شي جينپيڭ كۋبانىڭ مەملەكەت ءتوراعاسى دياس - كانەلمەن تەلەفوندا سويلەستى
2021.08.31 14:38
شينحۋا اگەنتتىگى، 8 - ايدىڭ 30 - كۇنى، بەيجيڭ. مەملەكەت ءتوراعاسى شي جينپيڭ 8 - ايدىڭ 30 - كۇنى كۋبانىڭ مەملەكەت ءتوراعاسى دياس - كانەلمەن تەلەفوندا سويلەستى.
دياس - كانەل راۋل كاسترو جولداستىڭ شي جينپيڭگە جولداعان ىقىلاستى سالەمىن جەتكىزدى ءارى كۋبانىڭ تاياۋ مەزگىلدەگى ىشكى جاعدايىن حابارلاندىردى. شي جينپيڭ دياس - كانەلگە راۋل جولداسقا ىقىلاستى سالەمىن جەتكىزۋدى تاپسىردى.
شي جينپيڭ بىلاي دەپ اتاپ كورسەتتى: كۋبا كوممۋنيستىك پارتياسىنىڭ پارمەندى باسشىلىعىندا كۋباداعى جولداستار وكتەمدىك ۇقىقتان قورىقپاي، تىزە بۇكپەي، توڭكەرىستىڭ جەتىستىكتەرىن پارمەندى قورعادى. تاريحتان قاراعاندا، سوتسياليزم ىستەرى اۋەلدەن ءبىر جولدا ءساتتى بولا بەرمەگەن. كوممۋنيستەر كۇرەس بارىسىندا باستان - اياق ءومىر سۇرۋگە، دامۋعا، جەڭىسكە قول جەتكىزۋگە تالپىندى. جۇڭگو جاق باستان - اياق بىلاي دەپ قارايدى: ءار ەلدىڭ قوعامدىق دامۋ جولىن دەربەس تاڭداۋ ۇقىعىنا قۇرمەت ەتۋ، باسقا ەلدەرگە سىڭار جاقتى جازا قولدانۋعا، سىرتقى كۇشتەردىڭ باسقا ەلدەردىڭ ىشكى ىسىنە كيلىگۋىنە قارسى تۇرۋ كەرەك. جۇڭگو كۋبانىڭ ءوز ەلىنىڭ جاعدايىنا ۇيلەسەتىن دامۋ جولىمەن ءجۇرۋىن، گۇلدەنگەن، باياندى سوتسياليزم قۇرۋىن، كۋبانىڭ مەملەكەتتىڭ يەلىك ۇقىق حاۋىپسىزدىگىن قورعاۋ، وكتەمدىك ۇقىققا كيلىگۋگە قارسى تۇرۋ سىندى ادىلەتتى كۇرەسىن بۇرىنعىداي قولدايدى. جۇڭگو جاق كۋبانىڭ ىندەتكە قارسى اتتانۋىنا، حالىق تۇرمىسىن جاقسارتۋىنا شاماسىنىڭ جەتىسىنشە ۇزدىكسىز كومەكتەسەدى جانە قولداۋ كورسەتەدى. كۋبانىڭ سوتسياليزم ىستەرىنىڭ جاڭا دامۋىن جۇزەگە اسىراتىنىنا سەنەمىن.
شي جينپيڭ بىلاي دەپ دارىپتەدى: ەكى پارتيانىڭ، ەكى ەلدىڭ ءار داۋىردەگى باسشىلارىنىڭ دەن قويا باۋلۋىندا جانە بار كۇشپەن ىلگەرىلەتۋىندە، جۇڭگو - كۋبا قاتىناسى ۇزاق ۋاقىتتان بەرى بەكەمدەلىپ، وركەندەپ كەلە جاتقان ەلدەردىڭ ىنتىماقتاسا سەلبەسۋىنىڭ ۇلگىسىنە اينالدى. جاعداي قالاي وزگەرسە دە، جۇڭگونىڭ جۇڭگو مەن كۋبانىڭ ۇزاق ۋاقىتتىق دوستىق باعىتىندا تاباندى بولۋى وزگەرمەيدى، جۇڭگو مەن كۋبانىڭ ءار سالاداعى سەلبەستىگىن تەرەڭدەتۋ تىلەگى وزگەرمەيدى، كۋبامەن سوتسياليزمنىڭ جولداسى، بىرگە داميتىن جاقسى سەرىگى، ىندەتكە قول ۇستاسا قارسى اتتاناتىن جاقسى ۇلگىسى، ستراتەگيالىق جاقتان سەلبەسكەن جاقسى جاۋىنگەر سەرىگى بولۋدى قالايدى. جۇڭگو كۋبامەن جوعارى جىكتەگىلەردىڭ بارىس - كەلىسىن جيىلەتىپ، پارتيانى، مەملەكەتتى جونگە سالۋداعى اۋىس - كۇيىستى، ءوزارا ۇلگى الۋدى كۇشەيتىپ، ىندەتكە قارسى اتتانۋ سەلبەستىگىن تەرەڭدەتىپ، ناقتى سەلبەستىكتى جەبەپ، جۇڭگو - كۋبا قاتىناسىنىڭ اناعۇرلىم زور دامۋىن ىلگەرىلەتۋدى قالايدى. ەكى جاق حالىقارالىق جانە كوپ جاقتى ورىنداردا ستراتەگيالىق سەلبەستىكتى نىعايتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك. جۇڭگو حالىقارادا كۋبا ءۇشىن ءۇرتىس ءادىل ءسوز سويلەپ، ادىلەتتى ءىس بىتىرەدى.
دياس - كانەل مىنانى ءبىلدىردى: جۇڭگونىڭ ۇزاق ۋاقىتتان بەرى كۋباعا قاستەرلى قولداۋ كورسەتكەنىنە، سونىڭ ىشىندە كۋبانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋى ءۇشىن ىندەتكە قارسى اتتانۋ زاتتارىمەن قامداعانىنا العىس ايتامىن، بۇل كۋبا مەن جۇڭگونىڭ تۋىسقاندىق دوستىعىن ايگىلەدى. كۋبا سوتسياليزم جولىمەن باتىل جۇرەدى، جۇڭگومەن پارتيالار ارا بارىس - كەلىستى، اۋىس - كۇيىستى جانە ءار سالاداعى ناقتى سەلبەستىكتى كۇشەيتىپ، سوتسياليزم ىستەرى مەن كۋبا - جۇڭگو قاتىناسىنىڭ دامۋىن بىرگە ىلگەرىلەتۋدى قالايدى. كۋبا جۇڭگومەن كوپ جاقتى سەلبەستىكتى تەرەڭدەتىپ، زورەكەرلىككە، وكتەمدىك ساياسيعا بىرگە قارسى تۇرۋدى، ىندەتتى ساياسيلاندىرىپ، اتقا داق سالۋعا قارسى تۇرۋدى قالايدى. كۋبا ءبىر جۇڭگو ساياساتىن باتىل اتقارادى، جۇڭگونىڭ ىشكى ىسىنە كيلىگۋگە قارسى تۇرادى، جۇڭگونىڭ تايۋانعا، شينجياڭعا، ت. ب. ساياتىن وزەكتى مۇددە ماسەلەسىندەگى تۇرعىسىن ۇزدىكسىز باتىل قولدايدى. كۋبا لاتىن امەريكاسىنىڭ جۇڭگومەن قاتىناسىن جەبەۋدە بەلسەندى رول اتقارۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
