۆىنىڭ بىرلەسكەن كووپەراتيۆى قۇرىلىپ، الما، المۇرت، ءجۇزىم، جۇقا قابىقتى جاڭعاق، اعاش باسىندا كەپتىرىلگەن ورىك سياقتى كوپتەگەن شينجياڭ ەرەكشەلىگىنە يە اۋىل شارۋاشىلىق ونىمدەرىن شوعىرلاندىرىپ، تيجارات قۋاتى ەسەلەپ ارتتى. ”قازىر 400دەن استام ادام بىرلەسكەن كووپەراتيۆكە قوسىلىپ، ەگىمشىلىك كولەمى 15 مىڭ مۋدان استى. مەن وسى قوسىندى ۇزدىكسىز دامىتىپ، زورايتىپ، اناعۇرلىم كوپ ادامعا كومەكتەسكىم كەلەدى“، - دەدى يوۋ لياڭيىڭ.
”اناعۇرلىم كوپ ادامنىڭ شينجياڭ ەرەكشەلىگىندەگى اۋىل شارۋاشىلىق ونىمدەرىن ۇناتۋىنا مۇمكىندىك جاسايمىن“
سوڭعى بىرنەشە جىلدا تىكە تاراتۋدا تاۋار تانىستىرۋ داۋىرلەۋىمەن يوۋ لياڭيىڭنىڭ تيجارات وي جەلىسى دە ىلەسە وزگەردى. وتكەن جىلى ول تاۋباۋ، دوۋيىن قاتارلى تۇعىرلاردا تىكە تاراتۋدى باستاپ، سەلبەستىك كووپەراتيۆى وندىرگەن ەرەكشە اۋىل شارۋاشىلىعى ونىمدەرىنىڭ ەلەكتروندىق ساۋدا ارقىلى قىرۋار وتباسىنا جەتۋىنە مۇمكىندىك جاسادى.
”تىكە تاراتۋ بولمەسىنىڭ بەدەلى ەڭ جوعارى بولعاندا، تاماشالاۋشىلار ادام - رەت سانى 740 مىڭعا جەتتى؛ ەڭ دابىرالى بولعاندا، ءبىر ساعاتتا 18.5 توننا شىلان ساتىلدى؛ بيىل كوكتەم مەرەكەسى تۇسىندا، ساتىلۋ جالپى سوماسى 30 ميلليون يۋان بولدى“، - دەدى يوۋ لياڭيىڭ ماقتانىشپەن.
يوۋ لياڭيىڭنىڭ ۋيچات دوستار شەڭبەرىن اشساڭىز، كوپتەگەن سۋرەت جانە بەينەجازبا تۋىندىلارىن كورەسىز: بىردە شىلان ورمانى اراسىندا جەمىس باپتاپ جۇرسە، ەندى بىردە اتىزعا داقىل ەكتى، تاعى بىردە ءجۇزىم سورەسى استىندا ءجۇزىمنىڭ ءوسۋ جاعدايىن تانىستىردى... اپپارات كوزىندەگى يوۋ لياڭيىڭ ەگىنجايدا، اتىز باسىندا جۇرسە دە، قاراپايىم دا ىقىلاستى پەيىلىنەن تانعان ەمەس.
بيىل سەلبەستىك كووپەراتيۆى ۇيىمداستىرعان شىلان اعاشىن باپتاۋعا الۋ قيمىلى تىپتەن كوپتەگەن جاڭا قاريدارلاردى باۋرادى. قازىر بۇكىل ەلدىڭ جەر - جەرىندەگى 60 مىڭعا جۋىق ادام سەلبەستىك كووپەراتيۆىمەن باپتاۋعا الۋ كەلىسىمىنە كەلىستى.
وسى بىرنەشە جىلدا يوۋ لياڭيىڭ ىلگەرىندى - كەيىندى مەملەكەتتىك 8 - ناۋرىز قىزىلتۋشىسى، مەملەكەتتىك 1 - مامىر ەڭبەك وردەنىنىڭ يەگەرى، ۇلتتار ىنتىماعى، العاباسارلىعىنداعى مەملەكەتتىك ۇلگىلى جەكە سياقتى داڭقتارعا يە بولدى، الايدا ول داڭقتىڭ ار جاعىنداعى جاۋاپكەرشىلىك پەن بورىشتى باستان - اياق ۇمىتقان جوق. ”مەن ونىمدەردىڭ ساپاسىن ونان ارى جوعارىلاتىپ، بۇكىل ەلدىڭ جەر - جەرىندەگى ادامداردىڭ شينجياڭنىڭ ەرەكشە اۋىل شارۋاشىلىق ونىمدەرىن ۇناتۋىنا، كورىكتى شينجياڭدى ۇناتۋىنا مۇمكىندىك جاسايمىن، بۇل مەنىڭ ەڭ ۇلكەن تىلەگىم“، - دەدى ول.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
