شي جينپيڭ ەكۆادوردىڭ زۇڭتۇڭى لاسسومەن تەلەفوندا سويلەستى
2021.08.31 14:39 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 30 - كۇنى، بەيجيڭ. مەملەكەت ءتوراعاسى شي جينپيڭ 8 - ايدىڭ 30 - كۇنى ەكۆادوردىڭ زۇڭتۇڭى لاسسومەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگو مەن ەكۆادور ءبىرىن - ءبىرى قولداپ، تار جول، تايعاق كەشۋلەردەن بىرگە ءوتىپ، ەكى ەل حالىقتارىنىڭ تەرەڭ دوستىعىن ايگىلەدى. جۇڭگو ەكۆادور جاقتىڭ جۇڭگومەن قاتىناسىن دامىتۋعا ايرىقشا ءمان بەرگەنىن القايدى. دۇنيە جۇزىندەگى 100 جىلدىق وزگەرىس جاعدايى مەن عاسىرلىق ىندەت توعىسقان كۇردەلى جاعداي الدىندا جۇڭگو مەن ەكۆادور جالپى بەتتىك ستراتەگيالىق سەرىكتەر رەتىندە ەكى ەل قاتىناسىنا ستراتەگيالىق جانە ۇزاق بولاشاقتىق تۇرعىدان مامىلە جاساپ جانە ونى دامىتىپ، ءوزارا ۇزدىكسىز قولداۋ كورسەتىپ، سايكەسىپ، جۇڭگو مەن ەكۆادوردىڭ ءداستۇرلى دوستىعىن ۇزاق ۋاقىت جاڭالاپ، جۇڭگو مەن ەكۆادور قاتىناسىن وركەندەپ كەلە جاتقان ەلدەردىڭ سەلبەستىك ۇلگىسىنە اينالدىرۋى كەرەك. جۇڭگو ەكۆادور جاقتىڭ ىندەتكە قارسى اتتانۋىنا ۇزدىكسىز قولداۋ كورسەتىپ جانە كومەكتەسىپ، ەكۆادور جاقپەن ءتۇرلى فورماداعى ىندەتكە قارسى تۇرۋ، ۆاكسينا سەلبەستىگىن ورىستەتۋدى قالايدى. ەكى جاقتىڭ بىرگە قۇلشىنۋىندا جۇڭگو - ەكۆادور قاتىناسىنىڭ اناعۇرلىم زور دامۋشىلىقتارعا قول جەتكىزەتىنىنە سەنەمىن.
شي جينپيڭ مىنانى دارىپتەدى: ەكۆادور − جۇڭگونىڭ «ءبىر بەلدەۋ، ءبىر جولدى» بىرگە قۇرۋداعى ماڭىزدى سەلبەستىك سەرىگى، ەكى جاق نەگىزدىك قۇرىلعى، ەنەرگيا، كەن ونىمدەرى، فينانس سياقتى ءداستۇرلى سالالارداعى سەلبەستىكتە سۇبەلى تابىستارعا قول جەتكىزدى. جۇڭگو ەكونوميكاسى جاڭا دامۋ كەزەڭىنە ءوتتى، اناعۇرلىم اشىق، اناعۇرلىم ومىرشەڭدىك كۇشكە يە بولادى، بۇل ەكۆادور سياقتى ەلدەرگە جاڭا وراي اكەلەدى. جۇڭگو ەكۆادور جاقتىڭ يمپورت كولەمىن كەڭەيتىپ، ەكى جاقتىڭ ساۋدا مەن قارجى قوسۋدىڭ ەركىندەنۋ، قولايلىلانۋ دەڭگەيىن جوعارىلاتىپ، سالاماتتىق، سان - سيفر، جاسىل جىبەك جولى سياقتى جاڭا ارتۋ تۇيىندەرىن جەتىلدىرىپ، ءتىپتى دە كوپ ناقتى سەلبەستىك جەتىستىكتەرىن جاراتىپ، ەكى ەل حالىقتارىنا ءتىپتى دە زور باقىت جاراتۋدى قالايدى. جۇڭگو ەكۆادور جاقپەن كوپ جاقتى ىستەردەگى تىلدەسۋدى، سايكەسۋدى كۇشەيتىپ، حالىقارالىق ادىلدىك پەن ادىلەتتىلىكتى جانە وركەندەپ كەلە جاتقان ەلدەردىڭ ورىندى ۇقىق - مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
لاسسو مىنانى ءبىلدىردى: مەن ەكۆادور ۇكىمەتى مەن حالقى اتىنان جۇڭگو كوممۋنيستىك پارتياسى قۇرىلعانىنىڭ 100 جىلدىعىن تاعى ءبىر رەت قىزۋ قۇتتىقتايمىن، جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، كەدەيلىكتەن ارىلتۋ جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سياقتى ماسەلەلەردە ۇلى تابىستارعا قول جەتكىزگەنىن قۇتتىقتايمىن. جۇڭگو جاق قامداعان ۆاكسينا ەكۆادور جاقتىڭ ىندەتكە قارسى اتتانۋىنا اسا ماڭىزدى قولداۋ كورسەتتى، ەكۆادور حالقى بۇعان العىس ايتادى، ۇمىتپايدى. ەكۆادور ىندەتتى ساياسيلاندىرىپ، اتقا داق سالۋعا قارسى تۇرادى، جۇڭگومەن ۆاكسينا سەلبەستىگىن ۇزدىكسىز تەرەڭدەتۋدى ءۇمىت ەتەدى. ەكۆادور جۇڭگونى ەڭ ماڭىزدى جالپى بەتتىك ستراتەگيالىق سەرىك دەپ قارايدى، اناعۇرلىم كوپ جۇڭگو كاسىپورىندارىنىڭ ەكۆادورعا بارىپ قارجى قوسىپ، سەلبەستىك جاساۋىن قارسى الامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
