- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«كومپيۋتەر باستى» ادامعا اينالىپ قالمايىق
نۇرعيسا قۇرمانجان ۇلى
2015.04.29 10:50 كەلۋ قاينارى : حالىق تورابى
قازىر قوعامدى «عالامتور ىندەتى» جايلاپ العانى سونشا، جۇمىس باسىندا دا، تاماق ۇستىندە دە، ۇيىقتار الدىندا دا قولفوندى تاستامايتىن بولدىق. ءتۇرلى ينفورماتسيالار اعىنى ءبىزدىڭ ءوز جەتەگىنە الىپ، «ايتقانىنا كوندىرىپ، ايداعانىنا جۇرگىزەتىن» حالگە جەتتى. عالامتوردا ءبارى اقىلدى، ومىردەن قورىتقانىن جازادى، بارىنە امالسىز باس شۇلعيمىز، ءبارى دۇرىس ايتادى. ءبىراق، ەڭ سوڭىندا كىمگە سەنەرىمىزدى بىلمەي دال بولامىز. شىن مانىندە، ارتىقشا قابىلداعان ينفورماتسيانىڭ ادامعا بەرەر پايداسىنان زالالى كوپ.
بەلگىلى ا ق ش پروفەسسورى «بولاشاق الەم قانداي ادامدارعا تاۋەلدى» دەگەن سۇراۋعا: عالامتورعا از شىعاتىن نەمەسە شىقپايتىن، كىتاپ وقۋمەن، زەرتتەۋمەن اينالىساتىندار بولاشاق قوعامنىڭ قوجاسى بولادى، - دەپ جاۋاپ بەرگەن ەكەن. بۇگىنگى ينفورماتسيالار تاسقىنىندا «ارتىق ءبىلىم باس جاراتىن» بولىپ تۇر، ارينە، بۇل جەردەگى ءبىلىم دەپ وتىرعانىمىز دا ءوزىنىڭ تۋرا ماعىناسىندا ەمەس، ناعىز ءبىلىم كوپتىك ەتپەيدى. ادامنىڭ زەيىن – زەردەسى شەكتى، ونى قالاي ءونىمدى پايدالانۋ وزىمىزگە بايلانىستى، كەيبىر اقپاراتتارعا سەنسەك، نوبەل سيلىعىن العان كوپتەگەن عالىمدار دا ءوزى زەرتتەگەن سالادان الەمگە ايگىلى جاڭالىقتار اشقانمەن، باسقا سالالارعا، ءتىپتى كۇندەلىك تۇرمىستاعى بىلىمدەرگە كەلگەندە قاراپايىم ادامدارمەن ۇقساس، ءتىپتى بىلەتىنى ولاردان دا از بولىپ شىعادى. ولاردىڭ تابىسقا جەتۋىنىڭ سىرى دا، ينفورماتسيانى تالعاممەن، سارالاپ قابىلداۋىنان بولسا كەرەك.
قازاقتىڭ شوقتىعى بيىك اقىنى مۇحتار شاحانوۆ ايتقان «كومپيۋتەر باستى ادامدار» راسىندا رەالعا اينالىپ كەلە جاتقانىن مويىنداماسقا شاراسىزبىز. بۇگىن نە ىستەسەك تە، ابىزداردان اقىل سۇراعانداي، عالامتورداعى كەڭەستەرگە جۇگىنەتىن بولدىق. ەلدىڭ نە ويلاپ، نە ىستەپ جاتقانىنا قاراپ، ءوزىمىزدى باعالايتىنعا جەتتىك. قاشان دا وزىمىزدىكى قاتە، ەلدىڭ ىستەگەنى ءمىنسىز سەزىلەتىن بولدى. بۇل ءبىزدىڭ وزىمىزگە دەگەن سەنىمدىلىكتەن ايرىلىپ، ءبارىن عالامتوردان ىزدەيتىن، جەڭىلىنە جۇگىرەتىن «جالتاقويلىققا» تاربيەلەنىپ كەلە جاتقانىمىزدىڭ بەينەسى. ءار ءىستى ءوزىڭ ويلانىپ، وزىڭە دەگەن سەنىمدى جەتىلدىرۋ بارىنەن ماڭىزدى، قازاقتىڭ «كىسى اقىلىمەن باي بولعانشا، ءوز اقىلىڭمەن جارلى بول» دەگەن ماقالى دا وسىعان قاراتىلسا كەرەك.
ارينە، بار جاماندىقتىڭ باستاۋى عالامتور دەۋدەن اۋلاقپىز، عالامتور بىلگەنگە عالامات، عالامتور ادامزاتتىڭ جاڭا داۋىرگە اياق باسىپ، ينفورماتسيالىق شەكتەمەلەردەن اتتاپ وتكەن ءىرى تەحنيكالىق جەتىستىگى، عالامتوردىڭ ادامزاتتى 3 – رەتكى ونەركاسىپ توڭكەرىسىنە جەتەلەيتىنى ايتىلىپ ءجۇر، ول عالامات تەزدىگىمەن ادامزاتتىڭ ويلاۋ جۇيەسىنە، تۇرمىس تاسىلىنە وزگەرىس الا كەلدى، جاھاندانۋدىڭ اياق الىسىن تەزدەتتى.
بۇگىن ءبىزدىڭ الدىمىزعا قويىلعان ماسەلە عالامتوردان قالاي پايدالانۋ بولىپ وتىر. بۇكىل جان – تانىمىزبەن ۆيرتۋالدى الەمگە بەرىلىپ، «مۇرنىن تەسكەن وگىزدەي» جەتەگىنە جۇرەمىز بە، جوق، ونى ءوز قاجەتىمىز ءۇشىن پايدالانىپ، شىنايى ومىردەگى قولقاناتىمىز، قاجەتتى ينفورماتسيالارمەن قامدايتىن اقىل كوزىمىز رەتىندە قولدانامىز با. تالعام ارينە وزىمىزدە. ەندەشە، بۇل ماسەلەنىڭ ماڭىزدىلىعىن تانىپ جەتەيىك، كۇن سايىن شەكتى زەيىن – زەردەمىزدى ءتۇرلى قاجەتسىز ينفورماتسيالارعا جاۋلاتپاي، عالامتور الەمىنەن وزىمىزگە قاجەتتى ينفورماتسيالار مەن اقپاراتتاردى الىپ، «كومپيۋتەر باستى» ادامعا اينالىپ قالۋدان ساقتانايىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
